Գրանցված է ԼՂՀ արդարադատության նախարարության կողմից «04» փետրվարի 2008թ. Պետգրանցման համարը 824

 

ԼՂՀ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅՈՒՆ

 

Հ Ր Ա Մ Ա Ն

 

«23» հունվարի 2008թ.

N 10 Ա

ք. Ստեփանակերտ

 

Գործող գներով շինարարական աշխատանքների արժեքի հաշվարկման կարգը հաստատելու մասին

 

«Քաղաքաշինության մասին» ԼՂՀ օրենքի 10¹ հոդվածի «գ» կետի և ԼՂՀ կառավարության 2005թ. նոյեմբերի 29-ի «Լեռնային Ղարաբաղի Հանրապետության քաղաքաշինության նախարարությանը քաղաքաշինության բնագավառում կառավարման պետական լիազորված մարմնի իրավասություն վերապահելու մասին» թիվ 499 որոշման համաձայն

 

Հ ր ա մ ա յ ու մ ե մ

 

1. Հաստատել Գործող գներով շինարարական աշխատանքների արժեքի հաշվարկման կարգը` համաձայն հավելվածի:

2. Սույն հրամանը սահմանված կարգով ներկայացնել ԼՂՀ արդարադատության նախարարություն` պետական գրանցման:

3. Հրամանի կատարման հսկողությունը դնել աշխատակազմի շինարարության քաղաքականության և ծրագրերի բաժնի վրա:

4. Ուժը կորցրած ճանաչել ԼՂՀ քաղաքաշինության նախարարի 2005թ. օգոստոսի 26-ի թիվ 65-Ա հրամանով հաստատված «Գործող գներով շինարարական աշխատանքների արժեքի հաշվարկման կարգը»:

 

 

Նախարար

Ա. Մամունց

 

 

Հավելված ԼՂՀ քաղաքաշինության նախարարի «23» հունվարի 2008թ. թիվ 10 Ա հրամանի

 

Կ Ա Ր Գ

 

ԳՈՐԾՈՂ ԳՆԵՐՈՎ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԱՐԺԵՔԻ ՀԱՇՎԱՐԿՄԱՆ

 

1. ԿԻՐԱՌՄԱՆ ՈԼՈՐՏԸ

 

1. Սույն Կարգը մշակված է պետական բյուջեի (այդ թվում վարկային) միջոցների հաշվին իրականացվող շինարարության, գոյություն ունեցող շենքերի և շինությունների վերակառուցման, վերականգնման, ուժեղացման, ընդլայնման, արդիականացման, հիմնանորոգման (հետագայում՝ շինարարության) նախահաշվային արժեքների որոշման համար:

2. Ոչ պետական ծրագրերով իրականացվող շինարարության, վերակառուցման, վերականգնման, ընդլայնման, արդիականացման, հիմնանորոգման աշխատանքների արժեքների որոշման համար Կարգը կրում է երաշխավորական և /կամ/ խորհրդատվական բնույթ:

3. Սույն Կարգը չի ներառում մասնագիտական և փորձաքննության արդյունքում տրվող եզրակացությունների ձեռք բերման ծախսերը:

 

2. ՏԵՐՄԻՆՆԵՐ ԵՎ ՍԱՀՄԱՆՈՒՄՆԵՐ

 

1. Սույն Կարգում կիրառված են հետևյալ տերմինները` համապատասխան սահմանումներով:

Ամսական միջին աշխատավարձ` նախահաշվային փաստաթղթերում կիրառվող աշխատավարձի հաշվարկային չափ:

Ինֆորմացիոն տեղեկագիր` ԼՂՀ քաղաքաշինության նախարարության կողմից պարբերաբար հրատարակվող տեղեկատու-ձեռնարկ:

 

3. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն Կարգը սահմանում է առանձին շենքերի և շինությունների շինարարության արժեքի ձևավորման հիմնական դրույթները, կառուցվածքն ու ծախսերի հաշվարկը:

2. Շինարարական աշխատանքների արժեքի կառուցվածքը ներկայացվում է հետևյալ բանաձևով՝

 

Ա = Ծ + Շ + Հ

(1)

 

 

որտեղ՝

Ա` արժեքն է

Ծ` ծախսերն են

Շ` շահույթն է

Հ` հարկերն են

 

3. Շինարարական աշխատանքների արժեքում ծախսերի կառուցվածքը` ելնելով շինարարական նորմերից, բաղկացած է.

 

Ծ=Ծու+Ծվ+Ծայլ

(2)

 

որտեղ`

Ծ ` շինարարական աշխատանքների արժեքում հաշվի առնված ծախսերն են.

Ծ_ու` ուղղակի ծախսեր

Ծ_վ ` վերադիր ծախսեր

Ծ_այլ` այլ ծախսեր

ա. Ուղղակի ծախսերին (Ծու) վերաբերում են այն ծախսերը, որոնք ուղղակիորեն կապված են արտադրության հետ` այն է.

 

Ծու = Աշ+Ան+Ամեք

(3)

որտեղ`

Ա_շ` արտադրական գործընթացում զբաղված աշխատողների /համապատասխան որակավորում ունեցող բանվորների և մեխանիզատորների/ աշխատավարձն է, այդ թվում «Պարտադիր սոցիալական ապահովագրական վճարների մասին» ԼՂՀ օրենքով նախատեսված պարտադիր վճարները:

Ա_ն` նյութերի, պատրաստվածքների, կիսապատրաստուկների և կոնստրուկցիաների արժեքը, տեղակայման ենթակա սարքավորումների, պահեստամասերի, վառելիքի և այլ նյութերի արժեքը, արտադրական գործընթացին անհրաժեշտ բնական ռեսուրսների ձեռք բերման և օգտագործման ծախսերը, ինչպես նաև բնապահպանական վճարները:

Ա_մեք` անմիջապես շինարարությանը մասնակցող մեքենաների, փոխադրամիջոցների և այլ մեխանիզմների սպասարկման և շահագործման հետ կապված ծախսերն են /արժեքը/:

բ. Վերադիր ծախսերին (Ծ_վ) վերաբերում են աշխատանքների կազմակերպման հետ կապված ծախսերը` /կառավարման ապարատի և գծային անձնակազմի /աշխղեկ, վարպետ, տեղամասերի պետեր և այլն/ վարձատրում, փոքրարժեք գույքի մաշվածություն, շենքերի և կառուցվածքների /ժամանակավոր և մշտական/ ամորտիզացիոն ծախսեր, վարձավճարներ, պահպանման ծախսեր /ընթացիկ և կապիտալ վերանորոգման, ջրի, էլեկտրաէներգիայի, ջեռուցման, կապի և այլն/, օժանդակ /հիմնական կազմի մեջ չմտած/ բանվորների աշխատավարձ, սոցապահովման հատկացումներ և այլ ծախսեր, որոնք հաշվի չեն առնված ուղղակի ծախսերի մեջ/:

գ. Այլ ծախսերը (Ծ_այլ) հաշվի են առնում աշխատանքների վրա ազդող հատուկ (շինարարական հրապարակի վայրը, շինարարական աշխատանքների կազմակերպման ծախսերը, շինարարական աշխատանքներ իրականացնող կազմակերպության առանձնահատկությունները) պայմանները:

 

4. ՉՆԱԽԱՏԵՍՎԱԾ ԱՇԽԱՏԱՆՔՆԵՐԻ ԾԱԽՍԵՐ

 

1) Ամփոփ նախահաշվում առանձին տողով ներկայացվող` շինարարության ընթացքում բացահայտված և պարտադիր կատարման ենթակա աշխատանքների համար պահանջվող չնախատեսված ծախսերն անհրաժեշտ է հաշվարկել շինարարության ամբողջ նախահաշվային արժեքից:

Չնախատեսված աշխատանքների ծախսերի համար նախատեսվող հատկացումների սահմանային չափերը ընդունվում են ԼՂՀ քաղաքաշինության նախարարության կողմից` ըստ թիվ 1 աղյուսակի:

 

Աղյուսակ 1

	Կառույցի տեսակը	Չնախատեսված աշխատանքների ծախսերի տոկոսային /%/ չափաբաժինը` օբյեկտի նախահաշվային արժեքից հաշվարկվող (նորակառույց/ վերակա-ռուցվող, հիմնանորոգվող, ամրացվող)
I.	Երկփուլ նախագծով` «Նախագիծ» և «Աշխատանքային փաստաթղթեր» փուլերով նախագծվող օբյեկտներ
	Հատուկ նախագծերով իրականացվող
ա.	- լեռնահարստացման կոմբինատներ, գունավոր մետալուրգիայի և քիմիական արտադրության ձեռնարկություններ, հիդրոէլեկտրակայաններ, ատոմային էլեկտրակայաններ, մետրոպոլիտեն, թունելներ, խոշոր կամուրջներ, ինչպես նաև կամուրջներ ե/բետոնյա թռիչքային շինվածքներով ավելի քան 80մ երկար. և մետաղական թռիչքային շինվածքներով ավելի քան 1ooմ երկար., արտառոց` տեխնիկապես բարդ լուծումներով շենքեր և շինություններ	10/12
բ.	- մետալուրգիայի և քիմիական գործարաններ, նավթարտադրության, գազարտադրության գործարաններ, մանրեաբանական արտադրության կազմակերպություններ, հարստացման ֆաբրիկաներ, մելիորատիվ շինարարության օբյեկտներ, ծովային հիդրոտեխնիկական կառույցներ	7/8
գ.	- մնացած ձեռնարկությունների շենքերն ու շինությունները արտադրական և գյուղատնտեսական բնույթի, տրանսպորտի և կապի, հասարակական շենքերն ու շինությունները /բացի բնակելի շենքերից/	5/6
դ.	- բնակելի շենքեր	3/4
	Տիպային և կրկնակի կիրառման /հատուկ/ նախագծերով իրականացվող շինարարության օբյեկտներ
ե.	- հասարակական շենքեր և շինություններ, բնակելի շենքեր	2/3
զ.	- արտադրական նշանակության օբյեկտներ	3/4
II.	Մեկ` «Աշխատանքային նախագիծ» փուլով նախագծվող օբյեկտներ
	Տիպային և կրկնակի կիրառման նախագծերով իրականացվող
ա.	- արտադրական շենքեր և շինություններ, ինչպես նաև նոր /հատուկ/ նախագծերով իրականացվող բնակելի շենքեր	3/4
	Հատուկ նախագծերով իրականացվող
բ.	- հասարակական շենքեր և շինություններ	5/6
	Տիպային և կրկնվող նախագծերով իրականացվող
գ.	- հասարակական շենքեր և շինություններ, բնակելի շենքեր	2/3
դ.	- արտադրական այն օբյեկտների համար, որոնք չեն նախատեսվել սույն աղյուսակի I-ին կետի ա/ ենթակետի 10/12 %-ին կիրառվում է 0.5 գործակիցը /բայց ոչ պակաս քան 3% շինարարության կամ հիմնանորոգման նախահաշվային արժեքից/	3-5 / 3-6
III.	Հատուկ նշանակության օբյեկտներ	6/7
	- ԼՂՀ նախագահի, Ազգային Ժողովի, կառավարության աշխատակազմերի հաշվեկշիռներում գտնվող շենքեր, շինություններ	5/6

2. Կապալի պայմանագրով նախատեսված և Կապալառուին նախապես տրամադրվող չնախատեսված աշխատանքների և ծախսերի համար անհրաժեշտ գումարը սահմանվում է թիվ 1 աղյուսակում նշված նորմատիվի 50 տոկոսի չափով:

3. Կապալառուին նախապես տրամադրվող` չնախատեսված աշխատանքների և ծախսերի համար անհրաժեշտ միջոցներն օգտագործվում են Կապալառուի կողմից, իր իսկ նախաձեռնությամբ շինարարության կազմակերպման ընթացքում աշխատանքների կատարման ձևի /ուղիների/ փոփոխման, մեխանիզմների, աշխատանքային գծագրերում նախատեսված առանձին շինարարական կոնստրուկցիաների և նյութերի այլ կոնստրուկցիաներով և նյութերով փոխարինման անհրաժեշտությունից ելնելով:

4. Թիվ 1 աղյուսակով սահմանված նորմատիվի մնացած 50 տոկոսի չափով` որպես չնախատեսված աշխատանքների և ծախսերի համար Պատվիրատուի կողմից Կապալառուին տրամադրվող պահուստային միջոցները ենթակա են վճարման` վերջինիս կողմից հիմնավորող փաստաթղթերի /կատարողական ակտերի, հեղինակային և տեխնիկական հսկողություն իրականացնող անձանց եզրակացությունների առկայության/ ներկայացման դեպքում:

5. Չնախատեսված աշխատանքների և ծախսերի պահուստային միջոցները մնացած 50 տոկոսի չափով կարող են տրամադրվել աշխատանքային փաստաթղթերում ծավալահատակագծային, կոնստրուկտիվ, տեխնոլոգիական լուծումների փոփոխման /արդիականացման/, նախահաշվային արժեքի ճշգրտման, նախագծանախահաշվային փաստաթղթերում տեղ գտած սխալների ուղղման, լրացուցիչ ծախսերի փոխհատուցման, որոնք պայմանավորված են նոր նյութերի և պատրաստվածքների ներդրմամբ և առաքմամբ, սարքավորումների ձեռք բերման և մոնտաժման արժեքների փոփոխման հետ կապված ծախսերի անհրաժեշտությամբ:

6. Սույն կարգով սահմանված դեպքերում` Կապալառուի կողմից չնախատեսված աշխատանքների և ծախսերի համար նախատեսվող չօգտագործված գումարները (այդ թվում պահուստային միջոցները) ենթակա են վերաբաշխման մինչև ընթացիկ տարվա ավարտը և /կամ/ վերադարձման պետական բյուջե:

 

5. ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԾԱԽՍԵՐԻ ԱՐԺԵՔԻ ՀԱՇՎԱՐԿ

ԱՇԽԱՏԱՎԱՐՁԻ ՀԱՇՎԱՐԿ

 

1. Միջին ամսական աշխատավարձի չափը ընդունվում է ԼՂՀ քաղաքաշինության նախարարի հրամանով /14.01.2008թ. թիվ 03-Ա հրաման/:

Միջին ամսական աշխատավարձը /Ա_միջ/ հաշվարկված է նախկինում գործող նվազագույն ամսական աշխատավարձերի /20000 և 15000 դրամ/ հարաբերակցությամբ ստացված /_1.333/ գործակցի միջոցով:

Ա_միջ կայուն ցուցանիշ չէ և միտում ունի պարբերաբար փոփոխվելու` սահմանվող նվազագույն և վիճակագրական տվյալներում գրանցվող /այդ թվում մեկ ամսվա կտրվածքով/ աշխատավարձերի ցուցանիշների տատանումների հետ մեկտեղ:

Միջին ամսական աշխատավարձի հաշվարկը կկատարվի հետևյալ բանաձևով`

 

Ամիջ=(Ա նվազ 2:Ա նվազ 1)xԱ07միջ=(20 000:15 000)x71053.32=1.333x71053.32 = 94714.08 դրամ

(4)

 

որտեղ`

Միջին ամսական աշխատավարձի չափը չի ներառում ԼՂՀ օրենսդրությամբ սահմանված հավելավճարներ և արձակուրդի /կամ վերջնահաշվարկի/ համար նախատեսվող ծախսեր:

Միջին ամսական աշխատավարձի չափը հետագայում նախատեսվում է հաշվարկել ԼՂՀ վիճակագրական ծառայության կողմից արձանագրվող սպառողական գների ինդեքսի միջոցով:

2. Արձակուրդի համար նախատեսվող գումարը հաշվարկվում է ամբողջ աշխատավարձի 8%-ի չափով, կամ էլ վերջինիս նկատմամբ կիրառվում է 1.08 գործակիցը:

 

6. ՆՅՈՒԹԵՐԻ ԱՐԺԵՔԻ ՀԱՇՎԱՐԿ

1) Նյութերի արժեքը հաշվարկվում է,

 

Ան = (Ն1xԳն1+Ն2xԳն2+......+ՆոxԳնո) x 1.05 x 1.05 x Գտրանսպ x 1.02

(5)

 

որտեղ`

Ա _ն` նյութերի արժեքն է

Ն₁, Ն₂, Ն_ո ` նյութերի ծախսն է նախահաշվային գործող նորմերով

Գ_ն1, Գ_ն2, Գնո` նյութերի, պատրաստվածքների և կոնստրուկցիաների արժեքները ընդունվում են նախահաշվային հաշվարկների կազմման ժամանակ` գործող գներով: Գործող գների հիմք է ծառայում ԼՂՀ քաղաքաշինության նախարարության կողմից հրատարակվող ինֆորմացիոն տեղեկագիրը, իսկ տվյալների բացակայության դեպքում, շուկայի ուսումնասիրության արդյունքում արձանագրված տվյալները և գները հիմնավորող փաստաթղթերը,

1.05 - այլ նյութերի քանակը հաշվի առնող գործակից

1.05 - տրանսպորտային ծախսերը հաշվի առնող գործակիցն է` Ստեփանակերտ քաղաքի համար

1.02 - փաթեթավորման - պահեստավորման ծախսեր:

2) Շրջկենտրոնների և գյուղական բնակավայրերի համար տրանսպորտային ծախսերի գործակիցը Գ_տրանսպ հաշվարկվում է նախահաշիվներ կազմող` նախագծային կազմակերպության կողմից` վերը նշված ծախսերն ավելացնելով յուրաքանչյուր 1 կմ դիմաց (Ստեփանակերտ քաղաքից սկսած) նյութերի արժեքի 0.21 %-ի չափով:

 

7. ՄԵՔԵՆԱՆԵՐԻ ԵՎ ՄԵԽԱՆԻԶՄՆԵՐԻ ՇԱՀԱԳՈՐԾՄԱՆ ԱՐԺԵՔԻ ՀԱՇՎԱՐԿ

 

1) Մեքենաների և մեխանիզմների շահագործման արժեքը հաշվարկվում է.

 

Ամեք=(Ժ1xԱ1+Ժ2xԱ2.....ԺոԱո)x1.03

(6)

 

որտեղ`

Ա_մեք, Ժ_ո ` մեքենաների աշխատանքի ժամանակն է

Ա₁` մեքենաների և մեխանիզմների շահագործման արժեքն է

Ժ₁,Ժ₂, Ա₂, Ա_ո` 1 մեքենա/ժամի արժեքն է (ընդունվում է շահագործող կազմակերպության հետ պայմանագրով կամ շինարարական կազմակերպության հաշվարկային գներով)

1.03 - այլ մեքենաների շահագործման արժեքը հաշվի առնող գործակից

2) Մեքենաների ու մեխանիզմների շահագործման ծախսերի (1984թ. գների նկատմամբ) անցման գործակիցը հաշվարկվում է հետևյալ բանաձևով.

 

Kմեք.շահ   =	(0.208 x Գահ + 0.144 x ԳՊԲ +0.286 xԳԱՇ + 0.321x Գէն _____________________________________________	(7)
	0.959

  որտեղ`

Գ_ահ` ամորտիզացիոն հատկացումների վերահաշվարկման գործակից, ընդունվում է ԼՂՀ Կառավարության կողմից լիազորված պետական մարմնի որոշմամբ /ներկայումս ԼՂՀ քաղաքաշինության նախարարություն/

Գ_ՊԲ` պահեստամասերի արժեքի փոփոխման գործակից, ընդունվում է ԼՂՀ քաղաքաշինության նախարարության կողմից հրատարակվող ինֆորմացիոն տեղեկագրում բերված տվյալների կամ նախահաշիվներ կազմող` նախագծային կազմակերպության կողմից կատարված հաշվարկների հիման վրա

Գ_էն` էներգիայի տեսակների արժեքի փոփոխման գործակիցն է

 

Գէն = 0.8 Գդիզ.վառ + 0.2 Գէլ.էներգ

(8)

 

որի 80%-ը կազմում է դիզ.վառելիքի արժեքի փոփոխությունը և որոշվում է

 

Գդիզ.վառ     =	Ավ x1.18 __________	(9)
	0.08

 

 Ա_վ` 1 կգ վառելիքի արժեքն է գործող գներով

0.08` 1 կգ վառելիքի արժեքն է 1984թ. գների մակարդակով

1.18` 1 լիտրից 1կգ-ի անցման գործակիցը

20%-ը կազմում է էլեկտրաէներգիայի արժեքի փոփոխությունը և որոշվում է

 

Գէլ.էներգ       =	Աէներգ _________	(10)
	0.0325

 

 

Ա_էներգ` 1 կվտ ժամ էլեկտրաէներգիայի արժեքն է` գործող գներով

0.0325` 1 կվտ ժամ էլեկտրաէներգիայի արժեքն է 1984թ գների մակարդակով

Գ_ԱՇ` աշխատավարձի անցման գործակիցն է /1984 թվի դրությամբ/:

Վերոհիշյալ գործակիցների հաշվարկային արժեքները բերված են ստորև թիվ 2 աղյուսակում:

 

Աղյուսակ 2

հ/հ	Համապատասխան հատկացումներ	Շահագործման ծախսերից կազմող բաժնեմասի չափը
1	ամորտիզացիա	0.208
2	պահեստամասեր	0.144
3	աշխատավարձ	0.286
4	վառելանյութ, էլեկտրաէներգիա, քսայուղեր	0.321
	ԸՆԴԱՄԵՆԸ` բաժնեմասերի գումարը	0.959

8. ՎԵՐԱԴԻՐ ԾԱԽՍԵՐԻ ՀԱՇՎԱՐԿ

 

1) Վերադիր ծախսերը (Ծ_Վ) հաշվարկվում են ուղղակի ծախսերի արժեքից`

 

Ծվ =	Ծու x 5.3% ------------------	(11)
	100%

 

 

  Ծ_ու` Ուղղակի ծախսեր

5.3%` ԼՂՀ քաղաքաշինության նախարարության կողմից հաստատված ուղղակի ծախսերից մասհանվող տոկոսաչափն է:

 

9. ՇԱՀՈՒՅԹԻ ՉԱՓԻ ՀԱՇՎԱՐԿ

 

Շահույթը (Շ) հաշվարկվում է ուղղակի և վերադիր ծախսերի արժեքից`

 

Շ =	(Ծու + Ծվ)x11% ------------------	(12)
	100%

 

Ծ_ու` ուղղակի ծախսեր

Ծ_վ` վերադիր ծախսեր

Շինարարության համար սահմանված 10% շահութաբերությունն ապահովելու պարագայում` շահույթը կկազմի ուղղակի և վերադիր ծախսերի գումարի 11 %-ը (111% :11%=10%):

 

10. ԱՅԼ ԾԱԽՍԵՐԻ ՀԱՇՎԱՐԿ

 

Այլ ծախսերը հաշվարկվում են հետևյալ բանաձևով:

 

Ծայլ= Ծժկ +Ծկլx Ծա

(13)

 

որտեղ`

Ծ_այլ` այլ ծախսեր

Ծ_ժկ` ժամանակավոր պահեստային և կենցաղային շենքերի շինարարության /շարժական կամ հավաքովի - քանդովի շենքերի օգտագործման/, ժամանակավոր ինժեներական ցանցերի մոտեցման /էլեկտրաէներգիա, ջուր, օբյեկտի մոտեցնող ճանապարհներ, հրապարակներ և այլն/ ծախսերն ընդունվում են ԼՂՀ քաղաքաշինության նախարարության նորմերով /14.01.2008թ. թիվ 02-Ա հրաման/

Ծ_ա` ԼՂՀ Կառավարության (ԼՂՀ կառավարման մարմնի) կողմից սահմանված արտոնությունները և այլ ծախսերը հաշվարկվում են ԼՂՀ օրենսդրությամբ սահմանված կարգով:

 

11. ՀԱՐԿԵՐ

 

ԼՂՀ օրենսդրությամբ սահմանված հարկերը հաշվարկվում են ԼՂՀ օրենսդրությամբ սահմանված կարգով:

 

12. ՆԵՂՎԱԾՔԻ ՊԱՅՄԱՆՆԵՐՈՒՄ ԱՇԽԱՏԱՆՔՆԵՐԻ

ԻՐԱԿԱՆԱՑՄԱՆ ԾԱԽՍԵՐ

 

1) Գործող /շահագործվող/ օբյեկտներում` նեղվածքի պայմաններում շինմոնտաժային աշխատաքների իրականացման համար նախատեսվող ծախսերը հաշվարկվում են EPEP-85 ժողովածուի մեջ ներառված համապատասխան գործակցի միջոցով:

2) Քաղաքի խիտ կառուցապատված մասում նեղվածքի պայմաններում իրականացվող շինարարությունը առանձնանում է.

ա. գոյություն ունեցող ճյուղավորված ստորգետնյա կոմունիկացիոն ցանցերի տեղափոխման և /կամ/ փոխարինման,

բ. նեղվածքի պայմաններում կամ անմիջապես շինհրապարակում նյութերի /կոնստրուկցիաների/ պահեստավորման,

գ. անվտանգության տեխնիկայի կանոնների պահանջներին համապատասխան շինարարության կազմակերպման նախագծով /ՇԿՆ/ նախատեսված վերամբարձ կռունկի /սլաքի պտույտի/ սահմանափակ գործողությունների համար լրացուցիչ աշխատանքների կատարման անհրաժեշտությամբ:

 

13. ՆԱԽԱԳԾԱՆԱԽԱՀԱՇՎԱՅԻՆ ՓԱՍՏԱԹՂԹԵՐԻ ՊԱՐՏԱԴԻՐ ՓՈՐՁԱՔՆՆՈՒԹՅԱՆ

ՆՈՐՄԱՏԻՎԱՅԻՆ /ԿՈՂՄՆՈՐՈՇԻՉ/ ԱՐԺԵՔՆԵՐ

 

1. Պետական պատվիրատվությամբ իրականացվող օբյեկտների նախագծանախահաշվային փաստաթղթերի պարտադիր փորձաքննության համար անհրաժեշտ ծախսերը հաշվարկվում են օբյեկտի նախագծանախահաշվային փաստաթղթերի մշակման աշխատանքների արժեքից` ըստ 3 աղյուսակի:

 

Աղյուսակ 3

	Օբյեկտի նախագծանախահաշվային փաստաթղթերի մշակման աշխատանքների արժեքը /մլն. դրամ/	Մասհանվող տոկոսաչափը /մատուցվող ծառայության ծախսերը %/
1	0.1-ից մինչև 0.5 ներառյալ	12
2	0.5-ից ավել մինչև 1.0 ներառյալ	11
3	1.0-ից ավել մինչև 5.0 ներառյալ	10
4	5.0-ից ավել մինչև 10.0 ներառյալ	9
5	10.0-ից ավել մինչև 15.0 ներառյալ	8
6	15.0-ից ավել մինչև 20.0 ներառյալ	7
7	20.0-ից ավել մինչև 30.0 ներառյալ	6
8	30.0-ից ավել մինչև 50.0 ներառյալ	5
9	50.0-ից ավել մինչև 100.0 ներառյալ	3.5
10	100.0-ից ավել	պայմանագրային
11	Վերոհիշյալ /կողմնորոշիչ/ նորմերը սահմանված են նախագծանախահաշվային փաստաթղթերի ամբողջական ծավալի համար: Նախագծանախահաշվային փաստաթղթերի կրկնակի փորձաքննության անհրաժեշտությամբ թելադրված ծառայության ծախսերը /արժեքը/ հաշվարկում են օբյեկտի նախագծանախահաշվային փաստաթղթերի մշակման աշխատանքների արժեքից` K=0.2 գործակցի կիրառմամբ: Նկուղային հարկերի վերազինման, ինչպես նաև ցոկոլային և այլ տարածքների նախագծերի փորձաքննության արժեքը պայմանագրային է:

14. ՓՈՔՐ ԾԱՎԱԼԻ ՇԻՆՄՈՆՏԱԺԱՅԻՆ ԱՇԽԱՏԱՆՔՆԵՐԻ ՀԱՄԱՐ

ՆԱԽԱՏԵՍՎՈՂ ԼՐԱՑՈՒՑԻՉ ԾԱԽՍԵՐ

 

Աղյուսակ 4

	Կատարվող աշխատանքների ծավալը	Նախահաշվային արժեքից մասհանվող տոկոսաչափ /%/
1	1-ից մինչև 25 մլն. դրամ ներառյալ	2
2	25-ից ավել մինչև 50 մլն.դրամ ներառյալ	1,5
3	50-ից ավել մինչև100 մլն.դրամ ներառյալ	1

 

15. ՇԻՆՄՈՆՏԱԺԱՅԻՆ ԱՇԽԱՏԱՆՔՆԵՐԻ ԱՎԱՐՏԻՑ ՀԵՏՈ ՏԱՐԱԾՔԻ ՄԱՔՐՄԱՆ

ԵՎ ԳՈՅԱՑԱԾ /ՈՉ ԸՆԹԱՑԻԿ/ ԱՂԲԻ ՏԵՂԱՓՈԽՄԱՆ

ԱՇԽԱՏԱՆՔՆԵՐԻ ԾԱԽՍԵՐ

 

Աղյուսակ 5

Աշխատանքների անվանումը	Նախահաշվային արժեքից մասհանվող տոկոսաչափը /%/
Շինմոնտաժային աշխատանքների ավարտից հետո գոյացած աղբի տեղափոխում	0,15

16. ՕԲՅԵԿՏԻ ՏԵԽՆԻԿԱԿԱՆ ՀՍԿՈՂՈՒԹՅԱՆ

ԾԱՌԱՅՈՒԹՅԱՆ ԾԱԽՍԵՐ

 

Պետական պատվիրատվությամբ իրականացվող շինարարության ամբողջ ընթացքում մասնագիտական որակավորում ունեցող անձի կողմից` պայմանագրային հիմունքներով տեխնիկական ծառայության մատուցման համար անհրաժեշտ ծախսերը սահմանվում են ԼՂՀ քաղաքաշինության նախարարության կողմից /ԼՂՀ քաղ.նախ. 14.01.2008թ. թիվ 03-Ա հրաման/:

 

17. ՕԲՅԵԿՏԻ ՀԵՂԻՆԱԿԱՅԻՆ ՀՍԿՈՂՈՒԹՅԱՆ ԾԱՌԱՅՈՒԹՅԱՆ ԾԱԽՍԵՐ

 

1) Հեղինակային հսկողության ծառայությունն իրականացվում է շինարարության ամբողջ ընթացքում` կատարվող աշխատանքների հաստատված ճարտարապետաշինարարական նախագծային փաստաթղթերին համապատասխանությունն ապահովելու նպատակով:

2) Մատուցվող ծառայության ծախսերը հաշվարկվում են օբյեկտի նախահաշվային արժեքից` ըստ 6 աղյուսակում տրված տոկոսաչափի:

 

Աղյուսակ 6

 

18. ՆԱԽԱԳԾԱՆԱԽԱՀԱՇՎԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ՀԱՄԱՐ ԱՆՀՐԱԺԵՇՏ ԾԱԽՍԵՐ

 

Նախագծային աշխատանքների արժեքի որոշումն իրականացվում է համաձայն ԼՂՀ քաղաքաշինության նախարարության կողմից սահմանված նորմերի: