ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

ԼՂՀ կառավարության 2004 թվականի դեկտեմբերի 21-ի թիվ 515 որոշման մեջ լրացում և փոփոխություն կատարելու մասին

Լեռնային Ղարաբաղի Հանրապետության կառավարությունը որոշում է.

ԼՂՀ կառավարության 2004 թվականի դեկտեմբերի 21-ի «ԼՂՀ ոստիկանության կառուցվածքը և աշխատողների առավելագույն թիվն ու ղեկավարի տեղակալների թիվը հաստատելու մասին» թիվ 515 որոշման մեջ (ԼՂՀ կառավարության 2004 թվականի դեկտեմբերի 30-ի թիվ 536 որոշման խմբագրությամբ) կատարել հետևյալ լրացումը և փոփոխությունը.

ա) որոշման 2-րդ կետը շարադրել հետևյալ խմբագրությամբ.

2. ա) «ԼՂՀ ոստիկանության հատուկ նշանակության ծառայությունը իր հաստիքներով (50 միավոր) տեղափոխել ԼՂՀ Ազգային անվտանգության ծառայության կառուցվածքը», իսկ Ազատամարտիկների 33-ա փողոցի վրա գտնվող շենքը (գնահատված արժեքը՝ 52978.6 հազ. դրամ) և ունեցվածքը (համաձայն հավելվածի) վերցնել ԼՂՀ ԱԱԾ հաշվեկշիռ.

բ) Ստեփանակերտի քաղաքապետարանին՝ ԼՂՀ օրենսդրությամբ սահմանված կարգով շենքի և շինությունների տակ զբաղեցված հողամասը հատկացնել ԼՂՀ ԱԱԾ-ին.

գ) ԼՂՀ կառավարությանն առընթեր ազգային անվտանգության ծառայությանը՝ մեկամսյա ժամկետում ԼՂՀ օրենսդրությամբ սահմանված կարգով իրականացնել շենքի և զբաղեցված հողամասի նկատմամբ գույքային իրավունքների պետական գրանցումը:

բ) որոշման 2-րդ և 3-րդ կետերը համարել համապատասխանաբար 3-րդ և 4-րդ կետեր: