ԼՂՀ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

ք.Ստեփանակերտ

«Քաղաքաշինության մասին» Լեռնային Ղարաբաղի Հանրապետության օրենքի 10¹-րդ հոդվածի և Լեռնային Ղարաբաղի Հանրապետության կառավարության 2005 թվականի նոյեմբերի 29-ի «Լեռնային Ղարաբաղի Հանրապետության քաղաքաշինության նախարարությանը քաղաքաշինության բնագավառում կառավարման պետական լիազորված մարմնի իրավասություն վերապահելու մասին» թիվ 499 որոշման համաձայն

Հ Ր Ա Մ Ա Յ ՈՒ Մ  Ե Մ`

1. Լեռնային Ղարաբաղի Հանրապետության քաղաքաշինության նախարարության 2008 թվականի հունվարի 23-ի «Գործող գներով շինարարական աշխատանքների արժեքի հաշվարկման կարգը հաստատելու մասին» թիվ 10-Ա հրամանով հաստատված կարգում կատարել հետևյալ փոփոխությունները և լրացումները.

1) Հանել 4-րդ գլխի 2-րդ և 3-րդ կետերը:

2) Հանել 4-րդ գլխի 4-րդ և 5-րդ կետի «մնացած 50 տոկոսի չափով» բառերը:

3) 4-րդ գլխի 4-րդ կետի «նորմատիվի» բառը փոխարինել «նորմատիվը» բառով:

4) 5-րդ գլխի 1-ին կետի «20000, 15000, 1.333, 71053.32 և 94714.08» թվերը փոխարինել համապատասխանաբար «25000, 20000, 1.25, 98000 և 122500» թվերով:

5) 5-րդ գլխի 1-ին կետի «գործակցի միջոցով:» բառերից հետո լրացնել նոր պարբերություն` հետևյալ բովանդակությամբ.

«Ամսական միջին հատուկ աշխատավարձը /Ա_{միջ հատուկ}/ հաշվարկված է ամսական միջին աշխատավարձի /Ա_միջ/ և /1.25/ գործակցի միջոցով:»:

6) 5-րդ գլխի 1-ին կետի «դրամ (4)» բառից հետո լրացնել նոր պարբերություն` հետևյալ խմբագրությամբ.

«Հատուկ նշանակության օբյեկտների (Լեռնային Ղարաբաղի Հանրապետության Նախագահի, Լեռնային Ղարաբաղի Հանրապետության Ազգային ժողովի և Լեռնային Ղարաբաղի Հանրապետության կառավարության աշխատակազմերի հաշվեկշիռներում գտնվող շենքերը և շինությունները) միջին ամսական աշխատավարձի հաշվարկը կկատարվի հետևյալ բանաձևով`

Ա _{միջ հատուկ}= Ա_միջ  x 1,25 = 153125,0 դրամ»:

7) 7-րդ գլխից հետո լրացնել հետևյալ բովանդակությամբ 7¹  գլուխը`

Անկախ տարվա փաստացի ժամանակից` շինարարության նախահաշվային արժեքի որոշման համար կիրառել կլիմայական պայմանների ազդեցությունները հաշվի առնող 1,012 գործակից:

8) 4-րդ գլխի «Աղյուսակ 1»-ից հետո լրացնել հետևյալ բովանդակությամբ 1¹-րդ կետը`

«Վերանորոգման և վերակառուցվող օբյեկտների համար նախատեսել 6% չնախատեսված ծախսեր»:

2. Սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

3. Հրամանի կատարման հսկողությունն իրականացնում եմ անձամբ:

4. Սույն հրամանն ուժի մեջ է մտնում պաշտոնական հրապարակման պահից: