ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2005 թվականի հունվարի 26-ի «Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության Ինֆորմացիոն կենտրոնի օպերատիվ տեղեկատու քարտադարանը ձևավորելու և տեղեկություններ տրամադրելու կարգը հաստատելու մասին» N 37 որոշման հավելվածում կատարել հետևյալ փոփոխությունները`

1) 7-րդ կետը շարադրել հետևյալ խմբագրությամբ.

«7. Կալանավորված, դատապարտված անձանց մասին տվյալները լրացվում են (N 1 ձև) հաշվառման քարտում, և այն ոչ ուշ, քան 48 ժամվա ընթացքում Լեռնային Ղարաբաղի Հանրապետության ոստիկանության քրեակատարողական հիմնարկների (այսուհետ` քրեակատարողական հիմնարկներ) կողմից հսկողական ցուցակներով (N 7 ձև) ուղարկվում է Լեռնային Ղարաբաղի Հանրապետության ոստիկանության փորձաքրեագիտական բաժին:

Լեռնային Ղարաբաղի Հանրապետության ոստիկանության փորձաքրեագիտական բաժնի կողմից հաշվառման քարտում մատնադրոշմային բանաձևը լրացնելուց հետո հաշվառման քարտն ուղարկվում է Լեռնային Ղարաբաղի Հանրապետության ոստիկանության ինֆորմացիոն կենտրոն:».

2) 18-րդ կետի առաջին նախադասությունը շարադրել հետևյալ խմբագրությամբ.

«18. Եթե պատիժ կրելու համար քրեակատարողական հիմնարկ ուղարկված դատապարտյալների անձնական գործերում բացակայում է հաշվառման քարտում (N1 ձև) նշված Լեռնային Ղարաբաղի Հանրապետության ոստիկանության փորձաքրեագիտական բաժին ուղարկելու մասին նշումը, ապա պատիժը կրելու վայրում լրացվում են հաշվառման փաստաթղթեր` սույն կարգի 7-րդ կետով սահմանված կարգով, իսկ քարտը Լեռնային Ղարաբաղի Հանրապետության ոստիկանություն հաշվառման ուղարկելու մասին կից գրության մեջ նշվում է, որ այն կազմվել է սկզբնական հաշվառման փաստաթղթերում տվյալների բացակայության պատճառով:».

3) 19-րդ կետում «կառավարությանն առընթեր հարկային պետական ծառայությունը» բառերը փոխարինել «ֆինանսների նախարարությունը» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։