ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2011 թվականի հուլիսի 26-ի «Լեռնային Ղարաբաղի Հանրապետության պետական բյուջեի միջոցների հաշվին առողջարանային բուժման և հանգստյան տների ուղեգրերի ձեռքբերման և դրանք քաղաքացիներին հատկացնելու կարգերը հաստատելու և Լեռնային Ղարաբաղի Հանրապետության կառավարության 2008 թվականի մարտի 18-ի N 228 որոշումն ուժը կորցրած ճանաչելու մասին» N 509-Ն որոշմամբ հաստատված N 1 հավելվածի 11.1-ին կետը շարադրել հետևյալ խմբագրությամբ.

«11.1 «Աղեստամոքսային ուղու խանգարումներ», «սրտի իշեմիկ հիվանդություն հետինֆարկտային կարդեոսկլերոզ» հիվանդություններ ունեցող հաշմանդամներին և հաշմանդամ երեխաներին, «մանկական ուղեղային կաթված» հիվանդություն ունեցող հաշմանդամ երեխաներին յուրաքանչյուր տարի, սակայն ոչ ավելի, քան երեք տարի անընդմեջ, հատկացվում է առողջարանի մեկ ուղեգիր: Նշված ժամկետի ավարտից հետո հաշմանդամին կամ հաշմանդամ երեխային հատկացվում է ուղեգիր ընդհանուր կարգի համաձայն:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։