| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«30»մարտի 2005թ.
Պետական գրանցման թիվ 418
ԼՂՀ արդարադատության նախարար
_______________ Ռ. Հայրապետյան |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
|
«24» մարտի 2005թ. |
Թիվ 6/82 |
ք.Ստեփանակերտ
Ո Ր Ո Շ Ո Ւ Մ
ՎՍՏԱՀՎԱԾ ԱՆՁԻ, ԶԱՆԳՎԱԾԱՅԻՆ ԼՐԱՏՎՈՒԹՅԱՆ ՄԻՋՈՑՆԵՐԻ ՆԵՐԿԱՅԱՑՈՒՑՉԻ ԻՐԱՎՈՒՆՔՆԵՐԻ, ՊԱՐՏԱԿԱՆՈՒԹՅՈՒՆՆԵՐԻ ԵՎ ԳՈՐԾՈՒՆԵՈՒԹՅԱՆ ԵՐԱՇԽԻՔՆԵՐԻ ԱՊԱՀՈՎՄԱՆ ԿԱՐԳԻ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 31-րդ հոդվածով՝ ԼՂՀ կենտրոնական ընտրական հանձնաժողովը ո ր ո շ ո ւ մ է.
Սահմանել վստահված անձի, զանգվածային լրատվության միջոցների ներկայացուցչի իրավունքների, պարտականությունների և գործունեության երաշխիքների ապահովման մասին կարգը՝ համաձայն հավելվածի:
|
ԼՂՀ կենտրոնական ընտրական
հանձնաժողովի նախագահ՝ |
Ս. Նասիբյան |
| |
Հավելված
ԼՂՀ ԿԸՀ 2005թ.
մարտի 24-ի
թիվ 6/82 որոշման |
Կ Ա Ր Գ
Վստահված անձի, զանգվածային լրատվության միջոցների ներկայացուցչի իրավունքների, պարտականությունների և գործունեության երաշխիքների ապահովման
Ընտրությունների հրապարակայնությունը ապահովելու նպատակով ԼՂՀ ընտրական օրենսգրքի համաձայն նախընտրական և քվեարկության գործընթացին ներկա գտնվելու իրավունք ունեն վստահված անձինք, զանգվածային լրատվության միջոցների ներկայացուցիչներ:
● Վստահված անձինք ներկայացնում են թեկնածուների շահերը.
● ԶԼՄ-ների ներկայացուցիչները ներկայացնում են տարբեր լրատվության միջոցներ:
Վստահված անձը և ԶԼՄ-ների հավատարմագրված ներկայացուցիչները չեն կարող պատասխանատվության ենթարկվել ընտրությունների ընթացքի և արդյունքների ամփոփման վերաբերյալ իրենց հայտնած կարծիքի համար:
1. ՎՍՏԱՀՎԱԾ ԱՆՁԻՆՔ
Գրանցվելուց հետո թեկնածուները իրավունք ունեն վստահված անձինք ունենալ, որոնք իրավասու են պաշտպանել իրենց թեկնածուների շահերը ընտրական հանձնաժողովներում, պետական և տեղական մարմինների, կազմակերպությունների, ԶԼՄ-ների հետ փոխհարաբերություններում:
Վստահված անձինք իրավունք ունեն՝
● ներկա գտնվել ընտրական հանձնաժողովի նիստերին, տեղամասային կենտրոնում քվեատուփերը կնքելու ժամանակ և քվեարկության ընթացքում, ինչպես նաև ՏԸՀ-ում, ԸԸՀ-ում և ԿԸՀ-ում քվեաթերթիկների հաշվառման և արդյունքների ամփոփման գործընթացին (յուրաքանչյուր թեկնածուի և Ազգային ժողովի՝ համամասնական ընտրակարգով գրանցված կուսակցության մեկական վստահված անձ՝ խորհրդակցական ձայնի իրավունքով),
● անարգել ծանոթանալ ընտրական փաստաթղթերին, քվեաթերթիկների նմուշներին, ընտրական հանձնաժողովի որոշումներին, նիստերի արձանագրություններին, ստանալ դրանց պատճենները, կատարել քաղվածքներ,
● բողոքարկել ընտրական հանձնաժողովների որոշումները, գործողությունները կամ անգործությունը,
● քվեարկության ընթացքում տեսադաշտում պահել և հետևել ՏԸՀ-ի անդամների աշխատանքներին: Ըստ ցանկության և փոխհամաձայնեցված, բայց ոչ ավելի, քան մեկ վստահված անձ, կարող է շրջել ՏԸՀ-ի աշխատանքային տարածքում և խախտումներ նկատելու դեպքում հանձնաժողովի նախագահին դիտողություններ և առաջարկություններ ներկայացնել,
● վստահված անձը կարող է ՏԸՀ-ից պահանջել, որ արձանագրվեն քվեարկության կարգի խախտման դեպքերը,
● ՏԸՀ-ի նախագահի համաձայնությամբ ձայնագրել, տեսագրել և լուսանկարել:
Վստահված անձն իրավունք չունի միջամտել ընտրական հանձնաժողովի աշխատանքներին:
2. ԶԼՄ-ՆԵՐԻ ՆԵՐԿԱՅԱՑՈՒՑԻՉՆԵՐԸ
ԶԼՄ-ների հավատարմագրված ներկայացուցիչները պետք է ունենան համապատասխան վկայական և անհրաժեշտության դեպքում անձը հաստատող փաստաթուղթ:
ԶԼՄ-ների հավատարմագրված ներկայացուցիչներն իրավունք ունեն՝
● ներկա գտնվել ընտրական հանձնաժողովի նիստերին, իսկ քվեարկության ընթացքում՝ նաև տեղամասային կենտրոնում, ինչպես նաև ՏԸՀ-ում, ԸԸՀ-ում և ԿԸՀ-ում քվեաթերթիկների հաշվառման և արդյունքների ամփոփման գործընթացին,
● անարգել ծանոթալ ընտրական փաստաթղթերին, քվեաթերթիկների նմուշներին, ընտրական հանձնաժողովի որոշումներին, նիստերի արձանագրություններին, ստանալ դրանց պատճենները, կատարել քաղվածքներ,
● ՏԸՀ-ի նախագահի գիտությամբ ձայնագրել, տեսագրել և լուսանկարել:
ԶԼՄ-ների հավատարմագրված ներկայացուցիչներն իրավունք չունեն միջամտել ընտրական հանձնաժողովի աշխատանքներին:
|
ԼՂՀ կենտրոնական ընտրական
հանձնաժողովի քարտուղար՝ |
Ռ. Նազարյան |