ք.Ստեփանակերտ

«Լիցենզավորման մասին» Լեռնային Ղարաբաղի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ, 43-րդ հոդվածի 2-րդ մասերին, «Իրավական ակտերի մասին» Լեռնային Ղարաբաղի Հանրապետության օրենքի 71-րդ և 73-րդ հոդվածներին համապատասխան` Լեռնային Ղարաբաղի Հանրապետության կառավարությունը որոշում է.

1. Հաստատել`

1) Անհատ ձեռնարկատերերի և (կամ) կազմակերպությունների կողմից մարդատար-տաքսի ավտոմոբիլներով, ինչպես նաև անհատ ձեռնարկատերերի կամ ֆիզիկական անձանց կողմից մեկ մարդատար-տաքսի ավտոմոբիլով ուղևորափոխադրումների կազմակերպման լիցենզավորման կարգը` համաձայն N 1 հավելվածի.

2) Անհատ ձեռնարկատերերի և (կամ) կազմակերպությունների կողմից մարդատար-տաքսի ավտոմոբիլներով, ինչպես նաև անհատ ձեռնարկատերերի կամ ֆիզիկական անձանց կողմից մեկ մարդատար-տաքսի ավտոմոբիլով ուղևորափոխադրումների կազմակերպման լիցենզիայի ձևը` համաձայն N 2 հավելվածի:

2. Լեռնային Ղարաբաղի Հանրապետության էկոնոմիկայի նախարարությանը` լիցենզառուների կողմից դեղին հիմնագույնի պետական համարանիշների հանձնման դեպքում ապահովել լիցենզիայի ներդիրի վերաձևակերպումը և նոր նմուշի ներդիրի անվճար տրամադրումը:

3. Լեռնային Ղարաբաղի Հանրապետության կառավարության 2008 թվականի ապրիլի 1-ի «Տրանսպորտային միջոցների համարանիշների հաշվառման և հատկացման կարգը հաստատելու մասին» N 260 որոշմամբ հաստատված հավելվածի 14-րդ կետից հանել «, ինչպես նաև մարդատար տաքսի ավտոմոբիլներին» բառերը:

4. Ուժը կորցրած ճանաչել Լեռնային Ղարաբաղի Հանրապետության կառավարության 2008 թվականի մայիսի 6-ի «Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզավորման կարգը և լիցենզիայի ձևը հաստատելու մասին» N 322 որոշումը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Սույն կարգով կարգավորվում են անհատ ձեռնարկատերերի և (կամ) կազմակերպությունների կողմից մարդատար-տաքսի ավտոմոբիլներով, ինչպես նաև անհատ ձեռնարկատերերի կամ ֆիզիկական անձանց կողմից մեկ մարդատար-տաքսի ավտոմոբիլով ուղևորափոխադրումների կազմակերպման լիցենզավորման (այսուհետ` լիցենզավորում) պայմանները և դրա հետ կապված հարաբերությունները:

2. Սույն կարգի գործողությունը տարածվում է մարդատար-տաքսի ավտոմոբիլներով ուղևորափոխադրումներ իրականացնող բոլոր անհատ ձեռնարկատերերի և (կամ) կազմակերպությունների, ինչպես նաև ֆիզիկական անձանց (այսուհետ` միասին նաև կազմակերպություն) վրա:

3. Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումներ կարող են իրականացնել Լեռնային Ղարաբաղի Հանրապետությունում օրենքով սահմանված կարգով գրանցված կազմակերպությունները, հաշվառված անհատ ձեռնարկատերերը, ինչպես նաև ֆիզիկական անձինք, որոնք ունեն մարդատար-տաքսի ավտոմոբիլներով ուղևորափոխադրումների կազմակերպման լիցենզիա` Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության կամ Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայություններում (այսուհետ` ոստիկանություն) հաշվառված սեփականության կամ Լեռնային Ղարաբաղի Հանրապետության օրենսդրությամբ սահմանված կարգով օգտագործման իրավունքով ձեռք բերված թեթև մարդատար ավտոմոբիլներով: Անհատ ձեռնարկատեր չհանդիսացող ֆիզիկական անձը մարդատար-տաքսի ավտոմոբիլով ուղևորափոխադրումներ կարող է իրականացնել միայն մեկ ավտոմոբիլով:

4. Լիցենզավորումն իրականացնում է տրանսպորտային համակարգի պետական լիազորված մարմինը (այսուհետ` լիազոր մարմին)` «Լիցենզավորման մասին» Լեռնային Ղարաբաղի Հանրապետության օրենքի և սույն կարգի պահանջներին համապատասխան:

5. Մարդատար-տաքսի ավտոմոբիլներով ուղևորափոխադրումների կազմակերպման լիցենզիա (այսուհետ` լիցենզիա) ստանալու համար կազմակերպությունը լիազոր մարմին է ներկայացնում հայտ` համաձայն N 1 ձևի:

6. Լիցենզիայի վերաձևակերպման, լիցենզիայի կամ դրա կրկնօրինակի տրման, լիցենզիաների գրանցամատյաններից այլ անձանց տեղեկությունների տրամադրման համար գանձվում է պետական տուրք` օրենքով սահմանված կարգով և չափով:

7. Կազմակերպության կողմից իրականացվող մարդատար-տաքսի ավտոմոբիլներով ուղևորափոխադրումներում ընդգրկված յուրաքանչյուր ավտոմոբիլի համար լիցենզիայի հետ հատկացվում է լիցենզիայի ներդիր (այսուհետ` ներդիր)` համաձայն N 3 ձևի:

8. Պահանջվող բոլոր փաստաթղթերը պետք է լինեն հայերենով (բացառությամբ խորհրդային ժամանակահատվածում տրված աշխատանքային գրքույկների):

9. Ներդիր ստանալու համար կազմակերպությունը ներկայացնում է`

1) հայտ` համաձայն N 2 ձևի.

2) ավտոմոբիլի տեխնիկական անձնագրի (հաշվառման վկայագրի) պատճենը.

3) ավտոմոբիլի սեփականության (ներկայացվում է միայն մեկից ավելի սեփականատերերի դեպքում) կամ Լեռնային Ղարաբաղի Հանրապետության օրենսդրությամբ սահմանված կարգով օգտագործման դեպքում դրա օրինականությունը հաստատող փաստաթղթի պատճենը.

4) ավտոմոբիլն այլ տեսակի վառելիքով շահագործման համար վերասարքավորելու (կահավորելու) դեպքում օրինականությունը հաստատող և հերթական փորձարկումները հավաստող փաստաթղթի պատճենը.

5) ավտոմոբիլի ուղեսրահում տեղադրված սակաչափիչի վերաբերյալ սակաչափիչի ստուգաչափման մասին իրավասու մարմնի կողմից տրված տեղեկանքի (եզրակացության) պատճենը, որում պետք է լինի նշում, թե տվյալ սակաչափիչն որ ավտոմոբիլի համար է ստուգաչափված.

6) վարորդական վկայականի պատճենը.

7) վարորդի ավտոտրանսպորտային միջոցի վարման երեք տարվա աշխատանքային փորձը հավաստող փաստաթղթի պատճենը.

8) ֆիզիկական անձի անձնագրի պատճենը:

10. Լիցենզավորող հանձնաժողովի կողմից հայտը և անհրաժեշտ փաստաթղթերն ստանալուց հետո յոթ աշխատանքային օրվա ընթացքում իրականացվում է լիցենզավորման պայմաններին և պահանջներին համապատասխանության ուսումնասիրություն և դրանց համապատասխանության դեպքում պատրաստվում է լիցենզիա և (կամ) ներդիր և արդյունքների հիման վրա եզրակացություն ներկայացվում լիազոր մարմնի ղեկավարին: Լիազոր մարմինն ընտրանքային կարգով կարող է ստուգել ներկայացված փաստաթղթերում առկա տեղեկությունների հավաստիությունը:

11. Ներդիրն ուժի մեջ է, եթե դրա և (կամ) համապատասխան լիցենզիայի գործողությունը չի դադարեցվել (կասեցվել):

12. Արգելվում է ներդիրի փոխանցումն այլ մարդատար-տաքսի ավտոմոբիլին:

13. Կազմակերպության կողմից որևէ ավտոմոբիլով այլևս ուղևորափոխադրումներ չիրականացնելու դեպքում կազմակերպությունը տվյալ ավտոմոբիլին հատկացված ներդիրը հանձնում է լիցենզավորող մարմին:

14. Լիցենզավորված կազմակերպության ավտոմոբիլի փոխարինումը և ներդիրի հատկացումն իրականացվում են սույն կարգի պահանջներին համապատասխան:

15. Մարդատար-տաքսի ավտոմոբիլները պետք է ունենան «Ավտոմոբիլային տրանսպորտի մասին» Լեռնային Ղարաբաղի Հանրապետության օրենքով սահմանված կահավորանքը:

16. Տաքսամետրը (սակաչափիչ) պետք է ստուգաչափվի կոնկրետ ավտոմոբիլի համար, կնքվի և ամրացվի այդ ավտոմոբիլին:

17. Սույն կարգի 15-րդ և 16-րդ կետերում նշված պահանջները լիցենզավորող հանձնաժողովի կողմից ստուգվում և լրացվում են համապատասխանության թերթիկում` համաձայն N 4 ձևի:

18. Լիցենզիան ուժի մեջ է մտնում այն լիցենզավորված կազմակերպությանը պատշաճ ձևով հանձնվելու կամ ուղարկվելու օրվան հաջորդող օրվանից:

19. Լիցենզիան վերաձևակերպվում, դրա գործողությունը կասեցվում, դադարեցվում և կրկնօրինակը տրամադրվում է օրենքով սահմանված կարգով:

20. Լիցենզիայի գործողության դադարեցման մասին դիմումի հետ միասին լիազոր մարմին են ներկայացնում կազմակերպությանը տրամադրված լիցենզիայի և ներդիրի բնօրինակները:

21. Լիցենզիայի և լիցենզիայի ներդիրի ստացման մասին հայտերը մերժվում են Լեռնային Ղարաբաղի Հանրապետության օրենսդրությամբ սահմանված դեպքերում, ինչպես նաև, եթե`

1) կազմակերպության կողմից ներկայացված փաստաթղթերը չեն համապատասխանում սույն կարգի 9-րդ կետով սահմանված պահանջներին.

2) ներկայացված փաստաթղթերի համաձայն ավտոմոբիլները չեն համապատասխանում սույն կարգի 15-րդ և 16-րդ կետերով սահմանված պահանջներին.

3) «Պետական տուրքի մասին» Լեռնային Ղարաբաղի Հանրապետության օրենքի պահանջներին համապատասխան տուրքը չվճարելը:

22. Լիցենզիայի ներդիր ստացած կազմակերպությունն իրեն պատկանող ավտոմոբիլներին ամրացված սակաչափիչի ստուգաչափման մասին իրավասու մարմնի կողմից տրված տեղեկանքի (եզրակացության) պատճենը, ինչպես նաև ներդիրը պետք է ներկայացնի լիցենզավորող մարմին` նոր ներդիր ստանալու նպատակով:

23. Ոստիկանությունը նոր ներդիրի հիման վրա տասնօրյա ժամկետում տրանսպորտային միջոցի ժամանակավոր դեղին հիմնագույնի համարանիշը փոխարինում է հիմնական համարանիշով:

Հայտատու_____________________________________________________________________________

           (կազմակերպության անվանումը կամ անհատ ձեռնարկատիրոջ կամ ֆիզիկական անձի անուն, ազգանուն)

Գտնվելու վայրը

______________________________________________________________________________________

______________________________________________________________________________________

(կազմակերպության գտնվելու վայրը կամ անհատ ձեռնարկատիրոջ կամ ֆիզիկական անձի հաշվառման վայրը,

                                                              էլեկտրոնային փոստի հասցեն)

Կից ներկայացվում է պետական տուրքի վճարման անդորրագիրը (չներկայացնելու դեպքում գանձապետական համակարգի միջոցով պետական տուրքի վճարումը հավաստող փաստաթուղթը ձեռք է բերում լիազոր մարմինը):

Նախապես ծանոթացել եմ տրանսպորտի ոլորտին առնչվող Լեռնային Ղարաբաղի Հանրապետության օրենքների և այլ իրավական ակտերի պահանջներին ու պարտավորվում եմ ապահովել դրանց կատարումը:

Հայտնում եմ, որ Լեռնային Ղարաբաղի Հանրապետության էկոնոմիկայի նախարարություն ներկայացված փաստաթղթերում առկա տվյալները ամբողջական են ու հավաստի:

ՀԱՅՏԱՏՈՒ ____________________________________________________________________________

                                                                         (պաշտոնը)

«_____»______________20  թ.

Խնդրում եմ տրամադրել ___________________ լիցենզիայի ներդիր (ներդիրներ) թվով _________ հատ ներկայացված ավտոմոբիլների համար` Լեռնային Ղարաբաղի Հանրապետությունում մարդատար-տաքսի ավտոմոբիլներով (մեկ մարդատար-տաքսի ավտոմոբիլով) փոխադրումներ իրականացնելու նպատակով:

Հայտատու______________________________________________________________________________

           (կազմակերպության անվանումը կամ անհատ ձեռնարկատիրոջ կամ ֆիզիկական անձի անուն, ազգանուն)

______________________________________________________________________________

Լրացուցիչ տեղեկություններ

______________________________________________________________________________

______________________________________________________________________________

Կից ներկայացնում եմ գործող կարգի պահանջներով նախատեսված անհրաժեշտ փաստաթղթերը, որոնց իսկությունը հավաստում եմ:

Նախապես ծանոթացել եմ տրանսպորտի ոլորտին առնչվող Լեռնային Ղարաբաղի Հանրապետության օրենքների և այլ իրավական ակտերի պահանջներին ու պարտավորվում եմ ապահովել դրանց կատարումը:

ՀԱՅՏԱՏՈՒ _____________________________________________________________________________

                                                                             (պաշտոնը)

«______»_______________20  թ.

Կ.Տ.

ՀԱՄԱՊԱՏԱՍԽԱՆՈՒԹՅԱՆ ԹԵՐԹԻԿ

______  ___________20____թ.

Լրացվում են 7-12 սյունակները` այո (ոչ) նշմամբ:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

ԼԻՑԵՆԶԻԱ

ՏԾ N 00000

ԱՆՀԱՏ ՁԵՌՆԱՐԿԱՏԵՐԵՐԻ ԵՎ (ԿԱՄ) ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ, ԻՆՉՊԵՍ ՆԱԵՎ ԱՆՀԱՏ ՁԵՌՆԱՐԿԱՏԵՐԵՐԻ ԿԱՄ ՖԻԶԻԿԱԿԱՆ ԱՆՁԱՆՑ ԿՈՂՄԻՑ ՄԵԿ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ

________________________________________________________________________________________

(նշվում է´ ֆիզիկական անձանց կամ անհատ ձեռնարկատիրոջ կողմից մեկ մարդատար-տաքսի ավտոմոբիլով

ուղևորափոխադրումների իրականացում կամ անհատ ձեռնարկատիրոջ և կազմակերպության կողմից մարդատար-տաքսի

ավտոմոբիլներով ուղևորափոխադրումների կազմակերպում)

Տրվում է

_____________________________________________________________________________________________

(կազմակերպության անվանումը կամ անհատ ձեռնարկատիրոջ կամ ֆիզիկական անձի անունը, հայրանունը, ազգանունը)

Կազմակերպության (անհատ ձեռնարկատիրոջ կամ ֆիզիկական անձի)______________________________

_____________________________________________________________________________________________

                                               (գտնվելու (բնակության) վայրը)

Լիցենզիայի գործողության ժամկետը` անժամկետ

Լիցենզիան տալու ամսաթիվը` «___»____________________ 20 թ.

Կ.Տ