ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

ք. Ստեփանակերտ

«Քաղաքաշինության մասին» Լեռնային Ղարաբաղի Հանրապետության օրենքի 10¹-րդ հոդվածի և Լեռնային Ղարաբաղի Հանրապետության կառավարության 2002 թվականի մայիսի 3-ի «Մարդասիրական օգնության և բարեգործական ծրագրերը ավելացված արժեքի հարկով հարկման օբյեկտներ չհամարելու մասին» թիվ 91 որոշման համաձայն

ՀՐԱՄԱՅՈՒՄ ԵՄ`

1. Լեռնային Ղարաբաղի Հանրապետության տարածքում մարդասիրական օգնության և բարեգործական ծրագրերով վերակառուցման, վերանորոգման աշխատանքներ և կապիտալ շինարարություն իրականացնող կազմակերպությունների նախահաշվային արժեքի հաշվարկման նպատակով ավելացված արժեքի հարկով միայն հաշվարկել`

1) նյութերի արժեքը, այդ թվում` այլ նյութեր, փաթեթավորում-պահեստավորում, տրանսպորտային ծախսեր,

2) մեքենա-մեխանիզմների շահագործումը,

3) վերադիր ծախսերի 65 տոկոսը:

(1-ին կետը խմբ. 21.07.22 N 225-Ն)

2. Սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

3. Հրամանի կատարման վերահսկողությունն իրականացնում եմ անձամբ:

4. Սույն հրամանն ուժի մեջ է մտնում պաշտոնական հրապարակման պահից: