ք. Ստեփանակերտ

Հիմք ընդունելով «Հարկերի մասին» Լեռնային Ղարաբաղի Հանրապետության օրենքի 15-րդ, «Շահութահարկի մասին» Լեռնային Ղարաբաղի Հանրապետության օրենքի 69-րդ, «Եկամտային հարկի մասին» Լեռնային Ղարաբաղի Հանրապետության օրենքի 26-րդ, «Ավելացված արժեքի հարկի մասին» Լեռնային Ղարաբաղի Հանրապետության օրենքի 45-րդ, «Առևտրի հարկի մասին» Լեռնային Ղարաբաղի Հանրապետության օրենքի 16-րդ, «Հաստատագրված վճարների մասին» Լեռնային Ղարաբաղի Հանրապետության օրենքի 101-րդ հոդվածները և ղեկավարվելով «Հարկային ծառայության մասին» Լեռնային Ղարաբաղի Հանրապետության օրենքի 11-րդ հոդվածի 3-րդ մասով`

1. Հաստատել`

1) հաշվարկված ու վճարված հարկերի և այլ պարտադիր վճարների վերաբերյալ հաշվետվության ձևը և լրացման կարգը` համաձայն N 1 հավելվածի.

2) հարկ վճարողի իրացման շրջանառության վերաբերյալ հաշվետվության ձևը և լրացման կարգը` համաձայն N 2 հավելվածի.

3) ըստ գործունեության իրականացման վայրերի ապրանքանյութական արժեքների շարժի վերաբերյալ հաշվետվության ձևը և լրացման կարգը` համաձայն N 3 հավելվածի.

4) Լեռնային Ղարաբաղի Հանրապետությունում գրանցված հարկ վճարողների կողմից Լեռնային Ղարաբաղի Հանրապետության տարածքում առաքված (տրամադրված) պատրաստի արտադրանքի կամ ապրանքների համար դուրս գրված հաշվարկային փաստաթղթերի վերաբերյալ տեղեկանքի ձևը և լրացման կարգը` համաձայն N 4 հավելվածի.

5) դեբիտորական և կրեդիտորական պարտքերի վերաբերյալ տեղեկանքի ձևը և լրացման կարգը` համաձայն N 5 հավելվածի:

2. Սահմանել, որ սույն հրամանի 1-ին կետով հաստատված հաշվետվությունները և տեղեկանքները յուրաքանչյուր հաշվետու ժամանակաշրջանի համար հաշվառման վայրի հարկային մարմին են ներկայացվում մինչև հաշվետու ժամանակաշրջանին հաջորդող ամսվա 20-ը ներառյալ:

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հարկային մարմին առձեռն ներկայացվելու դեպքում, հաշվետվությունը լրացվում է երկու օրինակից: Հարկային մարմնի կողմից գրանցվելուց հետո մեկ օրինակը հանձնվում է հարկ վճարողին:

1. 1-ին տողում հարկային մարմնի կողմից լրացվում է իրավաբանական անձի կամ անհատ ձեռնարկատիրոջ անձնական գործում տվյալ փաստաթղթի հերթական համարը:

2. 2-րդ տողում լրացվում է հարկ վճարողի հաշվառման համարը (ՀՎՀՀ):

3. 3-րդ տողում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը:

4. 4-րդ տողում լրացվում է իրավաբանական անձի կամ անհատ ձեռնարկատիրոջ գտնվելու վայրը:

5. 5-րդ տողում լրացվում է այն հաշվետու ժամանակաշրջանը, որի համար ներկայացվում է հաշվետվությունը:

6. «Տարեսկզբի մնացորդը» սյունակում լրացվում է հաշվետու տարվա սկզբին հարկատեսակի (վճարատեսակի) մնացորդը (գերավճարը լրացվում է «-» նշանով):

7. «Հաշվարկված է տարվա սկզբից աճողական կարգով» սյունակի «ընթացիկ» մասում լրացվում է տվյալ եռամսյակի, կիսամյակի, ինն ամսվա կամ տարվա համար հաշվարկված հարկատեսակը (վճարատեսակը), իսկ «ստուգման ակտով» մասում` եռամսյակի, կիսամյակի, ինն ամսվա կամ տարվա ընթացքում ստուգման ակտով հաշվարկված գումարը:

8. «Վճարված է տարվա սկզբից աճողական կարգով» սյունակի «ընթացիկ» մասում լրացվում է տվյալ եռամսյակի, կիսամյակի, ինն ամսվա կամ տարվա ընթացքում վճարված հարկատեսակը (վճարատեսակը), իսկ «ստուգման ակտով» մասում` ստուգման ակտով հաշվարկված հարկատեսակի (վճարատեսակի)` եռամսյակի, կիսամյակի, ինն ամսվա կամ տարվա ընթացքում վճարված գումարը:

9. «Տարեվերջի մնացորդը» սյունակում լրացվում է «Տարեսկզբի մնացորդը» և «Հաշվարկված է տարվա սկզբից աճողական կարգով» սյունակների հանրագումարի և «Վճարված է տարվա սկզբից աճողական կարգով» սյունակի տարբերությունը (գերավճարը լրացվում է «-» նշանով):

10. «Ընդամենը» տողում լրացվում է սյունակներում լրացված տողերի հանրագումարը:

ՀԱՇՎԵՏՎՈՒԹՅՈՒՆ

Հարկային մարմին առձեռն ներկայացվելու դեպքում, հաշվետվությունը լրացվում է երկու օրինակից: Հարկային մարմնի կողմից գրանցվելուց հետո մեկ օրինակը հանձնվում է հարկ վճարողին:

ԿԱՐԳ

1. 1-ին տողում հարկային մարմնի կողմից լրացվում է իրավաբանական անձի կամ անհատ ձեռնարկատիրոջ անձնական գործում տվյալ փաստաթղթի հերթական համարը:

2. 2-րդ տողում լրացվում է հարկ վճարողի հաշվառման համարը (ՀՎՀՀ):

3. 3-րդ տողում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը:

4. 4-րդ տողում լրացվում է իրավաբանական անձի կամ անհատ ձեռնարկատիրոջ գտնվելու վայրը:

5. 5-րդ տողում լրացվում է այն հաշվետու ժամանակաշրջանը, որի համար ներկայացվում է հաշվետվությունը:

6. 6-րդ տողը լրացնում են հանքարդյունահանման գործունեություն իրականացնող հարկ վճարողները:

7. 7.1-ին տողը լրացնում են 7.2-7.6-րդ տողերում չնշված ապրանքների արտադրություն իրականացնող հարկ վճարողները:

8. 7.2-րդ տողը լրացնում են հացաբուլկեղենի արտադրություն իրականացնող հարկ վճարողները:

9. 7.3-րդ տողը լրացնում են սննդամթերքի և ոչ ալկոհոլային խմիչքների արտադրություն իրականացնող հարկ վճարողները:

10. 7.4-րդ տողը լրացնում են թանկարժեք մետաղների և քարերի, ինչպես նաև դրանցից իրերի արտադրություն իրականացնող հարկ վճարողները:

11. 7.5-րդ տողը լրացնում են գյուղատնտեսական մթերքի արտադրություն իրականացնող հարկ վճարողները:

12. 7.6-րդ տողը լրացնում են ալկոհոլային խմիչքների արտադրություն իրականացնող հարկ վճարողները:

13. 8-րդ տողը լրացնում են շինարարության ոլորտում գործունեություն իրականացնող հարկ վճարողները (այդ թվում` նաև քաղաքաշինական փաստաթղթերի մշակում և փորձաքննություն իրականացնողները)` առանց ենթակապալային պայմանագրերով կատարված աշխատանքների:

14. 9.1-ին տողը լրացնում են հաստատագրված վճարներով հարկման ռեժիմով առևտուր իրականացնող հարկ վճարողները, բացառությամբ 9.6-րդ տողում նշվածի:

15. 9.2-րդ տողը լրացնում են առևտրի հարկով հարկման ռեժիմով առևտուր իրականացնող հարկ վճարողները:

16. 9.3-րդ տողը լրացնում են ընդհանուր հարկման ռեժիմով առևտուր իրականացնող հարկ վճարողները:

17. 9.4-րդ տողը լրացնում են դեղերի և բժշկական նշանակության այլ ապրանքների առևտուր իրականացնող հարկ վճարողները:

18. 9.5-րդ տողը լրացնում են բենզինի և դիզելային վառելիքի առևտուր իրականացնող հարկ վճարողները:

19. 9.6-րդ տողը լրացնում են ավտոտրանսպորտային միջոցների գազալցման (գազալիցքավորման) գործունեություն իրականացնող հարկ վճարողները:

20. 10-րդ տողը լրացնում են տրանսպորտի ոլորտում գործունեություն իրականացնող հարկ վճարողները:

21. 11-րդ տողը լրացնում են էներգետիկայի ոլորտում գործունեություն իրականացնող հարկ վճարողները:

22. 12-րդ տողը լրացնում են հեռահաղորդակցության ոլորտում գործունեություն իրականացնող հարկ վճարողները:

23. 13.1-ին տողը լրացնում են սպասարկման ծառայությունների մատուցման գործունեություն (կոշիկի, կենցաղային իրերի նորոգում, անշարժ գույքի հետ կապված ծառայությունների մատուցում, համակարգչային խաղերի, գեղեցկության սրահների, ավտոտեխսպասարկման կետերի, լուսանկարչական լաբորատորիաների, թատերական, համերգային գործունեություններ և այլն) իրականացնող հարկ վճարողները, բացառությամբ 13.2-րդ և 13.3-րդ տողերում նշվածների:

24. 13.2-րդ տողը լրացնում են հանրային սննդի ոլորտում գործունեություն իրականացնող հարկ վճարողները:

25. 13.3-րդ տողը լրացնում են հյուրանոցային ծառայությունների մատուցման գործունեություն իրականացնող հարկ վճարողները:

26. 14-րդ տողը լրացնում են ֆինանսական ծառայությունների ոլորտում գործունեություն իրականացնող հարկ վճարողները:

27. 15-րդ տողը լրացնում են պետական հատվածի կազմակերպությունները (պետական կառավարչական հիմնարկները և համայնքների ղեկավարների աշխատակազմերը), բացառությամբ 16-րդ տողում նշված ոլորտում գործունեություն իրականացնող պետական կառավարչական հիմնարկների:

28. 16-րդ տողը լրացնում են կրթության ոլորտում գործունեություն իրականացնող հարկ վճարողները:

29. 17-րդ տողը լրացնում են առողջապահության ոլորտում գործունեություն իրականացնող հարկ վճարողները:

30. 18-րդ տողը լրացնում են արհեստակցական կազմակերպությունները, հասարակական միավորումները և հիմնադրամները:

31. 19-րդ տողը լրացնում են այն հարկ վճարողները, ովքեր կնքել են ենթակապալային պայմանագրեր` նշելով ենթակապալառուի կողմից կապալային պայմանագրի շրջանակներում կատարված աշխատանքների, մատակարարված ապրանքների և մատուցված ծառայությունների իրացման շրջանառությունները:

32. «Հաշվարկված հարկերը և այլ պարտադիր վճարները տարվա սկզբից աճողական կարգով» սյունակում լրացվում են ըստ գործունեության տեսակների հարկ վճարողի կողմից հաշվարկված շահութահարկի, եկամտային հարկի, ակցիզային հարկի, ավելացված արժեքի հարկի, հաստատագրված վճարների, առևտրի հարկի, ավտոմոբիլային ճանապարհների շինարարության, նորոգման և պահպանման համար կատարվող հատկացումների, բնապահպանական և բնօգտագործման վճարների (այդ թվում` ռոյալթիի) և հանրային ծառայությունների կարգավորման պարտադիր վճարների գումարները:

Մեկից ավելի գործունեության տեսակներով զբաղվելու դեպքերում`

1) կառավարման ապարատի աշխատավարձից և դրան հավասարեցված այլ վճարումներից պահված եկամտային հարկը ներկայացվում է համամասնական կարգով.

2) ավելացված արժեքի հարկի և շահութահարկի (անհատ ձեռնարկատիրոջ տարեկան եկամուտներից հաշվարկվող եկամտային հարկի) գումարները ներկայացվում են ընդհանուր գործունեության մեջ տվյալ գործունեության տեսակի տեսակարար կշռով:

ՀԱՇՎԵՏՎՈՒԹՅՈՒՆ

ԸՍՏ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ՎԱՅՐԵՐԻ

ԱՊՐԱՆՔԱՆՅՈՒԹԱԿԱՆ ԱՐԺԵՔՆԵՐԻ ՇԱՐԺԻ ՎԵՐԱԲԵՐՅԱԼ

Հարկային մարմին առձեռն ներկայացվելու դեպքում, հաշվետվությունը լրացվում է երկու օրինակից: Հարկային մարմնի կողմից գրանցվելուց հետո մեկ օրինակը հանձնվում է հարկ վճարողին:

1. 1-ին տողում հարկային մարմնի կողմից լրացվում է իրավաբանական անձի կամ անհատ ձեռնարկատիրոջ անձնական գործում տվյալ փաստաթղթի հերթական համարը:

2. 2-րդ տողում լրացվում է հարկ վճարողի հաշվառման համարը (ՀՎՀՀ):

3. 3-րդ տողում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը:

4. 4-րդ տողում լրացվում է իրավաբանական անձի կամ անհատ ձեռնարկատիրոջ գործունեության իրականացման վայրի (կետի) հասցեն:

5. 5-րդ տողում լրացվում է այն հաշվետու ժամանակաշրջանը, որի համար ներկայացվում է հաշվետվությունը:

6. 3-րդ սյունակում լրացվում է ապրանքանյութական արժեքների մնացորդը` իրացման գներով, հաշվետու ժամանակաշրջանի սկզբին:

7. 4-րդ սյունակում լրացվում է հաշվետու ժամանակաշրջանում ձեռք բերված և (կամ) արտադրված ապրանքանյութական արժեքների արժեքը` իրացման գներով:

8. 5-րդ և 6-րդ սյունակներում լրացվում են համապատասխանաբար` կանխիկ վճարմամբ և բանկային փոխանցմամբ (այդ թվում` անհատույց) իրացման շրջանառությունները:

9. 7-րդ և 8-րդ սյունակները լրացվում են ապրանքանյութական արժեքների գումարային և քանակական շեղումների (դրական կամ բացասական) դեպքում (գնային փոփոխություններ, պատահական կորուստներ և այլն):

10. 9-րդ սյունակում լրացվում է ապրանքանյութական արժեքների ներտնտեսական (ներարտադրական) սպառումը` դրամական արտահայտությամբ:

11. 10-րդ սյունակում լրացվում է ապրանքանյութական արժեքների շարժը հարկ վճարողի գործունեության իրականացման տարբեր վայրերի միջև:

Ներքին տեղաշարժի ենթարկվող ապրանքանյութական արժեքների ելքի դեպքում հաշվետվության 10-րդ սյունակում գումարը լրացվում է «-» նշանով:

12. 11-րդ սյունակում լրացվում է 3-րդ, 4-րդ, 7-րդ և 10-րդ սյունակներում նշված թվերի հանրագումարի և 5-րդ, 6-րդ, 8-րդ և 9-րդ սյունակներում նշված թվերի տարբերությունը (սյունակ [11] = սյունակ [3] + սյունակ [4] - սյունակ [5] - սյունակ [6] + սյունակ [7] - սյունակ [8] - սյունակ [9] ± սյունակ [10]):

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ԳՐԱՆՑՎԱԾ ՀԱՐԿ ՎՃԱՐՈՂՆԵՐԻ ԿՈՂՄԻՑ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՌԱՔՎԱԾ (ՏՐԱՄԱԴՐՎԱԾ)

ՊԱՏՐԱՍՏԻ ԱՐՏԱԴՐԱՆՔԻ ԿԱՄ ԱՊՐԱՆՔՆԵՐԻ ՀԱՄԱՐ ԴՈՒՐՍ ԳՐՎԱԾ

ՀԱՇՎԱՐԿԱՅԻՆ ՓԱՍՏԱԹՂԹԵՐԻ ՎԵՐԱԲԵՐՅԱԼ

Հարկային մարմին առձեռն ներկայացվելու դեպքում, տեղեկանքը լրացվում է երկու օրինակից: Հարկային մարմնի կողմից գրանցվելուց հետո մեկ օրինակը հանձնվում է հարկ վճարողին:

1. 1-ին տողում հարկային մարմնի կողմից լրացվում է իրավաբանական անձի կամ անհատ ձեռնարկատիրոջ անձնական գործում տվյալ փաստաթղթի հերթական համարը:

2. 2-րդ տողում լրացվում է հարկ վճարողի հաշվառման համարը (ՀՎՀՀ):

3. 3-րդ տողում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը:

4. 4-րդ տողում լրացվում է իրավաբանական անձի կամ անհատ ձեռնարկատիրոջ գտնվելու վայրը:

5. 5-րդ տողում լրացվում է այն հաշվետու ժամանակաշրջանը, որի համար ներկայացվում է տեղեկանքը:

6. 1-ին սյունակում լրացվում է տողի հերթական համարը, 2-րդ սյունակում` այն իրավաբանական անձի անվանումը կամ անհատ ձեռնարկատիրոջ անունը, ազգանունը, որին հաշվետու ժամանակաշրջանում դուրս է գրվել հաշվարկային փաստաթուղթ, իսկ 3-րդ սյունակում` վերջինիս հարկ վճարողի հաշվառման համարը (ՀՎՀՀ):

7. 4-րդ սյունակում լրացվում է դուրս գրված հաշվարկային փաստաթղթի համարը, 5-րդ սյունակում` հաշվարկային փաստաթղթի դուրսգրման ամսաթիվը, իսկ 6-րդ սյունակում` դուրս գրված հաշվարկային փաստաթղթում նշված գումարը` ներառյալ անուղղակի հարկերը:

8. 7-րդ սյունակը լրացվում է այն դեպքում, երբ գործարքի իրականացման ամսաթիվն ընդգրկող հաշվետու ժամանակաշրջանը տարբերվում է հաշվարկային փաստաթղթի դուրսգրման հաշվետու ժամանակաշրջանից, որի դեպքում սյունակում լրացվում է գործարքի իրականացման ամսաթիվն ընդգրկող հաշվետու ժամանակաշրջանը:

Բաժին 1. Իրավաբանական անձանց և անհատ ձեռնարկատերերի նկատմամբ

առկա դեբիտորական և (կամ) կրեդիտորական պարտքի գումարը

Հարկային մարմին առձեռն ներկայացվելու դեպքում, տեղեկանքը լրացվում է երկու օրինակից: Հարկային մարմնի կողմից գրանցվելուց հետո մեկ օրինակը հանձնվում է հարկ վճարողին:

1. 1-ին տողում հարկային մարմնի կողմից լրացվում է իրավաբանական անձի կամ անհատ ձեռնարկատիրոջ անձնական գործում տվյալ փաստաթղթի հերթական համարը:

2. 2-րդ տողում լրացվում է հարկ վճարողի հաշվառման համարը (ՀՎՀՀ):

3. 3-րդ տողում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը:

4. 4-րդ տողում լրացվում է իրավաբանական անձի կամ անհատ ձեռնարկատիրոջ գտնվելու վայրը:

5. 5-րդ տողում լրացվում է այն հաշվետու ժամանակաշրջանը, որի համար ներկայացվում է տեղեկանքը:

6. 1-ին բաժնի 1-ին սյունակում լրացվում է տողի հերթական համարը, 2-րդ սյունակում` դեբիտոր և (կամ) կրեդիտոր իրավաբանական անձի անվանումը կամ անհատ ձեռնարկատիրոջ անունը, ազգանունը, իսկ 3-րդ սյունակում` վերջինիս հարկ վճարողի հաշվառման համարը (ՀՎՀՀ):

7. 1-ին բաժնի 4-րդ և 5-րդ սյունակներում համապատասխանաբար լրացվում է հաշվետու ժամանակաշրջանի վերջին օրվա դրությամբ առկա դեբիտորական և կրեդիտորական պարտքի գումարը:

8. 1-ին բաժնի 6-րդ սյունակում լրացվում է դեբիտորական կամ կրեդիտորական պարտքի առաջացման ժամկետը:

9. 2-րդ բաժնում լրացվում է հաշվետու ժամանակաշրջանի վերջին օրվա դրությամբ բնակչության նկատմամբ առկա դեբիտորական և (կամ) կրեդիտորական պարտքի գումարը: