Ղեկավարվելով Լեռնային Ղարաբաղի Հանրապետության ընտրական օրենսգրքի 10-րդ հոդվածի 3-րդ կետով և 42-րդ հոդվածի 1-ին կետի 6-րդ ենթակետով՝ Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.

1. Սահմանել ընտրելու իրավունք ունեցող և հաշվառում չունեցող քաղաքացիներին ընտրողների ցուցակներում ընդգրկելու կարգը՝ համաձայն թիվ 1 հավելվածի:

2. Հաստատել ընտրողների ցուցակում ընդգրկվելու հայտի ձևը՝ համաձայն թիվ 2 հավելվածի:

3. Ուժը կորցրած ճանաչել Լեռնային Ղարաբաղի Հանրապետության կենտրոնական ընտրական հանձնաժողովի 2005թ. փետրվարի 25-ի «Ժամանակավորապես կամ մշտապես բնակվող և հաշվառում չունեցող քաղաքացիներին ընտրողների ցուցակներում ընդգրկելու կարգը սահմանելու մասին» թիվ 3/14, «Ընտրողների ցուցակներում ընդգրկվելու համար քաղաքացիների կողմից ներկայացվող հայտի ձևը հաստատելու մասին» թիվ 3/18, «Համայնքներում ընտրողների ցուցակները կազմելու և վարելու կարգը սահմանելու մասին» թիվ 3/23 և «Համայնքներում ընտրողների ցուցակները կազմելու և վարելու նկատմամբ կենտրոնական ընտրական հանձնաժողովի և ընտրատարածքային ընտրական հանձնաժողովների կողմից վերահսկողություն իրականացնելու կարգի մասին» թիվ 3/24 որոշումները:

1. Լեռնային Ղարաբաղի Հանրապետության ընտրողների ցուցակը կազմվում է ըստ ընտրողների հաշվառման վայրի հասցեների:

2. Համայնքի ընտրողների ցուցակներում ընդգրկվում են նաև այն քաղաքացիները, որոնց անձնագրերում առկա է նշում այդ համայնքում փաստացի բնակության վայրի մասին:

3. Այն քաղաքացիները, ովքեր ունեն ըստ բնակության վայրի ժամանակավոր հաշվառում, ընտրողների ցուցակներում ընդգրկվում են ընդհանուր հիմունքներով:

4. Ընտրելու իրավունք ունեցող և հաշվառում չունեցող քաղաքացիներն ընտրողների ցուցակում ընդգրկվում են ընտրողների ցուցակում ընդգրկվելու վերաբերյալ հայտ ներկայացնելու դեպքում:

5. Քաղաքացիներն ընտրողների ցուցակում ընդգրկվելու վերաբերյալ հայտը ներկայացնում են իրենց համայնքի ղեկավարին` քվեարկության օրվանից մինչև 21 օր առաջ, կամ Լեռնային Ղարաբաղի Հանրապետության ոստիկանության անձնագրային և վիզաների բաժին (այսուհետ` լիազոր մարմին) կամ նրա համապատասխան ստորաբաժանման ղեկավարին` քվեարկության օրվանից ոչ ուշ, քան մինչև 15 օր առաջ:

Հայտին կից ներկայացվում է տեղեկանք բնակության վայրի մասին: Բազմաբնակարան բնակելի շենքում բնակվելու դեպքում բնակության վայրի մասին տեղեկանքը տրվում է համատիրությունից կամ բնակշահագործման գրասենյակից, սեփականության իրավունքով անհատ քաղաքացիներին պատկանող սեփական տներում բնակվելու դեպքում` թաղային լիազորից, իսկ այլ դեպքերում՝ բնակության վայրի մասին տեղեկանք տալու լիազորություն ունեցող մարմնի կամ անձի կողմից:

6. Համայնքի ղեկավարը հայտը ստանալուց հետո` 2 օրվա ընթացքում, հայտը և դրան կից փաստաթղթերը ներկայացնում է լիազոր մարմնի կամ նրա համապատասխան ստորաբաժանման ղեկավարին:

Լիազոր մարմնի կամ նրա համապատասխան ստորաբաժանման ղեկավարը հայտը ստանալուց հետո` մեկ օրվա ընթացքում, սահմանված բավարար հիմքերի առկայության դեպքում հաշվառում չունեցող քաղաքացուն ընդգրկում է նրա բնակության վայրի ընտրողների ցուցակում` այդ մասին գրավոր տեղեկացնելով քաղաքացուն:

____________________________________________

Հ Ա Յ Տ

Ընտրողների ցուցակում ընդգրկվելու

Ես՝___________________________________________________________________________

                                                         (ազգանուն , անուն, հայրանուն,

Ծնված` _______________________________________________________________________

                                                     ծննդյան ամսաթիվ, ամիս, տարեթիվ)

Անձնագիր_____________________________________________________________________

                                                          (սերիա, համար, ում կողմից է տրված)

«____» ___________________ - - - թվականից առանց հաշվառման բնակվում եմ

_____________________________________________________________________________

                                                      (բնակության վայրի հասցեն)

_____________________________________________________________________________

Խնդրում եմ ինձ ընդգրկել _______________________________համայնքի ընտրողների ցուցակում:

Կից ներկայացվում է տեղեկանք բնակության վայրից:

ՀԱՅՏԱՏՈւ ________________________               _________________

                               (ազգանուն)                                  (ստորագրություն)

                                 «____» _______________ 200 թվական