ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2006 թվականի մայիսի 23-ի «Պատմության և մշակույթի անշարժ հուշարձանների պետական հաշվառման, ուսումնասիրման, պահպանության, ամրակայման, նորոգման, վերականգնման և օգտագործման կարգը հաստատելու մասին» N 278 որոշմամբ հաստատված կարգում կատարել հետևյալ լրացումները`

1) 75-րդ կետից հետո լրացնել հետևյալ բովանդակությամբ 75.1-ին կետով.

«75.1. Պետական կառավարման տարածքային կամ տեղական ինքնակառավարման մարմինները, հուշարձաններ ներառող տարածքներում շինարարական, գյուղատնտեսական և այլ կարգի աշխատանքների համար հողի հատկացումները համաձայնեցնում են լիազորված մարմնի հետ:».

2) 96-րդ կետից հետո լրացնել հետևյալ բովանդակությամբ 96.1-ին կետով.

«96.1. Հուշարձաններ ներառող տարածքների, քաղաքների և մյուս բնակավայրերի կամ դրանց առանձին հատվածների մանրամասն հատակագծման, կառուցապատման, վերակառուցման, ինչպես նաև այդ տարածքներում ինժեներատրանսպորտային հաղորդակցության ուղիների կառուցման նախագծային առաջադրանքներն ու նախագծերը (շահագրգիռ կամ պատվիրատու) մարմինների, կազմակերպությունների ու քաղաքացիների կողմից ներկայացվում են լիազորված մարմնի համաձայնեցմանը: Ներկայացված նախագծային փաթեթի ամբողջականությունը օրենսդրությամբ սահմանված պահանջներին համապատասխանելու դեպքում` հարցը ներկայացվում է լիազորված մարմնի գիտամեթոդական խորհրդի քննարկմանը, որի դրական եզրակացության հիման վրա լիազորված մարմինը տալիս է համաձայնություն: Նախագծի մեկ օրինակը պահվում է լիազորված մարմնի արխիվում, իսկ մնացած օրինակները վերադարձվում են հայտատուին:

Պետական կառավարման տարածքային կամ տեղական ինքնակառավարման մարմինները հուշարձաններ ներառող տարածքների, քաղաքների և մյուս բնակավայրերի կամ դրանց առանձին հատվածների կառուցապատման, վերակառուցման, ինչպես նաև այդ տարածքներում ինժեներատրանսպորտային հաղորդակցության ուղիների կառուցման թույլտվություն են տալիս այն օբյեկտների համար, որոնց նախագծերը դրական եզրակացություն են ստացել լիազորված մարմնի գիտամեթոդական խորհրդի կողմից:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: