ԱՐՑԱԽԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ

ԿՈՄԻՏԵԻ ՆԱԽԱԳԱՀ

2021 թվականի նոյեմբերի 8-ի

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ

2016 ԹՎԱԿԱՆԻ ՀՈՒՆՎԱՐԻ 11-Ի N 5-Ն ՀՐԱՄԱՆՈՒՄ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

N 252-Ն

Հ Ր Ա Մ Ա Ն

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝

ՀՐԱՄԱՅՈՒՄ ԵՄ՝

1. Լեռնային Ղարաբաղի Հանրապետության ֆինանսների նախարարի 2016 թվականի հունվարի 11-ի «Հարկ վճարողների հավաստագրման կարգը սահմանելու մասին» N 5-Ն հրամանում կատարել հետևյալ փոփոխությունները և լրացումները.

1) հրամանի նախաբանից, հրամանով սահմանված հավելվածի 1-ին կետից, 2-րդ կետի 2-րդ ենթակետից, 8-րդ, 12-րդ կետերից, N 1 ձևից, N 2 ձևի աղյուսակից ու 7-րդ կետից և N 3 ձևից «օրենքի» բառերից առաջ հանել «Լեռնային Ղարաբաղի Հանրապետության» բառերը,

2) հրամանի 3-րդ կետից հանել «, հսկողական» բառը,

3) հրամանի 4-րդ, հրամանով սահմանված հավելվածի 11-րդ և 12-րդ կետերում «օպերատիվ» բառերից առաջ լրացնել «հետաքննության և» բառերը,

4) հրամանով սահմանված հավելվածում`

ա. 9-րդ կետից և N 2 ձևի 6-րդ կետից «օրենքով» բառերից առաջ հանել «Լեռնային Ղարաբաղի Հանրապետության» բառերը,

բ. լրացնել հետևյալ բովանդակությամբ 10.1-10.4-րդ կետեր.

«10.1. Հավաստագրի գործողության ընթացքում գործունեությունը ժամանակավոր դադարեցնելու դեպքում հարկ վճարողը կարող է հաշվառման վայրի հարկային մարմին ներկայացնել դիմում՝ հավաստագրի գործողության կասեցման համար` վերադարձնելով հավաստագրի իր օրինակը:

10.2. Դիմումը ստանալուց մեկ աշխատանքային օրվա ընթացքում հաշվառման վայրի հարկային մարմինը տեղեկատվական բազայում կասեցնում է հավաստագրի գործողությունը՝ դիմումը ներկայացնելու ամսվան հաջորդող ամսվանից մինչև հավաստագրով ներառված ժամկետի ավարտը:

10.3. Սույն կարգի 10.1-ին կետում նշված հարկ վճարողները գործունեությունը վերսկսելիս առնվազն մեկ աշխատանքային օր առաջ դիմում են ներկայացնում հաշվառման վայրի հարկային մարմին` հավաստագրի գործողությունը կասեցումից հանելու նպատակով:

10.4. Դիմումը ստանալուց մեկ աշխատանքային օրվա ընթացքում հաշվառման վայրի հարկային մարմինը նախորդ հավաստագրում ներառված՝ արտոնությունից չօգտված ամիսների համար հարկ վճարողին տրամադրում է նոր հավաստագիր:»,

գ. 12-րդ կետում «Օպերատիվ» բառը փոխարինել «Հետաքննության և օպերատիվ» բառերով,

դ. 12-14-րդ կետերում «Լեռնային Ղարաբաղի Հանրապետության ֆինանսների նախարար» բառերի հոլովաձևերը փոխարինել «Արցախի Հանրապետության պետական եկամուտների կոմիտեի նախագահ» բառերի համապատասխան հոլովաձևերով,

ե. N 1 ձևում «Լեռնային Ղարաբաղի Հանրապետության օրենսդրության» բառերը փոխարինել «Արցախի Հանրապետության օրենսդրության» բառերով,

զ. N 2 ձևի 4-րդ կետում «Լեռնային Ղարաբաղի» բառերը փոխարինել «Արցախի» բառով,

է. N 2 ձևի 7-րդ կետում ««ժգ»» բառից առաջ լրացնել ««գ.1»,» բառը,

ը. N 3 ձևում «Լեռնային Ղարաբաղի Հանրապետության ֆինանսների նախարարություն» բառերը փոխարինել «Արցախի Հանրապետության պետական եկամուտների կոմիտե» բառերով: