ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

2 նոյեմբերի 2015թ.

N 712-Ն

ք.Ստեփանակերտ

 

ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԳՆԱՀԱՏՄԱՆ «ԱՐՑԱԽ» ՀԱՄԱԿԱՐԳԸ ՆԵՐԴՆԵԼՈՒ ՄԱՍԻՆ

 

«Սոցիալական աջակցության մասին» Լեռնային Ղարաբաղի Հանրապետության օրենքի 15-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. 2017 թվականի հունվարի 1-ից Լեռնային Ղարաբաղի Հանրապետությունում ներդնել ընտանիքների կարիքավորության գնահատման «Արցախ» համակարգը (այսուհետ՝ համակարգ):

(1-ին կետը փոփ. 02.12.2016 N 777-Ն)

2. Հաստատել՝

1) համակարգում կարիքավորության գնահատման մեթոդաբանությունը, կարիքավորության բնութագրիչ գործոնները և գնահատման բանաձևերը՝ համաձայն N 1 հավելվածի.

2) համակարգում ընդգրկվելու կարգը՝ համաձայն N 2 հավելվածի.

3) Արցախի Հանրապետության բնակավայրերի գնահատման մեթոդաբանությունը՝ համաձայն N 3 հավելվածի.

4) Արցախի Հանրապետության բնակավայրերի ցանկը՝ ըստ գնահատման գործակիցների՝ համաձայն N 4 հավելվածի.

5) ընտանիքի միջին ամսական համախառն եկամտի հաշվարկման կարգը՝ համաձայն N 5 հավելվածի:

(2-րդ կետը փոփ. 25.01.2018 N 26-Ն)

3. Համակարգի ներդնումն ու կիրարկումն ապահովող պետական կառավարման լիազոր մարմին ճանաչել Արցախի Հանրապետության աշխատանքի, սոցիալական հարցերի և վերաբնակեցման նախարարությունը:

(3-րդ կետը փոփ. 25.01.2018 N 26-Ն)

4. Արցախի Հանրապետության աշխատանքի, սոցիալական հարցերի և վերաբնակեցման նախարարին, Արցախի Հանրապետության արդարադատության նախարարին, Արցախի Հանրապետության ֆինանսների նախարարին, Արցախի Հանրապետության կադաստրի և պետական գույքի կառավարման կոմիտեի նախագահին, Արցախի Հանրապետության ոստիկանության պետին, այլ շահագրգիռ հանրապետական գործադիր մարմինների ղեկավարներին՝ ապահովել համակարգում ընդգրկված անձանց մասին համապատասխան տեղեկատվության փոխանակումը:

(4-րդ կետը խմբ. 25.01.2018 N 26-Ն, փոփ. 28.08.20 N 399-Ն)

5. Լեռնային Ղարաբաղի Հանրապետության աշխատանքի և սոցիալական հարցերի նախարարին՝ եռամսյա ժամկետում հաստատել բնակարանային պայմանները գնահատող հանձնաժողովի կազմը և գործունեության կարգը, դիմում-հայտարարագրի, դիմումների հաշվառման մատյանի, սոցիալական անձնագրի ձևերը:

6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ա. ՀԱՐՈՒԹՅՈՒՆՅԱՆ

 

 

Հավելված N 1 Լեռնային Ղարաբաղի Հանրապետության կառավարության 2015 թվականի նոյեմբերի 2-ի N 712-Ն որոշման

 

ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԳՆԱՀԱՏՄԱՆ «ԱՐՑԱԽ» ՀԱՄԱԿԱՐԳՈՒՄ ԿԱՐԻՔԱՎՈՐՈՒԹՅԱՆ ԳՆԱՀԱՏՄԱՆ ՄԵԹՈԴԱԲԱՆՈՒԹՅՈՒՆԸ, ԿԱՐԻՔԱՎՈՐՈՒԹՅԱՆ ԲՆՈՒԹԱԳՐԻՉ ԳՈՐԾՈՆՆԵՐԸ ԵՎ ԳՆԱՀԱՏՄԱՆ ԲԱՆԱՁԵՎԵՐԸ

 

Ընտանիքների կարիքավորության գնահատման «Արցախ» համակարգի (այսուհետ՝ համակարգ) ներդնումն ուղղված է բնակչության սոցիալական պաշտպանության արդյունավետության և սոցիալական աջակցության հասցեականության բարձրացմանը:

 

I. ՀԱՄԱԿԱՐԳԻ ՆՊԱՏԱԿՆԵՐՆ ՈՒ ԽՆԴԻՐՆԵՐԸ

 

1. Համակարգի նպատակներն են՝

1) ընտանիքը դիտարկել որպես սոցիալական պաշտպանության օբյեկտ՝ սոցիալական ռիսկերի տեսանկյունից.

2) սոցիալական աջակցության հասցեականության ապահովումը.

3) բնակչության սոցիալական պաշտպանությանն ուղղվող պետական միջոցների արդյունավետ օգտագործման ապահովումը.

4) սոցիալական և հարակից այլ ոլորտներում քաղաքականության մշակման և ծրագրերի իրականացման ընթացքում համակարգի արդյունքների օգտագործումը:

2. Համակարգի խնդիրներն են՝

1) ընտանիքների կարիքավորության բնութագրիչ գործոնների հիմնավորվածության ապահովումը.

2) ընտանիքների կարիքավորության գնահատման գործոնների ազդեցության չափի որոշումը:

 

II. ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԳՆԱՀԱՏՄԱՆ ԴՐՈՒՅԹՆԵՐԸ

 

3. Ընտանիքների կարիքավորության գնահատման դրույթներն են՝

1) ընտանիքների կարիքավորության պատճառ հանդիսացող հիմնական բնութագրիչ գործոնների բացահայտումը.

2) ընտանիքների կարիքավորության բնութագրիչ գործոնների թվային (բալային) արժեքների սահմանումը.

3) ընտանիքների կարիքավորության բնութագրիչ գործոնների տեսակարար կշիռների որոշումը՝ դրանց նորմավորումը.

4) ընտանիքների կարիքավորության բնութագրիչ գործոնների ազդեցության գնահատման բալային (միավորների) համակարգի ձևավորումը.

5) ընտանիքների կարիքավորության գնահատման բանաձևի կառուցումը:

 

III. ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԲՆՈՒԹԱԳՐԻՉ ԳՈՐԾՈՆՆԵՐԸ

 

4. Ընտանիքների կարիքավորության բնութագրիչ գործոններն են՝

1) ընտանիքի միջին սոցիալական խմբի գնահատումը՝ P_{սոց. միջ .}

2) ընտանիքի բնակավայրի գնահատումը՝ K_բնվ.

3) ընտանիքի բնակարանային պայմանների գնահատումը՝ K_բն.

4) ընտանիքի ինքնաապահովման պոտենցիալի գնահատումը՝ K_իպ.

5) ընտանիքի ժողովրդագրական պոտենցիալի գնահատումը՝ K_ժող.

6) ընտանիքի միջին տարիքի ազդեցության չափը՝ K_մտ.

7) ընտանիքի մեկ անդամի հաշվով եկամտի գնահատումը՝ K_եկ:

5. Ընտանիքի միջին սոցիալական խմբի գործոնի միջոցով սոցիալական ռիսկայնության միավորներով գնահատվում են ընտանիքի անդամների եկամտաստեղծ գործունեության սահմանափակումները: Ընտանիքը դիտվում է որպես ամբողջություն և օժտվում ընտանիքի բոլոր անդամների միջին սոցիալական ռիսկայնության հաշվարկային միավորով:

6. Ընտանիքի անդամների սոցիալական խմբերն ու դրանց համապատասխան միավորներն են՝

 

Հ/Հ	Սոցիալական խումբը	Միավոր
1.	1-ին խմբի զինվորական պատճառական կապով հաշմանդամներ	50
2.	1-ին խմբի հաշմանդամներ	48
3.	2-րդ խմբի զինվորական պատճառական կապով հաշմանդամներ	48
4.	3-րդ աստիճանի աշխատանքային գործունեության սահմանափակմամբ 2-րդ խմբի հաշմանդամներ	48
5.	3-րդ խմբի զինվորական պատճառական կապով հաշմանդամներ	32
6.	Լեռնային Ղարաբաղի Հանրապետության պաշտպանության մարտական գործողությունների մասնակիցներ	26
7.	2-րդ խմբի հաշմանդամներ	39
8.	3-րդ խմբի հաշմանդամներ	28
9.	Հաշմանդամ երեխաներ	48
10.	Առանց ծնողական խնամքի մնացած երեխաներ՝ 0-6 տարեկան	48
11.	Առանց ծնողական խնամքի մնացած երեխաներ՝ 6-18 տարեկան	50
12.	Միակողմանի ծնողազուրկ երեխաներ՝ 0-6 տարեկան	28
13.	Միակողմանի ծնողազուրկ երեխաներ՝ 6-18 տարեկան	30
14.	Անչափահաս երեխաներ՝ 0-6 տարեկան	33
15.	Անչափահաս երեխաներ՝ 6-18 տարեկան	35
16.	Միայնակ մոր երեխաներ՝ 0-6 տարեկան	28
17.	Միայնակ մոր երեխաներ՝ 6-18 տարեկան	30
18.	Տարիքային կամ ծերության կենսաթոշակառու	34
19.	Տարիքային կամ ծերության կենսաթոշակառու՝ 75 տարեկան և բարձր	42
20.	Երկու և ավելի երեխա ունեցող հղի կին	33
21.	Հղի կին	30
22.	Գործազուրկ	22
23.	Ուսանող	22
24.	Սոցիալական խմբին չպատկանող անդամ	20

 

7. Ընտանիքի կարիքավորության միավորը որոշելիս ընտանիքի «ժամանակավոր բացակա» անդամն ընտանիքի կազմում չի դիտարկվում: Ընտանիքի անդամը համարվում է «ժամանակավոր բացակա», եթե՝

1) Արցախի Հանրապետության օրենսդրությամբ սահմանված կարգով ճանաչվել է անհայտ բացակայող կամ գտնվում է հետախուզման մեջ.

2) ընտանիքի անդամներից մեկի նախկին ամուսինն է, և առկա է ամուսնության դադարման իրավական հիմքը.

3) Արցախի Հանրապետության օրենսդրությամբ սահմանված կարգով ճանաչվել է ընտանիքի անդամների խնամակալ կամ հոգաբարձու.

4) ընտանիքի բացակա անդամը վեց ամիս և ավելի ժամկետով բացակայում է Արցախի Հանրապետությունից:

(7-րդ կետը փոփ. 25.01.2018 N 26-Ն)

8. Ընտանիքի մեկ անդամի միաժամանակ մի քանի սոցիալական խմբերի պատկանելու դեպքում ընտանիքի անդամի սոցիալական խմբի ընդհանուր միավորը հաշվարկվում է այդ սոցիալական խմբերին տրվող միավորների գումարման միջոցով՝ օգտագործելով ճշգրտման գործակիցներ, որոնք որոշվում են նվազող հաջորդականությամբ: 1-ին միավորը հաշվի է առնվում ամբողջությամբ, 2-րդ միավորը՝ 0.3, 3-րդ և ավելի միավորները՝ 0.1 ճշգրտման գործակիցներով:

9. Ընտանիքի միջին սոցիալական խմբի միավորը (P_{սոց.միջ}) որոշելու համար ընտանիքի բոլոր անդամների սոցիալական խմբի միավորների գումարը բաժանվում է ընտանիքի սոցիալական անձնագրում հաշվառված անձանց թվի վրա՝

P_{սոց.միջ} = (1/n) x (P1 + P2 +.....+ Pn),

որտեղ n-ն ընտանիքի սոցիալական անձնագրում հաշվառված անձանց թիվն է:

10. Արցախի Հանրապետության բնակավայրերը գնահատելիս հաշվի են առնվում բնակավայրում կոմունալ, կենցաղային պայմանների, սոցիալական ենթակառուցվածքների առկայությունը:

Արցախի Հանրապետության բնակավայրերի ցանկը՝ ըստ գնահատման գործակիցների ամեն տարի հաստատվում է Արցախի Հանրապետության կառավարության կողմից:

(10-րդ կետը փոփ. 25.01.2018 N 26-Ն)

11. Ընտանիքի բնակարանային պայմանները գնահատելիս հաշվի են առնվում ընտանիքի բնակարանային և կոմունալ-կենցաղային պայմանների հետևյալ բնութագրիչները՝

1) մեկ շնչին ընկնող բնակելի մակերեսի բավարարությունը՝ Լեռնային Ղարաբաղի Հանրապետության օրենսդրությամբ սահմանված նորմերին համապատասխան.

2) կոմունալ-կենցաղային բավարար պայմանների առկայությունը.

3) ջեռուցման տեսակը (միայն վառելափայտով ջեռուցման դեպքում գնահատվում է անբավարար).

4) հոսող ջրի առկայությունը.

5) կենտրոնացված ջրահեռացման առկայությունը:

12. Արցախի Հանրապետության աշխատանքի, սոցիալական հարցերի և վերաբնակեցման նախարարի հրամանով ստեղծված բնակարանային պայմանները գնահատող հանձնաժողովը, սույն կարգի 11-րդ կետում նշված բնութագրիչներով ընտանիքի բնակարանային պայմանները գնահատում է՝

1) բարեկարգ՝ գնահատման միավորը K_բն=0.

2) նորոգման ենթակա՝ գնահատման միավորը K_բն=0.5.

3) վատթար՝ գնահատման միավորը K_բն=1:

(12-րդ կետը փոփ. 25.01.2018 N 26-Ն)

13. Ընտանիքի ինքնաապահովման պոտենցիալի գնահատման գործոնի միջոցով որոշվում է ընտանիքի աշխատունակ մեկ անդամի վրա ընկնող ընտանիքի կենսաապահովման ծանրաբեռնվածության աստիճանը, որը հաշվարկվում է ընտանիքում աշխատունակ անդամների և ընտանիքի կազմում ընդգրկված բոլոր անդամների թվաքանակի հարաբերակցությամբ.

 

	nաշխ
Kիպ=	_______ ,
	nօ

որտեղ n_աշխ-ն ընտանիքում աշխատունակ անդամների թվաքանակն է, իսկ n_o-ն՝ ընտանիքի կազմում ընդգրկված բոլոր անդամների թվաքանակը:

14. Ընտանիքի ժողովրդագրական պոտենցիալը գնահատվում է ընտանիքում անչափահաս երեխաների և ընտանիքի կազմում ընդգրկված բոլոր անդամների թվաքանակի հարաբերակցությամբ.

	nանչափահաս երեխաներ
Kժող=	___________________ :
	no

15. Ընտանիքի միջին տարիքի ազդեցության չափը գնահատվում է ընտանիքի միջին տարիքի և հանրապետության բնակչության միջին տարիքի հարաբերակցությամբ:

16. Ընտանիքի մեկ անդամի հաշվով եկամուտը որոշվում է ընտանիքի կազմում ընդգրկված բոլոր անդամների եկամտի գումարի և ընտանիքի անդամների թվաքանակի հարաբերակցությամբ: Ընտանիքի եկամտի միջոցով որոշվող կարիքավորության գործակիցը գնահատվում է ընտանիքի մեկ անդամին ընկնող մաքուր եկամտի և կենսաապահովման սպառողական նվազագույն զամբյուղի հարաբերակցությամբ.

	d
	∑ Ej
	1
Kեկ=	_______ ,
	N x Z

 որտեղ d-ն ընտանիքի կազմում եկամուտ ունեցող անդամների թվաքանակն է, Ej-ն՝ ընտանիքի j–րդ անդամի մաքուր եկամուտը, N-ը՝ ընտանիքի կազմում ընդգրկված բոլոր անդամների թվաքանակը, Z-ը՝ կենսաապահովման սպառողական նվազագույն զամբյուղը:

17. Սույն կարգի 9-10-րդ և 12-16-րդ կետերով նախատեսված գործոնների գնահատման բանաձևերը բերված են սույն կարգի 19-րդ կետում:

 

IV. ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԲՆՈՒԹԱԳՐԻՉ ԳՈՐԾՈՆՆԵՐԻ ՏԵՍԱԿԱՐԱՐ ԿՇԻՌՆԵՐԸ ԵՎ ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԲՆՈՒԹԱԳՐԻՉ ԳՈՐԾՈՆՆԵՐԻ ՄԻԱՎՈՐՆԵՐԻ ՀԱՇՎԱՐԿՄԱՆ ԲԱՆԱՁԵՎԵՐԸ

 

18. Ընտանիքների կարիքավորության բնութագրիչ գործոնների տեսակարար կշիռներն են՝

1) ընտանիքի միջին սոցիալական խմբի՝ a_սոց =0.4.

2) ընտանիքի բնակավայրի գնահատման՝ a_բնվ =0.05.

3) ընտանիքի բնակարանային պայմանների՝ a_բն =0.2.

4) ընտանիքի ինքնաապահովման պոտենցիալի՝ a_իպ =0.2

5) ընտանիքի ժողովրդագրական պոտենցիալի՝ a_ժող =0.1.

6) ընտանիքի միջին տարիքի ազդեցության չափի՝ a_մտ =0.05:

Ընտանիքների կարիքավորության բնութագրիչ գործոնների տեսակարար կշիռների ընդհանուր գումարը հավասար է 1-ի:

19. Սույն կարգի 4-րդ կետով սահմանված ընտանիքների կարիքավորության բնութագրիչ գործոնների հաշվարկման բանաձևերն են՝

1) ընտանիքի սոցիալական խմբի միավորի գնահատման.

 

m_սոց=a_սոցxP_{սոց.միջ.}

2) ընտանիքի բնակավայրի միավորի գնահատման.

 

m_բնվ=(1-B/10)xa_բնվx50_{միավոր,}

 

որտեղ B-ն բնակավայրերի զարգացման աստիճանը գնահատող գործակիցն է.

3) ընտանիքի բնակարանային պայմանների միավորի գնահատման.

 

m_բն= a_բնxk_բնx50_{միավոր.}

 

4) ընտանիքի ինքնաապահովման պոտենցիալի միավորի գնահատման.

 

m_իպ=(1-K_իպ)xa_իպx50_{միավոր.}

 

5) ընտանիքի ժողովրդագրական պոտենցիալի միավորի գնահատման.

 

m_ժող=K_ժողxa_ժողx50_{միավոր.}

 

6) ընտանիքի միջին տարիքի ազդեցության չափի միավորի գնահատման.

 

m_մտ = a_մտ x r/r_o x50_{միավոր,}

 

որտեղ r-ն ընտանիքի անդամների միջին տարիքն է, որը որոշվում է ընտանիքի անդամների տարիքների գումարը բաժանելով ընտանիքի անդամների թվաքանակի վրա, իսկ r_o-ն՝ հանրապետության բնակչության միջին տարիքը.

7) ընտանիքի մեկ անդամի հաշվով եկամտի գործոնի միավորի գնահատման.

 

M_եկ=(1-K_եկ)x50_միավորxb,

 

որտեղ b-ն դելտա ֆունկցիա է, որն ընդունում է միայն 0 կամ 1 արժեքներ.

b=0, երբ K_եկ-ն մեծ կամ հավասար է 1-ի,

b=1, երբ K_եկ-ն փոքր է 1-ից:

20. Սույն կարգի 19-րդ կետի 6-րդ ենթակետում նշված հանրապետության բնակչության միջին տարիքը՝ յուրաքանչյուր տարի հրապարակվում է Արցախի Հանրապետության ազգային վիճակագրական ծառայության կողմից՝ Արցախի Հանրապետության ժողովրդագրական ժողովածուում:

(20-րդ կետը փոփ. 25.01.2018 N 26-Ն)

 

V. ԸՆՏԱՆԻՔԻ ԿԱՐԻՔԱՎՈՐՈՒԹՅԱՆ ՄԻԱՎՈՐԻ ԳՆԱՀԱՏՄԱՆ ԲԱՆԱՁԵՎԸ

 

21. Ընտանիքի կարիքավորության միավորը գնահատվում է հետևյալ բանաձևով` հիմք ընդունելով կարիքավորության գնահատման բոլոր գործոնների միավորների ընդհանուր գումարը.

 

M=(m_սոց+m_բնվ+m_բն+m_իպ+m_ժող+m_մտ)+M_եկ:

(Հավելված N 1 փոփ. 25.01.2018 N 26-Ն)

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Լ. ԳՐԻԳՈՐՅԱՆ

 

 

Հավելված N 2 Լեռնային Ղարաբաղի Հանրապետության կառավարության 2015 թվականի նոյեմբերի 2-ի N 712-Ն որոշման

 

Կ Ա Ր Գ

ԸՆՏԱՆԻՔՆԵՐԻ ԿԱՐԻՔԱՎՈՐՈՒԹՅԱՆ ԳՆԱՀԱՏՄԱՆ «ԱՐՑԱԽ» ՀԱՄԱԿԱՐԳՈՒՄ ԸՆԴԳՐԿՎԵԼՈՒ

 

1. Սույն կարգով կարգավորվում են ընտանիքների կարիքավորության գնահատման «Արցախ» համակարգում (այսուհետ` համակարգ) ընդգրկվելու հետ կապված հարաբերությունները, սահմանվում համակարգում ընդգրկվելու համար անհրաժեշտ փաստաթղթերի ներկայացման կարգն ու պայմանները:

2. Համակարգում ընդգրկվելու նպատակով ընտանիքի չափահաս անդամներից մեկը (այսուհետ` դիմող) դիմում է իր բնակության վայրը սպասարկող սոցիալական ծառայություններ տրամադրող տարածքային մարմին (այսուհետ՝ տարածքային մարմին)՝ ներկայացնելով դիմում-հայտարարագիր՝ Արցախի Հանրապետության աշխատանքի, սոցիալական հարցերի և վերաբնակեցման նախարարի (այսուհետ՝ նախարար) հաստատած ձևին համապատասխան և անհրաժեշտ փաստաթղթեր:

(2-րդ կետը փոփ. 25.01.2018 N 26-Ն)

3. Տարածքային մարմնի աշխատողը ներկայացրած անհրաժեշտ փաստաթղթերը համեմատում է դիմում-հայտարարագրում նշված փաստաթղթերի ցանկի հետ, դիմում-հայտարարագրի վրա նշում ստացման ամսաթիվը, ստորագրում և ընդունում այն՝ դիմողին վերադարձնելով դիմում-հայտարարագրի պատճենահանվող օրինակը:

4. Եթե դիմում-հայտարարագրին կից անհրաժեշտ փաստաթղթերը չեն ներկայացվում, ապա տարածքային մարմնի աշխատողը դիմում-հայտարարագրում կատարում է նշումներ և դիմում-հայտարարագրի՝ պատճենահանող թղթով պատճենահանվող օրինակը երեք աշխատանքային օրվա ընթացքում վերադարձնում դիմողին՝ տեղեկացնելով պակասող փաստաթղթերի և դրանք սահմանված ժամկետում ներկայացնելու անհրաժեշտության մասին: Չներկայացված փաստաթղթերը դիմում-հայտարարագիրը լրացնելուց ոչ ուշ, քան հինգ աշխատանքային օրվա ընթացքում տարածքային մարմին ներկայացնելու դեպքում դիմելու օր կհամարվի դիմում-հայտարարագիրը լրացնելու օրը, իսկ նշված ժամկետից հետո՝ անհրաժեշտ փաստաթղթերը ներկայացնելու օրը:

5. Դիմողի ներկայացրած դիմում-հայտարարագիրը և անհրաժեշտ փաստաթղթերը հաշվառվում են տարածքային մարմնի դիմումների հաշվառման մատյանում` նախարարի հաստատած ձևին համապատասխան:

6. Սույն կարգի 2-րդ կետով սահմանված փաստաթղթերը չեն պահանջվում, եթե դրանցում ներառված տվյալներն առկա են համապատասխան մարմինների (կազմակերպությունների) էլեկտրոնային տեղեկատվական բազաներում:

7. Տարածքային մարմինը դիմում-հայտարարագիրը և անհրաժեշտ փաստաթղթերն ընդունելուց հետո երեք աշխատանքային օրվա ընթացքում, ըստ անհրաժեշտության, տեղեկատվական շտեմարաններից առցանց կամ ինքնաշխատ եղանակով ստանում է դիմողի և նրա ընտանիքի բոլոր անդամների մասին անհրաժեշտ տեղեկատվություն:

8. Տարածքային մարմնի աշխատողը յուրաքանչյուր ընտանիքի համար նախարարի հաստատած ձևին համապատասխան երկու օրինակից լրացնում է սոցիալական անձնագիր, որի մեկ օրինակը պահվում է տարածքային մարմնում, իսկ մյուսը՝ տրամադրվում դիմողին:

9. Տարածքային մարմինը դիմողի ներկայացրած անհրաժեշտ փաստաթղթերի հավաստիությունը ստուգելուց հետո երկու աշխատանքային օրվա ընթացքում կայացնում է նախնական որոշում՝ դիմողին համակարգում ընդգրկելու մասին (այսուհետ՝ նախնական որոշում):

10. Տարածքային մարմինը ընտանիքի համար լրացված սոցիալական անձնագրի, անհրաժեշտ փաստաթղթերի և նախնական որոշման էլեկտրոնային տարբերակները ներկայացնում է Արցախի Հանրապետության աշխատանքի, սոցիալական հարցերի և վերաբնակեցման նախարարություն (այսուհետ՝ նախարարություն)՝ նախնական որոշումը հաստատելու և դիմողին համակարգում ընդգրկելու համար:

(10-րդ կետը փոփ. 25.01.2018 N 26-Ն)

11. Նախարարությունը, ընտանիքի համար լրացված սոցիալական անձնագրի, անհրաժեշտ փաստաթղթերի և նախնական որոշման էլեկտրոնային տարբերակները տարածքային մարմնից ստանալուց հետո, երեք աշխատանքային օրվա ընթացքում ստուգում է դրանց հավաստիությունն ու դիմողին համակարգում ընդգրկելու մասին որոշումը հաստատելու դեպքում՝ ընդգրկում համակարգ:

12. Եթե համակարգում ընդգրկվելուց հետո 12 ամսվա ընթացքում ընտանիքի կազմում, ընտանիքի որևէ անդամին վերաբերող տվյալներում կատարվել են փոփոխություններ, ապա դիմողը 30 օրվա ընթացքում դրանք հավաստող փաստաթղթերը ներկայացնում է տարածքային մարմին: Տարածքային մարմինը, իր հերթին, ապահովում է նշված փաստաթղթերի էլեկտրոնային տարբերակների ներկայացումը նախարարություն՝ համակարգում համապատասխան փոփոխություններ կատարելու և մոնիթորինգ իրականացնելու համար:

13. Միևնույն բնակության վայրում բնակվող յուրաքանչյուր ընտանիքի կամ դրանցից մեկի համար լրացվում է առանձին սոցիալական անձնագիր, եթե առկա են`

1) համատեղ սեփականության ներքո գտնվող գույքի բաժանման մասին դատարանի` օրինական ուժի մեջ մտած վճիռը.

2) միևնույն բնակության վայրում բնակվող (հաշվառված) ընտանիքների՝ առանձին տնտեսություն վարելու հանգամանքը (առանձին մուտքեր, առանձին ջրաչափեր, առանձին էլեկտրական հաշվիչներ կամ առանձին տնտեսություն վարելու նմանատիպ այլ հանգամանքներ):

14. Սույն կարգի 2-րդ կետում նշված համակարգում ընդգրկվելու համար անհրաժեշտ փաստաթղթերն են՝

1) բժշկասոցիալական փորձաքննական որոշման տեղեկանքի լուսապատճենը և կենսաթոշակ նշանակելու իրավասություն ունեցող մարմնի կողմից տրված տեղեկանքը.

2) զինվորական գրքույկի կամ լիազոր մարմնի կողմից տրված տեղեկանքի լուսապատճենը.

3) երեխայի ծնողների կամ միակ ծնողի մահվան վկայական(ներ)ի լուսապատճեն(ներ)ը կամ մահացած կամ անհայտ բացակայող կամ անգործունակ ճանաչելու կամ ծնողական իրավունքից զրկելու մասին դատարանի օրինական ուժի մեջ մտած վճռի լուսապատճենը կամ ծնող(ներ)ի անհայտ լինելու կամ երեխայի դաստիարակությունից կամ նրա իրավունքների և շահերի պաշտպանությունից խուսափելու փաստը հաստատող՝ լիազոր մարմնի կողմից տրված տեղեկանքը, իսկ կերակրողին կորցնելու դեպքում նպաստի կամ կենսաթոշակի իրավունքի դեպքում` կենսաթոշակ (նպաստ) նշանակելու իրավասություն ունեցող մարմնի կողմից տրված տեղեկանքը.

4) երեխայի ծննդյան վկայականի լուսապատճենը, իսկ 16 տարին լրացած երեխայի դեպքում` անձը հաստատող փաստաթղթի լուսապատճենը.

5) երեխայի ծննդյան վկայականում հոր վերաբերյալ տեղեկությունների գրանցման մասին քաղաքացիական կացության ակտերի գրանցման մարմնի կողմից տրված տեղեկանքի լուսապատճենը.

6) տարիքային կամ ծերության կենսաթոշակի իրավունքի մասին՝ կենսաթոշակ նշանակելու իրավասություն ունեցող մարմնի կողմից տրված տեղեկանքը.

7) երեխաների ծննդյան վկայականների լուսապատճենները և (կամ) տեղեկանք՝ համապատասխան բժշկական հաստատությունից՝ 12 շաբաթական և ավելի ժամկետով հղիության մասին.

8) գործազուրկի կարգավիճակի մասին լիազոր մարմնի կողմից տրված տեղեկանքը.

9) ուսումնական հաստատությունում առկա ուսուցման ձևով ուսումնառության մասին իրավասու մարմնի կողմից տրված տեղեկանքը.

10) անձը հաստատող փաստաթղթի լուսապատճենը:

(Հավելված N 2 փոփ. 25.01.2018 N 26-Ն)

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Լ. ԳՐԻԳՈՐՅԱՆ

 

 

Հավելված N 3 Լեռնային Ղարաբաղի Հանրապետության կառավարության 2015 թվականի նոյեմբերի 2-ի N 712-Ն որոշման

 

ՄԵԹՈԴԱԲԱՆՈՒԹՅՈՒՆ

ԱՐՑԱԽԻ ՀԱՆՐԱՊԵՏՈՒԹՅԱՆ ԲՆԱԿԱՎԱՅՐԵՐԻ ԳՆԱՀԱՏՄԱՆ

(վերնագիրը փոփ. 25.01.2018 N 26-Ն)

 

1. Արցախի Հանրապետության բնակավայրերի գնահատման գործակիցները սահմանվում են՝ հաշվի առնելով բնակավայրում կոմունալ, կենցաղային պայմանների, սոցիալական ենթակառուցվածքների առկայությունը:

(1-ին կետը փոփ. 25.01.2018 N 26-Ն)

2. Արցախի Հանրապետության աշխատանքի, սոցիալական հարցերի և վերաբնակեցման նախարարությունը, շահագրգիռ և պատկան մարմիններից ստացված տեղեկատվության գույքագրման և գնահատման մեթոդաբանության կիրարկման արդյունքներով, Արցախի Հանրապետության քաղաքային և գյուղական, ինչպես նաև համայնքի կարգավիճակ չունեցող բնակավայրերը դասակարգում է տասը բալանոց համակարգով:

(2-րդ կետը փոփ. 25.01.2018 N 26-Ն)

3. Արցախի Հանրապետության բնակավայրերի զարգացման աստիճանը գնահատող գործակիցների որոշման համար համեմատման բազա է ընդունվում քաղաք Ստեփանակերտը, որին տասը բալանոց համակարգում տրվում է ամենաբարձր միավորը՝ տասը:

(3-րդ կետը փոփ. 25.01.2018 N 26-Ն)

4. Արցախի Հանրապետության բնակավայրերին, սույն մեթոդաբանության 5-7-րդ կետերի համաձայն, տրվում են համապատասխան գնահատման միավորներ:

(4-րդ կետը փոփ. 25.01.2018 N 26-Ն)

5. Արցախի Հանրապետության բնակավայրերում սոցիալական ենթակառուցվածքների առկայությունը գնահատվում է՝

 

ՀՀ	Անվանումը	Միավորը
1	Հիվանդանոց	2
2	Բժշկական ամբուլատորիա	1.5
3	Բուժական կետ	1
4	Նախադպրոցական հաստատություն	1
5	Հիմնական դպրոց	1.5
6	Հիմնական դպրոցի մասնաճյուղ	1
7	Ավագ դպրոց	2
8	Մշակութային օբյեկտ	1

:

(5-րդ կետը փոփ. 25.01.2018 N 26-Ն)

6. Արցախի Հանրապետության գյուղական բնակավայրերում խմելու ջրի ցանցի առկայությունը գնահատվում է՝

 

ՀՀ	Անվանումը	Միավորը
1	Ինքնահոս, ներքին և արտաքին ցանց	2
2	Մեխանիկական, ներքին կամ արտաքին մասնակի ցանց	1

(6-րդ կետը փոփ. 25.01.2018 N 26-Ն)

7. Արցախի Հանրապետության բնակավայրում սույն մեթոդաբանության 5-6-րդ կետերում նշված սոցիալական ենթակառուցվածքների և խմելու ջրի ցանցի բացակայությունը գնահատվում է 0 միավորով:

(7-րդ կետը փոփ. 25.01.2018 N 26-Ն)

8. Արցախի Հանրապետության բնակավայրերի գնահատման գործակիցները որոշվում են սույն մեթոդաբանության 5-7-րդ կետերով սահմանված սոցիալական ենթակառուցվածքների և խմելու ջրի ցանցի գնահատման արդյունքում ստացված միավորների հանրագումարով:

(8-րդ կետը փոփ. 25.01.2018 N 26-Ն)

(Հավելված N 3 փոփ. 25.01.2018 N 26-Ն)

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Լ. ԳՐԻԳՈՐՅԱՆ

 

 

Հավելված N 4 Լեռնային Ղարաբաղի Հանրապետության կառավարության 2015 թվականի նոյեմբերի 2-ի N 712-Ն որոշման

 

Ց Ա Ն Կ

ԱՐՑԱԽԻ ՀԱՆՐԱՊԵՏՈՒԹՅԱՆ ԲՆԱԿԱՎԱՅՐԵՐԻ՝ ԸՍՏ ԳՆԱՀԱՏՄԱՆ ԳՈՐԾԱԿԻՑՆԵՐԻ

(վերնագիրը փոփ. 25.01.2018 N 26-Ն)

 

Հ/Հ	Համայնքներ	Գործակից
150	Ստեփանակերտ	10
160	Ասկերանի շրջան
160-01	ք. Ասկերան	9
160-001	Հովսեփավան	6.5
160-002	Նորագյուղ	8
160-003	Խնապատ	8
160-004	Խրամորթ	7
160-005	Փառուխ	4
160-006	Վարդաձոր	4
160-007	Վարազաբուն	0
160-008	Սառնաղբյուր	4
160-009	Դահրազ	0
160-010	Ծաղկաշատ	7
160-011	Ռև	5
160-012	Այգեստան	7
160-013	Բերքաձոր	5.5
160-014	Լուսաձոր	6.5
160-015	Խնածախ	4
160-016	Աստղաշեն	7.5
160-017	Խանցք	5.5
160-018	Պատարա	7
160-019	Դահրավ	6.5
160-020	Հարավ	6
160-021	Քռասնի	7
160-022	Շոշ	7
160-023	Դաշուշեն	6.5
160-024	Մխիթարիշեն	5
160-025	Կարմիր գյուղ	7
160-026	Խաչմաչ	7
160-027	Ներքին Սզնեք	7
160-028	Վերին Սզնեք	7
160-029	Սարուշեն	7
160-030	Ակնաղբյուր	8.5
160-031	Մադաթաշեն	6.5
160-032	Մոշխմհատ	6
160-033	Ջրաղացներ	6
160-034	Ավետարանոց	8.5
160-035	Սղնախ	7
160-036	Խնձրիստան	7
160-037	Հիլիս	6
160-038	Խաչեն	8
160-039	Սարդարաշեն	6
160-040	Իվանյան	7
160-041	Արմենակավան	4
160-042	Ուղտասար	5.5
160-043	Նախիջևանիկ	6
160-044	Քյաթուկ	0
160-045	Ուրախաչ	1
200	Քաշաթաղի շրջան
200-01	ք. Բերձոր	9
200-02	ք. Միջնավան	5
200-03	ք. Կովսական	7
200-001	Դիցմայրի	3
200-002	Քարատակ	0
200-003	Ծաղկաբերդ	4
200-004	Մարաթուկ	0
200-005	Միրիկ	6
200-006	Սոնասար	5
200-007	Մարգիս	1
200-008	Շալուա	6
200-009	Հիմնաշեն	0
200-010	Վերին շեն	0
200-011	Քարուտ	0
200-012	Վակունիս	3.5
200-013	Խաչինտափ	0
200-014	Չորմանք	0
200-015	Շամք	0
200-016	Հայկազյան	4
200-017	Դարբնոց	0
200-018	Ջանֆիդա	0
200-019	Սահառ	0
200-020	Արտաշավի	6
200-021	Հոչանց	4.5
200-022	Մորաջուր	0
200-023	Կումայրի	4
200-024	Շիրակ	0
200-025	Ձորափ	2
200-026	Իշխանաձոր	5
200-027	Ղազարապատ	4
200-028	Մուշ	2
200-029	Ներքին Սուս	4
200-030	Գիհուտ	0
200-031	Ուրմիա	0
200-032	Սուս	2
200-033	Վարդաբաց	2
200-034	Քարոտան	0
200-035	Հակարի	3
200-036	Ծիծեռնավանք	7
200-037	Մելիքաշեն	0
200-038	Արահուծ	0
200-039	Տանձուտ	2.5
200-040	Գետափ	3
200-041	Գողթանիկ	4
200-042	Երիցվանք	4
200-043	Ամիրյան	0
200-044	Երվանդակերտ	0
200-045	Կրմեն	0
200-046	Որոտան	4
200-047	Անդոկաբերդ	0
200-048	Բարկուշատ	0
200-049	Դողար	0
200-050	Վանանդ	0
200-051	Դրախտաձոր	3.5
200-052	Անի	0
200-053	Այգեհովիտ	4
200-054	Լճաշեն	0
200-055	Արծվաշեն	4
200-056	Մխանց	1
200-057	Ալաշկերտ	4
200-058	Աղանուս	6
200-059	Ապարան	0
200-060	Մեղվաձոր	1
200-061	Աղավնատուն	5
200-062	Խաչգետիկ	1
200-063	Հարար	1
200-064	Աղավնո	5
200-065	Ուռեկան	5
200-066	Նորաշենիկ	5
200-067	Վարդուտ	0
200-068	Այգեկ	2
200-069	Տիգրանավան	6
200-070	Վուրգավան	5
200-071	Ծոբաձոր	3.5
200-072	Որդուակ	1
200-073	Լեռնահովիտ	3
200-074	Սպիտակջուր	0
200-075	Շրվական	0
200-076	Վաղազին	4
200-077	Մարտիրոս	0
200-078	Կերեն	4
200-079	Գրհամ	0
200-080	Սպիտակաշեն	0
200-081	Մամարք	2
200-082	Հալե	0
200-083	Վան	6
200-084	Գանձա	6
200-085	Բազմատուս	1
200-086	Մշենի	5.5
200-087	Արվական	2.5
200-088	Քարեգահ	7
200-089	Աղաձոր	4
200-090	Մոշաթաղ	7
200-091	Հերիկ	2.5
200-092	Բերդիկ	1
200-093	Փակահան	2
200-094	Արախիշ	2
200-095	Աղբրաձոր	0
200-096	Գահանիստ	0
200-097	Հայթաղ	0
200-098	Մովսեսաշեն	2.5
200-099	Վազգենաշեն	1
200-100	Քարաբակ	0
200-101	Սարատակ	4
200-102	Գետամեջ	5
200-103	Քաշունիք	3.5
200-104	Հակ	4
200-105	Մարտունաշեն	5
170	Հադրութի շրջան
170-01	ք. Հադրութ	9
170-001	Տյաք	2
170-002	Վանք	2
170-003	Կարմրակուճ	6
170-004	Թաղասեռ	7
170-005	Նորաշեն	6.5
170-006	Վարդաշատ	5.5
170-007	Այգեստան	5.5
170-008	Մելիքաշեն	0
170-009	Տող	8.5
170-010	Հակակու	6.5
170-011	Մոխրենես	6.5
170-012	Թաղուտ	7
170-013	Հին Թաղեր	6.5
170-014	Խանձաձոր	4.5
170-015	Հայկավան	3
170-016	Ուխտաձոր	7
170-017	Ակնաղբյուր	7
170-018	Հարթաշեն	5
170-019	Քյուրաթաղ	7
170-020	Մեծ Թաղեր	8.5
170-021	Առաքել	7
170-022	Ձորագյուղ	0
170-023	Ջրաբերդ	0
170-024	Սարալանջ	1
170-025	Խծաբերդ	5.5
170-026	Արփագետիկ	2
170-027	Սպիտակաշեն	0
170-028	Տումի	7.5
170-029	Արևշատ	6.5
170-030	Ազոխ	8.5
170-031	Դրախտիկ	8
170-032	Պլեթանց	4
170-033	Ծաղկավանք	0
170-034	Արաքսավան	1
170-035	Մարիամաձոր	7
170-036	Ջրակուս	6
170-037	Ծակուռի	6
170-038	Ծամձոր	5
170-039	Սարինշեն	0
170-040	Բանաձոր	6.5
170-041	Ցոր	0
170-042	Առաջամուղ	4
180	Մարտակերտի շրջան
180-01	ք. Մարտակերտ	9
180-001	Աղաբեկալանջ	6.5
180-002	Մաղավուզ	7
180-003	Քմքաձոր	2
180-004	Վարնկաթաղ	6
180-005	Նոր Մարաղա	7
180-006	Մեծ շեն	7
180-007	Կուսապատ	4
180-008	Մոխրաթաղ	7
180-009	Խնկավան	6
180-010	Ներքին Հոռաթաղ	7
180-011	Ծաղկաշեն	6
180-012	Վարդաձոր	6
180-013	Վանք	8
180-014	Անձավներ	0
180-015	Դաշտագլուխ	0
180-016	Ծաղկունք	0
180-017	Ճրագ	0
180-018	Նարեշտար	0
180-019	Գառնաքար	6.5
180-020	Շահմասուր	6.5
180-021	Կիչան	7
180-022	Պողոսագոմեր	7
180-023	Ղազարահող	3
180-024	Առաջաձոր	8.5
180-025	Ծմակահող	6.5
180-026	Չլդրան	7.5
180-027	Մեհմանա	5
180-028	Հարությունագոմեր	7
180-029	Վերին Հոռաթաղ	7
180-030	Դրմբոն	7
180-031	Քոլատակ	7
180-032	Թբլղու	5
180-033	Կոճողոտ	7
180-034	Վաղուհաս	7
180-035	Նոր Այգեստան	7
180-036	Հաթերք	7
180-037	Զագլիկ	7
180-038	Զարդախաչ	6.5
180-039	Նոր Կարմիրավան	6.5
180-040	Թալիշ	8
180-041	Մատաղիս	8
180-042	Տոնաշեն	5
180-043	Գետավան	8
180-044	Չափար	8
180-045	Նոր Ղազանչի	6
180-046	Նոր Հայկաջուր	5.5
180-047	Նոր Ջրաբերդ	2
180-048	Նոր Սեյսուլան	8
180-049	Հովտաշեն	8
180-050	Ճանկաթաղ	7
180-051	Վարնկաթաղ	0
210	Շուշիի շրջան
210-01	ք. Շուշի	9
210-001	Քարին տակ	8
210-002	Հին շեն	5.5
210-003	Մեծ շեն	7
210-004	Եղցահող	5
210-005	Կանաչ Թալա	1
210-006	Լիսագոր	6
210-007	Քիրսավան	5.5
210-008	Հունանավ	0
210-009	Ղայբալիշեն	0
220	Շահումյանի շրջան
220-01	ք. Քարվաճառ	8
220-001	Եղեգնուտ	7
220-002	Զուար	6
220-003	Թութխուն	0
220-004	Զարկունի	0
220-005	Հավախաղաց	0
220-006	Ծար	5
220-007	Հավսաթաղ	5.5
220-008	Նոր Բրաջուր	6
220-009	Նոր Վերինշեն	4
220-010	Չարեքտար	6
220-011	Նոր Գետաշեն	6
220-012	Ակնաբերդ	7
220-013	Դադիվանք	5
220-014	Նոր Էրքեջ	6
220-015	Նոր Կարաչինար	5
220-016	Նոր Մանաշիդ	3.5
220-017	Նոր Խարխափուտ	3.5
220-018	Քնարավան	3.5
190	Մարտունու շրջան
190-01	ք. Մարտունի	9
190-02	ք. Ճարտար	9
190-001	Կաքավաձոր	0
190-002	Քաջավան	0
190-003	Վազգենաշեն	7
190-004	Վարանդա	5
190-005	Կաղարծի	7
190-006	Պառավաթումբ	6
190-007	Հերհեր	7
190-008	Ծովատեղ	5.5
190-009	Խերխան	4.5
190-010	Թաղավարդ	6.5
190-011	Զարդանաշեն	5
190-012	Կավահան	5
190-013	Մսմնա	6
190-014	Սարգսաշեն	7
190-015	Աշան	8
190-016	Մաճկալաշեն	8
190-017	Կարմիր Շուկա	8.5
190-018	Սխտորաշեն	0
190-019	Նորշեն	7.5
190-020	Հացի	6.5
190-021	Հաղորտի	7
190-022	Մուշկապատ	7
190-023	Գիշի	7.5
190-024	Սոս	8.5
190-025	Քերթ	4.5
190-026	Քարահունջ	6.5
190-027	Բերդաշեն	8.5
190-028	Եմիշճան	6.5
190-029	Մյուրիշեն	6.5
190-030	Ավդուռ	5.5
190-031	Ննգի	7
190-032	Կոլխոզաշեն	7
190-033	Խնուշինակ	7
190-034	Սպիտակաշեն	6
190-035	Շեխեր	7
190-036	Ջիվանի	7

(Հավելված N 4 փոփ. 25.01.2018 N 26-Ն)

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Լ. ԳՐԻԳՈՐՅԱՆ

 

 

Հավելված N 5 Լեռնային Ղարաբաղի Հանրապետության կառավարության 2015 թվականի նոյեմբերի 2-ի N 712-Ն որոշման

 

Կ Ա Ր Գ

ԸՆՏԱՆԻՔԻ ՄԻՋԻՆ ԱՄՍԱԿԱՆ ՀԱՄԱԽԱՌՆ ԵԿԱՄՏԻ ՀԱՇՎԱՐԿՄԱՆ

 

1. Ընտանիքի միջին ամսական համախառն եկամտի մեջ ներառվում են`

1) աշխատանքի վարձատրությունը և դրան հավասարեցված այլ վճարումները.

2) կենսաթոշակները.

3) նպաստները.

4) պատվովճարները.

5) դրամական օգնությունները.

6) «Զինծառայողների և նրանց ընտանիքների անդամների սոցիալական ապահովության մասին» Լեռնային Ղարաբաղի Հանրապետության օրենքի 34.1-ին հոդվածով սահմանված զինծառայողների և նրանց ընտանիքների անդամների, առանձին կատեգորիաների անձանց ընտանիքների անդամների ամենամսյա պարգևավճարները.

7) գյուղատնտեսական նշանակության հողերի օգտագործումից ստացվող եկամուտները.

8) այլ դրամական եկամուտները:

2. Ընտանիքի համախառն եկամուտը հաշվարկվում է դիմողին (ընտանիքի չափահաս անդամներից մեկին) ընտանիքների կարիքավորության գնահատման «Արցախ» համակարգում ընդգրկելու տարվան նախորդող օրացուցային տարում ընտանիքի ստացած եկամուտներով:

3. «Հողի հարկի մասին» Լեռնային Ղարաբաղի Հանրապետության օրենքի 10-րդ հոդվածի «դ» և «զ» կետերով սահմանված կարգով հողի հարկից ազատված գյուղատնտեսական նշանակության հողի օգտագործումից ստացված եկամուտը ընտանիքի համախառն եկամտի մեջ չի հաշվարկվում՝ հողի հարկից ազատված լինելու ժամանակահատվածում:

4. Ընտանիքի անդամի միջին ամսական համախառն եկամուտը հաշվարկվում է ընտանիքի օրացուցային տարվա եկամուտների ընդհանուր գումարը բաժանելով 12-ի (ընտանիքի միջին ամսական համախառն եկամուտը), այնուհետև՝ ընտանիքի անդամների թվի վրա:

5. Աշխատանքի վարձատրության և դրան հավասարեցված այլ վճարումների չափերը հաստատվում են Արցախի Հանրապետության ֆինանսների նախարարության էլեկտրոնային տեղեկատվական բազայի տվյալների հետ համեմատման միջոցով:

(5-րդ կետը փոփ. 25.01.2018 N 26-Ն)

6. Ընտանիքի գյուղատնտեսական նշանակության հողի օգտագործումից ստացվող եկամուտը հաշվարկվում է Արցախի Հանրապետության կադաստրի և պետական գույքի կառավարման կոմիտեի կողմից տրված տեղեկանքի կամ առցանց էլեկտրոնային տեղեկատվական բազայի միջոցով ստացված տվյալների հիման վրա:

(6-րդ կետը փոփ. 25.01.2018 N 26-Ն, 28.08.20 N 399-Ն)

7. Սույն կարգի 6-րդ կետում նշված տեղեկանքում նշվում են ընտանիքին (յուրաքանչյուր անդամին) պատկանող հողատարածքի մակերեսի չափը, գյուղատնտեսական նշանակության հողամասի հողատեսքը:

(Հավելված N 5 փոփ. 25.01.2018 N 26-Ն, 28.08.20 N 399-Ն)

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Լ. ԳՐԻԳՈՐՅԱՆ