Ղեկավարվելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածով և հիմք ընդունելով Լեռնային Ղարաբաղի Հանրապետության կառավարության 2005 թվականի հունիսի 28-ի N 289 որոշումը`

Հ Ր Ա Մ Ա Յ ՈՒ Մ ԵՄ`

1. Լեռնային Ղարաբաղի Հանրապետության կառավարությանն առընթեր զբոսաշրջության վարչության 2009 թվականի փետրվարի 3-ի «Զբոսավարի և ուղեկցորդի որակավորման և լիցենզավորման հանձնաժողովի կանոնադրությունը, զբոսավարի և ուղեկցորդի որակավորման վկայականների ձևերը հաստատելու, որակավորման և լիցենզավորման հանձնաժողով ստեղծելու մասին» թիվ ԱԳՎ 04-Ն հրամանում կատարել հետևյալ փոփոխությունները.

1) հրամանով հաստատված թիվ 1, 2 և 3 հավելվածներում «Լեռնային Ղարաբաղի Հանրապետության էկոնոմիկայի նախարար» և «Լեռնային Ղարաբաղի Հանրապետության էկոնոմիկայի նախարարություն» բառերը բոլոր հոլովաձևերով փոխարինել «Արցախի Հանրապետության մշակույթի, երիտասարդության հարցերի և զբոսաշրջության նախարար» և «Արցախի Հանրապետության մշակույթի, երիտասարդության հարցերի և զբոսաշրջության նախարարություն» բառերի համապատասխան հոլովաձևերով.

2) հրամանով հաստատված թիվ 4 հավելվածը շարադրել նոր խմբագրությամբ` համաձայն հավելվածի.

3) Արցախի Հանրապետության մշակույթի, երիտասարդության հարցերի և զբոսաշրջության նախարարության աշխատակազմի քարտուղարության իրավաբան-գլխավոր մասնագետ Գ. Վերդյանին` սույն հրամանն Արցախի Հանրապետության օրենսդրությամբ սահմանված կարգով ներկայացնել Արցախի Հանրապետության արդարադատության նախարարություն` պետական գրանցման:

1. Արցախի Հանրապետության մշակույթի, երիտասարդության հարցերի և զբոսաշրջության նախարարության աշխատակազմի զբոսաշրջության և պատմական միջավայրի պահպանության վարչության զբոսաշրջային ենթակառուցվածքների ծրագրերի և վերահսկողության բաժնի պետ (հանձնաժողովի նախագահ)

2. Արցախի Հանրապետության մշակույթի, երիտասարդության հարցերի և զբոսաշրջության նախարարության աշխատակազմի զբոսաշրջության և պատմական միջավայրի պահպանության վարչության զբոսաշրջային ենթակառուցվածքների ծրագրերի և վերահսկողության բաժնի առաջատար մասնագետ (հանձնաժողովի քարտուղար)

3. Արցախի Հանրապետության մշակույթի, երիտասարդության հարցերի և զբոսաշրջության նախարարության աշխատակազմի ծրագրերի կառավարիչ (հանձնաժողովի անդամ)

4. Ներկայացուցիչ` զբոսաշրջության բնագավառում գործունեություն իրականացնող կազմակերպություններից (համաձայնությամբ)

5. Ներկայացուցիչ` գիտական կազմակերպություններից, «Արցախի պետական համալսարան» պետական ոչ առևտրային կազմակերպությունից (համաձայնությամբ)

6. Ներկայացուցիչ` ԱՀ կրթության, գիտության և սպորտի նախարարությունից (համաձայնությամբ):»