ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին և Արցախի Հանրապետության Նախագահի 2017 թվականի սեպտեմբերի 25-ի ՆՀ-103-Ն և ՆՀ-107-Ն հրամանագրերին համապատասխան՝ Արցախի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2003 թվականի ապրիլի 15-ի «ԼՂՀ տարածքում վերաբնակվող ընտանիքներին տրամադրվող արտոնությունների մասին» N 121 որոշման մեջ կատարել հետևյալ փոփոխությունները.

1) որոշման 2-րդ, 6-րդ կետերում, որոշմամբ հաստատված կարգի 3-րդ կետի «ա», «բ», «գ» պարբերություններում, 5-րդ կետի «ա», «գ» պարբերություններում, որոշմամբ հաստատված կարգով սահմանված ձևերում «Լեռնային Ղարաբաղի Հանրապետության կառավարության աշխատակազմ» բառերը և դրանց հոլովաձևերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարություն» բառերով և դրանց հոլովաձևերով.

2) որոշման 2-րդ կետում, որոշմամբ հաստատված կարգի 5-րդ կետի «գ» պարբերությունում «վարչության» բառը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարության» բառերով.

3) որոշման 8-րդ կետում «և Լեռնային Ղարաբաղի Հանրապետության ֆինանսների» բառերը փոխարինել «Արցախի Հանրապետության ֆինանսների և Արցախի Հանրապետության էկոնոմիկայի և արտադրական ենթակառուցվածքների» բառերով.

4) որոշմամբ հաստատված կարգի 3-րդ կետի «բ», «գ» պարբերություններում, 5-րդ կետի «ա», «գ» պարբերություններում «Լեռնային Ղարաբաղի Հանրապետության ֆինանսների և էկոնոմիկայի նախարարություն» բառերը և դրանց հոլովաձևերը փոխարինել «Արցախի Հանրապետության ֆինանսների նախարարություն» բառերով և դրանց հոլովաձևերով.

5) որոշմամբ հաստատված կարգով սահմանված՝ ԼՂՀ տարածքում վերաբնակվող ընտանիքի արտոնություններից օգտվելու ցանկում «Վարչության պետ» բառերը փոխարինել «Նախարար» բառով:

2. Լեռնային Ղարաբաղի Հանրապետության կառավարության 2008 թվականի փետրվարի 14-ի «Սոցիալապես անապահով քաղաքացիներին նյութական օգնություն տրամադրելու կարգը հաստատելու մասին» N 61 որոշման մեջ կատարել հետևյալ փոփոխությունները.

1) որոշման 2-րդ կետում «Լեռնային Ղարաբաղի Հանրապետության սոցիալական ապահովության» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման» բառերով, իսկ «Լեռնային Ղարաբաղի Հանրապետության վարչապետին» բառերը՝ «Արցախի Հանրապետության պետական նախարարին» բառերով.

2) որոշմամբ հաստատված հավելվածում՝

ա. 2-րդ կետում «ԼՂՀ սոցիալական ապահովության» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման» բառերով,

բ. 6-րդ կետում «ԼՂՀ սոցիալական ապահովության նախարարության, ԼՂՀ շրջանների վարչակազմերի և Ստեփանակերտի քաղաքապետարանի» բառերը փոխարինել «լիազոր մարմնի» բառերով, իսկ «բ» պարբերությունից հանել «և ԼՂՀ վարչապետի գրավոր համաձայնության» բառերը:

3. Լեռնային Ղարաբաղի Հանրապետության կառավարության 2015 թվականի հոկտեմբերի 15-ի «Պետական ծրագրի շրջանակներում բնակելի շինությունների վերակառուցման հետևանքով վարձակալական հիմունքներով բնակվող ընտանիքներին բնակարան վարձակալելու նպատակով ֆինանսական օգնության տրամադրման կարգը սահմանելու մասին» N 672-Ն որոշմամբ սահմանված հավելվածում կատարել հետևյալ փոփոխությունները.

1) 6-րդ կետում «Լեռնային Ղարաբաղի Հանրապետության կառավարության աշխատակազմը» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարությունը» բառերով.

2) 7-րդ կետը շարադրել հետևյալ խմբագրությամբ.

«7. Ընտանիքին բնակելի տարածության վարձակալության դիմաց ֆինանսական օգնության տրամադրման գործընթացն ապահովում է լիազոր մարմնի աշխատակազմի բնակարանային հարցերի վարչությունը:».

3) 9-10-րդ և 13-րդ կետերում «հանձնաժողով» բառը և դրա հոլովաձևերը փոխարինել «լիազոր մարմին» բառով և դրա հոլովաձևերով.

4) 11-րդ կետն ուժը կորցրած ճանաչել:

4. Լեռնային Ղարաբաղի Հանրապետության կառավարության 2016 թվականի հուլիսի 14-ի «Պետական ծրագրի շրջանակներում Լեռնային Ղարաբաղի Հանրապետությունում վարձակալական հիմունքներով բնակվող փախստականի հաշվառման վկայական ստացած ընտանիքներին ֆինանսական աջակցության տրամադրման կարգը հաստատելու մասին» N 381-Ն որոշմամբ հաստատված հավելվածում կատարել հետևյալ փոփոխությունները.

1) 3-րդ կետն ուժը կորցրած ճանաչել.

2) 5-րդ կետում «Լեռնային Ղարաբաղի Հանրապետության կառավարության աշխատակազմը» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարությունը» բառերով.

3) 6-րդ կետը շարադրել հետևյալ խմբագրությամբ.

«6. Շահառուին բնակելի տարածության վարձակալության դիմաց ֆինանսական աջակցության տրամադրման գործընթացն ապահովում է լիազոր մարմնի աշխատակազմի բնակարանային հարցերի վարչությունը՝ համագործակցելով փախստականների հարցերով զբաղվող հասարակական կազմակերպությունների հետ:».

4) 10-րդ կետում «աշխատանքային խումբը» բառերը փոխարինել «լիազոր մարմինը» բառերով:

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: