ք.Ստեփանակերտ

«Առևտրի և ծառայությունների մասին» Լեռնային Ղարաբաղի Հանրապետության օրենքի 9.1-ին հոդվածի 2.1-ին մասին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Սահմանել անմիջական արտադրող կամ անմիջական ներմուծող չհանդիսացող՝ պարտադիր դրոշմավորման ենթակա ապրանքներ իրացնող կազմակերպությունների և անհատ ձեռնարկատերերի կողմից պարտադիր դրոշմավորման ենթակա ապրանքների դրոշմավորման կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

1. Սույն կարգով կարգավորվում են «Առևտրի և ծառայությունների մասին» Լեռնային Ղարաբաղի Հանրապետության օրենքի 9.1-ին հոդվածի 2.1-ին մասով սահմանված՝ անմիջական արտադրող կամ անմիջական ներմուծող չհանդիսացող՝ պարտադիր դրոշմավորման ենթակա ապրանքներ Լեռնային Ղարաբաղի Հանրապետությունում իրացնող կազմակերպությունների և անհատ ձեռնարկատերերի (այսուհետ՝ իրացնող) կողմից պարտադիր դրոշմավորման ենթակա ապրանքների դրոշմավորման հետ կապված հարաբերությունները:

2. Սույն կարգի դրույթներին համապատասխան պարտադիր դրոշմավորման ենթակա չդրոշմավորված ապրանքների (այսուհետ՝ չդրոշմավորված ապրանք) դրոշմավորման նպատակով իրացնողները, մինչև դրանց իրացման համար օրենքով սահմանված վերջնաժամկետից հետո երկու ամիսը լրանալը, գույքագրում են իրենց մոտ առկա չդրոշմավորված ապրանքները և դրանց վերաբերյալ տեղեկությունները՝ համաձայն ձևի, ներկայացնում են հարկային մարմին:

3. Հարկային մարմինը գույքագրված ապրանքների քանակի վերաբերյալ ստացված տեղեկությունների ճշտման նպատակով օրենքով սահմանված կարգով կարող է իրականացնել հսկողական միջոցառումներ:

4. Դրոշմապիտակներ տրամադրվում են սույն կարգի 2-րդ կետին համապատասխան հարկային մարմին ներկայացված տեղեկություններում ներառված չդրոշմավորված ապրանքների քանակին համապատասխան: Այն դեպքում, երբ հարկային մարմնի իրականացրած հսկողական միջոցառումների արդյունքում արձանագրվում է չդրոշմավորված ապրանքների այլ քանակ (մնացորդ), ապա դրոշմապիտակները տրամադրվում են արձանագրված քանակին համապատասխան:

5. Իրացնողները սույն կարգի 2-րդ կետում նշված տեղեկություններով ներկայացված քանակի դրոշմապիտակներ կարող են ձեռք բերել իրենց հաշվառման վայրի հարկային մարմնից՝ ներկայացված Լեռնային Ղարաբաղի Հանրապետության տարածքում արտադրվող պարտադիր դրոշմավորման ենթակա որոշ ապրանքների համար դրոշմապիտակների ձեռքբերման հայտի հիման վրա: Հայտը ներկայացվում է միայն մեկ անգամ՝ մինչև պարտադիր դրոշմավորման ենթակա ապրանքներն առանց դրոշմավորման իրացնելու օրենքով սահմանված վերջնաժամկետից հետո երկու ամիսը լրանալը:

6. Իրացնողներն ապրանքների դրոշմավորումն իրականացնում են Լեռնային Ղարաբաղի Հանրապետության կառավարության 2013 թվականի դեկտեմբերի 28-ի ««Առևտրի և ծառայությունների մասին» Լեռնային Ղարաբաղի Հանրապետության օրենքով պարտադիր դրոշմավորման ենթակա ապրանքների դրոշմավորման և վերադրոշմավորման կանոնները սահմանելու մասին» N 983-Ն որոշմամբ սահմանված՝ Լեռնային Ղարաբաղի Հանրապետությունում արտադրված ապրանքների դրոշմավորման կանոններին համապատասխան:

Հարկ վճարողի/ղեկավարի______________________________________________________

___ _____________ 20 թ.

1. 1-ին կետում լրացվում է հարկ վճարողի հաշվառման համարը (ՀՎՀՀ):

2. 2-րդ կետում լրացվում են իրավաբանական անձի անվանումը կամ անհատ ձեռնարկատիրոջ անունը, ազգանունը:

3. 3-րդ կետում լրացվում է իրավաբանական անձի գտնվելու վայրը կամ անհատ ձեռնարկատիրոջ բնակության վայրը:

4. 4-րդ կետում լրացվում է հարկ վճարողի հաշվառման վայրի հարկային մարմնի անվանումը:

5. 5-րդ կետում լրացվում է պարտադիր դրոշմավորման ենթակա ապրանքների ծածկագիրը՝ ըստ արտաքին տնտեսական գործունեության ապրանքների անվանացանկի դասակարգչի, օրինակ՝ 3004:

6. 6-րդ կետում լրացվում է «Առևտրի և ծառայությունների մասին» Լեռնային Ղարաբաղի Հանրապետության օրենքի 9.2-րդ հոդվածով սահմանված պարտադիր դրոշմավորման ենթակա ապրանքախմբի համառոտ անվանումը, օրինակ՝ դեղամիջոց:

7. 7-րդ կետում լրացվում է ապրանքատեսակի անվանումը, օրինակ՝ կետոնալ:

8. 8-րդ կետում լրացվում է ապրանքի տարողությունը (ծավալը, քաշը կամ տվյալ ապրանքատեսակին բնորոշ չափման այլ միավոր), օրինակ՝ 50 գրամ:

9. 9-րդ կետում լրացվում է պարտադիր դրոշմավորման ենթակա ապրանքների դրոշմավորման համար անհրաժեշտ դրոշմապիտակների քանակը, իսկ սյունակի վերջում նշվում է ընդամենը քանակը: