ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«28» դեկտեմբերի 2013թ. |
N 978-Ն |
ք. Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՓԵՏՐՎԱՐԻ 26-Ի N 101 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.
1. Լեռնային Ղարաբաղի Հանրապետության կառավարության 2008 թվականի փետրվարի 26-ի «Բանկերի կողմից հիփոթեքային վարկավորմամբ բնակարաններ և բնակելի տներ ձեռք բերելու պետական աջակցության ապահովման կարգը հաստատելու մասին» N 101 որոշմամբ հաստատված կարգում կատարել հետևյալ լրացումները և փոփոխությունները`
1) 3.4-րդ կետի առաջին և երկրորդ ենթակետերում «գոտում» բառից հետո լրացնել «գնման և կառուցման դեպքում» բառերը.
2) 3.5-րդ կետը շարադրել հետևյալ խմբագրությամբ.
«3.5 Պետական ֆինանսական աջակցությունն ուղղվում է Քաղաքացիների հիփոթեքային վարկավորմամբ բնակարան ձեռք բերելու այն գործարքներին, ըստ որոնց`
3.5.1 առաջնային շուկայում՝
ա. գնման դեպքում` 1-ին և 2-րդ գոտիներում 1 քառակուսի մետրի արժեքը չի գերազանցում 350 000 ՀՀ դրամը.
բ. կառուցման դեպքում՝ 1-ին և 2-րդ գոտիներում 1 քառակուսի մետրի արժեքը չի գերազանցում 280 000 ՀՀ դրամը.
3.5.2 երկրորդային շուկայում գնման դեպքում`
ա. 1-ին գոտում 1 քառակուսի մետրի արժեքը չի գերազանցում 230 000 ՀՀ դրամը, իսկ վարկի գումարը` 18 400 000 ՀՀ դրամը.
բ. 2-րդ գոտում 1 քառակուսի մետրի արժեքը չի գերազանցում 150 000 ՀՀ դրամը, իսկ վարկի գումարը` 10 500 000 ՀՀ դրամը.
3.5.3 վերանորոգման դեպքում վարկի գումարը չի գերազանցում`
ա. բազմաբնակարան բնակելի շենքերի բնակարանների համար 5 000 000 ՀՀ դրամը.
բ. առանձնատների համար 7 000 000 ՀՀ դրամը:».
3) 3.7-րդ կետը «վարկավորմամբ» բառից հետո լրացնել «երկրորդային շուկայում» բառերով.
4) 4.4-րդ կետը շարադրել հետևյալ խմբագրությամբ.
«4.4 վարկի գումարը չի գերազանցում՝
4.4.1 գնման և կառուցման դեպքում՝ 50 000 000 ՀՀ դրամը.
4.4.2 վերանորոգման դեպքում՝ 7 000 000 ՀՀ դրամը:».
5) 4.6-րդ կետը շարադրել հետևյալ խմբագրությամբ.
«4.6 Քաղաքացու ընտանիքի անդամների (և այլ անձանց) դրամական եկամուտներից կենսաապահովման համար նվազեցվող գումարը մեկ շնչի հաշվով ամսական սահմանվում է ոչ ավել, քան` 50 000 ՀՀ դրամը:».
6) 7.1-ին կետը շարադրել հետևյալ խմբագրությամբ.
«7.1 Սույն կարգի 3-րդ կետով սահմանված ընդհանուր պայմաններին համապատասխանող քաղաքացիներին բնակարան ձեռք բերելու նպատակով բանկերի կողմից տրվող հիփոթեքային վարկերի տոկոսադրույքների մասնակի սուբսիդավորման չափը սահմանվում է Գործակալ բանկի կողմից տրվող հիփոթեքային վարկի տարեկան տոկոսադրույքի և ստորև բերված սանդղակում նշված՝ վարկի գումարի համապատասխան Քաղաքացու սեփական միջոցների հաշվին վճարվող տոկոսային կետի տարբերության հաշվարկմամբ.
1. մինչև 27 000 000 ՀՀ դրամը (ներառյալ)՝ 6%.
2. 27 000 000 ՀՀ դրամից մինչև 33 000 000 ՀՀ դրամը (ներառյալ)՝ 7%.
3. 33 000 000 ՀՀ դրամից մինչև 40 000 000 ՀՀ դրամը (ներառյալ)՝ 8%.
4. 40 000 000 ՀՀ դրամից մինչև 50 000 000 ՀՀ դրամը (ներառյալ)՝ 9%:
Սկզբնական սուբսիդավորումը սահմանվում է 5 տարի ժամկետով` հետագայում պայմանների վերանայման հնարավորությամբ:».
7) լրացնել հետևյալ բովանդակությամբ նոր «7.11» և «7.12» կետերով.
«7.11 Նոր ժամկետով սուբսիդավորման աջակցություն տրամադրելու դեպքում՝ արտարժույթով տրամադրված հիփոթեքային վարկի տրամադրման արժույթի փոխարժեքի նկատմամբ սուբսիդավորման ժամկետը լրանալու օրվա դրությամբ ՀՀ կենտրոնական բանկի կողմից հրապարակած` տվյալ արժույթի միջին փոխարժեքի աճ արձանագրվելու դեպքում, Հիմնադրամը, սույն կետով սահմանված կարգով սահմանում է վարկի տարեկան տոկոսադրույքի մասնակի սուբսիդավորման նոր չափ:
|
Հ/Հ |
Արտարժույթով տրամադրված վարկի արժույթի փոխարժեքի նկատմամբ սուբսիդավորման ժամկետը լրանալու օրվա դրությամբ ՀՀ կենտրոնական բանկի կողմից հրապարակած` տվյալ արժույթի միջին փոխարժեքի աճը /դրամ/ |
Վարկի տարեկան տոկոսադրույքի մասնակի սուբսիդավորման չափը /տոկոսային կետ/ |
|
1. |
100-ից ավելի |
12 |
|
2. |
80-100 ներառյալ |
11 |
|
3. |
60-80 ներառյալ |
10 |
|
4. |
40-60 ներառյալ |
9 |
|
5. |
20-40 ներառյալ |
8 |
|
6. |
10-20 ներառյալ |
7 |
|
7. |
Մինչև 10 ներառյալ |
6 |
7.12 Նոր ժամկետով սուբսիդավորման աջակցություն տրամադրելու դեպքում՝ արտարժույթով տրամադրված և ընթացքում փոխարկված ու ՀՀ դրամի վերաձևակերպված հիփոթեքային վարկի տրամադրման արժույթի փոխարժեքի նկատմամբ վերաձևակերպման օրվա դրությամբ ՀՀ կենտրոնական բանկի կողմից հրապարակած` տվյալ արժույթի միջին փոխարժեքի աճ արձանագրվելու դեպքում, Հիմնադրամը, սույն կարգի 7.11 կետով սահմանված կարգով սահմանում է վարկի տարեկան տոկոսադրույքի մասնակի սուբսիդավորման նոր չափ:».
8) 7.7-րդ կետը շարադրել հետևյալ խմբագրությամբ.
«7.7 Մինչև սուբսիդավորման ժամկետը լրանալը Քաղաքացին եռամսյա ժամկետում կարող է դիմել Հիմնադրամ` նոր ժամկետով սուբսիդավորման աջակցություն ստանալու Հայտով (հավելված 3)` կցելով 9-րդ կետում նշված անհրաժեշտ փաստաթղթերը: Հետագա ձևակերպումները կատարվում են 7.1-ից մինչև 7.51 (ներառյալ) և 7.71 կետերով սահմանված կարգով:».
9) լրացնել հետևյալ բովանդակությամբ նոր «7.71» կետով.
«7.71 Նոր ժամկետով սուբսիդավորման աջակցություն ստանալու հայտերի վերաբերյալ դրական որոշում կայացնելու դեպքում Քաղաքացուն և նրա կողմից ընտրված Գործակալ բանկին Հիմնադրամը գրավոր տեղեկացնում է ստացվելիք հիփոթեքային վարկի տոկոսադրույքի սուբսիդավորման մասին` նշելով սուբսիդավորման չափը և ժամկետը:».
10) 7.8.4-րդ ենթակետը շարադրել հետևյալ խմբագրությամբ.
«7.8.4 քաղաքացու կողմից, Գործակալ բանկի հետ կնքված վարկային պայմանագրով և սույն կարգի 8.9.2-րդ ենթակետով սահմանված պարտավորությունները պարբերաբար (երեք հերթական վճարում) չկատարելու դեպքում, որի մասին Գործակալ բանկը երկու աշխատանքային օրվա ընթացքում գրավոր տեղեկացնում է Հիմնադրամին.».
11) լրացնել հետևյալ բովանդակությամբ նոր «7.8.6» ենթակետով.
«7.8.6 7.8.3-րդ, 7.8.4-րդ և 7.8.5-րդ ենթակետերում նշված հիմքերով հիփոթեքային վարկի սուբսիդավորումը դադարեցնելուց հետո Հիմնադրամի ֆինանսական կոմիտեն Վարկառուի մոտ իրականացված մոնիթորինգի արդյունքների հիման վրա կարող է ընդունել սուբսիդավորումը վերականգնելու մասին որոշում.».
12) 8.1-ին կետը շարադրել հետևյալ խմբագրութամբ.
«8.1 Սույն կարգի 6-րդ կետով սահմանված պահանջներին համապատասխանող քաղաքացիներին հիփոթեքային վարկավորմամբ բնակարան գնելու համար Հիմնադրամը նպատակային անտոկոս փոխառությամբ մասնակիորեն տրամադրում է անհրաժեշտ կանխավճար` առավելագույնը գործարքի արժեքի 10 տոկոսային կետի չափով:».
13) 8.9.2-րդ ենթակետում «վերադարձման» բառից հետո լրացնել «ոչ ուշ, քան» բառերը.
14) 9.1.3-րդ ենթակետը շարադրել հետևյալ խմբագրությամբ.
«9.1.3 տեղեկանք աշխատավայրի և աշխատավարձի չափի վերաբերյալ, առկայության դեպքում՝ աշխատանքային պայմանագրերի և աշխատանքային գրքույկների պատճենները.».
15) 9.2.3-րդ ենթակետը շարադրել հետևյալ խմբագրությամբ.
«9.2.3 տեղեկանք աշխատավայրի և աշխատավարձի չափի վերաբերյալ, առկայության դեպքում՝ աշխատանքային պայմանագրերի և աշխատանքային գրքույկների պատճենները.».
16) 10.8-րդ կետում «հաշվառմամբ» բառը փոխարինել «հաշվարկմամբ» բառով.
17) 9.1.6-րդ, 9.1.7-րդ, 9.2.5-րդ ենթակետերում «սեփականության իրավունքի գրանցման վկայականի» բառերը փոխարինել «՝ անշարժ գույքի նկատմամբ իրավունքների պետական գրանցման վկայականի» բառերով.
18) N 2 հավելվածի աղյուսակում «36» թիվը փոխարինել «120» թվով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
ԼԵՌՆԱՅԻՆ ՂԱՐԱԲԱՂԻ
ՀԱՆՐԱՊԵՏՈՒԹՅԱՆ ՎԱՐՉԱՊԵՏ |
Ա. ՀԱՐՈՒԹՅՈՒՆՅԱՆ |