ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՀՈՒԼԻՍԻ 26-Ի N 509-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2011 թվականի հուլիսի 26-ի «Լեռնային Ղարաբաղի Հանրապետության պետական բյուջեի միջոցների հաշվին առողջարանային բուժման և հանգստյան տների ուղեգրերի ձեռքբերման և դրանք քաղաքացիներին հատկացնելու կարգերը հաստատելու և Լեռնային Ղարաբաղի Հանրապետության կառավարության 2008 թվականի մարտի 18-ի N 228 որոշումն ուժը կորցրած ճանաչելու մասին» N 509-Ն որոշման մեջ կատարել հետևյալ փոփոխությունները և լրացումները.

1) որոշման տեքստում, N 1 և N 2 հավելվածների 2-րդ կետերում «սոցիալական ապահովության» բառերը փոխարինել «աշխատանքի և սոցիալական հարցերի» բառերով.

2) N 1 հավելվածի 3-րդ կետի՝

ա. 1-ին ենթակետը շարադրել հետևյալ խմբագրությամբ.

«1) 1-ին, 2-րդ և 3-րդ խմբերի հաշմանդամներին, ինչպես նաև հաշմանդամ երեխաներին.»,

բ. 2-րդ, 3-րդ և 4-րդ ենթակետերն ուժը կորցրած ճանաչել,

գ. 6-րդ ենթակետից հանել «, ինչպես նաև նախկին խորհրդային բանակում զինվորական պարտականությունները կատարելիս հաշմանդամ դարձած զինծառայողներ» բառերը.

3) N 1 հավելվածի 6-րդ կետի 2-րդ պարբերությունը լրացնել հետևյալ բովանդակությամբ նոր նախադասությամբ.

«Ընդ որում՝ հաշմանդամ անձին առողջարանային բուժում ստանալու անհրաժեշտությունը հաստատող տեղեկանքը (երաշխավորագիրը) տրվում է օրենքով սահմանված՝ հաշմանդամի վերականգնողական անհատական ծրագրի հիման վրա։».

4) N 2 հավելվածի 3-րդ կետը «հաշմանդամ զինծառայողներին» բառերից հետո լրացնել «(հաշմանդամության զինվորական կենսաթոշակի իրավունք ունեցող անձինք)» բառերով.

5) N 2 հավելվածի 6-րդ կետի 4-րդ ենթակետում «սանատոր-կուրորտային քարտը» բառերը փոխարինել «՝առողջարանային բուժում ստանալու անհրաժեշտությունը հաստատող տեղեկանքը (երաշխավորագիրը), որը տրվում է օրենքով սահմանված՝ հաշմանդամի վերականգնողական անհատական ծրագրի հիման վրա» բառերով.

6) N 2 հավելվածի 6-րդ կետը լրացնել հետևյալ բովանդակությամբ նոր պարբերությամբ.

«Առողջարանային բուժման ուղեգրված քաղաքացին առողջարան է ներկայացնում իր բնակության վայրը սպասարկող համապատասխան բուժհաստատության կողմից տրված սանատոր-կուրորտային քարտը։»։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։