ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2009 թվականի հունվարի 20-ի «Պետական նպաստների, ծնելիության և բազմազավակության խթանման միջոցառումների մասին» N 15-Ն որոշման մեջ կատարել հետևյալ փոփոխությունները.

1) որոշման N 1 հավելվածի՝

ա. 4-րդ կետում «3-րդ կետի 2-րդ ենթակետում» բառերը փոխարինել «3-րդ և 5‑րդ կետերի 2-րդ ենթակետերում» բառերով,

բ. 5-րդ կետը շարադրել հետևյալ խմբագրությամբ.

«5. Մինչև 2 տարեկան երեխա խնամող անձինք պետական նպաստի իրավունք ունեն, եթե.

1) երեխայի ծնողներից մեկը կամ միակ ծնողը կամ խնամակալն ունի Լեռնային Ղարաբաղի Հանրապետությունում մշտական հաշվառում,

2) երեխայի ծնողներից մեկը զինվորական ծառայություն է անցնում Լեռնային Ղարաբաղի Հանրապետության պաշտպանության բանակի շարքերում (բացառությամբ՝ շարքային և կրտսեր հրամանատարական կազմերի ժամկետային զինծառայողների)՝ անկախ Լեռնային Ղարաբաղի Հանրապետությունում մշտական հաշվառում ունենալու հանգամանքից։»,

գ. 10-րդ կետում «սոցիալական քարտերը և դրանց պատճենները (կամ Լեռնային Ղարաբաղի Հանրապետության աշխատանքի և սոցիալական հարցերի նախարարության կողմից` Լեռնային Ղարաբաղի Հանրապետության օրենսդրությամբ սահմանված կարգով տրամադրված` սոցիալական քարտ չունենալու մասին տեղեկանքները)» բառերը փոխարինել «հանրային ծառայությունների համարանիշները կամ հանրային ծառայությունների համարանիշ չստանալու վերաբերյալ տեղեկանքները և դրանց պատճենները» բառերով.

2) որոշման N 2 հավելվածի 2-րդ կետի 5-րդ ենթակետում «սոցիալական ապահովության քարտի պատճենը (կամ Լեռնային Ղարաբաղի Հանրապետության աշխատանքի և սոցիալական հարցերի նախարարության կողմից` Լեռնային Ղարաբաղի Հանրապետության օրենսդրությամբ սահմանված կարգով տրամադրված` սոցիալական քարտ չունենալու մասին տեղեկանքը» բառերը փոխարինել «հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը և դրա պատճենը» բառերով.

3) որոշման N 3 հավելվածի 5-րդ կետում «- ծնողների սոցիալական քարտերը (կամ միակ ծնողի սոցիալական քարտը և դրանց պատճենները (պատճենը) կամ Լեռնային Ղարաբաղի Հանրապետության աշխատանքի և սոցիալական հարցերի նախարարության կողմից` Լեռնային Ղարաբաղի Հանրապետության օրենսդրությամբ սահմանված կարգով տրամադրված` սոցիալական քարտ չունենալու մասին տեղեկանքները (տեղեկանքը),» տողը փոխարինել «- ծնողների հանրային ծառայությունների համարանիշները կամ հանրային ծառայությունների համարանիշ չստանալու վերաբերյալ տեղեկանքները և դրանց պատճենները (միակ ծնողի դեպքում՝ հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը և դրա պատճենը),» տողով։

2. Սույն որոշումն ուժի մեջ է մտնում 2014 թվականի մայիսի 1-ից: