DocumentView

Համարը	N 890-Ն	Տեսակը	Հիմնական
Տիպը	Որոշում	Կարգավիճակը	Չի գործում
Սկզբնաղբյուրը	ԼՂՀՊՏ 2014.12.29/21(266)	Ընդունման վայրը	Ստեփանակերտ
Ընդունող մարմինը	ԼՂՀ կառավարություն	Ընդունման ամսաթիվը	23.12.2014
Ստորագրող մարմինը	ԼՂՀ Վարչապետ	Ստորագրման ամսաթիվը	23.12.2014
Վավերացնող մարմինը		Վավերացման ամսաթիվը
Ուժի մեջ մտնելու ամսաթիվը	08.01.2015	Ուժը կորցնելու ամսաթիվը	01.01.2016

Կապեր այլ փաստաթղթերի հետ

Փոփոխողներ և ինկորպորացիաներ

ԼՂՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԼՂՀ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԼՂՀ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՄԵԹՈԴԱԲԱՆՈՒԹՅՈՒՆՆ ՈՒ ՌԻՍԿԱՅՆՈՒԹՅՈՒՆԸ ՈՐՈՇՈՂ ՉԱՓԱՆԻՇՆԵՐԻ ԸՆԴՀԱՆՈՒՐ ՆԿԱՐԱԳԻՐԸ, ՍՏՈՒԳՈՒՄՆԵՐԻ ՍՏՈՒԳԱԹԵՐԹԸ ԵՎ ԸՍՏ ԱՆՀՐԱԺԵՇՏՈՒԹՅԱՆ ՍՏՈՒԳՈՒՄՆԵՐԻ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 դեկտեմբերի 2014թ.

N 890-Ն

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆ ՌԻՍԿԻ ՎՐԱ ՀԻՄՆՎԱԾ ՍՏՈՒԳՈՒՄՆԵՐԻ ՄԵԹՈԴԱԲԱՆՈՒԹՅՈՒՆՆ ՈՒ ՌԻՍԿԱՅՆՈՒԹՅՈՒՆԸ ՈՐՈՇՈՂ ՉԱՓԱՆԻՇՆԵՐԻ ԸՆԴՀԱՆՈՒՐ ՆԿԱՐԱԳԻՐԸ, ՍՏՈՒԳՈՒՄՆԵՐԻ ՍՏՈՒԳԱԹԵՐԹԸ ԵՎ ԸՍՏ ԱՆՀՐԱԺԵՇՏՈՒԹՅԱՆ ՍՏՈՒԳՈՒՄՆԵՐԻ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Համաձայն «Լեռնային Ղարաբաղի Հանրապետությունում ստուգումների կազմակերպման և անցկացման մասին» Լեռնային Ղարաբաղի Հանրապետության օրենքի 2.1.-ին հոդվածի 2-րդ մասի 1-ին կետի, 3-րդ հոդվածի 1.1.-ին մասի՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել՝

1) Լեռնային Ղարաբաղի Հանրապետության աշխատանքի և սոցիալական հարցերի նախարարության Լեռնային Ղարաբաղի Հանրապետության աշխատանքի պետական տեսչության ռիսկի վրա հիմնված ստուգումների մեթոդաբանությունն ու ռիսկայնությունը որոշող չափանիշների ընդհանուր նկարագիրը՝ համաձայն N 1 հավելվածի.

2) աշխատանքի անվտանգության և պաշտպանության ու աշխատողների աշխատանքային իրավունքների բնագավառներում խախտումների ռիսկերը՝ համաձայն N 2 հավելվածի.

3) Լեռնային Ղարաբաղի Հանրապետության աշխատանքի և սոցիալական հարցերի նախարարության Լեռնային Ղարաբաղի Հանրապետության աշխատանքի պետական տեսչության կողմից իրականացվող ստուգումների ստուգաթերթը՝ համաձայն N 3 հավելվածի.

4) Լեռնային Ղարաբաղի Հանրապետության աշխատանքի և սոցիալական հարցերի նախարարության Լեռնային Ղարաբաղի Հանրապետության աշխատանքի պետական տեսչության կողմից իրականացվող ըստ անհրաժեշտության ստուգումների հարցաշարը՝ համաձայն N 4 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ԼԵՌՆԱՅԻՆ ՂԱՐԱԲԱՂԻ

ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ա. ՀԱՐՈՒԹՅՈՒՆՅԱՆ

Հավելված N 1

Լեռնային Ղարաբաղի

Հանրապետության կառավարության

2014 թվականի դեկտեմբերի 23-ի N 890-Ն որոշման

1. Սույն հավելվածով կարգավորվում են Լեռնային Ղարաբաղի Հանրապետության աշխատանքի և սոցիալական հարցերի նախարարության Լեռնային Ղարաբաղի Հանրապետության աշխատանքի պետական տեսչության (այսուհետ՝ աշխատանքի պետական տեսչություն) ռիսկի վրա հիմնված ստուգումների համակարգի կիրառման հետ կապված ընդհանուր հարցերը:

2. Ռիսկայնության գնահատման մեթոդաբանությունը և ռիսկայնությունը որոշող չափանիշների ընդհանուր նկարագիրը (այսուհետ՝ չափանիշներ) հնարավորություն կտա աշխատանքի պետական տեսչությանը վերլուծելու և գնահատելու վերահսկման ենթակա տնտեսավարող սուբյեկտների՝ ըստ դրանց աշխատանքային հարաբերություններում գործատուի ռիսկի գործոնների, ձևավորելու տվյալների բազա՝ ռիսկայնության խմբերի դասակարգելու նպատակով:

3. Սույն չափանիշներում օգտագործվում են հետևյալ հասկացությունները.

1) ռիսկ՝ տնտեսավարող սուբյեկտի գործունեության արդյունքում մարդու կյանքին կամ առողջությանը, ինչպես նաև աշխատողների գույքային շահերին վնաս հասցնելու հավանականություն` հաշվի առնելով այդ վնասի ծանրության հետևանքները.

2) տնտեսավարող սուբյեկտ՝ ֆիզիկական կամ իրավաբանական անձ, որի հետ աշխատողը գտնվում է աշխատանքային հարաբերություններում.

3) չափանիշ՝ աշխատանքի անվտանգության և պաշտպանության ու աշխատողների աշխատանքային իրավունքների բնագավառներում վերահսկման ենթակա տնտեսավարող սուբյեկտների ռիսկայնության աստիճանի գնահատման հատկանիշ։

4. Տնտեսավարող սուբյեկտների անհատական ռիսկը հաշվարկելիս հիմք են ընդունվում տնտեսավարող սուբյեկտների կողմից աշխատանքային օրենսդրությամբ սահմանված պահանջների խախտումները:

5. Անհատական ռիսկի գնահատման չափանիշները հաստատված են N 2 հավելվածով:

II. ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԴԱՍԱԿԱՐԳՈՒՄԸ

6. Ստուգում անցած և անհատական ռիսկի հանրագումարով գնահատված տնտեսավարող սուբյեկտները դասակարգվում են՝

1) բարձր ռիսկայնության խմբի, որտեղ տնտեսավարող սուբյեկտները ստուգվում են ոչ ավելի հաճախ, քան տարին մեկ անգամ՝ 15 և ավելի միավոր ստանալու դեպքում.

2) միջին ռիսկայնության խմբի, որտեղ տնտեսավարող սուբյեկտները ստուգվում են ոչ ավելի հաճախ, քան երեք տարին մեկ անգամ՝ 7-ից մինչև 15 միավոր ստանալու դեպքում.

3) ցածր ռիսկայնության խմբի, որտեղ տնտեսավարող սուբյեկտները ստուգվում են ոչ ավելի հաճախ, քան հինգ տարին մեկ անգամ՝ մինչև 7 միավոր ստանալու դեպքում:

7. Բարձր կամ միջին աստիճանի ռիսկայնության խմբերին դասվող տնտեսավարող սուբյեկտների մոտ անցկացվող ստուգումների հաճախականությունը կախված է լինելու Լեռնային Ղարաբաղի Հանրապետության աշխատանքային օրենսդրությամբ սահմանված պահանջների խախտումների հայտնաբերած քանակից՝ տնտեսավարող սուբյեկտին հնարավորություն տալով ստուգվել զգալիորեն քիչ, քան հաստատված է ստուգումների տարեկան ծրագրով:

8. Ստուգումների արդյունքում խախտումների հայտնաբերման և ավելի բարձր միավորներ հավաքելու դեպքում միջին և ցածր աստիճանի ռիսկայնության խմբերում դասակարգված տնտեսավարող սուբյեկտները կտեղափոխվեն համապատասխանաբար բարձր կամ միջին աստիճանի ռիսկայնության խմբեր:

III. ԱՆՀԱՏԱԿԱՆ ՌԻՍԿԻ ԳՆԱՀԱՏՄԱՆ ՉԱՓԱՆԻՇՆԵՐԻ ՀԱՄԱՐ ԿԻՐԱՌՎՈՂ ՏՎՅԱԼՆԵՐԻ ԲԱԶԱՆ

9. Տվյալների բազայի կիրառման նպատակն է՝

1) աջակցել աշխատանքի պետական տեսուչներին կայացնելու որոշումներ ստուգման գործընթացում և ապահովել այդ որոշումների հիմնավորվածությունը.

2) ռիսկայնության խմբերի դասակարգումը՝ ըստ գործատուի ռիսկի և ստուգումների հաճախականության վրա ազդող միտումների:

10. Տվյալների բազայի կառուցվածքն աղյուսակային է, բաղկացած է տեղեկատվական տողերից և սյունակներից:

11. Տվյալների բազան ձևավորված է ըստ գնահատվող տնտեսավարող սուբյեկտներին:

12. Աշխատանքի պետական տեսչության կողմից վերահսկվող տնտեսավարող սուբյեկտների գրանցամատյանում (ռեգիստր) տվյալները բաժանված են երեք մասի:

Առաջին մասը ներառում է տնտեսավարող սուբյեկտների ընդհանուր տվյալները, երկրորդ մասը՝ այն տվյալները, որոնք անմիջական կապ ունեն անհատական ռիսկի հաշվարկման հետ, իսկ երրորդ մասը՝ ստուգաթերթի միջոցով ստուգումների արդյունքում ստացված տվյալները:

13. Ռեգիստր ստեղծելուց հետո տվյալների բազան յուրաքանչյուր ամիս թարմացվում, լրացվում և ծառայում է աշխատանքի պետական տեսչության կողմից ռիսկի վրա հիմնված ստուգման համակարգի նպատակներին:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ

Լ. ԳՐԻԳՈՐՅԱՆ

Հավելված N 2

Լեռնային Ղարաբաղի

Հանրապետության կառավարության

2014 թվականի դեկտեմբերի 23-ի N 890-Ն որոշման

ԱՇԽԱՏԱՆՔԻ ԱՆՎՏԱՆԳՈՒԹՅԱՆ ԵՎ ՊԱՇՏՊԱՆՈՒԹՅԱՆ ՈՒ ԱՇԽԱՏՈՂՆԵՐԻ ԱՇԽԱՏԱՆՔԱՅԻՆ ԻՐԱՎՈՒՆՔՆԵՐԻ ԲՆԱԳԱՎԱՌՆԵՐՈՒՄ ԽԱԽՏՈՒՄՆԵՐԻ ՌԻՍԿԵՐ

Անհատական ռիսկի խումբ	Անհատական ռիսկի գնահատման չափանիշներ	Միավոր	Հիմք
1. Աշխատանքի անվտանգության և պաշտպանության բնագավառում խախտումներ	արտադրությունում մահվան ելքով խմբային դժբախտ դեպք (2 և ավելի մարդ)	15	դժբախտ դեպքի քննության ակտ
	արտադրությունում մահվան ելքով դժբախտ դեպք	12	դժբախտ դեպքի քննության ակտ
	արտադրությունում խմբային դժբախտ դեպք	10	դժբախտ դեպքի քննության ակտ
	արտադրությունում ծանր ելքով դժբախտ դեպք	10	դժբախտ դեպքի քննության ակտ
	մասնագիտական հիվանդություններ	5	դժբախտ դեպքի քննության ակտ
	արտադրությունում թեթև կամ միջին ելքով դժբախտ դեպք	3	դժբախտ դեպքի քննության ակտ
	աշխատանքի պաշտպանության ծառայություն չստեղծելը	7	ստուգման ակտ, աշխատանքի պետական տեսուչի որոշում
	աշխատողներին անհատական պաշտպանության միջոցներով չապահովելը	6	ստուգման ակտ, աշխատանքի պետական տեսուչի որոշում
	արտադրությունում դժբախտ դեպքերի քննություն չապահովելը	5	ստուգման ակտ, աշխատանքի պետական տեսուչի որոշում
	պարտադիր և պարբերական բժշկական զննություն չանցկացնելը	3	ստուգման ակտ, աշխատանքի պետական տեսուչի որոշում
	աշխատողների ուսուցում, հրահանգավորում և գիտելիքների ստուգում չանցկացնելը	8	ստուգման ակտ, աշխատանքի պետական տեսուչի որոշում
	արտադրական կազմակերպությունների պաշտոնատար անձանց և ղեկավար աշխատողների կողմից պարբերաբար աշխատանքի անվտանգության և պաշտպանության հարցերով ուսուցում և գիտելիքների ստուգում չանցնելը	5	ստուգման ակտ, աշխատանքի պետական տեսուչի որոշում
2. Աշխատողների աշխատանքային իրավունքների բնագավառում խախտումներ	օրենսդրությամբ սահմանված ժամկետում աշխատավարձ չվճարելը (2 և ավելի աշխատողների դեպքում)	15	ստուգման ակտ, աշխատանքի պետական տեսուչի որոշում
	օրենսդրությամբ սահմանված ժամկետում աշխատավարձ չվճարելը	10	ստուգման ակտ, աշխատանքի պետական տեսուչի որոշում
	առևտրի և սպասարկման ոլորտում աշխատողների կողմից անվանաքարտ կրելու պահանջները չպահպանելը	4	ստուգման ակտ, աշխատանքի պետական տեսուչի որոշում
	աշխատանքային պայմանագիր չկնքելը (2 և ավելի աշխատողների դեպքում)	9	ստուգման ակտ, աշխատանքի պետական տեսուչի որոշում
	աշխատանքային պայմանագիր չկնքելը	7	ստուգման ակտ, աշխատանքի պետական տեսուչի որոշում
	արձակուրդներ չտրամադրելը	4	ստուգման ակտ, աշխատանքի պետական տեսուչի որոշում
	աշխատանքային պայմանագրի կնքման սահմանափակումները չպահպանելը	4	ստուգման ակտ, աշխատանքի պետական տեսուչի որոշում
	օրենսդրությամբ սահմանված կարգի խախտմամբ արտաժամյա աշխատանքներին ներգրավելը	3	ստուգման ակտ, աշխատանքի պետական տեսուչի որոշում
	աշխատողի կյանքին և առողջությանը պատճառված վնասի հատուցման գումարները չվճարելը կամ ժամկետանց վճարելը	5	ստուգման ակտ, աշխատանքի պետական տեսուչի որոշում
	աշխատողին հասանելիք գումարները և փոխհատուցման վճարները չվճարելը կամ ժամկետանց վճարելը	5		ստուգման ակտ, աշխատանքի պետական տեսուչի որոշում
	Լեռնային Ղարաբաղի Հանրապետության աշխատանքային օրենսգրքով և այլ օրենքներով չնախատեսված կարգապահական տույժերի ենթարկելը	5		ստուգման ակտ, աշխատանքի պետական տեսուչի որոշում
	օրենսդրությամբ սահմանված կարգի խախտմամբ աշխատանքային պայմանագրի լուծումը	5		ստուգման ակտ, աշխատանքի պետական տեսուչի որոշում
	աշխատանքային գրքույկը լրացնելուց և տրամադրելուց հրաժարվելը	3		ստուգման ակտ, աշխատանքի պետական տեսուչի որոշում
	աշխատանքի ընդունման մասին անհատական իրավական ակտի և գրավոր աշխատանքային պայմանագրի բովանդակությունը չպահպանելը	2		ստուգման ակտ, աշխատանքի պետական տեսուչի որոշում
	աշխատանքային պայմանագրի կատարման պայմանները չպահպանելը	4		ստուգման ակտ, աշխատանքի պետական տեսուչի որոշում
	աշխատաժամանակի տևողությունը և կառուցվածքը չպահպանելը	3		ստուգման ակտ, աշխատանքի պետական տեսուչի որոշում
	աշխատաժամանակի հաշվարկի տեղեկագրի վարման կարգը և ձևը չպահպանելը	2		ստուգման ակտ, աշխատանքի պետական տեսուչի որոշում
	աշխատանքի ընդունման ժամանակ պահանջվող փաստաթղթերի կարգը չպահպանելը	2		ստուգման ակտ, աշխատանքի պետական տեսուչի որոշում
	նյութական պատասխանատվության պայմանագիր չկնքելը	1		ստուգման ակտ, աշխատանքի պետական տեսուչի որոշում
	աշխատավարձի վճարման մասով պարտքի առկայություն	7		ստուգման ակտ, աշխատանքի պետական տեսուչի որոշում
	աշխատողներին օրենսդրությամբ սահմանված նվազագույն աշխատավարձից ցածր աշխատավարձ վճարելը	8		ստուգման ակտ, աշխատանքի պետական տեսուչի որոշում
	աշխատողների անձնական տվյալների պաշտպանության կարգը չպահպանելը	4		ստուգման ակտ, աշխատանքի պետական տեսուչի որոշում
	գործատուի կողմից ներքին և անհատական իրավական ակտեր չընդունելը	5		ստուգման ակտ, աշխատանքի պետական տեսուչի որոշում
	աշխատողներին գործատուի կողմից ընդունված ներքին և անհատական իրավական ակտերին պատշաճ կարգով չիրազեկելը	4		ստուգման ակտ, աշխատանքի պետական տեսուչի որոշում
	երաշխիքների և հատուցումների տրամադրման կարգը և պայմանները չպահպանելը	8		ստուգման ակտ, աշխատանքի պետական տեսուչի որոշում

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ

Լ. ԳՐԻԳՈՐՅԱՆ

Հավելված N 3

Լեռնային Ղարաբաղի

Հանրապետության կառավարության

2014 թվականի դեկտեմբերի 23-ի N 890-Ն որոշման

Ս Տ ՈՒ Գ Ա Թ Ե Ր Թ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ ՍՏՈՒԳՈՒՄՆԵՐԻ

Ստուգաթերթ N

____ _____________ 20 թ.

____________________________________________________________________
^{(աշխատանքի պետական տեսչության ստորաբաժանման անվանումը)}
_________________________	_________________________
^{(հասցեն)}	^{(հեռախոսահամարը)}
____________________________________________________________________
^{^{(ստուգում}^{իրականացնող}^{պաշտոնատար}^անձի^{պաշտոնը}^,^անունը^,^{ազգանունը}⁾}
____________________________________________________________________
^{(ստուգում իրականացնող պաշտոնատար անձի պաշտոնը, անունը, ազգանունը)}

Ստուգման սկիզբը` _______________________
Ստուգման ավարտը` _______________________
____________________________________________________________________
⁽^{տնտեսավարող}^{սուբյեկտի}^{անվանումը}^,^{կազմակերպա}^-^{իրավական}^տեսակը⁾
ՀՎՀՀ	____________________
Պետական ռեգիստրի համարը	____________________
Իրավաբանական հասցեն	____________________
Գործունեության փաստացի իրականացման հասցեն ____________________
Գործունեության տեսակը	____________________

Ստուգման հանձնարարագիրը _________________________________________
⁽^համարը^,^ամիսը^,^{ամսաթիվը}^և^ում^կողմից^է^տրված⁾
____________________________________________________________________

Ստուգման նպատակը ______________________________________________
^{(ծրագրային կամ ըստ անհրաժեշտության)}
Ռիսկայնության խմբի որոշման արդյունքները ________________________________
____________________________________________________________________
⁽^{ստուգում}^{իրականացնող}^{պաշտոնատար}^անձանց^{անունները}^,^{ազգանունները}^,
____________________________________________________________________
^{ստորագրությունները)}

ՀԱՐՑԱՇԱՐ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ ՍՏՈՒԳՈՒՄՆԵՐԻ

Հ/Հ	Հարցը	Հղում նորմատիվ իրավական ակտին	Ստուգման մեթոդը
1	2	3	4
1.	Գործատուն ընդունել է ներքին կարգապահական կանոններ և դրանցով կամ կոլեկտիվ կամ աշխատանքային պայմանագրով սահմանել է աշխատաժամանակի և հանգստի ռեժիմ (ներքին կարգապահական կանոնների օրինակելի ձևը հրապարակվում է Լեռնային Ղարաբաղի Հանրապետության աշխատանքի և սոցիալական հարցերի նախարարության պաշտոնական կայքէջում)	Լեռնային Ղարաբաղի Հանրապետության աշխատանքային օրենսգրքի 5-րդ հոդվածի 2-րդ մաս, 13-րդ հոդված, 142-րդ հոդվածի 1-ին մաս, 152-րդ հոդվածի 5-րդ մաս, 153-րդ հոդվածի 4-րդ մաս, 217-րդ հոդվածի 5-րդ մաս, 218-րդ հոդված, 248-րդ հոդվածի 3-րդ և 4-րդ մասեր	փաստաթղթային ստուգում
2.	Աշխատողները պատշաճ կարգով ծանուցվել են ընդունված ներքին և անհատական իրավական ակտերին	Լեռնային Ղարաբաղի Հանրապետության աշխատանքային օրենսգրքի 5-րդ հոդվածի 4-րդ մաս «Իրավական ակտերի մասին» Լեռնային Ղարաբաղի Հանրապետության օրենքի 60-րդ հոդված	փաստաթղթային ստուգում
3.	Յուրաքանչյուր աշխատող աշխատանքի է ընդունվել կնքված գրավոր աշխատանքային պայմանագրի կամ աշխատանքի ընդունման մասին անհատական իրավական ակտի հիման վրա և աշխատանքի ընդունման մասին անհատական իրավական ակտի կամ աշխատանքային պայմանագրի մեկ օրինակը հանձնվել է աշխատողին, իսկ աշխատանքի ընդունման մասին անհատական իրավական ակտում կամ աշխատանքային պայմանագրում նշված են՝	Լեռնային Ղարաբաղի Հանրապետության աշխատանքային օրենսգրքի 5-րդ հոդվածի 4-րդ մաս, 14-րդ հոդված, 84-րդ հոդված, 85-րդ հոդվածի 1-ին մաս, 102-րդ հոդվածի 1-ին մաս	փաստաթղթային ստուգում
3.1.	անհատական իրավական ակտն ընդունելու (աշխատանքային պայմանագիր կնքելու) տարեթիվը, ամիսը, ամսաթիվը, վայրը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 1-ին կետ	փաստաթղթային ստուգում
3.2.	աշխատողի անունը, ազգանունը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 2-րդ կետ	փաստաթղթային ստուգում
3.3.	կազմակերպության անվանումը կամ ֆիզիկական անձ գործատուի անունը, ազգանունը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 3-րդ կետ	փաստաթղթային ստուգում
3.4.	աշխատանքն սկսելու տարեթիվը, ամիսը, ամսաթիվը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 5-րդ կետ	փաստաթղթային ստուգում
3.5.	պաշտոնի անվանումը և (կամ) աշխատանքային գործառույթները	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 6-րդ կետ	փաստաթղթային ստուգում
3.6.	աշխատավարձի չափը և (կամ) այն որոշելու ձևը	Լեռնային Ղարաբաղի Հանրա-պետության աշխատանքային օրենսգրքի 84-րդ հոդվածի 1-ին մասի 7-րդ կետ, 180-րդ հոդվածի 2-րդ մաս	փաստաթղթային ստուգում
3.7.	աշխատողներին սահմանված կարգով տրվող հավելումները, հավելավճարները, լրավճարները	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 8-րդ կետ	փաստաթղթային ստուգում
3.8.	աշխատանքային պայմանագրի գործողության ժամկետը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 9-րդ կետ	փաստաթղթային ստուգում
3.9.	փորձաշրջանի տևողությունը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 10-րդ կետ	փաստաթղթային ստուգում
3.10.	աշխատաժամանակը` ոչ լրիվ աշխատաժամանակով աշխատանքային ռեժիմ սահմանելու դեպքում	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 11-րդ կետ	փաստաթղթային ստուգում
3.11.	իրավական ակտն ստորագրող անձի պաշտոնը, անունը, ազգանունը	Լեռնային Ղարաբաղի Հանրապետության աշխատանքային օրենսգրքի 84-րդ հոդվածի 1-ին մասի 13-րդ կետ	փաստաթղթային ստուգում
3.12.	աշխատանքը կատարվում է համատեղությամբ	Լեռնային Ղարաբաղի Հանրապետության աշխատանքային օրենսգրքի 99-րդ հոդվածի 2-րդ մաս	փաստաթղթային ստուգում
4.	14-ից մինչև 16 տարեկան աշխատողի հետ կնքվել է ժամանակավոր աշխատանքային պայմանագիր	Լեռնային Ղարաբաղի Հանրապետության աշխատանքային օրենսգրքի 17-րդ հոդվածի 4-րդ մաս	փաստաթղթային ստուգում
5.	Աշխատանքի էական պայմանների փոփոխման դեպքում աշխատողները պատշաճ ծանուցվել են	Լեռնային Ղարաբաղի Հանրապետության աշխատանքային օրենսգրքի 105-րդ հոդվածի 2-րդ մաս, 115-րդ հոդվածի 1-ին մաս «Իրավական ակտերի մասին» Լեռնային Ղարաբաղի Հանրապետության օրենքի 60-րդ հոդված	փաստաթղթային ստուգում
6.	Աշխատանքային պայմանագիրը լուծելու կամ աշխատանքի էական պայմանները փոփոխելու մասին ծանուցման ժամկետները չպահպանելու համար աշխատողին վճարվել է տուժանք` ծանուցման յուրաքանչյուր ժամկետանց օրվա համար	Լեռնային Ղարաբաղի Հանրապետության աշխատանքային օրենսգրքի 115-րդ հոդվածի 2-րդ մաս	փաստաթղթային ստուգում
7.	Աշխատանքային պայմանագրի լուծումը ձևակերպված է գործատուի ընդունած անհատական իրավական ակտով	Լեռնային Ղարաբաղի Հանրապետության աշխատանքային օրենսգրքի 109-րդ հոդվածի 2-րդ մաս	փաստաթղթային ստուգում
8.	Գործատուի նախաձեռնությամբ, աշխատանքի էական պայմանները փոփոխվելու, ինչպես նաև պարտադիր ժամկետային զինվորական ծառայության զորակոչվելու հիմքերով աշխատանքային պայմանագիրը լուծելու դեպքերում վճարվել է արձակման նպաստ	Լեռնային Ղարաբաղի Հանրապետության աշխատանքային օրենսգրքի 129-րդ հոդվածի 1-ին մաս, 1-ին մասի 1-5-րդ կետեր, 2-րդ մաս	փաստաթղթային ստուգում
9.	Վերջնահաշվարկի օրը գործատուն աշխատողին վճարել է աշխատավարձը և դրան հավասարեցված այլ վճարումներ, ամենամյա արձակուրդի չօգտագործված բոլոր օրերի համար հատուցում	Լեռնային Ղարաբաղի Հանրապետության աշխատանքային օրենսգրքի 130-րդ հոդվածի 1-ին, 2-րդ մասեր, 170-րդ հոդվածի 1-ին, 2-րդ մասեր	փաստաթղթային ստուգում
10.	Աշխատաժամանակի տևողությունը
10.1.	պահպանված է շաբաթվա ընթացքում աշխատողների աշխատաժամանակի նորմալ տևողությունը	Լեռնային Ղարաբաղի Հանրապետության աշխատանքային օրենսգրքի 139-րդ հոդվածի 1-ին մաս Լեռնային Ղարաբաղի Հանրապետության կառավարության 2012 թվականի փետրվարի 8-ի N 47-Ն որոշում Լեռնային Ղարաբաղի Հանրապետության կառավարության 2005 թվականի նոյեմբերի 29-ի N 495 որոշում Լեռնային Ղարաբաղի Հանրապետության կառավարության 2010 թվականի փետրվարի 23-ի N 80-Ն որոշում Լեռնային Ղարաբաղի Հանրապետության կառավարության 2010 թվականի նոյեմբերի 29-ի N 789-Ն որոշում	փաստաթղթային ստուգում
10.2.	պահպանված է աշխատողների ամենօրյա աշխատաժամանակի նորմալ տևողությունը	Լեռնային Ղարաբաղի Հանրապետության աշխատանքային օրենսգրքի 139-րդ հոդվածի 2-րդ, 5-րդ մասեր Լեռնային Ղարաբաղի Հանրապետության կառավարության 2012 թվականի փետրվարի 8- ի N 47-Ն որոշում	փաստաթղթային ստուգում
10.3.	14-ից մինչև 16 տարեկան աշխատողներն աշխատում են ոչ ավելի, քան շաբաթական 24 ժամ	Լեռնային Ղարաբաղի Հանրապետության աշխատանքային օրենսգրքի 140-րդ հոդվածի 1-ին մասի 1-ին կետ	փաստաթղթային ստուգում
10.4.	16-ից մինչև 18 տարեկան աշխատողներն աշխատում են ոչ ավելի, քան շաբաթական 36 ժամ	Լեռնային Ղարաբաղի Հանրապետության աշխատանքային օրենսգրքի 140-րդ հոդվածի 1-ին մասի 2-րդ կետ	փաստաթղթային ստուգում
10.5.	պահպանված են ոչ լրիվ աշխատաժամանակի կիրառման վերաբերյալ պահանջները	Լեռնային Ղարաբաղի Հանրապետության աշխատանքային օրենսգրքի 141-րդ և 187-րդ հոդվածներ	փաստաթղթային ստուգում
10.6.	ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով	Լեռնային Ղարաբաղի Հանրապետության աշխատանքային օրենսգրքի 147-րդ հոդված	փաստաթղթային ստուգում
11.	Աշխատողների փաստացի աշխատած աշխատաժամանակը հաշվառված է աշխատաժամանակի հաշվարկի տեղեկագրում	Լեռնային Ղարաբաղի Հանրա-պետության աշխատանքային օրենսգրքի 142-րդ հոդվածի 6-րդ մաս Լեռնային Ղարաբաղի Հանրապետության կառավարության 2008 թվականի մայիսի 20-ի N 372 որոշում	փաստաթղթային ստուգում
12.	Արտաժամյա աշխատանք
12.1.	աշխատողներն արտաժամյա աշխատանքի են ներգրավվել արտակարգ բնույթ կրող դեպքերի կանխարգելման և դրանց հետևանքների վերացման, ինչպես նաև կազմակերպության գործունեության անընդհատությունն ապահովելու համար անհետաձգելի աշխատանքներ կատարելու բացառիկ դեպքերում	Լեռնային Ղարաբաղի Հանրապետության աշխատանքային օրենսգրքի 145-րդ հոդվածի 1-ին մասի 1-6-րդ կետեր	փաստաթղթային ստուգում
12.2.	պահպանվել է մինչև 18 տարեկան անձանց, առանց արտադրությունից կտրվելու` հանրակրթական և մասնագիտական դպրոցներում սովորողներին, առողջության համար վնասակար և (կամ) վտանգավոր գործոնների պայմաններում աշխատողներին արտաժամյա աշխատանքի ներգրավելու արգելքը	Լեռնային Ղարաբաղի Հանրապետության աշխատանքային օրենսգրքի 144-րդ հոդվածի 3-րդ մաս, 1-3-րդ կետեր	փաստաթղթային ստուգում
12.3.	հղի կանանց, մինչև մեկ տարեկան երեխա խնամող աշխատողին արտաժամյա աշխատանքում ներգրավելու դեպքում առկա է նրանց համաձայնությունը	Լեռնային Ղարաբաղի Հանրապետության աշխատանքային օրենսգրքի 144-րդ հոդվածի 4-րդ մաս	փաստաթղթային ստուգում
12.4.	արտաժամյա աշխատանքի յուրաքանչյուր ժամի համար ժամային դրույքաչափից բացի աշխատողին վճարվել է հավելում	Լեռնային Ղարաբաղի Հանրապետության աշխատանքային օրենսգրքի 184-րդ հոդված, 84.1-ին հոդվածի 2-րդ մաս	փաստաթղթային ստուգում
12.5.	պահպանվել է օրական, շաբաթական աշխատաժամանակի առավելագույն տևողությունը` ներառյալ արտաժամյա աշխատանքը	Լեռնային Ղարաբաղի Հանրապետության աշխատանքային օրենսգրքի 139-րդ հոդվածի 3-րդ մաս	փաստաթղթային ստուգում
12.6.	յուրաքանչյուր աշխատողի համար իրար հաջորդող երկու օրվա ընթացքում արտաժամյա աշխատանքի տևողությունը չի գերազանցում 4 ժամը	Լեռնային Ղարաբաղի Հանրապետության աշխատանքային օրենսգրքի 146-րդ հոդվածի 1-ին մաս	փաստաթղթային ստուգում
12.7.	յուրաքանչյուր աշխատողի համար տարվա ընթացքում արտաժամյա աշխատանքի տևողությունը չի գերազանցում 180 ժամը	Լեռնային Ղարաբաղի Հանրապետության աշխատանքային օրենսգրքի 146-րդ հոդվածի 1-ին մաս	փաստաթղթային ստուգում
13.	Պահպանվել է մինչև 18 տարեկան անձանց գիշերային աշխատանքի ներգրավելու արգելքը	Լեռնային Ղարաբաղի Հանրապետության աշխատանքային օրենսգրքի 148-րդ հոդվածի 3-րդ մաս	փաստաթղթային ստուգում
14.	Գիշերային աշխատանքի յուրաքանչյուր ժամի համար ժամային դրույքաչափից բացի աշխատողներին վճարվում է հավելում	Լեռնային Ղարաբաղի Հանրապետության աշխատանքային օրենսգրքի 184-րդ հոդված, 84.1-ին հոդվածի 2-րդ մաս	փաստաթղթային ստուգում
15.	Աշխատանքային օրերի (հերթափոխերի) միջև ամենօրյա անընդմեջ հանգստի տևողությունը պակաս չէ 11 ժամից, իսկ օրական 24 ժամ աշխատաժամանակի տևողությամբ աշխատողների համար` 24 ժամից	Լեռնային Ղարաբաղի Հանրապետության աշխատանքային օրենսգրքի 154-րդ հոդվածի 1-ին մաս, 139-րդ հոդվածի 4-րդ մաս Լեռնային Ղարաբաղի Հանրապետության կառավարության 2005 թվականի նոյեմբերի 29-ի N 495 որոշում	փաստաթղթային ստուգում
16.	Ամենօրյա անընդմեջ հանգստի տևողությունը 14-ից մինչև 16 տարեկան աշխատողների համար պակաս չէ 14 ժամից, իսկ 16-ից մինչև 18 տարեկան աշխատողների համար` 12 ժամից	Լեռնային Ղարաբաղի Հանրապետության աշխատանքային օրենսգրքի 154-րդ հոդվածի 2-րդ մաս	փաստաթղթային ստուգում
17.	Ամենշաբաթյա անընդմեջ հանգիստը պակաս չէ 35 ժամից	Լեռնային Ղարաբաղի Հանրապետության աշխատանքային օրենսգրքի 155-րդ հոդվածի 5-րդ մաս	փաստաթղթային ստուգում
18.	Մինչև 18 տարեկան աշխատողներին շաբաթվա ընթացքում տրվում է ոչ պակաս, քան երկու հանգստյան օր	Լեռնային Ղարաբաղի Հանրապետության աշխատանքային օրենսգրքի 155-րդ հոդվածի 5-րդ և 7-րդ մասեր	փաստաթղթային ստուգում
19.	Հանգստյան և օրենքով սահմանված ոչ աշխատանքային` տոնական և հիշատակի օրերին աշխատանքի ժամանակացույցով չնախատեսված աշխատանքը կողմերի համաձայնությամբ վարձատրվել է ժամային (օրական) դրույքաչափի կամ գործավարձի առնվազն կրկնակի չափով, կամ աշխատողին մեկ ամսվա ընթացքում տրամադրվել է վճարովի այլ հանգստյան օր, կամ այդ օրն ավելացվել է ամենամյա արձակուրդին	Լեռնային Ղարաբաղի Հանրապետության աշխատանքային օրենսգրքի 185-րդ հոդվածի 1-ին մաս	փաստաթղթային ստուգում
20.	Աշխատանքի ժամանակացույցով՝ օրենքով սահմանված ոչ աշխատանքային` տոնական և հիշատակի օրերին կատարված աշխատանքը վարձատրվել է ժամային (օրական) դրույքաչափի կամ գործավարձի կրկնակի չափով	Լեռնային Ղարաբաղի Հանրապետության աշխատանքային օրենսգրքի 185-րդ հոդվածի 2-րդ մաս	փաստաթղթային ստուգում
21.	Աշխատողներին տրամադրվում է ամենամյա արձակուրդ (նվազագույն, լրացուցիչ, երկարացված, տեղափոխված, երկարաձգված)	Լեռնային Ղարաբաղի Հանրապետության աշխատանքային օրենսգրքի 159-րդ հոդվածի 1-ին, 2-րդ մասեր, 160-րդ հոդված, 161-րդ հոդվածի 1-ին մաս, 166-րդ հոդված, 167-րդ հոդված Լեռնային Ղարաբաղի Հանրապետության կառավարության 2005 թվականի նոյեմբերի 29-ի N 496 որոշում Լեռնային Ղարաբաղի Հանրապետության կառավարության 2005 թվականի նոյեմբերի 29-ի N 497 որոշում	փաստաթղթային ստուգում
22.	Ամենամյա արձակուրդի համար հաշվարկվում և աշխատողին վճարվում է միջին աշխատավարձ՝ ամենամյա արձակուրդը սկսելուց ոչ ուշ, քան երեք օր առաջ	Լեռնային Ղարաբաղի Հանրապետության աշխատանքային օրենսգրքի 169-րդ հոդվածի 1-ին, 2-րդ մասեր	փաստաթղթային ստուգում
23.	Վճարված, սակայն չօգտագործված արձակուրդային օրերը հետագայում օգտագործելու դեպքում, ինչպես նաև երկարաձգված արձակուրդի համար վճարվում է միջին աշխատավարձ	Լեռնային Ղարաբաղի Հանրապետության աշխատանքային օրենսգրքի 169-րդ հոդվածի 2-րդ, 3-րդ մասեր	փաստաթղթային ստուգում
24.	Աշխատողների համար սահմանվել և վճարվել է նվազագույն աշխատավարձի չափից ոչ պակաս աշխատավարձ	Լեռնային Ղարաբաղի Հանրապետության աշխատանքային օրենսգրքի 179-րդ հոդված, 180-րդ հոդվածի 1-ին մաս «Նվազագույն ամսական աշխատավարձի մասին» Լեռնային Ղարաբաղի Հանրապետության օրենք	փաստաթղթային ստուգում
25.	Աշխատավարձը յուրաքանչուր ամիս հաշվարկված և վճարված է աշխատողներին՝ մինչև հաջորդ ամսվա 15-ը	Լեռնային Ղարաբաղի Հանրապետության աշխատանքային օրենսգրքի 192-րդ հոդվածի 1-ին մաս	փաստաթղթային ստուգում
26.	Ծանր, վնասակար, առանձնապես ծանր, առանձնապես վնասակար աշխատանքներ կատարելու համար աշխատողին վճարվում է հավելում	Լեռնային Ղարաբաղի Հանրապետության աշխատանքային օրենսգրքի 183-րդ, 84.1-ին հոդվածներ	փաստաթղթային ստուգում
27.	Ոչ աշխատողի մեղքով պարապուրդի դեպքում, բացառությամբ անհաղթահարելի ուժ համարվող պատճառներով, պարապուրդի յուրաքանչյուր ժամի համար գործատուն վճարում է աշխատողին
27.1.	մինչև պարապուրդը նրա միջին ժամային աշխատավարձի երկու երրորդի չափով, սակայն ոչ պակաս, քան սահմանված նվազագույն ժամային դրույքաչափը, եթե աշխատողին չի առաջարկվել նրա մասնագիտությանը, որակավորմանը համապատասխանող այլ աշխատանք, որը նա կարող էր կատարել՝ առանց իր առողջությանը վնաս պատճառելու	Լեռնային Ղարաբաղի Հանրապետության աշխատանքային օրենսգրքի 186-րդ հոդվածի 1-ին մաս	փաստաթղթային ստուգում
27.2.	պարապուրդի ամսվան նախորդող նրա ժամային դրույքաչափով, եթե աշխատողն իր գրավոր համաձայնությամբ ժամանակավորապես փոխադրվել է ավելի ցածր վարձատրվող, սակայն իր մասնագիտությանը, որակավորմանը համապատասխանող և իր առողջությանը վնաս չպատճառող մեկ այլ աշխատանքի	Լեռնային Ղարաբաղի Հանրապետության աշխատանքային օրենսգրքի 186-րդ հոդվածի 2-րդ մաս	փաստաթղթային ստուգում
27.3.	սահմանված նվազագույն ժամային դրույքաչափի 30 տոկոսից ոչ պակաս, եթե աշխատողը հրաժարվել է առաջարկված ժամանակավոր աշխատանքից, որը համապատասխանում է նրա մասնագիտությանը, որակավորմանը և որը նա կարող էր կատարել՝ առանց իր առողջությանը վնաս պատճառելու	Լեռնային Ղարաբաղի Հանրապետության աշխատանքային օրենսգրքի 186-րդ հոդվածի 3-րդ մաս	փաստաթղթային ստուգում
28.	Առկա է աշխատողին կարգապահական պատասխանատվության ենթարկելու դեպք
28.1.	կիրառված է միայն օրենքով նախատեսված կարգապահական տույժ	Լեռնային Ղարաբաղի Հանրապետության աշխատանքային օրենսգրքի 223-րդ հոդված	փաստաթղթային ստուգում
28.2.	կարգապահական պատասխանատվության ենթարկվել է միայն աշխատանքային կարգապահությունը խախտած աշխատողը	Լեռնային Ղարաբաղի Հանրապետության աշխատանքային օրենսգրքի 222-րդ հոդված	փաստաթղթային ստուգում
28.3.	աշխատանքային կարգապահության յուրաքանչյուր խախտման համար նշանակվել է մեկ կարգապահական տույժ	Լեռնային Ղարաբաղի Հանրապետության աշխատանքային օրենսգրքի 225-րդ հոդված	փաստաթղթային ստուգում
28.4.	մինչև կարգապահական տույժի կիրառումը՝ գործատուն աշխատողից պահանջել է խախտման մասին գրավոր բացատրություն` սահմանելով ողջամիտ ժամկետ	Լեռնային Ղարաբաղի Հանրապետության աշխատանքային օրենսգրքի 226-րդ հոդված	փաստաթղթային ստուգում
28.5.	պահպանվել են կագապահական տույժի կիրառման՝ օրենքով նախատեսված ժամկետները	Լեռնային Ղարաբաղի Հանրապետության աշխատանքային օրենսգրքի 227-րդ հոդված, 7-րդ հոդվածի 7-րդ մաս	փաստաթղթային ստուգում
29.	Պահպանվել է մինչև 18 տարեկան անձանց ծանր, վնասակար, առանձնապես ծանր, առանձնապես վնասակար աշխատանքներում ներգրավելու արգելքը	Լեռնային Ղարաբաղի Հանրապետության աշխատանքային օրենսգրքի 257-րդ հոդված	փաստաթղթային ստուգում
30.	Պահպանվել է հղի կամ մինչև մեկ տարեկան երեխա խնամող կանաց ծանր, վնասակար, առանձնապես ծանր, առանձնապես վնասակար աշխատանքներում ներգրավելու արգելքը	Լեռնային Ղարաբաղի Հանրապետության աշխատանքային օրենսգրքի 258-րդ հոդված	փաստաթղթային ստուգում
31.	Անցկացվել է դժբախտ դեպքի հաշվառում և ծառայողական քննություն	Լեռնային Ղարաբաղի Հանրապետության աշխատանքային օրենսգրքի 261-րդ հոդվածի 1-ին մաս	փաստաթղթային ստուգում
32.	Վճարված են աշխատանքային հարաբերությունների հետևանքով աշխատողի կյանքին կամ առողջությանը պատճառված վնասի հատուցման գումարները	Լեռնային Ղարաբաղի Հանրապետության աշխատանքային օրենսգրքի 202-րդ, 234-րդ հոդվածներ Լեռնային Ղարաբաղի Հանրապետության կառավարության 2011 թվականի հունիսի 21-ի N 409-Ն որոշում Լեռնային Ղարաբաղի Հանրապետության կառավարության 2010 թվականի օգոստոսի 24-ի N 521-Ն որոշում	փաստաթղթային ստուգում
33.	Աշխատողների առողջության և աշխատանքի անվտանգության պայմանների ապահովումը	Լեռնային Ղարաբաղի Հանրապետության աշխատանքային օրենսգրքի 242-րդ, 243-րդ, 244-րդ, 245-րդ, 246-րդ, 247-րդ, 248-րդ, 249-րդ, 250-րդ, 251-րդ, 252-րդ, 253-րդ, 254-րդ, 255-րդ, 256-րդ, 257-րդ, 258-րդ, 259-րդ, 260-րդ, 261-րդ, 262-րդ հոդվածներ	փաստաթղթային ստուգում
34.	Առևտրի, հանրային սննդի և կենցաղային ծառայությունների ոլորտում աշխատողները կրում են գործատուի կողմից տրամադրված` սահմանված նմուշի ինքնությունը հավաստող անվանաքարտեր	«Աշխատանքի պետական տեսչության մասին» Լեռնային Ղարաբաղի Հանրապետության օրենք	փաստաթղթային ստուգում
35.	Աշխատանքային օրենսդրության և աշխատանքի իրավունքի նորմեր պարունակող նորմատիվ իրավական ակտերով սահմանված պահանջների այլ խախտումներ		փաստաթղթային ստուգում

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ

Լ. ԳՐԻԳՈՐՅԱՆ

Հավելված N 4

Լեռնային Ղարաբաղի

Հանրապետության կառավարության

2014 թվականի դեկտեմբերի 23-ի N 890-Ն որոշման

ՀԱՐՑԱՇԱՐ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ ԸՍՏ ԱՆՀՐԱԺԵՇՏՈՒԹՅԱՆ ՍՏՈՒԳՈՒՄՆԵՐԻ

Հ/Հ

Հարցը

Հղում նորմատիվ իրավական ակտին

Ստուգման մեթոդը

1

2

3

4

1.

Աշխատանքային գրքույկի վարման կարգը

1.1.

աշխատողին արտոնյալ պայմաններով կենսաթոշակի իրավունք տվող աշխատանքը հատուկ ամրագրված է աշխատանքային գրքույկում

Լեռնային Ղարաբաղի Հանրապետության աշխատանքային օրենսգրքի 90-րդ հոդված 3-րդ մաս Լեռնային Ղարաբաղի Հանրապետության կառավարության 2013 թվականի սեպտեմբերի 25-ի N 653-Ն որոշում

փաստաթղթային ստուգում

1.2.

աշխատանքային պայմանագրի լուծման հիմքը աշխատանքային գրքույկում գրառված է

աշխատողի պահանջով

Լեռնային Ղարաբաղի Հանրապետության աշխատանքային օրենսգրքի 90-րդ հոդվածի 4-րդ մասի 1-ին կետ Լեռնային Ղարաբաղի Հանրապետության կառավարության 2008 թվականի մայիսի 20-ի N 371 որոշում

փաստաթղթային ստուգում

1.3.

վերջնահաշվարկի օրը գործատուն լրացրել է աշխատողի աշխատանքային գրքույկն ու

հանձնել նրան

Լեռնային Ղարաբաղի Հանրապետության աշխատանքային օրենսգրքի 130-րդ հոդվածի 2-րդ մաս

փաստաթղթային ստուգում

2.

Գործատուի նախաձեռնությամբ աշխատանքային պայմանագրի լուծումը

2.1.

գործատուի նախաձեռնությամբ աշխատանքային պայմանագրի լուծումն արտադրության ծավալների և (կամ) տնտեսական և (կամ) տեխնոլոգիական և (կամ) աշխատանքի կազմակերպման պայմանների փոփոխման և (կամ) արտադրական անհրաժեշտությամբ պայմանավորված` աշխատողների թվի և (կամ) հաuտիքների կրճատման դեպքում առկա է աշխատողների

թվի և (կամ) հաստիքների կրճատումը

հիմնավորող ներքին իրավական ակտ

Լեռնային Ղարաբաղի Հանրապետության աշխատանքային օրենսգրքի 113-րդ հոդվածի 1-ին մասի 2-րդ կետ

փաստաթղթային ստուգում

2.2.

գործատուի նախաձեռնությամբ աշխատանքային պայմանագրի լուծումն աշխատողի` զբաղեցրած պաշտոնին կամ կատարած աշխատանքին չհամապատասխանելու դեպքում առկա է բժշկասոցիալական փորձաքննական եզրակացությունը կամ գործատուի

եզրակացությունը

Լեռնային Ղարաբաղի Հանրապետության աշխատանքային օրենսգրքի 113-րդ հոդվածի 1-ին մասի 3-րդ կետ, 120-րդ հոդվածի 3-րդ մաս, 88-րդ հոդված

փաստաթղթային ստուգում

2.3.

գործատուի նախաձեռնությամբ աշխատողի նկատմամբ վստահությունը կորցնելու, աշխատողի կողմից ոգելից խմիչքների, թմրամիջոցների կամ հոգեներգործուն նյութերի ազդեցության տակ աշխատավայրում գտնվելու, կամ անհարգելի պատճառով ամբողջ աշխատանքային օրվա (հերթափոխի) ընթացքում աշխատանքի չներկայանալու կամ պարտադիր բժշկական զննությունից աշխատողի հրաժարվելու կամ խուսափելու հիմքով աշխատանքային պայմանագիրը լուծելիս՝ առկա է պայմանագրի լուծման պատճառը հիմնավորող փաստաթղթեր

Լեռնային Ղարաբաղի Հանրապետության աշխատանքային օրենսգրքի 113-րդ հոդվածի 1-ին մասի 6-րդ, 8-րդ, 9-րդ, 10-րդ կետեր, 122-րդ հոդված

փաստաթղթային ստուգում

3.

Պահպանվել է գործատուի նախաձեռնությամբ աշխատանքային պայմանագիրը լուծելու արգելքը

3.1.

աշխատողի ժամանակավոր անաշխատունակության

ժամանակահատվածում

Լեռնային Ղարաբաղի Հանրապետության աշխատանքային օրենսգրքի 114-րդ հոդվածի 1-ին մասի 1-ին կետ

փաստաթղթային ստուգում

3.2.

աշխատողի արձակուրդում գտնվելու ժամանակահատվածում

Լեռնային Ղարաբաղի Հանրապետության աշխատանքային օրենսգրքի 114-րդ հոդվածի 1-ին մասի 2-րդ կետ

փաստաթղթային ստուգում

3.3.

հղի կանանց` հղիության մասին գործատուին տեղեկանք ներկայացնելու օրվանից մինչև հղիության և ծննդաբերության արձակուրդի

օրվանից հետո մեկ ամիս լրանալը

Լեռնային Ղարաբաղի Հանրապետության աշխատանքային օրենսգրքի 114-րդ հոդվածի 1-ին մասի 2.1-ին կետ

փաստաթղթային ստուգում

3.4.

մինչև մեկ տարեկան երեխա խնամելու

ամբողջ ժամանակահատվածում

Լեռնային Ղարաբաղի Հանրապետության աշխատանքային օրենսգրքի 114-րդ հոդվածի 1-ին մասի 2.2-րդ կետ

փաստաթղթային ստուգում

4.

Աշխատանքի ժամանակացույց

4.1.

հաստատված են աշխատանքի (հերթափոխային) ժամանակացույցերը, աշխատողները պատշաճ ծանուցված են աշխատանքի (հերթափոխային) ժամանակացույցում կատարվող փոփոխության մասին

Լեռնային Ղարաբաղի Հանրապետության աշխատանքային օրենսգրքի 142-րդ հոդվածի 3-րդ մաս

փաստաթղթային ստուգում

4.2.

գործատուն աշխատողին ներգավել է հերթապահության ոչ հաճախ, քան

յուրաքանչյուր ամիսը մեկ անգամ, իսկ

աշխատողի համաձայնությամբ` ոչ հաճախ,

քան յուրաքանչյուր շաբաթը մեկ անգամ

Լեռնային Ղարաբաղի Հանրապետության աշխատանքային օրենսգրքի 149-րդ հոդվածի 1-ին մաս

փաստաթղթային ստուգում

5.

Աշխատանքի վարձատրություն

5.1.

աշխատողի աշխատանքի ծավալի ավելացման դեպքում աշխատանքը վարձատրվում է կատարված աշխատանքի ծավալին համապատասխան` կոլեկտիվ կամ աշխատանքային պայմանագրով սահմանված չափով

Լեռնային Ղարաբաղի Հանրապետության աշխատանքային օրենսգրքի 188-րդ հոդված

փաստաթղթային ստուգում

5.2.

գործատուի կողմից սովորելու գործուղված աշխատողին ուսումնական արձակուրդի յուրաքանչյուր օրվա համար վճարվում է միջին օրական աշխատավարձից ոչ պակաս չափով

Լեռնային Ղարաբաղի Հանրապետության աշխատանքային օրենսգրքի 200-րդ հոդված 1-ին մաս

փաստաթղթային ստուգում

6.

Աշխատողների ներկայացուցիչների իրավունքները և երաշխիքները

6.1.

գործատուն ոչ ուշ, քան մեկ ամսվա ընթացքում քննարկել է աշխատողների ներկայացուցիչների առաջարկությունները և տվել գրավոր պատասխաններ

Լեռնային Ղարաբաղի Հանրապետության աշխատանքային օրենսգրքի 26-րդ հոդված 1-ին մասի 4-րդ կետ

փաստաթղթային ստուգում

6.2.

գործատուն աշխատողների ներկայացուցիչներին անվճար տրամադրել է անհրաժեշտ տեղեկություններ աշխատանքին

վերաբերող հարցերի մասին

Լեռնային Ղարաբաղի Հանրապետության աշխատանքային օրենսգրքի 26-րդ հոդված 1-ին մասի 5-րդ կետ

փաստաթղթային ստուգում

6.3.

կոլեկտիվ պայմանագրի առկայության դեպքում գործատուն կատարել է դրանով սահմանված` աշխատողների ներկայացուցիչներին վերաբերող պարտականություններ

Լեռնային Ղարաբաղի Հանրապետության աշխատանքային օրենսգրքի 26-րդ հոդված 1-ին մաս 6-րդ կետ

փաստաթղթային ստուգում

6.4.

կազմակերպության լուծարման, աշխատողների

թվի և (կամ) հաստիքների կրճատման, աշխատողի զբաղեցրած պաշտոնին կամ կատարած աշխատանքին չհամապատասխանելու, աշխատողին նախկին աշխատանքում վերականգնելու, աշխատողի երկարատև անաշխատունակության, աշխատողի կենսաթոշակային տարիքը լրանալու դեպքերում գործատուի նախաձեռնությամբ աշխատողների ներկայացուցիչ հանդիսացող աշխատողի հետ աշխատանքային պայմանագիրը լուծվելիս՝ առկա է աշխատանքի պետական տեսուչի համաձայնությունը

Լեռնային Ղարաբաղի Հանրապետության աշխատանքային օրենսգրքի 119-րդ հոդված

փաստաթղթային ստուգում

7.

աշխատանքային օրենսդրության և աշխատանքի իրավունքի նորմեր պարունակող նորմատիվ իրավական ակտերով սահմանված պահանջների այլ խախտումներ

փաստաթղթային ստուգում

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ

Լ. ԳՐԻԳՈՐՅԱՆ