ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Գույքահարկով հարկվող օբյեկտ համարվող շենքերի և շինությունների ու դրանց գնահատությունների, ինչպես նաև փոխադրամիջոցների վերաբերյալ տեղեկությունների ներկայացման կարգը սահմանելու մասին

«Գույքահարկի մասին» Լեռնային Ղարաբաղի Հանրապետության օրենքի 14-րդ հոդվածի 1-ին մասին համապատասխան` Լեռնային Ղարաբաղի Հանրապետության կառավարությունը որոշում է.

Հաստատել գույքահարկով հարկվող օբյեկտ համարվող շենքերի և շինությունների ու դրանց գնահատությունների, ինչպես նաև փոխադրամիջոցների վերաբերյալ տեղեկությունների ներկայացման կարգը` համաձայն հավելվածի:

1. Սույն կարգով սահմանվում է կազմակերպությունների և ֆիզիկական անձանց (այսուհետ` գույքահարկ վճարողներ) գույքահարկով հարկվող օբյեկտ համարվող շենքերի և շինությունների ու դրանց գնահատությունների, ինչպես նաև փոխադրամիջոցների վերաբերյալ տեղեկությունները գույքի նշված տեսակների պետական գրանցում (հաշվառում) իրականացնող լիազոր մարմինների կողմից գույքահարկ վճարողներին հաշվառող Լեռնային Ղարաբաղի Հանրապետության տեղական ինքնակառավարման մարմիններ (այսուհետ` տեղական ինքնակառավարման մարմիններ) և համապատասխան հարկային տեսչություններ ներկայացնելու կարգը:

Գույքահարկ վճարողներին հաշվառող` տեղական ինքնակառավարման մարմիններ ներկայացվող, ֆիզիկական անձանց վերաբերող` սույն կարգով սահմանված տեղեկություններն այդ համայնքների տարածքն սպասարկող համապատասխան հարկային տեսչություններ չեն ներկայացվում:

2. Գույքահարկ վճարողներին հաշվառող` տեղական ինքնակառավարման մարմիններ ու համապատասխան հարկային տեսչություններ գույքահարկի հաշվարկման նպատակով տեղեկություններ են ներկայացնում`

2.1 Լեռնային Ղարաբաղի Հանրապետության ոստիկանության տարածքային ստորաբաժանումները`

ա) մինչև յուրաքանչյուր տարվա օգոստոսի 1-ը` Լեռնային Ղարաբաղի Հանրապետությունում տվյալ տարվա հուլիսի 1-ի դրությամբ տվյալ համայնքի տարածքում կամ հարկային տեսչության կողմից սպասարկվող համապատասխան տարածքում հաշվառված (գրանցված) և գույքահարկ վճարողներին սեփականության իրավունքով պատկանող ավտոմոբիլային տրանսպորտի միջոցների և մոտոցիկլետների վերաբերյալ տեղեկությունները` համաձայն N 1 հավելվածի,

բ) մինչև յուրաքանչյուր ամսվա 15-ը` նախորդ ամսվա ընթացքում սույն կետի «ա» ենթակետում նշված ավտոմոբիլային տրանսպորտի միջոցների և մոտոցիկլետների սեփականատերերի փոփոխման վերաբերյալ տեղեկությունները` համաձայն N 2 հավելվածի:

2.2 Լեռնային Ղարաբաղի Հանրապետության արդյունաբերության մեջ աշխատանքների անվտանգ կատարման և լեռնային հսկողության տեսչությունը`

ա) մինչև յուրաքանչյուր տարվա օգոստոսի 1-ը` ըստ համայնքների կամ հարկային տեսչությունների կողմից սպասարկվող համապատասխան տարածքների տվյալ տարվա հուլիսի 1-ի դրությամբ հաշվառված (գրանցված) և հարկ վճարողներին սեփականության իրավունքով պատկանող ջրային փոխադրամիջոցների վերաբերյալ տեղեկությունները` համաձայն N 3 հավելվածի,

բ) մինչև յուրաքանչյուր ամսվա 15-ը նախորդ ամսվա ընթացքում սույն կետի «ա» ենթակետում նշված ջրային փոխադրամիջոցների սեփականատերերի փոփոխման վերաբերյալ տեղեկությունները` համաձայն N 4 հավելվածի:

2.3 Լեռնային Ղարաբաղի Հանրապետության անշարժ գույքի կադաստրի պետական կոմիտեի համապատասխան տարածքային մարմինները`

ա) մինչև գնահատման (վերագնահատման) տարվա սեպտեմբերի 1-ը` համայնքների վարչական սահմաններում գտնվող, «Գույքահարկի մասին» Լեռնային Ղարաբաղի Հանրապետության օրենքի 9-րդ հոդվածում նշված` հարկվող օբյեկտ համարվող, տվյալ տարվա հուլիսի 1-ի դրությամբ հաշվառված ու գնահատված շենքերի և շինությունների ամփոփ ցուցակները` համաձայն N 5 հավելվածի,

բ) մինչև յուրաքանչյուր ամսվա 15-ը` նախորդ ամսվա ընթացքում սույն կետի «ա» ենթակետում նշված շենքերի և շինությունների սեփականատերերի փոփոխման վերաբերյալ տեղեկությունները` համաձայն N 6 հավելվածի,

գ) մինչև յուրաքանչյուր ամսվա 15-ը` նախորդ ամսվա ընթացքում սեփականության իրավունքով գրանցված (այդ թվում` օրենքի ուժով սեփականության իրավունքը ճանաչված` դեռևս իրավունքների պետական գրանցում չստացած), ավարտվածության աստիճանի հարկայնության և գործառական նշանակության փոփոխություններ կրած, ինչպես նաև սեփականության իրավունքի դադարեցված (այդ թվում` պետության կամ համայնքի կարիքների համար վերցված, ի օգուտ պետության բռնագրավված և այլն), բաժանված, միավորված, քանդված կամ վերացված շենքերի և շինությունների վերաբերյալ տեղեկությունները` համաձայն N 7 հավելվածի,

դ) գույքահարկով հարկվող օբյեկտ համարվող շենքերի և շինությունների գնահատությունների ամփոփ հաշվարկը տրամադրում են Լեռնային Ղարաբաղի Հանրապետության անշարժ գույքի կադաստրի պետական կոմիտեի կողմից հաստատված ձևով:

3. Լեռնային Ղարաբաղի Հանրապետության անշարժ գույքի կադաստրի պետական կոմիտեի տարածքային մարմինները համայնքների վարչական սահմաններից դուրս գտնվող շինությունների վերաբերյալ տեղեկությունները (համաձայն հավելվածների) տրամադրում են տվյալ տարածքն սպասարկող հարկային տեսչությանը:

4. Գույքահարկով հարկվող օբյեկտ համարվող փոխադրամիջոցների և շինությունների տեղեկությունները ներկայացվում են ըստ առանձին հարկ վճարողների` ֆիզիկական անձանց և կազմակերպությունների:

5. Սույն կարգի պահանջները խախտելու համար պաշտոնատար անձինք կրում են պատասխանատվություն` օրենքով սահմանված կարգով:

200…. թվականի հուլիսի 1-ի դրությամբ………………………………… համայնքում հաշվառված (գրանցված) և գույքահարկ վճարողներին սեփականության իրավունքով պատկանող ավտոմոբիլային տրանսպորտի միջոցների և մոտոցիկլետների վերաբերյալ

1. Մինչև 10 նստատեղ ունեցող մարդատար ավտոմեքենաների համար 8-րդ սյունակում լրացվում է 1 թիվը:

2. Մոտոցիկլետների համար 8-րդ սյունակում լրացվում է 2 թիվը:

3. 10 և ավելի նստատեղ ունեցող մարդատար ավտոմեքենաների համար 8-րդ սյունակում լրացվում է 3 թիվը:

4. Բեռնատար ավտոմեքենաների համար 8-րդ սյունակում լրացվում է 4 թիվը:

(N 1 հավելվածը լրաց. 29.09.2006 N 485)

200……թվականի……………….ամսվա ընթացքում……………………………… համայնքում հաշվառված (գրանցված) ավտոմոբիլային տրանսպորտի միջոցների և մոտոցիկլետների սեփականատերերի փոփոխման վերաբերյալ

1. Մինչև 10 նստատեղ ունեցող մարդատար ավտոմեքենաների համար 11-րդ սյունակում լրացվում է 1 թիվը:

2. Մոտոցիկլետների համար 11-րդ սյունակում լրացվում է 2 թիվը:

3.10 և ավելի նստատեղ ունեցող մարդատար ավտոմեքենաների համար 11-րդ սյունակում լրացվում է 3 թիվը:

4. Բեռնատար ավտոմեքենաների համար 11-րդ սյունակում լրացվում է 4 թիվը:

(N 2 հավելվածը լրաց. 29.09.2006 N 485)

200….. թվականի հուլիսի 1-ի դրությամբ …………………………………….համայնքում հաշվառված (գրանցված) և հարկ վճարողներին սեփականության իրավունքով պատկանող ջրային փոխադրամիջոցների վերաբերյալ

(N 3 հավելվածը լրաց. 29.09.2006 N 485)

Տ Ե Ղ Ե Կ ՈՒ Թ Յ ՈՒ Ն Ն Ե Ր

200…………թվականի…………………….ամսվա ընթացքում…………………շրջանի…………… համայնքում հաշվառված (գրանցված) ջրային փոխադրամիջոցների սեփականատերերի փոփոխման վերաբերյալ

(N 4 հավելվածը լրաց. 29.09.2006 N 485)

200…… թվականի հուլիսի 1-ի դրությամբ……………..շրջանի……………..համայնքի վարչական սահմաններում գտնվող, «Գույքահարկի մասին» Լեռնային Ղարաբաղի Հանրապետության օրենքի 4-րդ հոդվածում նշված` հարկվող օբյեկտ համարվող, տվյալ տարվա հուլիսի 1-ի դրությամբ հաշվառված ու գնահատված շենքերի և շինությունների վերաբերյալ

1. 2-րդ և 3-րդ սյունակներում լրացվում է գույքահարկով հարկվող օբյեկտ համարվող յուրաքանչյուր շենքի կամ շինության սեփականատիրոջ (այդ թվում` օրենքի ուժով սեփականության իրավունքը ճանաչված, դեռևս իրավունքների պետական գրանցում չստացած, ինչպես նաև ԼՂՀ կառավարության կողմից սահմանված կարգով բնութագրվող անավարտ (կիսակառույց) շենքերի և շինությունների սեփականատերերի) տվյալները:

2. 5-րդ սյունակում տեղեկությունները լրացվում են կանոնակարգված ըստ փողոցների, շենքերի ու շինությունների համարակալման աճող հերթականության:

3. 6-րդ սյունակում տեղեկությունները լրացվում են կանոնակարգված` ըստ բնակելի, հասարակական, արտադրական նշանակության շենքերի ու շինությունների:

4. 8-րդ սյունակում ընդհանուր սեփականության դեպքում յուրաքանչյուր համասեփականատիրոջ համար հերթական տողերով լրացվում են 2-րդ և 3-րդ սյունակները, իսկ 11-րդ սյունակում`

- ընդհանուր համատեղ սեփականության դեպքում գրվում են «ընդհանուր համատեղ» բառերը,

- ընդհանուր բաժնային սեփականության դեպքում նշվում է բաժնեմասը:

5. ԼՂՀ կառավարության կողմից սահմանված կարգով բնութագրվող անավարտ (կիսակառույց) շենքերի և շինությունների դեպքում 11-րդ սյունակում գրվում են ավարտվածության աստիճանի վերաբերյալ «մինչև 50%», «50-80%» կամ «80% և ավելի» բառերը, իսկ օրենքի ուժով սեփականության իրավունքը ճանաչված, դեռևս իրավունքների պետական գրանցում չստացած շենքերի, շինությունների դեպքում` «ճանաչված» բառը:

(N 5 հավելվածը լրաց. 29.09.2006 N 485)

Տ Ե Ղ Ե Կ ՈՒ Թ Յ ՈՒ Ն Ն Ե Ր

200…. թվականի …………. ամսվա ընթացքում………………. շրջանի……………….համայնքի վարչական սահմաններում գտնվող, «Գույքահարկի մասին» Լեռնային Ղարաբաղի Հանրապետության օրենքի 4-րդ հոդվածում նշված` հարկվող օբյեկտ համարվող շենքերի և շինությունների սեփականատերերի փափախման վերաբերյալ

1. 8-րդ սյունակում տեղեկությունները լրացվում են կանոնակարգված` ըստ բնակելի, հասարակական, արտադրական նշանակության շենքերի, շինությունների:

2. 10-րդ սյունակում, ընդհանուր սեփականության դեպքում, յուրաքանչյուր համասեփականատիրոջ համար հերթական տողերով լրացվում են 2-րդ, 3-րդ, 4-րդ և 5-րդ սյունակները, իսկ 13-րդ սյունակում`

- ընդհանուր համատեղ սեփականության դեպքում գրվում են «ընդհանուր համատեղ» բառերը,

- ընդհանուր բաժնային սեփականության դեպքում նշվում է բաժնեմասը:

3. ԼՂՀ կառավարության կողմից սահմանված կարգով բնութագրվող անավարտ (կիսակառույց) շենքերի և շինությունների դեպքում 13-րդ սյունակում ավարտվածության աստիճանի վերաբերյալ գրվում են «մինչև 50%», «50-80%» կամ «80% և ավելի» բառերը:

(N 6 հավելվածը լրաց. 29.09.2006 N 485)

ՏԵՂԵԿՈՒԹՅՈՒՆՆԵՐ

200……. թվականի ……………….. ամսվա ընթացքում ……………… շրջանի ………………. համայնքի վարչական սահմաններում սեփականության իրավունքով գրանցված (այդ թվում` օրենքի ուժով սեփականության իրավունքը ճանաչված` դեռևս իրավունքների պետական գրանցում չստացած), ավարտվածության աստիճանի, հարկայնության և գործառական նշանակության փոփոխություններ կրած, ինչպես նաև սեփականության իրավունքը դադարեցված (այդ թվում` պետության կամ համայնքի կարիքների համար վերցված, ի օգուտ պետության բռնագրավված և այլն), բաժանված, միավորված, քանդված կամ վերացված շենքերի և շինությունների վերաբերյալ

1. 2-րդ և 3-րդ սյունակներում լրացվում են յուրաքանչյուր գույքահարկով հարկվող օբյեկտ համարվող շենքի կամ շինության սեփականատիրոջ (այդ թվում` օրենքի ուժով սեփականության իրավունքը ճանաչված, դեռևս իրավունքների պետական գրանցում չստացած շենքերի և շինությունների սեփականատերերի) տվյալները:

2. 6-րդ սյունակում տեղեկությունները լրացվում են կանոնակարգված` ըստ բնակելի, հասարակական, արտադրական նշանակության շենքերի ու շինությունների:

3. 8-րդ սյունակում ընդհանուր սեփականության դեպքում յուրաքանչյուր համասեփականատիրոջ համար հերթական տողերով լրացվում են 2-րդ և 3-րդ սյունակները, իսկ 11-րդ սյունակում`

- ընդհանուր համատեղ սեփականության դեպքում գրվում են «ընդհանուր համատեղ» բառերը,

- ընդհանուր բաժնային սեփականության դեպքում նշվում է բաժնեմասը:

4. 11-րդ սյունակում`

ա) ԼՂՀ կառավարության կողմից սահմանված կարգով բնութագրվող անավարտ (կիսակառույց) շենքերի և շինությունների դեպքում ավարտվածության աստիճանի վերաբերյալ գրվում են «մինչև 50%», «50-80%» կամ «80% և ավելի» բառերը.

բ) Օրենքի ուժով սեփականության իրավունքը ճանաչված, դեռևս իրավունքների պետական գրանցում չստացած շենքերի, շինությունների դեպքում գրվում է «ճանաչված» բառը:

գ) շենքերի և շինությունների ավարտվածության աստիճանի, հարկայնության և գործառական նշանակության փոփոխությունների դեպքում գրվում է «փոփոխություն» բառը.

դ) սեփականության իրավունքը դադարեցված (պետության կամ համայնքի կարիքների համար վերցված, ի օգուտ պետության բռնագրավված և այլն), բաժանված, միավորված, քանդված կամ վերացված շենքերի ու շինությունների դեպքում գրվում է «դադարեցված» բառը:

Ընդ որում, «բ» և «գ» ենթակետերում նշված դեպքերում 10-րդ սյունակում որպես ժամկետ լրացվում է տեղեկությունների ներկայացման ամսվան հաջորդող ամսվա 1-ը:

(N 7 հավելվածը լրաց. 29.09.2006 N 485)