ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Հիմք ընդունելով «Կազմակերպությունների և ֆիզիկական անձանց հարկային հաշվառման մասին» Լեռնային Ղարաբաղի Հանրապետության օրենքի 8-րդ հոդվածի 2-րդ մասի 3-րդ կետը, 10-րդ հոդվածի 6-րդ մասը և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածը` Լեռնային Ղարաբաղի Հանրապետության կառավարությունը ո ր ո շ ու մ է.

1. Սահմանել`

1) անհատ ձեռնարկատեր չհանդիսացող ֆիզիկական անձանց հարկային հաշվառման վերցնելու համար հարկ վճարողի հաշվառման համարի տրամադրման դիմումի ձևը` համաձայն N 1 հավելվածի.

2) անհատ ձեռնարկատեր չհանդիսացող ֆիզիկական անձանց հարկային հաշվառման վերցնելու համար հարկ վճարողի հաշվառման համարի տրամադրման դիմումում լրացման ենթակա տվյալների ցանկը` համաձայն N 2 հավելվածի.

3) անհատ ձեռնարկատեր չհանդիսացող ֆիզիկական անձանց` հարկ վճարողի հաշվառման վկայականի ձևաթուղթը` համաձայն N 3 հավելվածի.

4) անհատ ձեռնարկատեր չհանդիսացող ֆիզիկական անձանց` հարկ վճարողի հաշվառման վկայականի ձևաթղթում պարունակվող տեղեկությունների ցանկը` համաձայն N 4 հավելվածի:

2. Ուժը կորցրած ճանաչել`

1) Լեռնային Ղարաբաղի Հանրապետության կառավարության 2004 թվականի սեպտեմբերի 28-ի «Լեռնային Ղարաբաղի Հանրապետության կառավարությանն առընթեր հարկային պետական ծառայությանը տեղեկություններ հաղորդելու (տրամադրելու) մասին» N 336 որոշումը.

2) Լեռնային Ղարաբաղի Հանրապետության կառավարության 2012 թվականի մարտի 28-ի «Հարկ վճարողի հաշվառման համարի տրամադրման դիմումի ձևը և դրանում լրացման ենթակա տվյալների ցանկը սահմանելու մասին» N 171-Ն որոշումը.

3) Լեռնային Ղարաբաղի Հանրապետության կառավարության 2012 թվականի մարտի 28-ի «Հարկ վճարողի հաշվառման վկայականի ձևաթուղթը և դրանում պարունակվող տեղեկությունների ցանկը սահմանելու մասին» N 172-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Դ Ի Մ ՈՒ Մ

Ներկայացված տվյալները հավաստի են:

* տողը լրացվում է տնտեսական գործունեության տեսակների դասակարգչի հիման վրա

1. Ֆիզիկական անձի անունը, ազգանունը և հայրանունը

2. Ֆիզիկական անձի հաշվառման վայրը և հեռախոսահամարը

3. Ֆիզիկական անձի բնակության վայրը (հաշվառման վայրից տարբերվելու դեպքում) և հեռախոսահամարը

4. Ֆիզիկական անձի անձնագրային տվյալները

5. Գործունեության տեսակները

6. Գործունեության իրականացման վայրերի հասցեները

7. Դիմումը պարունակում է հավաստում, որ ներկայացված տվյալները հավաստի են

8. Անունը, ազգանունը, ստորագրությունը և ամիսը, ամսաթիվը, տարեթիվը

Վ Կ Ա Յ Ա Կ Ա Ն

ԱՆՀԱՏ ՁԵՌՆԱՐԿԱՏԵՐ ՉՀԱՆԴԻՍԱՑՈՂ ՖԻԶԻԿԱԿԱՆ ԱՆՁԱՆՑ` ՀԱՐԿ ՎՃԱՐՈՂԻ ՀԱՇՎԱՌՄԱՆ

1. Ֆիզիկական անձի անունը, ազգանունը և հայրանունը

2. Անձնագրային տվյալները

3. Լուսանկարը (3x4 չափսի)

4. Հարկ վճարողի հաշվառման համարը (ՀՎՀՀ-ն)

5. Նշում հաշվառման վերցրած հարկային մարմնի վերաբերյալ և հաշվառման վերցնելու ամիսը, ամսաթիվը, տարեթիվը

6. Հաշվառման վայրի հարկային մարմնի ղեկավարի անունը, ազգանունը, ստորագրությունը և կնիքը