ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

«Հարկերի մասին» Լեռնային Ղարաբաղի Հանրապետության օրենքի 20-րդ հոդվածին համապատասխան` Լեռնային Ղարաբաղի Հանրապետության կառավարությունը որոշում է.

1. Հաստատել

ա) հարկ վճարողների կողմից Լեռնային Ղարաբաղի Հանրապետության կառավարության սահմանած ցանկում ընդգրկված օգտակար հանածոների և դրանց արտադրատեսակների, ապրանքների արտադրության և շրջանառության ֆիզիկական ծավալների, ինչպես նաև իրացման փաստացի գների (այդ թվում միջին) վերաբերյալ հաշվետվությունները հարկային մարմիններ ներկայացնելու կարգը` համաձայն N 1 հավելվածի.

բ) այն ապրանքների ցանկը, որոնց արտադրության շրջանառության ֆիզիկական ծավալների և գների (այդ թվում միջին) վերաբերյալ հարկ վճարողները հաշվետվություններ են ներկայացնում հարկային մարմիններ` համաձայն N 2 հավելվածի.

գ) այն օգտակար հանածոների և դրանց արտադրատեսակների ցանկը, որոնց արդյունահանման, շրջանառության ֆիզիկական ծավալների և գների (այդ թվում` միջին) վերաբերյալ հարկ վճարողները հաշվետվություններ են ներկայացնում հարկային մարմիններ` համաձայն N 3 հավելվածի:

(1-ին կետը լրաց., փոփ. 25.12.2007 N 710)

2. Սահմանել, որ`

ա) սույն որոշման վերաբերյալ գերատեսչական նորմատիվ ակտերն ընդունում է Լեռնային Ղարաբաղի Հանրապետության կառավարությանն առընթեր հարկային պետական ծառայությունը` համաձայնեցնելով Լեռնային Ղարաբաղի Հանրապետության ֆինանսների նախարարության հետ.

բ) հարկ վճարողները 2002 թվականի մարտ, ապրիլ, մայիս, հունիս ամիսների համար սույն որոշմամբ հաստատված կարգով նախատեսված հաշվետվությունները ներկայացնում են մինչև 2002 թվականի հուլիսի 20-ը ներառյալ:

(2-րդ կետը փոփ. 25.12.2007 N 710)

1. Սույն կարգով սահմանվում է «Հարկերի մասին» Լեռնային Ղարաբաղի Հանրապետության օրենքի 20-րդ հոդվածին համապատասխան սույն որոշմամբ հաստատված ցանկերում նշված օգտակար հանածոների և դրանց արտադրատեսակների, ապրանքներ արտադրողների և ներմուծող-իրացնողների կողմից նշված ապրանքների արտադրության և շրջանառության ֆիզիկական ծավալների, ինչպես նաև իրացման փաստացի գների (այդ թվում միջին) վերաբերյալ հարկային մարմիններ հաշվետվություններ ներկայացնելու կարգը:

(1-ին կետը փոփ. 25.12.2007 N 710)

2. Սույն կարգի դրույթները տարածվում են սույն որոշմամբ հաստատված ցանկերում նշված օգտակար հանածոների և դրանց արտադրատեսակների, ապրանքներ արտադրողների և ներմուծող-իրացնողների վրա:

(2-րդ կետը փոփ. 25.12.2007 N 710)

3. Սույն կարգի իմաստով օգտակար հանածոներ և դրանց արտադրատեսակներ, ապրանք արտադրող և ներմուծող-իրացնող են համարվում Լեռնային Ղարաբաղի Հանրապետությունում գրանցված (հաշվառված) հարկ վճարողները, որոնք արտադրում կամ ներմուծում-իրացնում են սույն որոշմամբ հաստատված ցանկերում ընդգրկված ապրանքները:

(3-րդ կետը լրաց., փոփ. 25.12.2007 N 710)

4. Սույն կարգի 2-րդ կետով նախատեսված հարկ վճարողները յուրաքանչյուր հաշվետու ժամանակաշրջանի համար մինչև հաջորդող ամսվա 20-ը ներառյալ սույն որոշմամբ հաստատված ցանկերում ընդգրկված ապրանքների վերաբերյալ հաշվետվություն են ներկայացնում իրենց հաշվառման վայրի հարկային մարմին (հաշվետվության ձևը կցվում է):

(4-րդ կետը փոփ. 25.12.2007 N 710)

5. Հարկ վճարողները սույն կարգին կից ձևով հաշվետվություն ներկայացնելիս յուրաքանչյուր ապրանքատեսակի համար լրացնում են առանձին տող:

6. Հարկ վճարողները նշված հաշվետվությունները ներկայացնելուց հետո հաշվետու ժամանակաշրջանին հաջորդող երկրորդ ամսվա 20-ը ներառյալ կարող են ներկայացնել ճշտված հաշվարկները:

7. Սույն կարգի իմաստով հաշվետու ժամանակաշրջան է համարվում ամիսը կամ եռամսյակը:

(Ցանկը փոփ., լրաց. 29.11.2005 N 486, փոփ. 25.12.2007 N 710)

1. Կազմակերպության (անհատ ձեռնարկատիրոջ) անվանումը

   (անունը)_____________________________________________

    2. ՀՎՀՀ-ն_____________________________________________

    3. Հաշվետու ժամանակաշրջանը__________________________

*Արտադրվող և (կամ իրացվող) արտադրանքի յուրաքանչյուր

չափման միավորի համար լրացվում է առանձին տող

____________________________________________________________________________________________

(հաշվետվությունը ներկայացրած (կազմված) պաշտոնատար անձի պաշտոնը, ստորագրությունը, անունը, ազգանունը)

_________________________________________ 200 թ. Կ. Տ.

(Հաշվետվությունը լրաց. 25.12.2007 N 710)

Ց Ա Ն Կ

(Հավելված N 3 լրաց. 25.12.2007 N 710)