ք.Ստեփանակերտ

Ղեկավարվելով Լեռնային Ղարաբաղի Հանրապետության ընտրական օրենսգրքի 9-րդ հոդվածի 4-րդ կետով՝ Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.

1. Կենտրոնական ընտրական հանձնաժողովը վերահսկում է համայնքների ղեկավարների և ոստիկանության համապատասխան անձնագրային ծառայությունների համատեղ աշխատանքը ԼՂՀ ընտրական օրենսգրքով և ԼՂՀ ԿԸՀ-ի 25.02.2005թ. թիվ 3/23 որոշմամբ սահմանված կարգով համայնքներում ընտրողների ցուցակները կազմելու և վարելու ուղղությամբ:

2. Ընտրատարածքային ընտրական հանձնաժողովները վերահսկողություն են իրականացնում համայնքների ղեկավարների կողմից քվեարկության օրվանից 40 օր առաջ տեղամասային կենտրոններին, իսկ տեղամասային ընտրական հանձնաժողովներին՝ 2 օր առաջ, ընտրողների ցուցակները տրամադրելու և քաղաքացիների, վստահված անձանց ու հանձնաժողովների անդամների դիմումների հիման վրա ընտրողների ցուցակներում կատարվող գործընթացի նկատմամբ:

3. Ընտրատարածքային ընտրական հանձնաժողովները տեղամասային ընտրական հանձնաժողովների աջակցությամբ, տվյալ ընտրատարածքի տեղամասերի ընտրողների ցուցակների ճշգրտությունը պարզում են ցուցակներում ընտրողների փաստացի քանակի առնվազն հինգ տոկոսի ընտրանքային ստուգման միջոցով:

4. Կենտրոնական ընտրական հանձնաժողովի անդամը՝ հանրապետության ամբողջ տարածքում, իսկ ընտրատարածքային ընտրական հանձնաժողովի անդամը՝ տվյալ ընտրատարածքում, իրավունք ունի ստանալ ցանկացած տեղեկատվություն համայնքների ղեկավարներից և ոստիկանության համապատասխան անձնագրային ծառայություններից՝ ընտրողների ցուցակների կազմման, վարման և կատարված փոփոխությունների հիմնավորումների վերաբերյալ: