ՀԱՄԱՏԵՂ ՀՐԱՄԱՆ

ԲԺՇԿԱԿԱՆ ՀԱՍՏԱՏՈՒԹՅՈՒՆՆԵՐԸ ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ԹԵՐԹԻԿՆԵՐԻ ՁԵՎԱԹՂԹԵՐՈՎ ԱՊԱՀՈՎԵԼՈՒ ԿԱՐԳԸ, ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ ԹԵՐԹԻԿՆԵՐԸ ԼՐԱՑՆԵԼՈՒ ԵՎ ՔԱՂԱՔԱՑԻՆԵՐԻՆ ՏՐԱՄԱԴՐԵԼՈՒ ՀԵՏ ԿԱՊՎԱԾ ԲԺՇԿԱԿԱՆ ՀԱՍՏԱՏՈՒԹՅԱՆ ՆԵՐՔԻՆ ԸՆԹԱՑԱԿԱՐԳԸ ՀԱՍՏԱՏԵԼՈՒ ՄԱՍԻՆ

(վերնագիրը խմբ. 19.06.2007 թիվ 52)

Ի կատարումն Լեռնային Ղարաբաղի Հանրապետության կառավարության 2006թ. հուլիսի 31-ի «Ժամանակավոր անաշխատունակության դեպքերից պարտադիր սոցիալական ապահովագրության մասին» Լեռնային Ղարաբաղի Հանրապետության օրենքի կիրարկումն ապահովելու մասին» N 395 որոշման 3-րդ կետի,

(նախաբանը խմբ. 19.06.2007 թիվ 52)

1. Հաստատել

ա/ բժշկական հաստատությունները ժամանակավոր անաշխատունակության թերթիկների ձևաթղթերով ապահովելու կարգը` համաձայն հավելված 1-ի.

բ/ ժամանակավոր անաշխատունակության թերթիկները լրացնելու և քաղաքացիներին տրամադրելու հետ կապված` բժշկական հաստատության ներքին ընթացակարգը` համաձայն հավելված 2-ի:

(1-ին կետը խմբ. 19.06.2007 թիվ 52)

2. Սույն հրամանի հսկողությունը հանձնարարել Լեռնային Ղարաբաղի Հանրապետության առողջապահության փոխնախարարի պաշտոնակատար Ա.Հայրիյանին:

(2-րդ կետը խմբ. 19.06.2007 թիվ 52)

3. ԼՂՀ առողջապահության նախարարության ընդհանուր բաժնի գլխավոր մասնագետ իրավաբան Լ.Հովհաննիսյանին` սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն պետական գրանցման:

(3-րդ կետը խմբ. 19.06.2007 թիվ 52)

1. Սույն կարգով սահմանվում է բժշկական հաստատություններն ժամանակավոր անաշխատունակության թերթիկների ձևաթղթերով ապահովելու կարգը:

(1-ին կետը խմբ. 19.06.2007 թիվ 52)

2. Լեռնային Ղարաբաղի Հանրապետության սոցիալական ապահովագրության պետական հիմնադրամի /այսուհետ` պետական հիմնադրամ/ կողմից տրամադրված ժամանակավոր անաշխատունակության թերթիկների ձևաթղթերը Լեռնային Ղարաբաղի Հանրապետության առողջապահության նախարարությունը /այսուհետ` առողջապահության նախարարություն/ հատկացնում է Ստեփանակերտի և ԼՂՀ շրջանների բժշկական հաստատություններին:

(2-րդ կետը խմբ. 19.06.2007 թիվ 52)

3. Առողջապահության նախարարության ենթակայության տակ գտնվող, ինչպես նաև առողջապահության նախարարության ենթակայության տակ չգտնվող բժշկական հաստատություններին ժամանակավոր անաշխատունակության թերթիկների ձևաթղթերը հատկացվում են առողջապահության նախարարության կողմից:

(3-րդ կետը խմբ. 19.06.2007 թիվ 52)

4. Առողջապահության նախարարության կողմից համապատասխան մարմիններին տրամադրվող ժամանակավոր անաշխատունակության թերթիկների ձևաթղթերի վերաբերյալ առողջապահության նախարարության ֆինանսատնտեսագիտական բաժնում կազմվում և վարվում է հաշվառման գրանցամատյան /Ձև N 1-ը կցվում է/:

(4-րդ կետը խմբ. 19.06.2007 թիվ 52)

5. Բժշկական հաստատություններին ժամանակավոր անաշխատունակության թերթիկների ձևաթղթերը հատկացվում են բժշկական հաստատության կողմից ներկայացված հայտի /Ձև N 2 կցվում է/ հիման վրա:

(5-րդ կետը խմբ. 19.06.2007 թիվ 52)

6. Հայտը պարունակում է հետևյալ տեղեկությունները`

ա/ իրավաբանական անձի անվանումը, կազմակերպական-իրավական ձևը, գտնվելու և գործունեության իրականացման վայրերը.

բ/ հայցվող ժամանակավոր անաշխատունակության թերթիկների ձևաթղթերի քանակը.

գ/ իրավաբանական անձի պետական գրանցման վկայականի պատճենը:

(6-րդ կետը խմբ. 19.06.2007 թիվ 52)

7. Հայտին կից ներկայացվում են դիմողի բժշկական օգնություն և սպասարկում իրականացնելու լիցենզիայի, առողջապահության նախարարության հետ կնքված պետության կողմից երաշխավորված բժշկական օգնության և սպասարկում իրականացնելու վերաբերյալ պետական պատվերի տեղադրման մասին պայմանագրի, իրավաբանական անձի պետական գրանցման վկայականի պատճենները:

(7-րդ կետը խմբ. 19.06.2007 թիվ 52)

8. Ժամանակավոր անաշխատունակության թերթիկների ձևաթղթերը ստանալու համար ներկայացված հայտը մերժվում է, եթե`

ա/ դիմողը չունի առողջապահության նախարարության հետ կնքված պետության կողմից երաշխավորված բժշկական օգնություն և սպասարկում իրականացնելու վերաբերյալ պետական պատվերի տեղադրման մասին պայմանագիր.

բ/ դիմողը չունի բժշկական օգնություն և սպասարկում իրականացնելու լիցենզիա:

(8-րդ կետը խմբ. 19.06.2007 թիվ 52)

9. Առողջապահության նախարարության ենթակայության տակ գտնվող, ինչպես նաև առողջապահության նախարարության ենթակայության տակ չգտնվող բժշկական հաստատությունների կողմից ներկայացված հայտերը բավարարելը կամ դրանք մերժելը որոշվում է առողջապահության նախարարի կողմից:

(9-րդ կետը խմբ. 19.06.2007 թիվ 52)

10. Հայտը մերժելու վերաբերյալ որոշման մեջ հստակ պետք է նշվեն մերժման պատճառները: Հայտը գրավոր մերժվում է առողջապահության նախարարությունում մուտքագրվելու օրվանից` 5 աշխատանքային օրվա ընթացքում:

(10-րդ կետը խմբ. 19.06.2007 թիվ 52)

11. Հայտը բավարարելու դեպքում ժամանակավոր անաշխատունակության թերթիկների ձևաթղթերի փաթեթը առողջապահության նախարարության լիազորված պաշտոնատար անձի կողմից առձեռն տրամադրվում է բժշկական հաստատության տնօրինության կողմից լիազորված անձին նախապես նրա ներկայությամբ հայցվող քանակի ձևաթղթերի թիվը ստուգելուց և ձևաթղթերը փաթեթավորելուց ու փաթեթը կնքելուց հետո:

(11-րդ կետը խմբ. 19.06.2007 թիվ 52)

12. Բժշկական հաստատություններում սխալ լրացված և քաղաքացիներին չտրամադրված, ինչպես նաև խոտանված ժամանակավոր անաշխատունակության թերթիկները ենթակա են հաշվառման և վերադարձման: Այդ նպատակով բժշկական հաստատության տնօրենի հրամանով ստեղծվում է հանձնաժողով, որի կողմից կազմված ակտի հիման վրա սխալ լրացված և քաղաքացիներին չտրամադրված, ինչպես նաև խոտանված ժամանակավոր անաշխատունակության թերթիկները վերադարձվում են առողջապահության նախարարություն:

(12-րդ կետը խմբ. 19.06.2007 թիվ 52)

13. Սույն կարգի 12-րդ կետով սահմանված կարգով առողջապահության նախարարություն վերադարձված թերթիկները վերադարձվում են պետական հիմնադրամ:

(13-րդ կետը խմբ. 19.06.2007 թիվ 52)

(Հավելված N 1-ը խմբ. 19.06.2007 թիվ 52)

1. Սույն ներքին ընթացակարգով սահմանվում է բժշկական հաստատությունների կողմից ժամանակավոր անաշխատունակության թերթիկները լրացնելու և դրանք քաղաքացիներին տրամադրելու կարգը:

(1-ին կետը խմբ. 19.06.2007 թիվ 52)

2. Ժամանակավոր անաշխատունակության թերթիկների լրացման և տրամադրման գործընթացը իրականացնելու համար բժշկական հաստատություններում տնօրենի հրամանով նշանակվում է պատասխանատու անձ կամ ստեղծվում է ժամանակավոր անաշխատունակության թերթիկների տրման բաժին, իսկ նման բաժնի առկայության դեպքում թերթիկները տրամադրվում են այդ բաժնի կողմից:

(2-րդ կետը խմբ. 19.06.2007 թիվ 52)

3. Սույն հրամանի հավելված 1-ով հաստատված կարգով բժշկական հաստատություններին տրամադրված ժամանակավոր անաշխատունակության թերթիկների ձևաթղթերը պահվում են սույն ներքին ընթացակարգի 2-րդ կետում նշված պատասխանատու անձի մոտ կամ բաժնում:

(3-րդ կետը խմբ. 19.06.2007 թիվ 52)

4. Քաղաքացիներին տրամադրվող ժամանակավոր անաշխատունակության թերթիկների վերաբերյալ բժշկական հաստատություններում վարվում է գրանցամատյան /Ձև 3-ը կցվում է/:

(4-րդ կետը խմբ. 19.06.2007 թիվ 52)

5. Ամբուլատոր պայմաններում բուժման անհրաժեշտության հետևանքով առաջացած ժամանակավոր անաշխատունակության դեպքում քաղաքացու դիմելու /անաշխատունակությունը ծագելու/ օրը բուժող բժիշկը ամբուլատոր բժշկական քարտում կատարում է համապատասխան գրառումներ ժամանակավոր անաշխատունակության թերթիկի բացման վերաբերյալ, նշում է ժամանակավոր անաշխատունակության թերթիկ տալու օբյեկտիվ տվյալները, ախտորոշումը, նշանակված բուժումը, առաջարկված ռեժիմը, կոնսուլտացիաների ու լաբորատոր-ախտորոշիչ հետազոտությունների տվյալները, հիվանդի հաջորդ հաճախման կամ բժշկի տնային այցելության ժամկետը:

(5-րդ կետը խմբ. 19.06.2007 թիվ 52)

6. Սույն ներքին ընթացակարգի 5-րդ կետում նշված տեղեկությունների հիման վրա սույն ներքին ընթացակարգի 2-րդ կետում նշված պատասխանատու անձը կամ բաժինը ամբուլատոր-պոլիկլինիկական պայմաններում բուժում ստացող քաղաքացու համար դուրս է գրում ժամանակավոր անաշխատունակության թերթիկ, գրանցամատյանում լրացնում է անաշխատունակ ճանաչված անձի տվյալները, որից հետո ժամանակավոր անաշխատունակության թերթիկը տրվում է բուժող բժշկին` լրացնելու համար: Բուժող բժիշկը լրացնում և ստորագրում է ժամանակավոր անաշխատունակության թերթիկը, որից հետո այն կնքվում է բժշկական հաստատության կնիքով: Կնքված և ստորագրված ժամանակավոր անաշխատունակության թերթիկը քաղաքացուն տրամադրվում է բուժող բժշկի կողմից:

(6-րդ կետը խմբ. 19.06.2007 թիվ 52)

7. Հիվանդանոցային պայմաններում բուժվող քաղաքացու ժամանակավոր անաշխատունակության թերթիկը լրացվում է սույն կարգի 2-րդ կետում նշված պատասխանատու անձի կամ ժամանակավոր անաշխատունակության թերթիկների տրման բաժնի կողմից` ներկայացված էպիկրիզի հիման վրա: Լրացված ժամանակավոր անաշխատունակության թերթիկը ստորագրվում է բուժող բժշկի և բաժանմունքի վարիչի կողմից, ապա կնքվում է բժշկական հաստատության կնիքով: Ստորագրված և կնքված ժամանակավոր անաշխատունակության թերթիկը քաղաքացուն տրամադրվում է ժամանակավոր անաշխատունակության թերթիկների համար պատասխանատու անձը կամ ժամանակավոր անաշխատունակության թերթիկների տրման բաժինը:

(7-րդ կետը խմբ. 19.06.2007 թիվ 52)

8. Լրացված ժամանակավոր անաշխատունակության թերթիկի սերիան, համարը ու տրման ամսաթիվը նշվում է ամբուլատոր պայմաններում բուժում ստանալու դեպքում քաղաքացու ամբուլատոր բժշկական քարտում, հիվանդանոցային պայմաններում բուժում ստանալու դեպքում` քաղաքացու հիվանդության պատմության մեջ:

(8-րդ կետը խմբ. 19.06.2007 թիվ 52)

9. Տնային պայմաններում ժամանակավոր անաշխատունակության թերթիկներ տրամադրելու նպատակով ժամանակավոր անաշխատունակության թերթիկները բժշկական հաստատության պատասխանատու անձի կամ տրման բաժնի կողմից բաշխվում են առողջապահության առաջնային պահպանման ծառայություններ մատուցող բժիշկներին, որոնք հիվանդ քաղաքացու կամ նրա հարազատների կանչի հիման վրա կատարած տնային այցելության օրը /անաշխատունակությունը ծագելու/ հիվանդի ամբուլատոր քարտում կատարում են սույն ներքին ընթացակարգի 5-րդ կետում նշված գրառումները: Առողջության առաջնային պահպանման ծառայություններ մատուցող բժիշկը տնային այցելություն կատարելու օրը իր հետ ունենում է ժամանակավոր անաշխատունակության թերթիկի ձևաթուղթ և տնային այցելությունների ընթացքում ժամանակավոր անաշխատունակության թերթիկների տրամադրման գրանցամատյան /Ձև 4-ը կցվում է/: Առողջության առաջնային պահպանման ծառայություններ մատուցող բժիշկը ամբուլատոր քարտում կատարված գրառումների հիման վրա հիվանդ քաղաքացուն տնային այցելության ժամանակ լրացնում է ժամանակավոր անաշխատունակության թերթիկը և տնային այցելությունների համար նախատեսված գրանցամատյանը: Քաղաքացու աշխատունակության վերականգնման օրը ժամանակավոր անաշխատունակության թերթիկը բուժող բժշկի կողմից ստորագրվում և կնքվում է բժշկական հաստատության կնիքով: Կնքված և ստորագրված թերթիկը քաղաքացուն տրամադրվում է բուժող բժշկի կողմից:

(9-րդ կետը խմբ. 19.06.2007 թիվ 52)

10. Բժշկական հաստատություններում բուժող բժիշկների մոտ ժամանակավոր անաշխատունակության թերթիկի կորստի դեպքում կազմվում է ակտ բժշկական հաստատության տնօրենի կողմից ժամանակավոր անաշխատունակության թերթիկի անվավեր ճանաչման վերաբերյալ` բուժող բժշկի բացատրագրի հիման վրա: Կատարվածի վերաբերյալ բժշկական հաստատության տնօրենը գրավոր տեղեկացնում է այն մարմիններին, ում կողմից ստացել է ժամանակավոր անաշխատունակության թերթիկները` կցելով ժամանակավոր անաշխատունակության թերթիկի անվավեր ճանաչման վերաբերյալ ակտի պատճենը:

(10-րդ կետը խմբ. 19.06.2007 թիվ 52)

(Ձև 1-ը խմբ. 19.06.2007 թիվ 52)

1. Իրավաբանական անձի անվանումը__________________________________________________

_______________________________________________________________________________

2. Կազմակերպական-իրավական ձևը__________________________________________________

3. Իրավաբանական անձի գտնվելու վայրը_______________________________________________

_______________________________________________________________________________

4. Գործունեության իրականացման վայրը_______________________________________________

_______________________________________________________________________________

5. Ժամանակավոր անաշխատունակության թերթիկների ձևաթղթերի քանակը - /որը հայցվում է կազմակերպության կողմից/

Կից ներկայացվող փաստաթղթերը`

1. Իրավաբանական անձի բժշկական օգնություն և սպասարկում իրականացնելու լիցենզիայի պատճենը.

2. Լեռնային Ղարաբաղի Հանրապետության առողջապահության նախարարության հետ կնքված պետության կողմից երաշխավորված բժշկական օգնություն և սպասարկում իրականացնելու վերաբերյալ պետական պատվերի տեղադրման մասին պայմանագրի պատճենը:

3. Իրավաբանական անձի պետական գրանցման վկայականի պատճենը:

(Ձև 2-ը խմբ. 19.06.2007 թիվ 52)

(Ձև 3-ը խմբ. 19.06.2007 թիվ 52)

(Ձև 4-ը խմբ. 19.06.2007 թիվ 52)