ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը որոշում է.

1. Հաստատել`

ա/ Լեռնային Ղարաբաղի Հանրապետության առանձին խմբերի քաղաքացիներին տրվող արտոնությունների ցանկը (կցվում է).

բ/ Լեռնային Ղարաբաղի Հանրապետության առանձին խմբերի քաղաքացիներին արտոնությունների համար դրամական փոխհատուցումներ տալու կարգը (կցվում է):

2. Սահմանել առանձին խմբերի քաղաքացիներին Լեռնային Ղարաբաղի Հանրապետությունում ներքաղաքային (միայն ներքաղաքային տրանսպորտ ունեցող քաղաքներում բնակվողներին) ներհանրապետական և միջհանրապետական ուղևորատար տրանսպորտի բոլոր տեսակներով անկախ սեփականության ձևից (բացի տաքսիից), երթևեկելու, էլեկտրաէներգիայի, գազի, ջեռուցման, ջրամատակարարման, ջրահեռացման, աղբահանման, ինչպես նաև հեռախոսի (միայն բաժանորդ հանդիսացող) բաժանորդային վարձի վճարման արտոնությունների համար տրվող դրամական փոխհատուցումների չափերը (կցվում է):

3. Սահմանել, որ եռամսյակը մեկ ԼՂՀ պետական բյուջեով արտոնությունների համար նախատեսված միջոցներից` ԼՂՀ տնտեսական և կառուցվածքային բարեփոխումների նախարարի և ԼՂՀ ֆինանսների նախարարության կողմից սահմանված կարգով.

ա) կապի ծառայություն մատուցող ձեռնարկություններին (ընկերություններին) կհատուցվեն առանձին խմբերի քաղաքացիների համար հեռախոսի անվճար տեղադրման հետևանքով առաջացած վնասները, համաձայն ներկայացված հաշվետվությունների.

բ) տրանսպորտի ծառայություն մատուցող ձեռնարկություններին (ընկերություններին) կհատուցվեն զինծառայողներին արձակուրդի անցկացման վայր մեկնելիս միջքաղաքային ուղևորատար տրանսպորտի բոլոր տեսակներով` անկախ սեփականության ձևից (բացի տաքսիից) անվճար, իսկ նրանց ուղեկցող ընտանիքի անդամներին` 50 տոկոս զեղչով սպասարկումից ստացած վնասները, համաձայն ներկայացված հաշվետվությունների:

4. Լեռնային Ղարաբաղի Հանրապետության ֆինանսների նախարարությանը` ԼՂՀ պետական բյուջեով արտոնությունների համար նախատեսված դրամական փոխհատուցումների գումարը սահմանված կարգով հատկացնել Լեռնային Ղարաբաղի Հանրապետության պետական կենսաթոշակային հիմնադրամին:

5. Ուժը կորցրած ճանաչել ԼՂՀ կառավարության 1998թ. դեկտեմբերի 29-ի թիվ 284 որոշումը:

6. Սույն որոշումը ուժի մեջ է մտնում 2000 թվականի հունվարի 1-ից:

(Ցանկը փոփ. 30.07.2004 N 281)

1. Սույն կարգով սահմանվում է առանձին խմբերի քաղաքացիներին Լեռնային Ղարաբաղի Հանրապետության օրենսդրությամբ սահմանված արտոնությունների համար դրամական փոխհատուցումներ (այսուհետև փոխհատուցում) տալու կարգը:

2. Փոխհատուցումը տրվում է դրա իրավունքն ունեցող քաղաքացիներին կամ նրանց օրինական ներկայացուցիչներին:

3. Փոխհատուցում չի տրվում պետության լրիվ խնամքի տակ գտնվող անձանց:

4. Եթե ընտանիքում կան փոխհատուցում ստանալու իրավունք ունեցող մեկից ավելի անդամներ, ապա փոխհատուցումը տրվում է նրանցից յուրաքանչյուրին:

Միայն չաշխատող կենսաթոշակառուներից կազմված ընտանիքի յուրաքանչյուր անդամին տրվում է փոխհատուցում:

5. Միաժամանակ մի քանի փոխհատուցման իրավունք ունեցող անձին տրվում է առավել բարձր չափի մեկ փոխհատուցում:

6. Առանձին խմբերի քաղաքացիներին Լեռնային Ղարաբաղի Հանրապետությունում ներքաղաքային (միայն ներքաղաքային տրանսպորտ ունեցող քաղաքներում բնակվողներին) ներհանրապետական և միջհանրապետական ուղևորատար տրանսպորտի բոլոր տեսակներով անկախ սեփականության ձևից (բացի տաքսիից), երթևեկելու, էլեկտրաէներգիայի, գազի, ջեռուցման, ջրամատակարարման, ջրահեռացման, աղբահանման, ինչպես նաև հեռախոսի (միայն բաժանորդ հանդիսացող) բաժանորդային վարձի վճարման արտոնությունների համար տրվող դրամական փոխհատուցումները վճարվում են կենսաթոշակների վճարմանը զուգահեռ:

7. Սույն կարգի 10,11,12-րդ կետերում նշված անձանց փոխհատուցումը տրվում է այդ իրավունքն առաջանալու ամսվանից, եթե քաղաքացին անհրաժեշտ փաստաթղթերը ներկայացրել է փոխհատուցման իրավունքն առաջանալուց հետո 6-ամսյա ժամկետում: Նշված ժամկետը լրանալուց հետո փոխհատուցումը տրվում է դիմումն անհրաժեշտ փաստաթղթերի հետ միասին ներկայացնելու ամսվանից:

8. Փոխհատուցման իրավունք ունեցող առանձին խմբերի քաղաքացիների փոխհատուցումը տալիս է ԼՂՀ պետական կենսաթոշակային հիմնադրամը:

9. Փոխհատուցման իրավունք ունեցող, կենսաթոշակ չստացող քաղաքացիներին փոխհատուցումը տրվում է բնակության վայրի` Լեռնային Ղարաբաղի Հանրապետության պետական կենսաթոշակային հիմնադրամի տարածքային կենտրոնների կողմից, բացառությամբ սույն կարգի 11-րդ կետում ա/ ենթակետում նշված անձանց:

10. Փոխհատուցման իրավունք ունեցող, կենսաթոշակ չստացող քաղաքացիները դիմումի հետ մեկտեղ պետական կենսաթոշակային հիմնադրամի տարածքային կենտրոն են ներկայացնում հետևյալ փաստաթղթերը.

ա) բռնադատվածները` բռնադատվածի վկայականի պատճեն և տեղեկանք մշտական բնակության վայրի մասին.

բ) Չեռնոբիլի ԱԷԿ-ի վթարի հետևանքով ճառագայթային հիվանդություն ստացածները:

11. Լեռնային Ղարաբաղի Հանրապետության պաշտպանության ժամանակ ծառայողական պարտականությունների կատարման ընթացքում զոհված (մահացած) զինծառայողների (նրանց հավասարեցված անձանց) կենսաթոշակ չստացող ծնողներին և ամուսնուն փոխհատուցում նշանակվում է`

ա/ Լեռնային Ղարաբաղի Հանրապետության պաշտպանության նախարարության կազմակերպազորահավաքային բաժնի կողմից.

բ/ Լեռնային Ղարաբաղի Հանրապետության ներքին գործերի նախարարության և Լեռնային Ղարաբաղի Հանրապետության ազգային անվտանգության պետական վարչության կենսաթոշակային ապահովության կառուցվածքային ստորաբաժանումների կողմից:

Նշված անձինք ներկայացնում են տեղեկանքներ Լեռնային Ղարաբաղի Հանրապետության պաշտպանության ժամանակ ծառայողական պարտականությունների կատարման ընթացքում զինծառայողի զոհվելու (մահանալու) և մշտական բնակության վայրի մասին:

12. Միայնակ չաշխատող կենսաթոշակառուները և միայն չաշխատող կենսաթոշակառուներից կազմված ընտանիքի անդամները դիմումի հետ մեկտեղ ներկայացնում են նաև հայտարարագիր աշխատունակ զավակներ կամ խնամակալներ չունենալու մասին, ինչպես նաև տեղեկանքներ մշտական բնակության վայրի, ընտանիքի կազմի և չաշխատելու մասին:

13. Կենսաթոշակ նշանակող մարմինները փոխհատուցումները վճարում են «Արցախփոստ» ՊՓԲԸ համակարգի ձեռնարկությունների միջոցով` սահմանված կարգով:

14. Ժամանակին չստացված փոխհատուցման գումարը քաղաքացուն միանվագ վճարվում է անցած 3 տարուց ոչ ավելի ժամանակաշրջանի համար:

Փոխհատուցում նշանակող և վճարող մարմնի մեղքով չվճարված փոխհատուցման գումարները վճարվում են առանց ժանկետի սահմանափակման:

15. Քաղաքացու մահվան դեպքում չստացված փոխհատուցման գումարները տրվում են Լեռնային Ղարաբաղի Հանրապետության օրենսդրությամբ սահմանված կարգով:

16. Սահմանված կարգով տրված լրազորագրի հիման վրա փոխհատուցումը կարող է վճարվել միայն 3 ամսվա համար:

17. Փոխհատուցում ստացող քաղաքացու մշտական բնակության վայրի փոփոխման դեպքում փոխհատուցման վճարումը կասեցվում է և դրա վճարումը վերսկսվում է նոր բնակության վայրում` փոխհատուցումը չստացված օրվանից:

18. Կեղծ փաստաթղթեր ներկայացնելու, փոխհատուցման դադարեցման հիմքերը թաքցնելու դեպքերում ավելի վճարված փոխհատուցման գումարը հետ է գանձվում Լեռնային Ղարաբաղի Հանրապետության օրենսդրությամբ սահմանված կարգով:

19. Փոխհատուցման գումարի վճարումը դադարեցվում է հետևյալ դեպքերում

ա) հաշմանդամության խմբի սահմանված ժամկետը լրանալու.

բ) պետության լրիվ խնամքի տակ անցնելու.

գ) քաղաքացու մահվան:

Նշված դեպքերում փոխհատուցման վճարումը դադարեցվում է այդ հանգամանքներն առաջանալու հաջորդ ամսվանից:

20. Փոխհատուցման նշանակման, մերժման, վճարման, կասեցման կամ դադարեցման հետ կապված փաստաթղթերը պահվում են կենսաթոշակ նշանակող մարմիններում:

21. Փոխհատուցումների նշանակման և վճարման կապակցությամբ առաջացած վեճերը լուծվում են վերադասության կամ դատական կարգով:

             (փոփ. 30.07.2004 N 281)