| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«22» փետրվարի 2005թ.
Պետական գրանցման թիվ 336
նախարար Ռ.ՀԱՅՐԱՊԵՏՅԱՆ |
Լեռնային Ղարաբաղի Հանրապետության
արդարադատության նախարար
Հ Ր Ա Մ Ա Ն
|
«18» փետրվարի 2005թ. |
թիվ 15 |
ք.Ստեփանակերտ
ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՒԹՅՈՒՆՈՒՄ ԱՌԱՋԻՆ ԱՆԳԱՄ
ՈՐՊԵՍ ՀԱՐԿԱԴԻՐ ԿԱՏԱՐՈՂ ՊԱՇՏՈՆԻ ՆՇԱՆԱԿՎՈՂ ԱՆՁԱՆՑ ԵՐԴՄԱՆ
ԿԱՐԳԸ ՍԱՀՄԱՆԵԼՈՒ ՄԱՍԻՆ
(վերնագիրը խմբ. 23.09.22 N138-Ն)
Համաձայն «Հարկադիր կատարումն ապահովող ծառայության մասին» օրենքի 10-րդ հոդվածի 1-ին մասի
(նախաբանը փոփ. 23.09.22 N138-Ն)
Հ Ր Ա Մ Ա Յ ՈՒ Մ Ե Մ`
Սահմանել հարկադիր կատարման ծառայությունում առաջին անգամ որպես հարկադիր կատարողի պաշտոնի նշանակվող անձանց երդման կարգը` համաձայն հավելվածի:
(փոփ. 23.09.22 N138-Ն)
| |
Հավելված
Լեռնային Ղարաբաղի Հանրապետության
արդարադատության նախարարի
«18» փետրվարի 2005թ.
թիվ 15 հրամանի |
ԿԱՐԳ
հարկադիր կատարման ծառայությունում առաջին անգամ որպես հարկադիր
կատարողի պաշտոնի նշանակվող անձանց երդման
1. Սույն կարգը սահմանում է հարկադիր կատարումն ապահովող ծառայությունում առաջին անգամ որպես հարկադիր կատարող պաշտոնի նշանակվող անձանց երդման ընթացակարգը:
(1-ին կետը փոփ. 23.09.22 N138-Ն)
2. Հարկադիր կատարումն ապահովող ծառայությունում ծառայության անցնող յուրաքանչյուր անձ երդում է տալիս անհատապես և այն հաստատում անձնական ստորագրությամբ:
(2-րդ կետը փոփ. 23.09.22 N138-Ն)
3. Հարկադիր կատարման ծառայությունում երդում տալիս են`
ա/ Հարկադիր կատարման ծառայությունում առաջին անգամ պաշտոնի նշանակվողը` ծառայության վայր ներկայանալուց 1 ամսվա ընթացքում,
բ/ երդումը տրվում է մեկ անգամ, այն չի կրկնվում հետագայում /ծառայության վայրը փոխելից, աշխատանքում վերականգնվելիս, կրկին անգամ հարկադիր կատարումն ապահովող ծառայությունում պաշտոնի նշանակվելիս/:
(3-րդ կետը փոփ. 23.09.22 N138-Ն)
4. Հարկադիր կատարումն ապահովող ծառայությունում երդում տվողների հետ, մինչև երդման արարողության օրը, տարվում է բացատրական աշխատանք, որի ընթացքում պարզաբանվում են երդման նշանակությունը, հարկադիր կատարման ծառայության առանձնահատկություններն ու «Հարկադիր կատարումն ապահովող ծառայության մասին» օրենքով սահմանված երդման տեքստի բովանդակությունը և հայտարարվում է երդման արարողության ժամը:
(4-րդ կետը խմբ. 23.09.22 N138-Ն)
5. Նշված ժամին Արցախի Հանրապետության գլխավոր հարկադիր կատարողը (այսուհետ՝ գլխավոր հարկադիր կատարող) կամ նրա կողմից լիազորված պաշտոնատար անձը, հարկադիր կատարման ծառայության նշանակության, խնդիրների և պարտականությունների մասին ներածական խոսքից հետո հայտարարում է երդման արարողությունը սկսելու մասին:
(5-րդ կետը փոփ. 23.09.22 N138-Ն)
6. Երդման արարողությունը սկսվում է հանդիսավոր պայմաններում:
7. Եդում տվողները հերթականությամբ հրավիրվում են, նրանցից յուրաքանչյուրը բարձրաձայն ընթերցում է օրենքով սահմանված երդման տեքստը և ստորագրում իր ազգանվան դիմաց: Այնուհետև գլխավոր հարկադիր կատարողը շնորհավորում է հարկադիր կատարողներին երդում տալու համար, որից հետո հնչեցվում է Արցախի Հանրապետության օրհներգը:
(7-րդ կետը փոփ. 23.09.22 N138-Ն)
8. Հարկադիր կատարողի կողմից ստորագրված երդման ձևաթուղթը /ձևը կցվում է/ հետագայում կցվում է նրա անձնական գործին:
9. Երդման արարողությունն անցկացվում է գլխավոր հարկադիր կատարողի կողմից սահմանված վայրում:
(9-րդ կետը փոփ. 23.09.22 N138-Ն)
(հավելվածը փոփ., խմբ. 23.09.22 N138-Ն)
Ձև
Արցախի Հանրապետության արդարադատության նախարարության
հարկադիր կատարումն ապահովող ծառայություն
|
____________________________________________________________________________
ԵՐԴՈՒՄ |
|
Ես______________________
անուն |
__________________________________
հայրանուն |
__________________
ազգանուն |
Արցախի Հանրապետության հարկադիր կատարումն ապահովող ծառայությունում պաշտոն ստանձնելով` երդվում եմ.
հավատարմորեն ծառայել Արցախի Հանրապետության ժողովրդին, խստագույնս պահպանել Արցախի Հանրապետության Սահմանադրությունը և օրենքները, մարդու և քաղաքացու իրավունքներն ու ազատությունները, աջակցել սահմանադրական կարգի պահպանմանը, անվերապահորեն և բարեխղճորեն կատարել իմ պարտականությունները:
|
_____________
ստորագրություն |
______________________ |
|
________________________ |
|
«_____»________________20___ թ. |
(Ձևը խմբ. 23.09.22 N138-Ն)