ք.Ստեփանակերտ

Ղեկավարվելով Լեռնային Ղարաբաղի Հանրապետության ընտրական օրենսգրքի 45-րդ հոդվածի 4-րդ և 62-րդ հոդվածի 8-րդ կետերով՝ ԼՂՀ կենտրոնական ընտրական հանձնաժողովը ո ր ո շ ո ւ մ է.

Սահմանել Ազգային ժողովի ընտրությունների փաստաթղթերի և գույքի պահպանման կարգը՝ համաձայն հավելվածի:

1. Ընտրական փաստաթղթերը ընտրական հանձնաժողովներում հանձնվում և ընդունվում են գործավարության մատյաններում պարտադիր գրառմամբ, հանձնողի և ընդունողի կողմից ստորագրելու և ստացական տալու միջոցով:

2. Ընտրությունների նախապատրաստման և անցկացման համար ընտրական փաստաթղթերի և գույքի ստացման, տեղափոխման ու պահպանման համար պատասխանատու են ընտրական հանձնաժողովների նախագահները:

3. Ընտրություններից հետո ընտրական բոլոր փաստաթղթերը, կնիքը և մեթոդական գրականությունը ընտրական տեղամասերից անմիջապես ուղարկվում են ընտրատարածքային ընտրական հանձնաժողովներ:

4. Ընտրությունների վերջնական արդյունքների ամփոփումից հետո ընտրատարածքային ընտրական հանձնաժողովը ընտրական բոլոր փաստաթղթերը և կնիքները հանձնում է կենտրոնական ընտրական հանձնաժողով:

5. Կենտրոնական ընտրական հանձնաժողովն ապահովում է նշված փաստաթղթերի պահպանությունը և ընտրությունների արդյունքների պաշտոնական հրապարակումից 2 ամիս հետո դրանք պահպանության է հանձնում ԼՂՀ պետական արխիվ:

6. Կենտրոնական ընտրական հանձնաժողովի կողմից հատուկ հսկողություն է սահմանվում կնիքների ապահով պահպանման համար:

7. Ընտրություններից անմիջապես հետո տեղամասային ընտրական հանձնաժողովի նախագահը պիտանի գույքը ակտավորում է և հանձնում համայնքի ղեկավարին՝ հետագա ընտրությունների ժամանակ օգտագործելու նպատակով: