ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2005 թվականի

ապրիլի 27-ին

«ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ԲԱԺԱՆՄԱՆ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. Ուժը կորցրած ճանաչել «Լեռնային Ղարաբաղի Հանրապետության վարչատարածքային բաժանման մասին» Լեռնային Ղարաբաղի Հանրապետության օրենքի 3-րդ հոդվածի երկրորդ պարբերությունը, 4-րդ հոդվածի երրորդ պարբերությունը, 5-րդ հոդվածի հինգերորդ պարբերությունը և 7-րդ հոդվածը:

Հոդված 2. Օրենքի 6-րդ հոդվածում`

1) առաջին պարբերությունից հանել «շրջանների սահմանների,», «և բնակավայրերի տարածքների սահմանների» բառերը, իսկ «օրենսդրությամբ սահմանված կարգով» բառերը փոխարինել «կառավարության ներկայացմամբ` սույն օրենքի մեջ համապատասխան փոփոխություններ և լրացումներ կատարելու միջոցով» բառերով.

2) ավելացնել հետևյալ բովանդակությամբ նոր պարբերություն`

«Շրջանների, Ստեփանակերտ քաղաքի, համայնքների սահմանների նկարագրումը և սահմանների նկարագրության փոփոխությունները սահմանված կարգով հաստատում է Լեռնային Ղարաբաղի Հանրապետության կառավարությունը:»:

Հոդված 4. Սույն օրենքն ուժի մեջ է մտնում հրապարակման պահից: