ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2004 թվականի ապրիլի 27-ի «Լեռնային Ղարաբաղի Հանրապետության ոստիկանության կադրերի ռեզերվում գրանցված` Լեռնային Ղարաբաղի Հանրապետության պաշտպանության ժամանակ կամ ծառայողական պարտականությունները կատարելիս վիրավորված, անհայտ կորած, գերի ընկած ոստիկանության ծառայողների դրամական բավարարման և Լեռնային Ղարաբաղի Հանրապետության ոստիկանության կադրերի ռեզերվում գրանցելու և ռեզերվից հանելու կարգերը սահմանելու մասին» N 172 որոշման 1-ին կետի «բ» ենթակետով սահմանված` Լեռնային Ղարաբաղի Հանրապետության ոստիկանության կադրերի ռեզերվում գրանցելու և ռեզերվից հանելու կարգում կատարել հետևյալ փոփոխությունները և լրացումը`

1) 2-րդ կետում`

ա. «ա» ենթակետից հանել «, և հաստիքների կրճատումը պայմանավորված է ոստիկանության հաստիքների ընդհանուր թվի կրճատմամբ» բառերը,

բ. «զ» ենթակետում «գրանցվում են 6 ամսվանից» բառերը փոխարինել «գրանցվում են 6 ամիս և» բառերով,

գ. կետը լրացնել հետևյալ բովանդակությամբ նոր` «է» ենթակետով.

«է) ոստիկանության այն ծառայողները, ովքեր ենթարկվել են «Ոստիկանությունում ծառայության մասին» Լեռնային Ղարաբաղի Հանրապետության օրենքի 42-րդ հոդվածի 1-ին մասի 5-րդ կամ 6-րդ կետով սահմանված կարգապահական տույժի:».

2) 5-րդ կետում «հերթական» բառը փոխարինել «ամենամյա» բառով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։