ք.Ստեփանակերտ

Ղեկավարվելով «Դատական ակտերի հարկադիր կատարումն ապահովող ծառայության մասին» Լեռնային Ղարաբաղի Հանրապետության օրենքի 19-րդ հոդվածի 2-րդ մասով.

Հաստատել հարկադիր կատարողի նկատմամբ ծառայողական քննության նշանակման և անցկացման կարգը` համաձայն հավելվածի:

1. Սույն կարգով սահմանվում է հարկադիր կատարողի նկատմամբ ծառայողական քննության նշանակման և անցկացման կարգը:

2. Ծառայողական քննությունը օրենքով և սույն կարգով սահմանված դեպքերում և կարգով հարկադիր կատարողի պարտականությունների կատարմանն ու նրա գործունեությանն առնչվող հարցերի քննությունն է:

3. Ծառայողական քննությունը նշանակում է Լեռնային Ղարաբաղի Հանրապետության արդարադատության նախարարը կամ Լեռնային Ղարաբաղի Հանրապետության գլխավոր հարկադիր կատարողը: Գլխավոր հարկադիր կատարողը` իր կողմից նշանակված ծառայողական քննության մասին անմիջապես հայտնում է Լեռնային Ղարաբաղի Հանրապետության արդարադատության նախարարին:

4. Ծառայողական քննություն կարող է նշանակվել նաև մամուլում կամ զանգվածային լրատվության մյուս միջոցներով հրապարակված քննադատության, ինչպես նաև կազմակերպությունների, քաղաքացիների դիմումների և բողոքների հիման վրա` Լեռնային Ղարաբաղի Հանրապետության արդարադատության նախարարի կամ Լեռնային Ղարաբաղի Հանրապետության գլխավոր հարկադիր կատարողի կողմից:

5. Դատական ակտերի հարկադիր կատարումն ապահովող ծառայության (այսուհետ` ծառայություն) կենտրոնական մարմնի կողմից նախատեսվող կամ սկսված ծառայողական քննության իրականացումը Լեռնային Ղարաբաղի Հանրապետության արդարադատության նախարարի կողմից կարող է հանձնարարվել նախարարության աշխատակազմի կառուցվածքային ստորաբաժանմանը կամ պաշտոնատար անձին:

6. Հարկադիր կատարողը, որի նկատմամբ անցկացվում է ծառայողական քննություն, իրավունք ունի ներկայացնելու հիմնավորումներ, հարուցելու միջնորդություններ, ծանոթանալ ծառայողական քննության նյութերին:

7. Հարկադիր կատարողը պարտավոր է ժամանակին ներկայանալ ծառայողական քննությունն իրականացնող անձի կանչով, տալ գրավոր բացատրություններ:

8. Ծառայողական քննություն իրականացնող անձը անհրաժեշտության դեպքում կարող է տեղեկատվություն ստանալ և բացատրություն վերցնել /ձև թիվ 1/ ծառայողական քննության հետ առնչվող այլ անձանցից:

9. Ծառայողական քննություն իրականացնող անձը ուսումնասիրում է գործին վերաբերող փաստաթղթերը, տեղեկանքները և այլ նյութերը, անհրաժեշտության դեպքում` պատճենահանում դրանք:

10. Լեռնային Ղարաբաղի Հանրապետության արդարադատության նախարարի կողմից նշանակված ծառայողական քննության եզրակացությունը 5-օրյա ժամկետում ներկայացվում է Լեռնային Ղարաբաղի Հանրապետության արդարադատության նախարարին:

11. Ծառայության կենտրոնական մարմնի կողմից իրականացվող ծառայողական քննության եզրակացությունը հաստատում է Լեռնային Ղարաբաղի Հանրապետության գլխավոր հարկադիր կատարողը և 5-օրյա ժամկետում ներկայացնում Լեռնային Ղարաբաղի Հանրապետության արդարադատության նախարարին:

12. Ծառայողական քննության կատարման ժամկետը սահմանվում է մինչև երեսուն օր: Ծառայողական քննությունն իրականացնող անձի առաջարկությամբ նախաձեռնողի կողմից ծառայողական քննության կատարման ժամկետը, կապված լրացուցիչ ուսումնասիրությունների կամ այլ հանգամանքների հետ, կարող է երկարաձգվել մինչև տասնհինգ օր:

13. Ծառայողական քննության արդյունքների հիման վրա ընդունված որոշումը կարող է բողոքարկվել դատական կարգով:

                                                  բացատրություն վերցնողի պաշտոնը, կոչումը և ազգանունը

Համաձայն ԼՂՀ արդարադատության նախարարի 2007թ. ________-ի «Հարկադիր կատարողի նկատմամբ ծառայողական քննության նշանակման և անցկացման կարգը սահմանելու մասին» թիվ_______ հրամանի` բացատրություն վերցրեցի.

_________________________________________________________________________

                                                 անուն, հայրանուն, ազգանուն

_________________________________________________________________________

                                                 ծննդյան տարեթիվը և վայրը

_________________________________________________________________________

                                     աշխատանքի վայրը և զբաղեցրած պաշտոնը

_________________________________________________________________________

                                փաստացի բնակության վայրը և հեռախոսահամարը

_________________________________ -ին առաջարկվեց բացատրություն տալ իրեն հայտնի

                անունը, ազգանունը

փաստերի և հանգամանքների վերաբերյալ.

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_______________________________________                          _____________________

         Բացատրություն տվողի ստորագրությունը                                                                ազգանունը

_______________________________________                          _____________________

       Բացատրություն վերցնողի ստորագրությունը                                                             ազգանունը