ք.Ստեփանակերտ

Համաձայն «Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության օրենքի 10-րդ հոդվածի 1-ին մասի

Հաստատել հարկադիր կատարման ծառայությունում առաջին անգամ որպես հարկադիր կատարողի պաշտոնի նշանակվող անձանց երդման կարգը` համաձայն հավելվածի:

1. Սույն կարգը սահմանում է դատական ակտերի հարկադիր կատարումն ապահովող ծառայությունում առաջին անգամ որպես հարկադիր կատարող պաշտոնի նշանակվող անձանց երդման ընթացակարգը:

2. Դատական ակտերի հարկադիր կատարումն ապահովող ծառայությունում ծառայության անցնող յուրաքանչյուր անձ երդում է տալիս անհատապես և այն հաստատում անձնական ստորագրությամբ:

3. Հարկադիր կատարման ծառայությունում երդում տալիս են`

ա/ Հարկադիր կատարման ծառայությունում առաջին անգամ պաշտոնի նշանակվողը` ծառայության վայր ներկայանալուց 1 ամսվա ընթացքում,

բ/ երդումը տրվում է մեկ անգամ, այն չի կրկնվում հետագայում /ծառայության վայրը փոխելից, աշխատանքում վերականգնվելիս, կրկին անգամ դատական ակտերի հարկադիր կատարումն ապահովող ծառայությունում պաշտոնի նշանակվելիս/:

4. Դատական ակտերի հարկադիր կատարումն ապահովող վարչությունում երդում տվողների հետ, մինչև երդման արարողության օրը, տարվում է բացատրական աշխատանք, որի ընթացքում պարզաբանվում են երդման նշանակությունը, հարկադիր կատարման ծառայության առանձնահատկություններն ու «Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության օրենքով սահմանված երդման տեքստի բովանդակությունը և հայտարարվում է երդման արարողության ժամը:

5. Նշված ժամին Լեռնային Ղարաբաղի Հանրապետության գլխավոր հարկադիր կատարողը /ԴԱՀԿԱ վարչության պետ, այսուհետ գլխավոր հարկադիր կատարող/ կամ նրա կողմից լիազորված պաշտոնատար անձը, հարկադիր կատարման ծառայության նշանակության, խնդիրների և պարտականությունների մասին ներածական խոսքից հետո հայտարարում է երդման արարողությունը սկսելու մասին:

6. Երդման արարողությունը սկսվում է հանդիսավոր պայմաններում:

7. Եդում տվողները հերթականությամբ հրավիրվում են, նրանցից յուրաքանչյուրը բարձրաձայն ընթերցում է օրենքով սահմանված երդման տեքստը և ստորագրում իր ազգանվան դիմաց: Այնուհետև դատական ակտերի հարկադիր կատարումն ապահովող ծառայության ղեկավարը շնորհավորում է հարկադիր կատարողներին երդում տալու համար, որից հետո հնչեցվում է Լեռնային Ղարաբաղի Հանրապետության օրհներգը:

8. Հարկադիր կատարողի կողմից ստորագրված երդման ձևաթուղթը /ձևը կցվում է/ հետագայում կցվում է նրա անձնական գործին:

9. Երդման արարողությունն անցկացվում է Լեռնային Ղարաբաղի Հանրապետության գլխավոր հարկադիր կատարողի կողմից սահմանված վայրում:

_____________________________________________________________________________

                                                                      ԵՐԴՈՒՄ

Ես___________________________________________________________________________

                 անուն                հայրանուն                      ազգանուն

Լեռնային Ղարաբաղի Հանրապետության դատական ակտերի հարկադիր կատարման ծառայությունում պաշտոն ստանձնելով` ե ր դ վ ու մ եմ.

հավատարմորեն ծառայել Լեռնային Ղարաբաղի Հանրապետության ժողովրդին, խստագույնս պահպանել Լեռնային Ղարաբաղի Հանրապետության Սահմանադրությունը և օրենքները, մարդու և քաղաքացու իրավունքներն ու ազատությունները, աջակցել սահմանադրական կարգի պահպանմանը, անվերապահորեն և բարեխղճորեն կատարել իմ պարտականությունները:

                                                    ________________                       ______________________

                                                       ստորագրություն

                                                                 ______________________________

«_____» ________________ 200__թ.