ք. Ստեփանակերտ

Ղեկավարվելով Լեռնային Ղարաբաղի Հանրապետության ընտրական օրենսգրքի 14-րդ հոդվածի 6-րդ ու 7-րդ կետերով, 14¹-րդ հոդվածով և 42-րդ հոդվածի 1-ին կետի 7-րդ ենթակետով՝ ԼՂՀ կենտրոնական ընտրական հանձնաժողովը ո ր ո շ ո ւ մ է.

1. Ընտրողների ցուցակներում անճշտությունները վերացնելու, ցուցակներում ընդգրկվելու մասին դիմումներով քվեարկությանը նախորդող հինգ օրվա ընթացքում և քվեարկության օրը յուրաքանչյուր ոք կարող է դիմել առաջին ատյանի դատարան կամ ոստիկանության համապատասխան ստորաբաժանման անձնագրային ծառայություն:

2. Տեղամասային ընտրական հանձնաժողովի նախագահը տվյալ ընտրական տեղամասում հաշվառված՝ սակայն ընտրողների ցուցակում չընդգրկված քաղաքացուն տալիս է սույն որոշման հավելվածով հաստատված տեղեկանք՝ առաջին ատյանի դատարան կամ ոստիկանության համապատասխան ստորաբաժանման անձնագրային ծառայություն ներկայացնելու համար:

3. Տեղամասային ընտրական հանձնաժողովները դատարանի վճռի կամ ոստիկանության համապատասխան ստորաբաժանման անձնագրային ծառայության տեղեկանքի հիման վրա կազմում են ընտրողների լրացուցիչ ցուցակ՝ կցելով դատարանի վճռի պատճենը կամ վերոնշյալ տեղեկանքը:

4. Տեղամասային ընտրական հանձնաժողովները պարտավոր են դատարանի վճռով կամ ոստիկանության համապատասխան ստորաբաժանման անձնագրային ծառայության տեղեկանքով ընտրության ներկայացած քաղաքացուն ԼՂՀ ընտրական օրենսգրքով սահմանված կարգով տրամադրել քվեաթերթիկ (քվեաթերթիկներ) և թույլատրել մասնակցելու քվեարկությանը:

5. Ընտրողների լրացուցիչ ցուցակները կազմվում են երկու օրինակից: Լրացուցիչ ցուցակի յուրաքանչյուր էջը ստորագրում և կնքում է տեղամասային ընտրական հանձնաժողովի նախագահը:

6. Ընտրողների լրացուցիչ ցուցակի մեկ օրինակը, դատարանի վճիռների պատճենները և ոստիկանության համապատասխան ստորաբաժանման անձնագրային ծառայության տեղեկանքները ընտրողների հիմնական ցուցակների հետ փաթեթավորվում են ընտրական մյուս փաստաթղթերի հետ միասին և սահմանված կարգով ներկայացվում համապատասխան տարածքային ընտրական հանձնաժողով:

Լրացուցիչ ցուցակի երկրորդ օրինակը քվեարկությունից հետո փակցվում է տեղամասային կենտրոնում ընտրողների հիմնական ցուցակների կողքին՝ մինչև տեղամասային ընտրական հանձնաժողովի լիազորությունների դադարեցման օրը:

7. Ուժը կորցրած ճանաչել ԼՂՀ կենտրոնական ընտրական հանձնաժողովի 2005թ. մարտի 4-ի «Քվեարկությանը նախորդող երկու օրվա ընթացքում, ինչպես նաև քվեարկության օրը քաղաքացիներին ընտրողների ցուցակներում ընդգրկելու կարգի մասին» թիվ 4/43 որոշումը:

Քաղաքացի_______________________________________________________________

                                                             /Ազգանուն, անուն հայրանուն/

Անձնագիր՝ սերիա ________ համար ___________________________________________

Հաշվառված ________________________ փողոց ________________________________

                                 /գյուղ, քաղաք/

շենք _____________________ բնակարան /տուն/_________________________________

Հաշվառված է թիվ _____ ընտրատարածքի, թիվ _____________ընտրական տեղամասի տարածքում, սակայն տեղամասի ընտրողների ցուցակներում ընդգրկված չէ:

Ներկայացվում է ոստիկանության համապատասխան ստորաբաժանման անձնագրային ծառայություն կամ առաջին ատյանի դատարան: