ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ

ՊԵՏԱԿԱՆ ԽՈՐՀՈՒՐԴ

ք.Ստեփանակերտ

«ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ ԸՆԹԱՑԻԿ ԾԱԽՍԵՐԸ ԵՎ ԳՅՈՒՂԱՏՆՏԵՍԱԿԱՆ ՄԹԵՐՔՆԵՐԻ ԻՐԱՑՈՒՄԸ» ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ԼԵՌՆԱՅԻՆ ՂԱՐԱԲԱՂՒ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2005 ԹՎԱԿԱՆԻ ՕԳՈՍՏՈՍԻ 4-Ի N 34 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի երրորդ մասի «ե» կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

1. Հաստատել «Գյուղատնտեսական արտադրանքի արտադրության ընթացիկ ծախսերը և գյուղատնտեսական մթերքների իրացումը» ընտրանքային հետազոտության հարցաթերթը և լրացման հրահանգը` համաձայն հավելվածի:

2. Ուժը կորցրած ճանաչել Լեռնային Ղարաբաղի Հանրապետության վիճակագրության պետական խորհրդի 2005 թվականի օգոստոսի 4-ի ««Գյուղատնտեսական արտադրանքի արտադրության ընթացիկ ծախսերը և գյուղատնտեսական մթերքների իրացումը» ընտրանքային հետազոտության հարցաթերթը և լրացման հրահանգը հաստատելու մասին» N 34 որոշումը.

Հ Ր Ա Հ Ա Ն Գ

1. Հարցաթերթը նախատեսված է գյուղատնտեսական արտադրանքի արտադրության ընթացիկ ծախսերի և գյուղատնտեսական մթերքների իրացման հետազոտության համար:

2. Հարցաթերթը լրացվում է հարցազրուցավարների կողմից` ընտրանքային դիտարկմամբ ընդգրկված գյուղացիական տնտեսություններում:

3. Հարցաթերթում ցուցանիշները լրացվում են աճողական կարգով` տարվա սկզբից:

4. Հարցումն անցկացվում է տնային տնտեսության չափահաս որևէ անդամի հետ, որը կարող է սպառիչ պատասխան տալ հարցաթերթի բոլոր հարցերին:

5. Հարցումն անցկացնելու ժամանակ անհրաժեշտ է կարդալ հարցը, առաջադրվող հնարավոր պատասխանները (առկայության դեպքում), սպասել հարցվողի պատասխանին և այդ պատասխանին համապատասխանող թվային համարը վերցնել շրջանակի մեջ կամ նշել այդ հարցին համապատասխանող ծածկագիրը:

6. Անհրաժեշտության դեպքում հարցը կրկնել երկրորդ և ավելի անգամ: Եթե պատասխանողը որևէ հարցի տալիս է մեկից ավելի պատասխան, ապա լրացուցիչ հարցով (օրինակ, որ պատասխանն եք ավելի իրատեսական համարում) ճշտում եք պատասխանը, որը և նշվում է հարցաթերթում:

7. Բաց հարցերի պատասխանները (այն հարցերի, որոնց հնարավոր պատասխանները նշված չեն) անհրաժեշտ է նշել հակիրճ և ընթեռնելի ձեռագրով:

8. Թվային ցուցանիշներ չպահանջող և ոչ աղյուսակային հարցերի պատասխաններին համապատասխանող համարներն վերցնել շրջանակի մեջ: Սխալ համար նշելու կամ սխալ նշում կատարելու դեպքում այն ջնջել երկու զուգահեռ գծիկներով և նշել ճիշտ պատասխանը: Հարցաշարի լուսանցքներում կարելի է կատարել որևէ հարցին առնչվող գրառումներ կամ առաջարկություններ:

9. Ուղղանկյունների մեջ կատարված գրառումները վերաբերում են հարցազրուցավարներին:

ԲԱԺԻՆ I

10. Հարց 1-ում նշել տվյալ տնային տնտեսությունում մշտապես բնակվողների թիվը:

11. Հարց 2-ում նշել տվյալ տնային տնտեսությունում մշտապես բնակվողների սեռը, ծննդյան տարեթիվը, ամուսնական և զբաղվածության կարգավիճակները, մասնագիտությունը: Մասնագիտությունը լրացնելիս ուսումնական հաստատություններում սովորողների համար նշել «սովորող»: Եթե չունի որևէ մասնագիտություն և չի սովորում նշել «0»: Զբաղվածության կարգավիճակը լրացնելիս մինչև 6 տարեկան երեխաների համար նշել «0» ծածկագիրը:

12. Հարց 8-ը լրացնելիս անհրաժեշտ է նշել բոլոր հնարավոր պատասխանները` ընդգծելով հիմնական եկամտի աղբյուրը:

13. Հարց 10-ը լրացնելիս անհրաժեշտ է ընտրել չափողականության մեկ միավոր` % կամ մաս: Այստեղ անհրաժեշտ է հաշվի առնել և տնային տնտեսության կողմից իրացվող գյուղատնտեսական արտադրանքը, և բնամթերային ձևով փոխանակումները, և գյուղատնտեսական արտադրանքից ստացված գումարները:

14. Հարց 13-ը լրացնելիս միաժամանակ կարող են նշվել մի քանի պատասխաններ:

ԲԱԺԻՆ II

ԱՐՏԱԴՐԱՆՔԻ ԱՐՏԱԴՐՈՒԹՅՈՒՆ

15. Հարցաթերթիկի «Բուսաբուծություն» ենթաբաժնի «Տարածությունը»՝ թիվ 1 և «Համախառն բերքը»՝ թիվ 2 սյունակները լրացվում են «Հաշվետվություն գյուղատնտեսական մշակաբույսերի ցանքերից հավաքված բերքի մասին» ձև թիվ 29-գտ (տարեկան) վիճակագրական հաշվետվության «Ճշտված ցանքային տարածությունը, հեկտար»՝ թիվ 2 և «Փաստացի հավաքված բերքը, ցենտներ»՝ թիվ 3 սյունակների համապատասխան մշակաբույսերի տվյալներով:

16. «Տնտեսության անդամների աշխատանքային ծախսեր, մարդ-ժամ»՝ թիվ 3 սյունակում լրացվում է տնտեսության բոլոր անդամների կողմից առանձին մշակաբույսերի մշակման վրա, ծախսած մարդ-ժամերի քանակը: Այսպես, ենթադրենք տնտեսությունում հացահատիկի մշակման վրա 2 անդամներ տարվա ընթացքում աշխատել են 10 օր, օրական միջին հաշվով 3 ժամ, ուրեմն հացահատիկի մշակման վրա ծախսվել է ընդամենը 60 մարդ-ժամ (2 x 10 x 3): Նման ձևով հաշվարկվում է նաև մյուս մշակաբույսերի վրա կատարված աշխատանքային ծախսերը: Այն դեպքում, երբ տնտեսության որևէ անդամ (անդամներ) միաժամանակ աշխատել է(են) մի քանի մշակաբույսերի մշակման վրա, ապա ծախսված մարդ-ժամերը, ըստ առանձին մշակաբույսերի, բաժանվում է մոտավոր հաշվարկով, հաշվի առնելով յուրաքանչյուր մշակաբույսի վրա կատարված աշխատանքների առանձնահատկությունները:

17. «Վարձու աշխատողների աշխատանքային ծախսեր, մարդ-ժամ»՝ թիվ 4 սյունակում, լրացվում են վարձու աշխատողների կողմից տվյալ մշակաբույսի վրա, տարվա ընթացքում, ծախսված մարդ-ժամերը: Այս սյունակում է արտացոլվում նաև բարեկամների, ծանոթների, ընկերների և այլոց կողմից, օգնության կարգով, տնտեսությունում աշխատած մարդ-ժամերը:

18. «Վարձու աշխատողների աշխատանքային ծախսեր, դրամ»՝ թիվ 5 սյունակում, լրացվում է կատարված աշխատանքի համար վարձու աշխատողներին վճարված գումարը: Եթե վարձու աշխատանքը վճարվել է բնամթերքով, ապա լրացվում է այդ բնամթերքի արժեքը` շուկայական գներով:

19. Հարցաթերթի «Վարձու տեխնիկայի աշխատանքային ծախսեր, մարդ-ժամ» և «դրամ»՝ թիվ 6 և թիվ 7 սյունակները լրացվում են տնտեսությունում վարձու տեխնիկայի (տրակտոր, կոմբայն, խոտհնձիչ, կերահավաք, հակավորող և այլն) աշխատած ժամերը և դրանց դիմաց վճարված գումարները: Բնամթերքով վճարելու դեպքում, նույնպես, բնամթերքի արժեքը ցույց է տրվում շուկայական գներով:

20. «Սերմեր և տնկանյութեր, դրամ»՝ թիվ 8 սյունակում, սեփական արտադրության, գնված կամ օգնության կարգով ստացված սերմի և տնկանյութի արժեքը լրացվում է ցանքի պահին առկա շուկայական գներով:

21. «Վառելանյութ և քսայուղեր, դրամ»՝ թիվ 9 ու «Պարարտանյութեր և թունաքիմիկատներ, դրամ»՝ թիվ 10 սյունակները, լրացվում են գնման գներով: Եթե դրանք ձեռք են բերվել ապրանքափոխանակման կարգով, ապա արժեքը հաշվարկվում է փոխանակվող ապրանքի՝ փոխանակման պահին գործող շուկայական գներով:

22. «Ոռոգման ջրի վարձը, դրամ»՝ թիվ 11 սյունակում՝ լրացվում է հաշվետու տարում ծախսած ոռոգման ջրի ամբողջ վարձի գումարը, անկախ նրանից թե հարցման պահին վարձի որ մասն է վճարվել:

23. «Տրանսպորտային ծախսեր, դրամ»՝ թիվ 12 սյունակում լրացվում է սերմերի, վառելանյութի, պարարտանյութերի, թունաքիմիկատների, աշխատուժի և այլնի դաշտ տեղափոխելու ու բերքը դաշտից տուն տեղափոխելու կամ գնորդին տրամադրելու վրա կատարված տրանսպորտային ծախսերի արժեքը:

24. «Հարկեր և պարտադիր վճարներ, ընդամենը»՝ թիվ 13 սյունակը լրացվում է հաշվետու տարում վճարման ենթակա հարկերի և օրենսդրությամբ սահմանված պարտադիր վճարների ընդհանուր գումարը:

25. Մնացած բոլոր ծախսերը, որոնք չեն արտացոլվել նախորդ սյունակներում, լրացվում են «Այլ ծախսեր, ընդամենը»՝ թիվ 14 սյունակում:

26. Հարցաթերթի «Անասնաբուծություն» ենթաբաժնի «Տնտեսության անդամների աշխատանքային ծախսեր, մարդ-ժամ» թիվ 2 և «Վարձու աշխատողների աշխատանքային ծախսեր» թիվ 3՝ «մարդ-ժամ» և թիվ 4՝ «դրամ» սյունակները լրացվում են նույն կարգով, ինչպես առաջին բաժնի համապատասխան սյունակները:

27. «Գնովի և սեփական արտադրության կերեր, դրամ»՝ թիվ 5 սյունակում տարվա ընթացքում ծախսված սեփական արտադրության կերերի արժեքը հաշվարկվում է հարցաթերթի լրացման պահին կերերի շուկայական գներով:

28. Եթե տնտեսության անդամների և վարձու աշխատողների աշխատանքը, կերերը և այլն ծախսվել են միաժամանակ մի քանի անասնատեսակների վրա, ապա մարդ-ժամերի, կերերի և այլնի բաժանումն անհրաժեշտ է կատարել մոտավոր հաշվարկով: Եթե սյունակներից մեկում նշված ծախսը կատարվել է տարադրամով (ռուսական ռուբլի, ԱՄՆ դոլար), ապա այն անհրաժեշտ է վերածել դրամի՝ ծախսը կատարելու պահին գործող տվյալ արտարժույթի հաշվարկային փոխարժեքը հիմք ընդունելով:

29. «Արտադրանքի քանակը»՝ թիվ 14 սյունակում տնտեսությունում արտադրված մսի քաշաճը որոշելու համար, տվյալ տարվա ընթացքում ծնված մատղաշների քաշին ավելացվում է տարվա ընթացքում նրանցից և մյուս տարիքի մատղաշ անասուններից ստացված քաշաճը և հանվում է տարվա ընթացքում անկում եղած մատղաշների քաշը: Եթե տնտեսությունում անասունները չեն կշռվում (ինչը շատ հավանական է), ապա վերոհիշյալ հաշվարկը կատարվում է մոտավոր տվյալներով: Հիշեցման կարգով հայտնում ենք, որ նոր ծնված հորթը միջին հաշվով կշռում է 18-22 կգ, գառը կամ ուլը՝ 1.5-2 կգ, խոճկորը՝ 0.8-1 կգ, հավի ճուտը՝ 35 գրամ և ճագարը` 0.1-0.15 կգ:

ԲԱԺԻՆ III

ԳՅՈՒՂԱՏՆՏԵՍԱԿԱՆ ՄԹԵՐՔՆԵՐԻ ԻՐԱՑՈՒՄԸ

30. Հարցաթերթի «Մնացորդը նախորդ տարվանից, ցենտներ»՝ թիվ 1 սյունակում լրացվում են նախորդ տարում գյուղացիական տնտեսությունում արտադրված գյուղմթերքների մնացորդային ծավալները:

31. «Արտադրվել է ընթացիկ տարում, ընդամենը, ցենտներ»՝ թիվ 2 սյունակը լրացվում է ելնելով «Հաշվետվություն գյուղատնտեսական մշակաբույսերի ցանքերից հավաքված բերքի մասին» ձև թիվ 29-գտ (տարեկան) վիճակագրական հաշվետվության թիվ 3 և «Անասնապահության դրության մասին»՝ ձև թիվ 24-գտ վիճակագրական հաշվետվության թիվ 2 սյունակների համապատասխան տվյալներից:

32. «Միս, սպանդային քաշով»՝ թիվ 12.1-12.4 տողերով անասունների սպանդային քաշը հաշվարկելու համար (եթե մորթելուց հետո միսը չի կշռվել) անհրաժեշտ է ղեկավարվել հետևյալ նորմաներով:

33. Եթե հայտնի է մորթված անասունի միայն կենդանի քաշը, ապա այն սպանդային քաշի կարելի է վերածել օգտագործելով հետևյալ նորմաները. խոշոր եղջերավոր անասունների կենդանի քաշից մսի ելքը կազմում է 58%, խոզերինը՝ 68%, ոչխարներինը՝ 46%, թռչուններինը՝ 80% և ճագարներինը՝ 50%: Ենթադրենք, տնտեսությունում մորթված խոշոր եղջերավոր անասունի կենդանի քաշը կազմել է 200 կգ: Սպանդային քաշը կկազմի՝ 200x58:100=116 կգ:

34. Հարցաթերթի «Վաճառվել է» թիվ 3 և 4 սյունակներում, բոլոր տողերով, լրացվում են անմիջապես տնտեսությունում, շուկայում, ճանապարհներին և այլուր, պետական և մասնավոր կազմակերպություններին, անհատներին, կանխիկ դրամով կամ փոխանցումով, վաճառված համապատասխան գյուղատնտեսական մթերքների ծավալները և դրանց արժեքները:

35. «Տրվել է ապրանքափոխանակման դիմաց»՝ թիվ 5 սյունակում լրացվում են նյութական ռեսուրսների (վառելանյութեր, պարարտանյութեր և այլն), արդյունաբերական ապրանքների ձեռքբերման դիմաց տրված, տնտեսությունում արտադրված առանձին գյուղմթերքների ծավալները (այստեղ անհրաժեշտ է ներառել նաև ապրանքափոխանակման միջոցով այլ գյուղմթերքների ձեռքբերումը):

36. «Օգտագործվել է տնտեսությունում» թիվ 6 սյունակում լրացվում է տնտեսությունում օգտագործված, ինչպես նաև հարազատներին, ծանոթներին, ընկերներին, հարևաններին և այլոց, օգնության կարգով տրված, բարեգործական նպատակներով օգտագործված մթերքների և հումքի քանակությունը:

37. «Այդ թվում՝ վերամշակվել է, ցենտներ»՝ թիվ 7 սյունակում, լրացվում են տնտեսությունում արտադրված գյուղմթերքների վերամշակման համար (ցորենից՝ ալյուր, պտուղներից և խաղողից՝ գինի և օղի, բանջարեղենից՝ պահածոներ, մսից՝ երշիկեղեն և այլն, կաթից՝ պանիր, կարագ և այլն) օգտագործված ծավալները: Ընդ որում, այս սյունակում ցույց է տրվում գյուղմթերքների սկզբնական (մինչև վերամշակումը) քաշը:

38. «Տրվել է բնամթերքով՝ վարձու աշխատանքի և այլ ծառայությունների դիմաց, ցենտներ»՝ թիվ 8 սյունակում, լրացվում են բոլոր տեսակի ծառայությունների դիմաց տնտեսությունում արտադրված մթերքներով վճարված ծավալները: Եթե վճարումը կատարվել է վերամշակումից ստացված մթերքներով, ապա այստեղ նույնպես անհրաժեշտ է ցույց տալ մթերքի սկզբնական (մինչև վերամշակումը) քաշը:

39. «Մնացորդը տնտեսությունում»՝ թիվ 9 սյունակում, լրացվում են տնտեսությունում արտադրված գյուղմթերքներից, տարվա վերջին, տնտեսության մնացորդային ծավալներն ըստ առանձին գյուղմթերքների (սյունակ 9= սյունակ 1+ սյունակ2-( սյունակներ 3+5+6+7+8 ):

40. Եթե տնտեսությունում արտադրվել են այնպիսի գյուղատնտեսական մթերքներ և հումք, որոնք նշված չեն հարցաթերթի թիվ 1-16 տողերում, ապա անհրաժեշտ է թիվ 17-20 տողերի «Մթերքների անվանումը» սյունակում, ձեռքով գրել մթերքի (հումքի) անվանումը և լրացնել մյուս սյունակները:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹ

Կանխավ շնորհակալություն հետազոտությանը մասնակցելու համար:

Բաժին I

1. Քանի՞ անդամից է բաղկացած Ձեր տնային տնտեսությունը ______ մարդ

2. Նշեք, խնդրեմ, Ձեր տնային տնտեսության անդամների, սեռը, ծննդյան տարեթիվը, ամուսնական և զբաղվածության կարգավիճակները, մասնագիտությունը.

Հարցազրուցավարին. Համապատասխան տողերում դնել տնային տնտեսության անդամներին վերաբերող համապատասխան ծածկագրերը:

3ա.Նշեք Ձեր տնային տնտեսությանը պատկանող և վարձակալված հողակտորի չափը

3բ. Դրանից քանի՞ հեկտար է ոռոգովի _____________հեկտար

3գ. Օգտագործու՞մ եք Ձեր հողակտորը գյուղատնտեսական արտադրանք ստանալու համար

1. ոչ, չենք օգտագործում

2. այո, արտադրում ենք միայն սեփական սպառման համար

3. այո, արտադրում ենք միայն վաճառքի համար

4. այո, արտադրում ենք և սեփական սպառման, և վաճառքի համար

5. տվել ենք վարձակալության` մշակման

6. այլ(նշել)_____________________________________________________________________

4ա. Ձեր տնային տնտեսությունում առկա՞ են անասուններ և թռչուններ

1. այո

2. ոչ      Անցնել 5ա հարցին

4բ. Եթե այո, ապա նշել դրանց քանակը.

4գ. Ի՞նչ նպատակներով եք օգտագործում անասնաբուծական մթերքները.

1. արտադրում ենք միայն սեփական սպառման համար

2. արտադրում ենք միայն վաճառքի համար

3. արտադրում ենք և սեփական սպառման, և վաճառքի համար

4. այլ (նշել) ____________________________________________

5ա. Ձեր տնային տնտեսությունում առկա՞ է գյուղատնտեսական տեխնիկա

1. այո

2. ոչ              Անցնել 6 հարցին

5բ. Եթե այո, ապա նշել գյուղտեխնիկայի անվանումը և քանակը

6. Ինչպե՞ս եք գնահատում Ձեր տնային տնտեսության ընդհանուր կենսամակարդակն այսօր

1. բարձր

2. միջին

3. ցածր

4. շատ ցածր

5. դժվարանում է գնահատել

7. Ձեր տնային տնտեսության ֆինանսական դրությունը հարցաթերթը լրացնելու պահին

1. հաց և հիմնական սնունդ գնելու համար պարտք ենք վերցնում

2. տնային տնտեսության եկամուտները բավարարում են միայն սննդի համար

3. տնային տնտեսության եկամուտները բավարարում են սննդի և այլ կարիքների համար

4. տնային տնտեսության եկամուտները լիովին բավարարում են

5. այլ (նշել) _______________________________________________________________

8. Ձեր տնային տնտեսության եկամտի աղբյուրները որո՞նք են

1. հիմնական աշխատանքը

2. պայմանագրային աշխատանքը

3. պատահական աշխատանք

4. ձեռնարկատիրությունը

5. ինքնազբաղվածությունը

6. սեփականությունը (բացի հողից) վարձով տրամադրելը

7. սեփական հողամասը վարձով տրամադրելը

8. բերքի վաճառքը

9. անասունների վաճառքը

10. կենսաթոշակը

11. նպաստը

12. այլ (նշել) _____________________________________________________________

9. Խնդրում եմ գնահատել Ձեր տնային տնտեսության միջին ամսական դրամական մուտքերը (գումարային).

1. մինչև 10000 դրամ

2. 10001 - 15000 դրամ

3. 15001 - 20000 դրամ

4. 20001 - 30000 դրամ

5. 30001 - 40000 դրամ

6. 40001 - 50000 դրամ

7. 50001 - 60000 դրամ

8. 60001- 70000 դրամ

9. 70001 - 80000 դրամ

10. 80001 - 90000 դրամ

11. 90001-100000 դրամ

12. ավելի քան 100000 դրամ

13. դժվարանում է գնահատել

10. Նշեք, խնդրեմ, Ձեր ապրուստի ո՞ր մասն եք հոգում գյուղատնտեսական մթերքների սպառման և իրացման հաշվին.

11. Նշեք, խնդրեմ, Ձեր տնային տնտեսության համար գյուղատնտեսական արտադրանքի արտադրությանը խանգարող առաջնահերթ խնդիրները.

12. Գնահատեք արտադրված գյուղատնտեսական արտադրանքի իրացման հնարավորությունները.

13. Ո՞րն է, ըստ Ձեզ, արտադրված գյուղատնտեսական արտադրանքի անբավարար իրացվելիության պատճառը

14. Ձեր տնային տնտեսությունը ունի՞ արտադրական կառույց կամ շինություն.

15. Օգտագործվու՞մ է Ձեր տնային տնտեսությանը պատկանող կառույցը կամ շինությունը նպատակային նշանակությամբ.

Ծանոթություն. 8-րդ սյունակում դրսից ձեռք բերված սերմերի և տնկանյութի արժեքը լրացվում է ձեռքբերման գներով, իսկ սեփական արտադրության սերմերի և տնկանյութի արժեքը հաշվարկվում է շուկայական գներով

Ծանոթություն. 5-րդ սյունակում սեփական կերերի ծախսը հաշվարկվում է շուկայական գներով:

Բաժին III. ՄԹԵՐՔՆԵՐԻ ԻՐԱՑՈՒՄ