ք.Ստեփանակերտ

Լեռնային Ղարաբաղի Հանրապետության ընտրական օրենսգրքի 48-րդ հոդվածի 1-ին մասի 5-րդ կետին, 49-րդ հոդվածի 1-ին մասի 9-րդ կետին և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածին համապատասխան` Լեռնային Ղարաբաղի Հանրապետության կենտրոնական ընտրական հանձնաժողովը որոշում է.

1. Սահմանել

1) Հանրապետության Նախագահի թեկնածուի, թեկնածուի լիազոր ներկայացուցչի վկայականների ձևերը` համաձայն N 1 հավելվածի.

2) համամասնական ընտրակարգով գրանցված պատգամավորի թեկնածուի և համամասնական ընտրակարգով ընտրություններին մասնակցող կուսակցության, կուսակցությունների դաշինքի լիազոր ներկայացուցչի վկայականների ձևերը` համաձայն N 2 հավելվածի.

3) մեծամասնական ընտրակարգով պատգամավորի, համայնքի ղեկավարի, ավագանու անդամի թեկնածուների, թեկնածուի լիազոր ներկայացուցչի վկայականների ձևերը` համաձայն N 3 հավելվածի.

4) վստահված անձի վկայականի ձևը` համաձայն N 4 հավելվածի.

5) Լեռնային Ղարաբաղի Հանրապետության Նախագահի վկայականի ձևը՝ համաձայն N 5 հավելվածի.

6) Ազգային ժողովի պատգամավորի վկայականի ձևը` համաձայն N 6 հավելվածի.

7) համայնքի ղեկավարի և ավագանու անդամի վկայականների ձևերը՝ համաձայն N 7 հավելվածի:

2. Ուժը կորցրած ճանաչել Լեռնային Ղարաբաղի Հանրապետության կենտրոնական ընտրական հանձնաժողովի հետևյալ որոշումները.

1) 2005 թվականի մարտի 4-ի «Համայնքի ղեկավարի և ավագանու անդամի թեկնածուների վստահված անձանց վկայականների ձևերը հաստատելու մասին» թիվ 4/38.

2) 2005 թվականի մարտի 4-ի «Համայնքների ընտրված ղեկավարների և ավագանու անդամների վկայականների ձևերը հաստատելու մասին» թիվ 4/39.

3) 2005 թվականի մարտի 16-ի «Լեռնային Ղարաբաղի Հանրապետության Ազգային ժողովի` համամասնական ընտրակարգով գրանցված կուսակցության (կուսակցությունների դաշինքի) վստահված անձի վկայականի ձևը սահմանելու մասին» թիվ 5/71.

4) 2005 թվականի մարտի 16-ի «Լեռնային Ղարաբաղի Հանրապետության Ազգային ժողովի` մեծամասնական ընտրակարգով գրանցված պատգամավորության թեկնածուի վստահված անձի վկայականի ձևը սահմանելու մասին» թիվ 5/72.

5) 2005 թվականի մարտի 16-ի «Լեռնային Ղարաբաղի Հանրապետության Ազգային ժողովի ընտրություններում առաջադրվող կուսակցության (կուսակցությունների դաշինքի) լիազոր ներկայացուցչի վկայականի ձևը սահմանելու մասին» թիվ 5/76.

6) 2005 թվականի մարտի 24-ի «Լեռնային Ղարաբաղի Հանրապետության Ազգային ժողովի ընտրություններում առաջադրվող թեկնածուի լիազոր ներկայացուցչի վկայականի ձևը սահմանելու մասին» թիվ 6/83.

7) 2005 թվականի մարտի 24-ի «Լեռնային Ղարաբաղի Հանրապետության Ազգային ժողովի`մեծամասնական ընտրակարգով քվեարկությանը մասնակցող թեկնածուի գրանցման վկայականի ձևը սահմանելու մասին» թիվ 6/84.

8) 2005 թվականի մարտի 24-ի «Լեռնային Ղարաբաղի Հանրապետության Ազգային ժողովի` համամասնական ընտրակարգով քվեարկությանը մասնակցող թեկնածուի գրանցման վկայականի ձևը սահմանելու մասին» թիվ 6/85.

9) 2005 թվականի մայիսի 13-ի «ԼՂՀ Ազգային ժողովի պատգամավորի վկայականի ձևը սահմանելու մասին» թիվ 8/97.

10) 2007 թվականի մայիսի 23-ի «Վստահված անձանց գրանցման կարգը սահմանելու մասին» թիվ 34/117.

11) 2012 թվականի մարտի 22-ի «Հանրապետության Նախագահի թեկնածու առաջադրված քաղաքացու լիազոր ներկայացուցչի վկայականների ձևերը հաստատելու մասին» N 16/45-Ն: