Գրանցված է Լեռնային Ղարաբաղի Հանրապետության արդարադատության նախարարության կողմից 2007թ. դեկտեմբերի 11-ին Գրանցման համար 773

 

ԼՂՀ հանրային ծառայությունները և տնտեսական մրցակցությունը

կարգավորող պետական հանձնաժողով

 

Ո Ր Ո Շ ՈՒ Մ

 

27 նոյեմբերի 2007թ.

№ 18Ն

ք. Ստեփանակերտ

 

Էլեկտրոնային հաղորդակցության բնագավառում գործունեության

լիցենզավորման կարգը հաստատելու մասին

 

Հիմք ընդունելով «Էլեկտրոնային հաղորդակցության մասին» Լեռնային Ղարաբաղի Հանրապետության օրենքի 5-րդ հոդվածի 2-րդ մասի բ) կետը, 6-րդ հոդվածի 2-րդ մասի 1-ին կետը, 10-րդ հոդվածի 2-րդ մասը, 16-րդ հոդվածը, ինչպես նաև նպատակ ունենալով ապահովել էլեկտրոնային հաղորդակցության ոլորտի արդյունավետ կարգավորումը` Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը ո ր ո շ ու մ է.

1. Հաստատել Էլեկտրոնային հաղորդակցության բնագավառում գործունեության լիցենզավորման կարգը (հավելված):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

 

Նախագահ`

Վ. ԱԴԱՄՅԱՆ

 

 

Հավելված Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

 

Կ Ա Ր Գ

Էլեկտրոնային հաղորդակցության բնագավառում գործունեության լիցենզավորման

 

Սույն կարգը սահմանում է էլեկտրոնային հաղորդակցության բնագավառում՝ սույն կարգի 2.1 կետով սահմանված գործունեության տեսակների իրականացման համար լիցենզիա ստանալու հայտի (դիմումի) ընդունման, քննարկման, տրամադրման (մերժման), լիցենզիայի գործողության ժամկետի երկարաձգման, լիցենզիայի կորստի դեպքում կրկնօրինակի տրամադրման, ինչպես նաև լիցենզիայի վերաձևակերպման ընթացակարգերը:

Սույն կարգը չի տարածվում հանրային էլեկտրոնային հաղորդակցության ցանցերից և ծառայություններից բացի որևէ այլ էլեկտրոնային հաղորդակցության ցանցերի և ծառայությունների, ինչպես նաև մրցութային դիմումների կամ աճուրդի միջոցով իրականացվող լիցենզավորման գործընթացի վրա:

 

1. Սույն կարգում օգտագործված հասկացությունները

 

Սույն կարգում օգտագործված հիմնական հասկացություններն են`

Հանձնաժողով՝ Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողով.

Հայտ (դիմում)` սույն կարգի համաձայն լիցենզիա ստանալու կամ լիցենզիայի գործողության ժամկետի երկարաձգման կամ լիցենզիայի կրկնօրինակն ստանալու, կամ լիցենզիան վերաձևակերպելու նպատակով Հանձնաժողով ներկայացված փաստաթղթերի փաթեթ.

Անհատական գործ՝ անձի անվանական թղթապանակ, որը պարունակում է սույն կարգով սահմանված՝ լիցենզիա ստանալու համար հիմք հանդիսացող փաստաթղթերը, և անձի գործունեությանը վերաբերող այլ անհրաժեշտ փաստաթղթեր (տեղեկություններ):

 

2. Ընդհանուր դրույթներ

 

2.1 Լիցենզիան տրվում է էլեկտրոնային հաղորդակցության բնագավառում գործունեության հետևյալ տեսակներն իրականացնելու համար`

ա) հանրային էլեկտրոնային հաղորդակցության ցանցի (ցանցի շահագործում).

բ) ձայնային ծառայությունների մատուցում.

գ) շարժական կապի ծառայությունների մատուցում.

դ) հեռագրային կապի ծառայությունների մատուցում,

ե) տվյալների հաղորդման և ինտերնետ հասանելիության ծառայությունների մատուցում:

2.2 Հանրային էլեկտրոնային հաղորդակցության ցանցի շահագործումը ներառում է` հանրային էլեկտրոնային հաղորդակցության ցանցի ստեղծում կամ զարգացում, կամ օգտագործման կազմակերպում:

2.3 Առանց լիցենզիայի առկայության սույն կարգի 2.1 կետում նշված լիցենզավորման ենթակա գործունեության տեսակներից որևէ մեկն իրականացնելն առաջացնում է օրենքով նախատեսված պատասխանատվություն:

2.4 Հանրային շահից ելնելով՝ սույն կարգի 2.1 կետով սահմանված ծառայությունների նկատմամբ կամ աշխարհագրական տարածքներում փուլ առ փուլ մրցակցություն ներդնելու համար Հանձնաժողովը կարող է սահմանափակել այդ ծառայությունների կամ աշխարհագրական այդ տարածքների համար լիցենզիաների թվաքանակը որոշակի ժամանակահատվածով:

2.5 Հանձնաժողովը կարող է լիցենզիա տրամադրել մրցութային դիմումների կամ աճուրդի միջոցով` նույնիսկ ռեսուրսների որևէ սահմանափակության բացակայության պայմաններում, եթե համարում է, որ նման գործելակերպը լավագույնս կբավարարի Լեռնային Ղարաբաղի Հանրապետության սպառողների պահանջմունքները էլեկտրոնային հաղորդակցության ոլորտում: Մրցույթային դիմումների կամ աճուրդի միջոցով լիցենզիաների տրամադրումն իրականացվում է Հանձնաժողովի կողմից սահմանված կարգով:

2.6 Լիցենզիա ստանալու, լիցենզիայի գործողության ժամկետը երկարաձգելու կամ լիցենզիայի կորստի դեպքերում լիցենզիայի կրկնօրինակն ստանալու կամ լիցենզիայի վերաձևակերպման համար վճարվում է պետական տուրք՝ «Պետական տուրքի մասին» ԼՂՀ օրենքով սահմանված կարգով և չափով: Պետական տուրքի վճարումը հաստատող փաստաթուղթը համապատասխան հայտի (դիմումի) հետ մեկտեղ ներկայացվում է Հանձնաժողով:

2.7 Լիցենզիան չի կարող օգտագործման տրվել այլ անձանց, օտարվել կամ գրավադրվել՝ բացառությամբ օրենքով սահմանված դեպքերի:

2.8 Լիցենզիայի գործողությունը չի տարածվում լիցենզավորված անձի հետ համատեղ գործունեություն իրականացնող, այդ թվում՝ համատեղ գործունեության պայմանագրով այլ անձանց, ինչպես նաև լիցենզավորված անձի մասնակցությամբ հիմնադրված կամ գործող իրավաբանական անձանց վրա:

2.9 Լիցենզավորման ենթակա գործունեության տեսակներով զբաղվելու իրավունք ունեցող անձինք կարող են զբաղվել այդ գործունեությամբ լիցենզիան ուժի մեջ մտնելու պահից և լիցենզիայի գործողության ժամկետում:

2.10 Սույն կարգի 2.1 կետի ա) ենթակետում նշված գործունեության իրականացման համար տրվող լիցենզիայի գործողության ժամկետը սահմանվում է մինչև 10 տարի, իսկ բ), գ), դ) և ե) ենթակետերում նշված գործունեության տեսակների համար` անժամկետ:

2.11 Լիցենզիայի անբաժանելի մասն են համարվում լիցենզավորված գործունեություն իրականացնելու պայմանները:

Սույն կարգի 2.1 կետի ա) ենթակետում նշված գործունեության իրականացման համար տրվող լիցենզիայի պայմաններում ամրագրվում է նաև`

ա) հանրային էլեկտրոնային հաղորդակցության ցանցի ստեղծման աշխատանքների ժամանակացույցը.

բ) հանրային էլեկտրոնային հաղորդակցության ցանցի տեսակը և օգտագործման նպատակը:

 

3. Լիցենզիա ստանալու հայտի քննարկումը և որոշման ընդունումը

 

3.1 Սույն կարգի 2.1 կետի ա) ենթակետում նշված գործունեության իրականացման համար լիցենզիա ստանալու Հայտ ներկայացնող անձը սեփականության իրավունքով կամ պայմանագրով իր տնօրինության տակ պետք է ունենա լիցենզավորված գործունեությունն իրականացնելու համար անհրաժեշտ գույք:

3.2 Հայտատուի ներկայացրած Հայտը մուտքագրվում է Հանձնաժողովում: Հանձնաժողովի համապատասխան ստորաբաժանումը ստուգում է Հայտի ամբողջականությունը, նրանում ընդգրկված փաստաթղթերի ձևակերպման ճշտությունն ու համապատասխանությունը սույն կարգի №1 և №2 հավելվածներին, իսկ սույն կարգի 2.1 կետի ա) ենթակետում նշված գործունեության տեսակի իրականացման համար` նաև № 4 և № 5 հավելվածներին:

3.3 Հայտում ներառված տեղեկությունները պետք է հասանելի լինեն հանրությանը: Եթե հայտատուն միջնորդում է Հանձնաժողովին և հիմնավորում, որ հրապարակման ենթակա որոշակի տեղեկություններ կազմում են առևտրային գաղտնիք, և Հանձնաժողովն այդ փաստարկները համարում է հիմնավոր, ապա նման տեղեկությունները հրապարակման ենթակա չեն:

3.4 Հայտատուն, օրենքով սահմանված կարգով, պատասխանատվություն է կրում Հանձնաժողով ներկայացրած տեղեկատվության հավաստիության համար:

3.5 Հայտը և նրանում ընդգրկված փաստաթղթերը պետք է համապատասխանեն Լեռնային Ղարաբաղի Հանրապետության օրենքներով, այլ իրավական ակտերով և սույն կարգով սահմանված պահանջներին:

3.6 Հայտը չի ընդունվում ուսումնասիրության, եթե՝

ա) ներկայացված է թերի կամ նրանում ընդգրկված փաստաթղթերը չեն համապատասխանում Լեռնային Ղարաբաղի Հանրապետության օրենքներով, այլ իրավական ակտերով և սույն կարգով սահմանված պահանջներին.

բ) ներկայացված փաստաթղթերում և տեղեկություններում առկա են անճշտություններ և անհամապատասխանություններ.

գ) հայտատուն օրենքի կամ իր կանոնադրության համաձայն իրավունք չունի զբաղվել հայցվող լիցենզավորման ենթակա գործունեության տեսակով:

3.7 Հանձնաժողովը, սույն կարգի 2.1 կետի ա) ենթակետով սահմանված գործունեության Հայտի հետ կապված համապատասխան (հայտի ուսումնասիրման) գործողությունները ձեռնարկում է` այն ստանալու օրվանից վեց շաբաթվա ընթացքում: Հիմնավոր պատճառի առկայության դեպքում Հանձնաժողովը կարող է հանրային էլեկտրոնային հաղորդակցության ցանցի (ցանցի շահագործման) Հայտի կապակցությամբ գործողությունների ձեռնարկման ժամկետը երկարաձգել ևս 3 ամսով՝ այդ մասին ծանուցելով հայտատուին:

3.8 Հանձնաժողովը, սույն կարգի 2.1 կետի բ), գ), դ) և ե) ենթակետերով սահմանված գործունեությունների Հայտերի ստուգման արդյունքների մասին գրավոր տեղեկացնում է հայտատուին՝ Հայտն ստանալու օրվանից ոչ ուշ, քան 5 աշխատանքային օրվա ընթացքում: Հայտի ստուգման դրական արդյունքի դեպքում Հանձնաժողովն սկսում է այն ուսումնասիրելու գործընթացը, իսկ բացասական արդյունքի դեպքում` Հայտը պահպանվում է Հանձնաժողովում:

3.9 Հայտատուն, Հանձնաժողովի կողմից Հայտի ստուգման արդյունքում հայտնաբերված թերությունները վերացնելուց և (կամ) բացակայող փաստաթղթերը լրացնելուց հետո, այն ներկայացնում է Հանձնաժողով: Այդ դեպքում հայտատուն և Հանձնաժողովն առաջնորդվում են սույն կարգի 3.6 - 3.8 կետերով սահմանված պահանջներով և ժամկետներով:

3.10 Հանձնաժողովը, սույն կարգի 2.1 կետի ա) ենթակետում սահմանված գործունեության լիցենզիա տրամադրելու համար կարող է հայտատուից պահանջել նաև լրացուցիչ տեղեկատվություն և փաստաթղթեր կամ լրացուցիչ փորձաքննության (այդ թվում նաև` անկախ փորձագետների ներգրավմամբ) եզրակացություններ (եթե ներկայացված տեղեկատվությունը բավարար չէ որոշում կայացնելու համար), որոնց ներկայացման անհրաժեշտության մասին գրավոր տեղեկացնում է հայտատուին:

3.11 Սույն կարգի 2.1 կետի ա) ենթակետում նշված գործունեության Հայտը կարող է բավարարվել Հանձնաժողովի կողմից` այդ Հայտի ներկայացման ծանուցումը հանրորեն հրապարակելուց (հրապարակումն իրականացվում է Հայտը Հանձնաժողովում մուտքագրվելուց հետո` 5 աշխատանքային օրվա ընթացքում) ոչ շուտ քան 6 ամիս հետո, իսկ սույն կարգի 2.1 կետի բ), գ), դ), ե) ենթակետերում նշված գործունեություններից յուրաքանչյուրի Հայտը` ոչ ուշ, քան Հայտի ուսումնասիրման գործընթացն սկսելու օրվանից եռօրյա ժամկետում:

3.12 Հանձնաժողովը Հայտը մերժում է, եթե՝

ա) հայտատուն օրենքով սահմանված կարգով անվճարունակ կամ սնանկ է ճանաչված.

բ) լիցենզավորված գործունեության իրականացումը կհանգեցնի Լեռնային Ղարաբաղի Հանրապետության սահմանափակ ռեսուրսների անարդյունավետ օգտագործման.

գ) Հայտում բերված տեխնիկական ցուցանիշները չեն համապատասխանում Լեռնային Ղարաբաղի Հանրապետության տարածքում գործող տեխնիկական կանոնակարգերին.

դ) լիցենզիա տալու դեպքում սահմանափակվում է մեկ այլ լիցենզավորված անձին տրված իրավունքը կամ կարող է բացասական ազդեցություն ունենալ նրա գործունեության տեխնիկական ցուցանիշների վրա.

ե) հայտատուն չի ներկայացրել Հանձնաժողովի պահանջած լրացուցիչ տեղեկությունները և փաստաթղթերը կամ լրացուցիչ փորձաքննության (այդ թվում նաև՝ անկախ փորձագետների ներգրավմամբ) եզրակացությունները, որոնց բացակայությունը որոշում կայացնելու հնարավորություն չի տալիս.

զ) հայտատուի ներկայացրած փաստաթղթերը կամ տեղեկությունները թերի են, կեղծ կամ խեղաթյուրված, չեն համապատասխանում Լեռնային Ղարաբաղի Հանրապետության օրենքների կամ իրավական ակտերի պահանջներին:

Սույն կետի գ) և ե) ենթակետերը չեն տարածվում սույն կարգի 2.1 կետի բ), գ), դ) և ե) ենթակետերում նշված գործունեության տեսակների իրականացման համար դիմած հայտատուների վրա:

3.13 Հայտի մերժման մասին Հանձնաժողովի որոշման մեջ նշված պատճառները հաշվի առնելուց հետո, անձը, սույն կարգի համաձայն, կարող է կրկին Հայտ ներկայացնել Հանձնաժողով:

3.14 Հայտի մերժման մասին Հանձնաժողովի որոշումը չի կարող ազդեցություն ունենալ անձի` հաջորդ հայտերի քննարկման վրա:

3.15 Լիցենզիա տրամադրելու վերաբերյալ դրական որոշում ընդունելուց հետո՝ 5 աշխատանքային օրվա ընթացքում, Հանձնաժողովը որոշման պատճենն ուղարկում, իսկ լիցենզիան հանձնում է լիցենզավորված անձին: Վերջինիս չներկայանալու դեպքում լիցենզիան պահվում է Հանձնաժողովի համապատասխան ստորաբաժանումում՝ մինչև նրա ներկայանալը:

3.16 Հայտի մերժման դեպքում, որոշումն ընդունելուց հետո՝ 5 աշխատանքային օրվա ընթացքում, որոշման պատճենն ուղարկվում է հայտատուին, որում նշվում են մերժման պատճառները:

3.17 Հանձնաժողովում յուրաքանչյուր լիցենզավորված անձի համար վարվում է հաշվառման գործավարություն և կազմվում Անհատական գործ:

3.18 Լիցենզիա ստացած անձի ստորագրությամբ լիցենզիայի ստացման կտրոնը (հավելված № 3) պահվում է Հանձնաժողովում:

3.19 Լիցենզիայի գործողությունը դադարեցվելու դեպքում Անհատական գործը պահվում է Հանձնաժողովում:

3.20 Լիցենզավորման գործընթացին առնչվող Հանձնաժողովի որոշումները, ծանոթանալու նպատակով, պետք է մատչելի լինեն ցանկացած շահագրգիռ անձի համար, եթե դրանք չեն պարունակում Լեռնային Ղարաբաղի Հանրապետության օրենսդրությամբ սահմանված պետական, ծառայողական կամ առևտրային գաղտնիքներ:

 

4. Հանրային էլեկտրոնային հաղորդակցության ցանցի (ցանցի շահագործման) լիցենզիայի գործողության ժամկետի երկարաձգումը

 

4.1 Լիցենզիայում ամրագրված ժամկետը երկարաձգելու անհրաժեշտության դեպքում լիցենզավորված անձը պարտավոր է լիցենզիայի գործողության ժամկետի ավարտից առնվազն 30 օր առաջ Հայտով դիմել Հանձնաժողով:

4.2 Հայտն իր մեջ պետք է պարունակի հայցվող ժամկետը, պետական տուրքի վճարումը հավաստող փաստաթուղթը և լիցենզիայի ժամկետի երկարաձգման անհրաժեշտությունը հիմնավորող համապատասխան փաստաթղթեր: Իրավաբանական անձ հանդիսացող լիցենզավորված անձը պետք է ներկայացնի նաև իր կանոնադրությունում կատարած փոփոխությունների կամ դրանց բացակայության մասին պետական լիազորված մարմնի կողմից տրված տեղեկանք:

4.3 Լիցենզավորված անձի ներկայացրած Հայտը մուտքագրվում է Հանձնաժողովում: Հանձնաժողովի համապատասխան ստորաբաժանումը ստուգում է Հայտի ամբողջականությունը և նրանում ընդգրկված փաստաթղթերի ձևակերպման ճշտությունն ու համապատասխանությունը սույն կարգի 4.2 կետի պահանջներին:

4.4 Սույն կարգի 4.2 կետի պահանջներին չհամապատասխանելու դեպքում Հայտի հետագա ուսումնասիրությունը դադարեցվում է, որի մասին Հանձնաժողովը գրավոր տեղյակ է պահում լիցենզավորված անձին՝ Հայտն ստանալու օրվանից ոչ ուշ, քան 10 աշխատանքային օրվա ընթացքում:

4.5 Լիցենզավորված անձը, Հանձնաժողովի կողմից Հայտի ստուգման արդյունքում հայտնաբերված թերությունները վերացնելուց և (կամ) բացակայող փաստաթղթերը լրացնելուց հետո, դրանք ներկայացնում է Հանձնաժողով, բայց ոչ ուշ, քան նախկինում տրված լիցենզիայի գործողության ժամկետը լրանալուց 10 օր առաջ:

4.6 Հանձնաժողովն որոշում ընդունում է մինչև լիցենզիայի գործողության ժամկետի ավարտը:

4.7 Հանձնաժողովը կարող է հայտատուից պահանջել նաև լրացուցիչ տեղեկատվություն և փաստաթղթեր, որոնց անհրաժեշտության մասին գրավոր տեղեկացնում է հայտատուին:

4.8 Հայտը մերժվում է, եթե՝

ա) հայտատուի ներկայացրած փաստաթղթերը թերի են, կեղծ կամ խեղաթյուրված: Փաստաթղթերը թերի լինելու հիմքով Հայտը մերժվում է, եթե այդ մասին Հանձնաժողովի նախազգուշացումը ուղարկելու օրվան հաջորդող 10 օրվա ընթացքում հայտատուն չի ներկայացնում սույն կարգի 4.2 կետում նշված անհրաժեշտ փաստաթղթերը.

բ) ներկայացրած փաստաթղթերը չեն համապատասխանում սույն կարգի և Լեռնային Ղարաբաղի Հանրապետության օրենսդրության պահանջներին.

գ) հայտատուն օրենքի կամ իր կանոնադրության համաձայն զրկվել է հայցվող գործունեության տեսակով զբաղվելու իրավունքից.

դ) առաջին անգամ տրված լիցենզիայի գործողության ժամկետի ընթացքում լիցենզավորված անձը գործունեությունն իրականացրել է «Էլեկտրոնային հաղորդակցության մասին» Լեռնային Ղարաբաղի Հանրապետության օրենքի, սույն կարգի և լիցենզիայի պայմանների էական խախտմամբ.

ե) հայտատուն Հայտը ներկայացրել է սույն կարգի 4.1 և (կամ) 4.5 կետերում սահմանված ժամկետից ուշ:

4.9 Եթե Հայտը ներկայացվել է լիցենզիայի գործողության կասեցման ժամանակահատվածում, ապա այն քննարկվում է միայն կասեցման վերացումից հետո:

 

5. Լիցենզիայի կորստի դեպքում լիցենզիայի կրկնօրինակի ստանալը և լիցենզիայի վերաձևակերպումը

 

5.1 Լիցենզիայի կորստի դեպքում լիցենզավորված անձն այդ մասին հայտարարություն է հրապարակում մամուլում, որից 15 օր հետո դիմում է Հանձնաժողով՝ ներկայացնելով պետական տուրքի վճարումը և նշված հայտարարության հրապարակումը հավաստող փաստաթղթերը: Դիմելու օրվանից 3 աշխատանքային օրվա ընթացքում լիցենզավորված անձն ստանում է լիցենզիայի կրկնօրինակը:

5.2 Լիցենզիայի վերաձևակերպումն իրականացվում է համաձայն «Լիցենզավորման մասին» Լեռնային Ղարաբաղի Հանրապետության օրենքի:

 

6. Վեճեր

 

6.1. Սույն կարգի կիրառման հետ առնչվող վեճերը լուծվում են Լեռնային Ղարաբաղի Հանրապետության օրենսդրությամբ սահմանված կարգով:

 

 

Հավելված № 1 Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

 

Դ Ի Մ ՈՒ Մ

 

Խնդրում եմ տալ լիցենզիա էլեկտրոնային հաղորդակցության բնագավառում

 ____________________________________________________________________________

(աշխարհագրական տարածքը, շրջանը, բնակավայրը

__________________________________________________________________

լիցենզավորվող գործունեության տեսակը, լիցենզիայի գործողության հայցվող ժամկետը)

գործունեությամբ զբաղվելու համար:

Հայտնում եմ, որ Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողով ներկայացրած փաստաթղթերում առկա տվյալներն ամբողջական են և հավաստի:

 

Սույն դիմումին կցվում են՝

 

1. _____________________________________________________________________

                  (փաստաթղթերի անվանումը)              (օրինակների և էջերի քանակը)

2. _____________________________________________________________________

3. _____________________________________________________________________

4. _____________________________________________________________________

5. _____________________________________________________________________

6. _____________________________________________________________________

7. _____________________________________________________________________

8. _____________________________________________________________________

9. _____________________________________________________________________

10. ____________________________________________________________________

_______________________________________________________________________

(լիցենզավորվող անձի անվանումը, գործունեության վայրը (բնակության վայրը), հեռախոսը, ֆաքսը, էլեկտրոնային

_______________________________________________________________________

                                               փոստը բանկային տվյալները)

 

Կ.Տ.

 

________________________________        (ղեկավարի անունը, ազգանունը)	___________________________ (ղեկավարի ստորագրությունը)
	«___» _____________200__թ.

                              

                                                                              

 

Հավելված №2 Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

 

Ց Ա Ն Կ

ԷԼԵԿՏՐՈՆԱՅԻՆ ՀԱՂՈՐԴԱԿՑՈՒԹՅԱՆ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ

ԼԻՑԵՆԶԱՎՈՐՄԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ

 

	Ներկայացվող փաստաթղթի անվանումը	ԳՈՐԾՈՒՆԵՈՒԹՅԱՆ  Տ Ե Ս Ա ԿԸ
		Հանրային էլեկտրո-նային հաղորդակ-ցության ցանցի (ցանցի շահագործում)	Ձայնային ծառայութ- յունների մատուցում	Շարժական կապի ծառայութ- յունների մատուցում	Հեռագրային կապի ծառայութ- յունների մատուցում	Տվյալների հաղորդման և ինտերնետ հասանելիության ծառայությունների մատուցում
	2	3	4	5	6	7
	Գործարար ծրագիր	*
	Կապի ոլորտում քաղաքաշինության փաստաթղթերի մշակման լիցենզիա ունեցող անձանց կողմից մշակված հանրային էլեկտրոնային հաղորդակցության ցանցի տեխնիկական նախագիծ	*
	Հայտատուի հիմնադիր փաստաթղթերը	*	*	*	*	*
	Գործունեության իրականացման նախագիծը, որը պետք է ներառի ծառայության նկարագիրը		*	*	*	*
	Հայտատուի ընդհանուր բնույթի ֆինանսական հաշվետվությունները (առկայության դեպքում նաև վերջին տարվա ընթացքում կատարված աուդիտորական եզրակացության և այլ մարմինների կողմից կատարված ստուգման ակտերի պատճենները)	*
	Տեղեկատվություն վարկերի կամ այլ փոխառությունների մասին	*
	Պետական տուրքի վճարումը հաստատող փաստաթուղթ	*	*	*	*	*
	Հարկ վճարողի հաշվառման կամ սոցիալական քարտի համարը	*	*	*	*	*

 

 

Հավելված № 3 Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

 

ԼԻՑԵԶԻԱՅԻ (ԼԻՑԵԶԻԱՅԻ ՊԱՅՄԱՆՆԵՐԻ)

ՍՏԱՑՄԱՆ ԿՏՐՈՆ

 

Լեռնային Ղարաբաղի Հանրապետության հանրային ծառայությունները և տնտեսական

մրցակցությունը կարգավորող պետական հանձնաժողովի

200__ թ. __________ «___»-ի №____որոշում

 

Լիցենզավորված գործունեության տեսակը՝ _______________________________

____________________________________________________________

 

Լիցենզիայի գրանցման ամսաթիվը        «___»_____________200__ թ.

Լիցենզիայի գրանցման համարը            №_________

Ստացված էջերի քանակը՝ ________________

 

Տրված է՝ ____________________________________________________________

                                                   (լիցենզավորված անձի անվանումը/անունը, ազգանունը

___________________________________________________________________

                           հասցեն, հեռախոսը, հեռատիպը, ֆաքսը, էլեկտրոնային փոստը)

___________________________________________________________________

(լիցենզիա ստացողի անունը, ազգանունը, անձնագրի կամ այն փոխարինող փաստաթղթի սերիան և համարը,

___________________________________________________________________

                                                                   ում կողմից և երբ է տրված)

 

 

Լիցենզիան ստացվել է՝

«____»_______________200__ թ.

 

 

 

______________________________

(լիցենզիա ստացողի ստորագրությունը)

        

 

Հավելված №4 Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

 

________________________________________________

          Ընկերության անվանումը (ֆիզիկական անձի անուն, ազգանունը)

 

Տեղեկատվություն վարկերի կամ այլ փոխառությունների մասին

 

	Վարկի կամ այլ փոխառության նպատակը		Վարկի կամ այլ փոխառության աղբյուրը (ֆինանսական կազմակերպության անվանումը)		Վարկի կամ այլ փոխառության ծավալը (հազ. դրամ)		Վարկի կամ այլ փոխառության մարման ժամկետը		Վարկի կամ այլ փոխառության տարեկան տոկոսադրույքը (%)
Կարճաժամկետ վարկեր
	ԸՆԴԱՄԵՆԸ
Երկարաժամկետ վարկեր
		ԸՆԴԱՄԵՆԸ

 

«___» __________200__թ.

_________________________________

(ղեկավարի անունը ազգանունը,

 

________________________

(ստորագրությունը)

 

Կ.Տ.

  

 

Հավելված № 5 Հաստատված է ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի 2007թ. նոյեմբերի 27-ի № 18Ն որոշմամբ

                    

ՀԱՆՐԱՅԻՆ ԷԼԵԿՏՐՈՆԱՅԻՆ ՀԱՂՈՐԴԱԿՑՈՒԹՅԱՆ ՑԱՆՑԻ (ՑԱՆՑԻ ՇԱՀԱԳՈՐԾՄԱՆ) ԳՈՐԾԱՐԱՐ ԾՐԱԳԻՐ

(փաստաթղթի կազմը և բովանդակությունը)

_____________________________________________________________

 

Շահագործվող ցանցի տեսակը

 

1. Ներածություն

 

1.1. Հանրային էլեկտրոնային հաղորդակցության ցանցի (ցանցի շահագործման) նպատակը և սպասվող տնտեսական, սոցիալական և առևտրային արդյունքը:

1.2. Շահագործվող ցանցի ընդհանուր բնութագիրը և տեխնիկատնտեսական ամփոփ ցուցանիշները:

1.3. Տեղեկություններ շինհավաքակցման ծառայությունների շուկայի, հիմնական սարքավորումներ արտադրողների (առաքողների) և դրանց արժեքների մասին:

 

2. Շուկայի ուսումնասիրություն

 

2.1. Ծառայության իրացման հնարավորությունները:

 

3. Հիմնական տեխնոլոգիական և տնտեսական լուծումներ

 

3.1. Ծառայության տեխնոլոգիայի և հիմնական տեխնոլոգիական սարքավորումների ընտրության տեխնիկական և տնտեսական հիմնավորումը:

 

4. Ցանցի շահագործման տարածքը

 

4.1. Ցանցի տեղակայման հիմնավորումը:

 

5. Հիմնական շինարարական լուծումներ

 

5.1. Ցանցի շինությունների և կառույցների հիմնական բնութագրերը:

5.2. Ցանցի շահագործման ժամանակացույցը՝ ըստ փուլերի:

 

6. Շրջակա միջավայրի վրա ցանցի ազդեցության գնահատումը

 

6.1. Ցանցերի շահագործման հնարավոր ազդեցությունը քաղաքաշինական, այլ արդյունաբերական և շրջակա միջավայրի ենթակառուցվածքների վրա:

6.2. Ազդեցության դեպքում` ներկայացնել համապատասխան մարմինների կամ լիազորված մարմինների կողմից կատարված գնահատման արդյունքները:

 

7. Ներդրումների արդյունավետությունը

 

7.1. Ցանցի ստեղծման կամ զարգացման աշխատանքների արժեքը բացված տեսքով:

7.2. Ֆինանսավորման հնարավոր աղբյուրները և ֆինանսավորման պայմանները (հավելված № 4):

7.3. Ծառայության կամ ծառայությունների ինքնարժեքի հաշվարկը:

7.4. Գործունեության հիմնական ցուցանիշների հնարավոր փոփոխությունը հաշվարկային ժամանակաշրջանում:

7.5. Ներդրումների ռիսկի գնահատականը:

7.6. Ցանցի ստեղծման կամ զարգացման և շահագործման ժամկետները:

7.8. Անհրաժեշտ այլ տեղեկատվություն:

 

Սույն փաստաթղթին կցվում են ցանցի շահագործման գործարար ծրագրի մշակման հիմքում դրված հիմնավորող փաստաթղթերը:

 

________________________________________ (ընկերության անվանումը (‎ֆիզիկական անձի անուն, ազգանունը)	___________________________ (ղեկավարի անունը, ազգանունը
	___________________________ ստորագրությունը)

 

«____» _____________200__ թ.

 

Կ.Տ.