«Գնումների մասին» Լեռնային Ղարաբաղի Հանրապետության օրենքի 4, 5 հոդվածներով, 17 հոդվածի 3-րդ կետի 1-ին ենթակետով, Լեռնային Ղարաբաղի Հանրապետության կառավարության 2003 թվականի հունվարի 21-ի «Գնումների մասին» Լեռնային Ղարաբաղի Հանրապետության օրենքի կիրարկումն ապահովող առաջնահերթ միջոցառումների մասին» թիվ 7 որոշման 2-րդ կետով վերապահված իրավասությունների շրջանակներում հրամայում եմ՝

Հաստատել «Գնումների ընթացակարգերի կազմակերպման և անցկացման գործընթացի նորմատիվ կարգավորման մեթոդական ապահովման» կարգը (կցվում է):

1. Սույն կարգը սահմանում է «Գնումների մասին» Լեռնային Ղարաբաղի Հանրապետության օրենքի (այսուհետ՝ օրենք) 17 հոդվածի 3-րդ կետի 1-ին ենթակետի համաձայն գնումների ընթացակարգերի կազմակերպման և անցկացման գործընթացի նորմատիվ կարգավորման՝ լիազոր մարմնի կողմից մեթոդական ապահովման գործընթացը և կարգավորում է այդ գործընթացի հետ կապված հիմնական հարաբերությունները:

2. Գնումների մասին օրենսդրությամբ սահմանված հասկացությունները սույն կարգում գործածվում են նույն իմաստով:

3. Գնումների հետ կապված հարաբերությունները կարգավորող օրենքները և իրավական ուժ ստացած այլ իրավական ակտերը (այսուհետ՝ ակտ) Լեռնային Ղարաբաղի Հանրապետության ֆինանսների և էկոնոմիկայի նախարարություն մուտքագրվելու օրվան հաջորդող հինգ աշխատանքային օրվա ընթացքում, լիազոր մարմինը՝ սույն կարգի 4-րդ կետի համաձայն կազմում և Լեռնային Ղարաբաղի Հանրապետության նախարարություններին, գերատեսչություններին, շրջվարչակազմերին ու Ստեփանակերտի քաղաքապետարանին, իսկ տեղական ինքնակառավարման մարմինների համար պարտադիր կատարման ենթակա նորմ պարունակող ակտի ընդունման դեպքում՝ նաև համայնքներին է տրամադրում (ուղարկում) նորմատիվ բնույթ չունեցող մեթոդական ցուցում (այսուհետև՝ ցուցում):

4. Ցուցումը պարունակում է ակտի կարգավորման առարկայի, նպատակի, գործողության ոլորտի, ուժի մեջ մտնելու պահի, այդ ակտով պատվիրատուների և գնումների հետ կապված հարաբերություններին մասնակից անձանց համար սահմանվող իրավունքների և պարտականությունների համառոտ նկարագիրը:

5. Բացառությամբ սույն կարգի 4-րդ կետի համաձայն տրամադրվող ցուցումի, ակտի (ակտերի) մասին լիազոր մարմինը պատվիրատուներին և (կամ) գնումների հետ կապված հարաբերությունների մասնակից անձանց, իրեն վերապահված իրավասությունների շրջանակներում, նորմատիվային բնույթ չունեցող պարզաբանումներ և (կամ) այլ ցուցումներ տրամադրում է իր հայեցողությամբ, ինչպես նաև՝ պատվիրատուների և (կամ) սույն կետում նշված անձանցից պարզաբանում կամ ցուցումներ ստանալու գրավոր դիմումի առկայության դեպքում՝ այդ գրությունը ԼՂՀ ֆինանսների և էկոնոմիկայի նախարարություն մուտքագրվելու օրվան հաջորդող հինգ աշխատանքային օրվա ընթացքում: