ք. Ստեփանակերտ

Հիմք ընդունելով Ընդերքի մասին Լեռնային Ղարաբաղի Հանրապետության օրենսգրքի 24-րդ հոդվածը` Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել ընդերքօգտագործման իրավունքի երաշխիքային հավաստագրի տրամադրման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

1. Սույն կարգով կարգավորվում է Ընդերքի մասին Լեռնային Ղարաբաղի Հանրապետության օրենսգրքով նախատեսված ընդերքօգտագործման իրավունքի երաշխիքային հավաստագրի (այսուհետ` հավաստագիր) տրամադրման կարգը:

2. Հավաստագրով սահմանվում է ընդերքօգտագործման թույլտվության շրջանակում ընդերքօգտագործման իրավունք ստացած անձի նկատմամբ կիրառվելիք բնօգտագործման վճարների (այդ թվում` ռոյալթիների) և շահութահարկի հաշվարկման բազան և դրույքաչափերը:

 3. Հավաստագիրը տրամադրում է Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչությունը (այսուհետ` լիազոր մարմին)՝ համաձայնեցնելով Լեռնային Ղարաբաղի Հանրապետության կառավարությանն առընթեր հարկային պետական ծառայության հետ:

4. Հավաստագիր ստանալու նպատակով ընդերքօգտագործողը լիազոր մարմին է ներկայացնում`

1) դիմում հավաստագիր ստանալու համար` համաձայն N 1 ձևի.

2) կազմակերպության հիմնադիր փաստաթղթերի պատճենները.

3) ընդերքօգտագործման թույլտվության պատճենը:

5. Լիազոր մարմինը դիմումը ստանալու օրվանից տասնօրյա ժամկետում ընդերքօգտագործման իրավունք ստացած անձին տրամադրում է հավաստագիր` համաձայն N 2 ձևի, երեք տարի ժամկետով:

6. Հավաստագրի գործողության ժամկետը կարող է երկարաձգվել Լեռնային Ղարաբաղի Հանրապետության կառավարության որոշմամբ սահմանված՝ մինչև երեք տարի ժամկետով ընդերքօգտագործողի կողմից Լեռնային Ղարաբաղի Հանրապետության կառավարության կողմից հավանության արժանացած ներդրումային ծրագրի (այսուհետ` Ծրագիր) շրջանակում 40 000 000 000 (քառասուն միլիարդ) ՀՀ դրամը գերազանցող ներդրում կատարելու դեպքում:

7. Հավաստագրի գործողության ժամկետը երկարաձգելու նպատակով ընդերքօգտագործողը հավաստագրի գործողության ժամկետը լրանալու օրվանից առնվազն 40 օր առաջ լիազոր մարմին է ներկայացնում `

1) դիմում հավաստագրի գործողության ժամկետի երկարաձգման համար` համաձայն N 3 ձևի.

2) Ծրագրի շրջանակում կատարված 40 000 000 000 (քառասուն միլիարդ) ՀՀ դրամը գերազանցող ներդրումների արժեքի վերաբերյալ աուդիտորական կազմակերպության եզրակացությունը.

3) ընդերքօգտագործողի կողմից կատարված փաստացի ներդրումները հաստատող փաստաթղթերի պատճենները:

8. Երկարաձգման դիմումը ստանալու օրվանից 40-օրյա ժամկետում լիազոր մարմինը ուսումնասիրում է ներկայացված դիմումը և ստուգում կատարված ներդրումների հավաստիությունը: Լիազոր մարմինը` Լեռնային Ղարաբաղի Հանրապետության կառավարության որոշմամբ սահմանված ժամկետով, երկարաձգում է հավաստագրի գործողության ժամկետը՝ համաձայնեցնելով Լեռնային Ղարաբաղի Հանրապետության կառավարությանն առընթեր հարկային պետական ծառայության հետ:

9. Լիազոր մարմինը մերժում է հավաստագրի գործողության ժամկետի երկարաձգման դիմումը, եթե դիմումում ներառված տվյալները չեն համապատասխանում կամ չեն բավարարում սույն կարգի պահանջներին:

10. Հավաստագիրը կորցնելու կամ այն վնասվելու դեպքում լիազոր մարմինը, դիմողի ներկայացրած դիմումի հիման վրա, տրամադրում է դրա կրկնօրինակը:

11. Հավաստագիրը կազմվում է երեք օրինակից: Հավաստագրի առաջին օրինակը տրամադրվում է դիմումատուին, երկրորդ օրինակը` Լեռնային Ղարաբաղի Հանրապետության կառավարությանն առընթեր հարկային պետական ծառայությանը, երրորդ օրինակը պահվում է լիազոր մարմնում։

Դ Ի Մ ՈՒ Մ

ԸՆԴԵՐՔՕԳՏԱԳՈՐԾՄԱՆ ԹՈՒՅԼՏՎՈՒԹՅՈՒՆ N___________________________________________

Ընդերքի մասին Լեռնային Ղարաբաղի Հանրապետության օրենսգրքի 24-րդ հոդվածի համաձայն խնդրում եմ տրամադրել ընդերքօգտագործման իրավունքի երաշխիքային հավաստագիր:

Դիմումին կից ներկայացնում եմ՝

1) կազմակերպության հիմնադիր փաստաթղթերի պատճենները,

2) ընդերքօգտագործման թույլտվության պատճենը:

____________________________ 20 թ.

Համաձայն Ընդերքի մասին Լեռնային Ղարաբաղի Հանրապետության օրենսգրքի 24-րդ հոդվածի 2-րդ և 4-րդ

մասերի______________________________________ նկատմամբ կիրառվում են բնօգտագործման վճարների և

                      (ընդերքօգտագործող իրավաբանական անձի անվանումը)

 շահութահարկի հետևյալ հաշվարկման բազան ու դրույքաչափերը`

Դ Ի Մ ՈՒ Մ

Ընդերքի մասին Լեռնային Ղարաբաղի Հանրապետության օրենսգրքի 24-րդ հոդվածի համաձայն խնդրում եմ երկարաձգել ընդերքօգտագործման իրավունքի երաշխիքային հավաստագրի գործողության ժամկետը:

Դիմումին կից ներկայացնում եմ՝

Ծրագրի շրջանակում կատարված 40 000 000 000 (քառասուն միլիարդ) ՀՀ դրամը գերազանցող ներդրումների արժեքի վերաբերյալ աուդիտորական կազմակերպության եզրակացությունը: