ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2006 թվականի հուլիսի 31-ի «Հարկային մարմնի կողմից հարկ վճարողների (ապահովադիրների) վերաբերյալ տվյալների հրապարակման կարգը հաստատելու մասին» N 400 որոշման մեջ կատարել հետևյալ փոփոխությունները.

1) որոշման վերնագրից և 1-ին կետից հանել «(ապահովադիրների)» բառը.

2) որոշման նախաբանից հանել «,«Պարտադիր սոցիալական ապահովության վճարների մասին» Լեռնային Ղարաբաղի Հանրապետության օրենքի 6-րդ» բառերը.

3) որոշմամբ հաստատված N 1 հավելվածի`

ա. վերնագրից հանել «(ապահովադիրների)» բառը,

բ. 1-ին կետից հանել ««Պարտադիր սոցիալական ապահովության վճարների մասին» Լեռնային Ղարաբաղի Հանրապետության օրենքի 6-րդ հոդվածով,» և «(ապահովադիրների)» բառերը,

գ. 2-րդ կետի «ա» ենթակետում «հայտարարագրի» բառը փոխարինել «տարեկան եկամուտների մասին հաշվարկի» բառերով, իսկ «ե» ենթակետում «եկամտահարկ» բառը՝ «եկամտային հարկ» բառերով,

դ. 2-րդ կետի «է» և 3-րդ կետի «բ» և «գ» ենթակետերն ուժը կորցրած ճանաչել,

ե. 4-րդ կետից հանել «(ապահովադիրների)» բառը,

զ. 5-րդ կետից հանել «(հայտարարագրերում)» և «(ապահովադիրների)» բառերը.

4) որոշմամբ հաստատված N 2 հավելվածի`

ա. N 7 և N 10 ձևերում «եկամտահարկ» բառը փոխարինել «եկամտային հարկ» բառերով, իսկ «եկամտահարկը» բառը` «եկամտային հարկը» բառերով,

բ. NN 9, 11 և 12 ձևերն ուժը կորցրած ճանաչել:

2. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից: