ք. Ստեփանակերտ

Ո Ր Ո Շ ՈՒ Մ

ՔՎԵԱՐԿՈՒԹՅԱՆԸ ՆԱԽՈՐԴՈՂ ԵՐԿՈՒ ՕՐՎԱ ԸՆԹԱՑՔՈՒՄ, ԻՆՉՊԵՍ ՆԱԵՎ ՔՎԵԱՐԿՈՒԹՅԱՆ ՕՐԸ ՔԱՂԱՔԱՑԻՆԵՐԻՆ ԸՆՏՐՈՂՆԵՐԻ ՑՈՒՑԱԿՆԵՐՈՒՄ ԸՆԴԳՐԿԵԼՈՒ ԿԱՐԳԻ ՄԱՍԻՆ

Ղեկավարվելով Լեռնային Ղարաբաղի Հանրապետության ընտրական օրենսգրքի 10-րդ հոդվածի 1-ին կետով և 42-րդ հոդվածի 1-ին կետի 7-րդ ենթակետով, ԼՂՀ կենտրոնական ընտրական հանձնաժողովը ո ր ո շ ո ւ մ է.

1. Ընտրողների ցուցակներում անճշտությունների վերաբերյալ վեճերը քվեարկությանը նախորդող երկու օրվա ընթացքում, ինչպես նաև քվեարկության օրը կարող են բողոքարկվել դատարան:

2. Տեղամասային ընտրական հանձնաժողովի նախագահը տվյալ ընտրական տեղամասում հաշվառված՝ սակայն ընտրողների ցուցակում չընդգրկված քաղաքացուն տալիս է սույն որոշման հավելվածով հաստատված տեղեկանք՝ դատարան ներկայացնելու համար:

3. Տեղամասային ընտրական հանձնաժողովները դատարանի վճռի հիման վրա կազմում են ընտրողների լրացուցիչ ցուցակ՝ կցելով դատարանի վճռի պատճենը:

4. Տեղամասային ընտրական հանձնաժողովները պարտավոր են դատարանի վճռով ընտրության ներկայացած քաղաքացուն ԼՂՀ ընտրական օրենսգրքով սահմանված կարգով տրամադրել քվեաթերթիկ (քվեաթերթիկներ) և թույլատրել մասնակցելու քվեարկությանը:

5. Ընտրողների լրացուցիչ ցուցակները կազմվում են երկու օրինակից: Լրացուցիչ ցուցակի յուրաքանչյուր էջը ստորագրում և կնքում է տեղամասային ընտրական հանձնաժողովի նախագահը:

6. Ընտրողների լրացուցիչ ցուցակի մեկ օրինակը և դատարանի վճիռների պատճենները ընտրողների հիմնական ցուցակների հետ փաթեթավորվում է ընտրական մյուս փաստաթղթերի հետ միասին, սահմանված կարգով, ներկայացվում է համապատասխան ընտրատարածքային ընտրական հանձնաժողով:

Լրացուցիչ ցուցակի երկրորդ օրինակը քվեարկությունից հետո փակցվում է տեղամասային կենտրոնում ընտրողների հիմնական ցուցակների կողքին՝ մինչև տեղամասային ընտրական հանձնաժողովի լիազորությունների դադարեցման օրը:

Տ Ե Ղ Ե Կ Ա Ն Ք

Ընտրողների ցուցակում ընդգրկված չլինելու վերաբերյալ

Քաղաքացի ________________________________________________________________

                                                            /Ազգանուն, անուն, հայրանուն/

Անձնագրի սերիա _________________ համար ___________________________________

Հաշվառված  __________________________ փողոց _________________________________

                                      /գյուղ, քաղաք/

շենք _____________ բնակարան /տուն/ ________________________________________

թիվ __________ընտրատարածքի, թիվ ___________ ընտրական տեղամասի ընտրողների ցուցակներում ընդգրկված չէ:

       Տեղամասային ընտրական

       հանձնաժողովի նախագահ ________________________           Կ. Տ

                                                                                    ^{/ստորագրություն/}