ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՍԵՊՏԵՄԲԵՐԻ 17-Ի ԹԻՎ 316 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2004 թվականի սեպտեմբերի 17-ի «ԼՂՀ պաշտպանության ժամանակ զոհված (մահացած) զինծառայողների ընտանիքների սոցիալական ապահովության լրացուցիչ միջոցառումների մասին» թիվ 316 որոշման մեջ կատարել հետևյալ փոփոխությունները՝

1) որոշման 3-րդ կետից հանել «,ԼՂՀ կառավարությանն առընթեր ազգային անվտանգության ծառայության, ԼՂՀ արտակարգ իրավիճակների վարչության» բառերը.

2) որոշման 5-րդ կետը շարադրել հետևյալ խմբագրությամբ.

«5. Լեռնային Ղարաբաղի Հանրապետության պաշտպանության նախարարության Լեռնային Ղարաբաղի Հանրապետության զինվորական կոմիսարիատին և Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանությանը՝ մինչև յուրաքանչյուր կիսամյակին հաջորդող երկրորդ ամսվա 25-ը Լեռնային Ղարաբաղի Հանրապետության ֆինանսների նախարարություն և Լեռնային Ղարաբաղի Հանրապետության սոցիալական ապահովության նախարարություն ներկայացնել դրամական փոխհատուցումների (օգնության) տարբերության չափերի և շահառուների մասին տեղեկություններ՝ կիսամյակի վերջին ամսվա դրությամբ:»:

2. Սույն որոշումն ուժի մեջ է մտնում 2009 թվականի հունվարի 1-ից: