ԼՂՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ք.Ստեփանակերտ

Ղեկավարվելով «Քաղաքացիական կացության ակտերի մասին» Լեռնային Ղարաբաղի Հանրապետության օրենքի 8-րդ հոդվածի 5-րդ մասի պահանջներով.

Հ Ր Ա Մ Ա Յ ՈՒ Մ Ե Մ`

1. Հաստատել քաղաքացիական կացության ակտերի գրանցումների վկայականների տրամադրման կարգը (հավելված N 1)՝ կցվում է:

2. Հաստատել քաղաքացիական կացության ակտերի գրանցումների վկայականների տրամադրման պահանջագրի ձևը (հավելված N 2)՝ կցվում է:

3. Սույն հրամանն ուժի մեջ է մտնում պաշտոնական հրապարակման պահից:

Կ Ա Ր Գ

ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՈՒՄՆԵՐԻ

ՎԿԱՅԱԿԱՆՆԵՐԻ ՏՐԱՄԱԴՐՄԱՆ

1. Լեռնային Ղարաբաղի Հանրապետության արդարադատության նախարարությունը (այսուհետ՝ Նախարարություն) Լեռնային Ղարաբաղի Հանրապետության արդարադատության նախարարի 2005 թվականի սեպտեմբերի 16-ի «Քաղաքացիական կացության ակտերի պետական գրանցումների վկայականների լրացման կարգը, դրանց նմուշները և քաղաքացիական կացության ակտերի պետական գրանցման փաստը հաստատող այլ փաստաթղթերի ձևաթղթերի նմուշները հաստատելու մասին» N 175 հրամանով նախատեսված քաղաքացիական կացության ակտերի գրանցման վկայականները (այսուհետ՝ վկայականներ) տրամադրում է Նախարարության աշխատակազմի հանրապետական ՔԿԱԳ արխիվին, ՔԿԱԳ տարածքային բաժիններին և Լեռնային Ղարաբաղի Հանրապետության արտաքին գործերի նախարարության միջոցով` Լեռնային Ղարաբաղի Հանրապետության հյուպատոսական հիմնարկներին կամ դիվանագիտական ներկայացուցչություններին (այսուհետ՝ ՔԿԱԳ մարմիններ):

2. Վկայականների ընդունումը և բացթողումն իրականացվում է Նախարարությունում` Նախարարության աշխատակազմի ղեկավարի հսկողությամբ կամ նրա հանձնարարությամբ՝ նոտարիատի, ՔԿԱԳ, փորձաքննությունների և դատական մարմինների բաժնի (այսուհետ՝ Բաժին) պետի հսկողությամբ:

3. Վկայականները ելքագրվում են ելքի օրդերներով՝ ՔԿԱԳ մարմինների կողմից ներկայացված պահանջագրերի հիման վրա (հավելված N 2): Ելքի օրդերներում ՔԿԱԳ վկայականի յուրաքանչյուր տեսակ ելքագրվում է առանձին՝ ըստ սերիաների և համարների: Ելքի օրդերները կազմվում են երկու օրինակից, որոնք պահվում են Բաժնում և ՔԿԱԳ մարմնում:

4. ՔԿԱԳ մարմիններին տրամադրված վկայականների հաշվառումը տարվում է Բաժնի հաշվառման գրքում՝ ըստ վկայականների յուրաքանչյուր տեսակի: Գրքում նշվում է ՔԿԱԳ վկայականի բացթողման ժամանակը (ամիս, ամսաթիվ, տարեթիվ), սերիան, համարը, քանակը և ստացող ՔԿԱԳ մարմնի անվանումը և ստացող անձի անունը, ազգանունը:

5. Բաժնից վկայականները տրամադրվում են ՔԿԱԳ տարածքային մարմնի ղեկավարին կամ նրա կողմից լիազորված անձին:

6. Վկայականները Նախարարությունում և ՔԿԱԳ տարածքային մարմիններում պահպանվում են չհրկիզվող պահարաններում կամ երկաթյա արկղերում:

7. ՔԿԱԳ մարմիններում խոտանված, վնասված, թերի տպագրված վկայականները համապատասխան ակտով ոչնչացվում են ՔԿԱԳ տարածքային մարմնի աշխատանքային գործունեության ստուգման արդյունքում:

Պ Ա Հ Ա Ն Ջ Ա Գ Ի Ր

Խնդրում եմ __________________________________________________________

բաժին բաց թողնելու ___________________________________________________

ՎԿԱՅԱԿԱՆՆԵՐ՝

1. Ծննդյան___________________________________________________________

2. Ամուսնության ______________________________________________________

3. Մահվան___________________________________________________________

4. Ամուսնալուծության __________________________________________________

5. Որդեգրության ______________________________________________________

6. Հայրության ճանաչման _______________________________________________

7. Անվան, ազգանվան և հայրանվան փոխման ________________________________

ԳՐԱՆՑՄԱՆ ԱԿՏԵՐ՝

1. Ծննդյան ___________________________________________________________

2. Ամուսնության _______________________________________________________

3. Մահվան ___________________________________________________________

4. Ամուսնալուծության___________________________________________________

5. Որդեգրության_______________________________________________________

6. Հայրության ճանաչման ________________________________________________

7. Անվան, ազգանվան և հայրանվան փոխման_________________________________

Այլ փաստաթղթեր՝ _____________________________________________________