ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի պահանջներին համապատասխան՝ Լեռնային Ղարաբաղի Հանրապետության կենտրոնական ընտրական հանձնաժողովը որոշում է.

1.Լեռնային Ղարաբաղի Հանրապետության կենտրոնական ընտրական հանձնաժողովի 2005 թվականի փետրվարի 25-ի «Ընտրողների ցուցակում ինքնուրույն ստորագրելու և քվեաթերթիկն ինքնուրույն լրացնելու հնարավորություն չունեցող ընտրողի քվեարկությանը մասնակցելու կարգի մասին» թիվ 3/21 որոշման.

1) նախաբանում «կետով և 58-րդ հոդվածի 3-րդ կետով» բառերը փոխարինել «մասով և 57-րդ հոդվածի 5-րդ մասով» բառերով.

2) 1-ին կետից հանել «, դիտորդների» բառը.

3) 2-րդ կետի «որոշման հավելվածի արձանագրությունը» բառերը փոխարինել «որոշմամբ հաստատված արձանագրության ձևը» բառերով:

2.Լեռնային Ղարաբաղի Հանրապետության կենտրոնական ընտրական հանձնաժողովի 2005 թվականի մարտի 4-ի «Տեղամասային ընտրական հանձնաժողովի կնիքի ձևը հաստատելու մասին» թիվ 4/40 որոշման նախաբանում «50-րդ հոդվածի 7-րդ և 8-րդ կետերով» բառերը փոխարինել «42-րդ հոդվածի 1-ին մասի 15-րդ կետով և 502-րդ հոդվածի 1-ին մասով» բառերով:

3.Լեռնային Ղարաբաղի Հանրապետության կենտրոնական ընտրական հանձնաժողովի 2006 թվականի սեպտեմբերի 27-ի «Լեռնային Ղարաբաղի Հանրապետության կենտրոնական ընտրական հանձնաժողովում լրագրողների հավատարմագրման կարգը և լրագրողների վկայականների ձևերը հաստատելու մասին» թիվ 19/55 որոշմամբ հաստատված՝

1) թիվ 1 հավելվածի՝

ա. 4-րդ կետում «քարտուղարը» բառից հետո լրացնել «և մամուլի քարտուղարը» բառերը.

բ. 15-րդ կետում «քարտուղարը» բառից առաջ լրացնել «մամուլի» բառը և հանել «աշխատակազմ» բառը.

գ. 17-րդ կետում «հանձնաժողովի աշխատակազմ» բառերը փոխարինել «հանձնաժողով» բառով.

2) թիվ 2 հավելվածի՝

ա. «քարտուղար» բառը փոխարինել«նախագահ» բառով.

բ. հանել ընտրատարածքային ընտրական հանձնաժողովի վկայականի ձևը.

գ. «С. НАСИБЯН» բառերը փոխարինել «Ф.И.О.» բառերով:

4. Լեռնային Ղարաբաղի Հանրապետության կենտրոնական ընտրական հանձնաժողովի 2006 թվականի սեպտեմբերի 27-ի «Դիտորդական առաքելություն իրականացնելու կարգը սահմանելու և դիտորդների վկայականների ձևերը հաստատելու մասին» թիվ 19/56 որոշմամբ հաստատված՝

1) թիվ 1 հավելվածի՝

ա. 2-րդ կետի 3-րդ ենթակետը լրացնել «և որոնք չեն աջակցում թեկնածուներին կամ կուսակցություններին» բառերով.

բ. 3-րդ կետն ուժը կորցրած ճանաչել.

2) 27-րդ կետը շարադրել նոր խմբագրությամբ.

«Դիտորդական առաքելություն իրականացնող անձանց լիազորությունները դադարեցվում են ընտրությունների արդյունքների պաշտոնական հրապարակման պահից 8-րդ օրը, եթե ընտրության արդյունքները դատարան չեն բողոքարկվել: Ընտրությունների արդյունքները դատարան բողոքարկվելու դեպքում լիազորություններն ավարտվում են դատական ակտի հրապարակման օրվա հաջորդ օրը, եթե վերաքվեարկություն կամ նոր ընտրություն չի նշանակվել: Վերաքվեարկության կամ նոր ընտրությունների դեպքում դիտորդական կազմակերպությունների վերագրանցում չի պահանջվում:».

3) թիվ 2 հավելվածը շարադրել նոր խմբագրությամբ՝ համաձայն N1 հավելվածի:

5. Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի մայիսի 23-ի «Ընտրելու իրավունք ունեցող և հաշվառում չունեցող քաղաքացիներին ընտրողների ցուցակներում ընդգրկելու կարգը սահմանելու մասին» թիվ 34/121 որոշմամբ սահմանված թիվ 1 հավելվածը շարադրել նոր խմբագրությամբ՝ համաձայն N2 հավելվածի.

6. Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի մայիսի 23-ի «Ընտրական տեղամասերի հերթական համարները սահմանելու կարգի մասին» թիվ 34/123 որոշմամբ սահմանված կարգի 1-ին կետի «Լեռնային Ղարաբաղի Հանրապետության ոստիկանության անձնագրային և վիզաների բաժինը կամ ոստիկանության» բառերը փոխարինել «Լիազոր մարմնի կամ նրա» բառերով.

7. Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի մայիսի 23-ի «Համապետական ընտրությունների ժամանակ ստացիոնար բուժում իրականացնող բժշկական հաստատությունում ստացիոնար բուժման մեջ գտնվող, ինչպես նաև տուն-ինտերնատում մշտապես բնակվող՝ քվեարկության օրը տեղամասային կենտրոն ինքնուրույն ներկայանալու հնարավորություն չունեցող քաղաքացիների քվեարկության կարգը սահմանելու մասին» թիվ 34/124 որոշմամբ սահմանված կարգի 2-րդ կետի՝

1) «3» թիվը փոխարինել «4» թվով.

2) «Լեռնային Ղարաբաղի Հանրապետության ոստիկանության անձնագրային և վիզաների բաժին (այսուհետ լիազոր մարմին)» բառերը փոխարինել «լիազոր մարմնի» բառերով:

8. Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի հունիսի 28-ի «Քվեարկությանը նախորդող հինգ օրվա ընթացքում և քվեարկության օրը քաղաքացիներին ընտրողների ցուցակներում ընդգրկելու կարգի մասին» թիվ 38/152 որոշման 1-4-րդ և 6-րդ կետերի և հավելվածի «ոստիկանության համապատասխան ստորաբաժանման անձնագրային ծառայության» բառերը փոխարինել «լիազոր մարմնի համապատասխան ստորաբաժանման» բառերով՝ իրենց համապատասխան հոլովաձևերով:

9. Լեռնային Ղարաբաղի Հանրապետության կենտրոնական ընտրական հանձնաժողովի 2007 թվականի սեպտեմբերի 15-ի «Համայնքի ղեկավարի և ավագանու անդամների ընտրությունների քվեաթերթիկների ձևերը և շարադրանքը սահմանելու մասին» թիվ 47/178 որոշմամբ սահմանված թիվ 3 հավելվածի 1-7 սյունակներում «Լրացվում է թեկնածուի ազգանունը, անունը, հայրանունը» բառերը փոխարինել «Լրացվում է թեկնածուի ազգանունը, անունը» բառերով:

10. Լեռնային Ղարաբաղի Հանրապետության կենտրոնական ընտրական հանձնաժողովի 2010 թվականի մարտի 2-ի «Համապետական ընտրությունների դեպքում քվեարկությանը մասնակցելու համար քաղաքացու վերաբերյալ տվյալներն ըստ հաշվառման վայրի ընտրողների ցուցակից ժամանակավորապես հանելու մասին դիմումի և հաշվառման վայրի ընտրողների ցուցակից քաղաքացու տվյալները ժամանակավորապես հանելու և ըստ գտնվելու վայրի ընտրական տեղամասի ընտրողների լրացուցիչ ցուցակում ընդգրկելու վերաբերյալ տեղեկանքի ձևերը սահմանելու մասին» N82/297-Ն որոշման նախաբանի «մասի 3-րդ և 4-րդ կետերով» բառերը փոխարինել «մասով» բառով:

1.Նույն անձը կարող է ընդգրկվել միայն մեկ համայնքի ընտրողների ցուցակում և միայն մեկ անգամ:

2. Համայնքի ընտրողների ցուցակում ընդգրկվում են տվյալ համայնքում առնվազն մեկ տարվա հաշվառում ունեցող և ընտրելու իրավունք ունեցող յուրաքանչյուր ոք, ինչպես նաև այդ համայնքում բնակվող և որևէ համայնքում հաշվառում չունեցող քաղաքացիները: Ընտրելու իրավունք ունեցող և հաշվառում չունեցող քաղաքացիները քվեարկության օրվանից մինչև 21 օր առաջ իրենց համայնքի ղեկավարին, իսկ քվեարկության օրվանից ոչ ուշ, քան մինչև 15 օր առաջ` նաև լիազոր մարմնի կամ նրա համապատասխան ստորաբաժանման ղեկավարին ներկայացնում են ընտրողների ցուցակում ընդգրկվելու վերաբերյալ հայտ: Հաշվառում չունեցող քաղաքացիները ընտրողների ցուցակում ընդգրկվում են բնակության վայրի մասին տեղեկանքի հիման վրա:

3. Համայնքի ղեկավարը հայտը ստանալուց հետո` 2 օրվա ընթացքում, հայտը և դրան կից փաստաթղթերը ներկայացնում է լիազոր մարմնի կամ նրա համապատասխան ստորաբաժանման ղեկավարին:

Լիազոր մարմնի կամ նրա համապատասխան ստորաբաժանման ղեկավարը հայտը ստանալուց հետո` մեկ օրվա ընթացքում, սահմանված բավարար հիմքերի առկայության դեպքում հաշվառում չունեցող քաղաքացուն ընդգրկում է նրա բնակության վայրի ընտրողների ցուցակում: