Գրանցված է Լեռնային Ղարաբաղի Հանրապետության արդարադատության նախարարության կողմից 2016 թվականի հունվարի 26-ին Պետական գրանցման համար 1111611

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

 

Հ Ր Ա Մ Ա Ն

 

11 հունվարի 2016թ.

N 5-Ն

 ք.Ստեփանակերտ

 

ՀԱՐԿ ՎՃԱՐՈՂՆԵՐԻ ՀԱՎԱՍՏԱԳՐՄԱՆ ԿԱՐԳԸ

ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Հարկերի մասին» օրենքի 20.2-րդ հոդվածը`

(նախաբանը փոփ. 08.11.21 N 252-Ն)

 

Հ Ր Ա Մ Ա Յ ՈՒ Մ  Ե Մ

 

1. Սահմանել հարկ վճարողների հավաստագրման կարգը` համաձայն հավելվածի:

2. Համակարգչային ծրագրերի մշակման և սպասարկման բաժնին` ապահովել հավաստագրերի տրամադրման ծրագրային մշակումն ու ամփոփումը:

3. Տրամադրված հավաստագրերի վերաբերյալ տեղեկությունների ամփոփումը վերադաս հարկային մարմնում վերապահել կազմակերպական և եկամուտների հաշվառման վարչությանը:

(3-րդ կետը փոփ. 08.11.21 N 252-Ն)

4. Սույն հրամանի կատարման նկատմամբ հսկողությունը դնել հետաքննության և օպերատիվ հետախուզության վարչության վրա:

(4-րդ կետը լրաց. 08.11.21 N 252-Ն)

 

 

Ս. ԹԵՎՈՍՅԱՆ

 

 

Հավելված Լեռնային Ղարաբաղի Հանրապետության ֆինանսների նախարարի 2016 թ. հունվարի 11-ի N 5-Ն հրամանի

 

Կ Ա Ր Գ

ՀԱՐԿ ՎՃԱՐՈՂՆԵՐԻ ՀԱՎԱՍՏԱԳՐՄԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով կարգավորվում են «Հարկերի մասին» օրենքի 20.2-րդ հոդվածով սահմանված` սկսնակ հարկ վճարողներին հարկային արտոնություններից օգտվելու նպատակով հավաստագրման կարգի հետ կապված հարաբերություններն ու պայմանները:

(1-ին կետը փոփ. 08.11.21 N 252-Ն)

 

II. ՀԱՎԱՍՏԱԳՐՄԱՆ ՀԱՄԱՐ ԴԻՄՈՒՄՆԵՐԻ ՆԵՐԿԱՅԱՑՄԱՆ

ԸՆԹԱՑԱԿԱՐԳԸ ԵՎ ՀԱՎԱՍՏԱԳՐԻ ՏՐԱՄԱԴՐՈՒՄԸ

 

2. Հարկ վճարողները հավաստագիր ստանալու համար թղթային եղանակով հաշվառման վայրի հարկային մարմին են ներկայացնում`

1) դիմում հավաստագիր ստանալու մասին` համաձայն N 1 ձևի.

2) հայտարարություն «Հարկերի մասին» օրենքի 20.2-րդ հոդվածի պահանջները բավարարելու մասին` համաձայն N 2 ձևի:

(2-րդ կետը փոփ. 08.11.21 N 252-Ն)

3. Հարկ վճարողները հավաստագրման համար պարտավոր են դիմել մինչև գործունեություն սկսելը:

4. Հաշվառման վայրի հարկային մարմինը դիմումի ստացման օրվա ընթացքում ուսումնասիրում է դիմումն ու կից ներկայացված փաստաթղթերը և թերություններ չհայտնաբերելու դեպքում մեկ աշխատանքային օրվա ընթացքում հարկ վճարողին տրամադրում հավաստագիր` համաձայն N 3 ձևի:

Փաստաթղթերը ամբողջական չլինելու դեպքում հաշվառման վայրի հարկային մարմինը մեկ աշխատանքային օրվա ընթացքում գրավոր տեղեկացնում է հարկ վճարողին:

5. Հարկ վճարողը կարող է վերացնել հայտնաբերված թերությունները և փաստաթղթերը գրավոր ներկայացնել հաշվառման վայրի հարկային մարմին:

6. Հավաստագիրը տրամադրվում է պատշաճ ձևով՝ առձեռն` ստացականով կամ պատվիրված նամակով՝ հանձնման մասին ծանուցմամբ:

7. Հաշվառման վայրի հարկային մարմինը հարկ վճարողներին տրամադրված հավաստագրերի մասով վարում է էլեկտրոնային գրանցամատյան` համաձայն N 4 ձևի:

8. Հավաստագրի տրամադրման մերժումը և գործողության դադարեցումն իրականացվում է բացառապես «Հարկերի մասին» օրենքի 20.2-րդ հոդվածի 2-րդ մասով սահմանված հիմքերով:

(8-րդ կետը փոփ. 08.11.21 N 252-Ն)

9. Հավաստագրի գործողության ընթացքում «Առևտրի հարկի մասին» օրենքով սահմանված` առևտրի հարկով հարկվող գործունեությունից իրացման շրջանառությունը 30 000 000 ՀՀ դրամը գերազանցելու դեպքում հարկ վճարողը պարտավոր է հաշվառման վայրի հարկային մարմին ներկայացնել դիմում հավաստագրի գործողության փոփոխության կամ դադարեցման մասին` համաձայն N 5 ձևի:

Դիմումը ներկայացվում է մինչև տվյալ հաշվետու ժամանակահատվածի համար առևտրի հարկի հաշվարկի ներկայացումը, բայց առևտրի հարկի ներկայացման վերջնաժամկետից ոչ ուշ:

(9-րդ կետը փոփ. 08.11.21 N 252-Ն)

10. Դիմումը ստանալուց մեկ աշխատանքային օրվա ընթացքում հաշվառման վայրի հարկային մարմինը տեղեկատվական բազայում կատարում է համապատասխան փոփոխություն կամ դադարեցնում հավաստագրի գործողությունը:

10.1. Հավաստագրի գործողության ընթացքում գործունեությունը ժամանակավոր դադարեցնելու դեպքում հարկ վճարողը կարող է հաշվառման վայրի հարկային մարմին ներկայացնել դիմում՝ հավաստագրի գործողության կասեցման համար` վերադարձնելով հավաստագրի իր օրինակը:

(10.1-ին կետը լրաց. 08.11.21 N 252-Ն)

10.2. Դիմումը ստանալուց մեկ աշխատանքային օրվա ընթացքում հաշվառման վայրի հարկային մարմինը տեղեկատվական բազայում կասեցնում է հավաստագրի գործողությունը՝ դիմումը ներկայացնելու ամսվան հաջորդող ամսվանից մինչև հավաստագրով ներառված ժամկետի ավարտը:

(10.2-րդ կետը լրաց. 08.11.21 N 252-Ն)

10.3. Սույն կարգի 10.1-ին կետում նշված հարկ վճարողները գործունեությունը վերսկսելիս առնվազն մեկ աշխատանքային օր առաջ դիմում են ներկայացնում հաշվառման վայրի հարկային մարմին` հավաստագրի գործողությունը կասեցումից հանելու նպատակով:

(10.3-րդ կետը լրաց. 08.11.21 N 252-Ն)

10.4. Դիմումը ստանալուց մեկ աշխատանքային օրվա ընթացքում հաշվառման վայրի հարկային մարմինը նախորդ հավաստագրում ներառված՝ արտոնությունից չօգտված ամիսների համար հարկ վճարողին տրամադրում է նոր հավաստագիր:

(10.4-րդ կետը լրաց. 08.11.21 N 252-Ն)

11. Հաշվառման վայրի հարկային մարմինը յուրաքանչյուր օրվա ընթացքում տրամադրված հավաստագրերի վերաբերյալ գրանցամատյանում գրառված տեղեկությունները էլեկտրոնային եղանակով մեկ աշխատանքային օրվա ընթացքում ներկայացնում է հետաքննության և օպերատիվ հետախուզության վարչությանը:

(11-րդ կետը լրաց. 08.11.21 N 252-Ն)

12. Հետաքննության և օպերատիվ հետախուզության վարչությունը «Հարկերի մասին» օրենքի 20.2-րդ հոդվածի 2-րդ մասի 4-րդ կետով սահմանված հիմքերի ճշտման նպատակով հնգօրյա ժամկետում ուսումնասիրում է տրամադրված հավաստագրերի վերաբերյալ ներկայացված տեղեկությունը և խախտումներ չհայտնաբերելու դեպքում գրավոր տեղեկացնում հաշվառման վայրի հարկային մարմնին: Խախտումներ հայտնաբերելու դեպքում հետաքննության և օպերատիվ հետախուզության վարչությունը Արցախի Հանրապետության պետական եկամուտների կոմիտեի նախագահին է ներկայացնում եզրակացություն` հավաստագրի գործողությունը դադարեցնելու վերաբերյալ:

(12-րդ կետը փոփ., լրաց. 08.11.21 N 252-Ն)

13. Արցախի Հանրապետության պետական եկամուտների կոմիտեի նախագահի կողմից կայացվում է որոշում` հարկ վճարողին փոխկապակցված ճանաչելու մասին, եթե ներկայացված եզրակացությամբ հիմնավորվում է, որ առկա են բավարար հիմքեր փոխկապակցված անձանց կողմից ընդհանուր տնտեսական շահերից ելնելով համաձայնեցված գործելու վերաբերյալ որոշում կայացնելու համար:

(13-րդ կետը փոփ. 08.11.21 N 252-Ն)

14. Արցախի Հանրապետության պետական եկամուտների կոմիտեի նախագահի որոշմամբ փոխկապակցված համարված անձանց որոշման պատճենի հանձնումն իրականացվում է հաշվառման վայրի հարկային մարմնի կողմից` որոշումն ընդունելու օրվան հաջորդող երեք աշխատանքային օրվա ընթացքում: Որոշման պատճենը հանձնվում է պատշաճ ձևով՝ առձեռն` ստացականով կամ պատվիրված նամակով՝ հանձնման մասին ծանուցմամբ: Հարկ վճարողը որոշման պատճենը ստանալուց մեկ աշխատանքային օրվա ընթացքում պարտավոր է հետ վերադարձնել հավաստագրի իր օրինակը:

(14-րդ կետը փոփ. 08.11.21 N 252-Ն)

15. Հաշվառման վայրի հարկային մարմնի կողմից հարկ վճարողին փոխկապակցված ճանաչելու մասին որոշման հիման վրա մեկ աշխատանքային օրվա ընթացքում տեղեկատվական բազայում կատարվում է հավաստագրի գործողության դադարեցում:

(հավելվածը փոփ., լրաց. 08.11.21 N 252-Ն)

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ
ԱՇԽԱՏԱԿԱԶՄԻ ՂԵԿԱՎԱՐ	Հ. ԱԼԵՔՍԱՆՅԱՆ

 

 

Ձև N 1

 

Դ Ի Մ Ո Ւ Մ

ՀԱՎԱՍՏԱԳԻՐ ՍՏԱՆԱԼՈՒ ՄԱՍԻՆ

 

1. Իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը, ազգանունը, հարկ վճարողի հաշվառման համարը ______________________________________________________________

___________________________________________________________________________________________

 

2. Իրավաբանական անձի գտնվելու վայրը կամ անհատ ձեռնարկատիրոջ (ֆիզիկական անձի) բնակության հասցեն

___________________________________________________________________________________________

 

3. Գործունեության իրականացման վայրը, հեռախոսահամարը ________________________________________

___________________________________________________________________________________________

 

4. Գործունեության տեսակների մանրամասն նկարագրությունը________________________________________

____________________________________________________________________________________________

____________________________________________________________________________________________

____________________________________________________________________________________________

____________________________________________________________________________________________

____________________________________________________________________________________________

____________________________________________________________________________________________

 

Կից ներկայացվում է «Հարկերի մասին» օրենքի 20.2-րդ հոդվածի պահանջները բավարարելու մասին հայտարարություն:

 

Ներկայացված տեղեկությունների իսկությունը հաստատում եմ և երաշխավորում, որ այն համապատասխանում է Արցախի Հանրապետության օրենսդրության պահանջներին:

 

_________________________________________________________________________________

տնօրենի կամ անհատ ձեռնարկատիրոջ (ֆիզիկական անձի) ստորագրությունը, անունը, ազգանունը

 

____ _______________ 20   թ.

(ձև 1-ը փոփ. 08.11.21 N 252-Ն)

 

Ձև N 2

 

ՀԱՅՏԱՐԱՐՈՒԹՅՈՒՆ («Հարկերի մասին» օրենքի 20.2-րդ հոդվածի պահանջները բավարարելու մասին)	Փաստաթղթի հերթական համարը` ___________________________________ (լրացվում է հարկային մարմնի կողմից)
Իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը և ազգանունը
Պետական գրանցման (հաշվառման) համարը
Հարկ վճարողի հաշվառման համարը (ՀՎՀՀ)
Գտնվելու (բնակության) վայրը

 

Սույնով հայտարարում եմ, որ`____________________________________________________________

իրավաբանական անձի անվանումը կամ

___________________________________________________________________________________

անհատ ձեռնարկատիրոջ (ֆիզիկական անձի) անունը և ազգանունը

 

1) չի ստեղծվել այլ հարկ վճարողի վերակազմակերպման արդյունքում կամ այլ հարկ վճարողի դուստր ընկերություն չէ.

2) չի հաշվառվել գործունեության դադարեցումից հետո և չի գործում նախկինում տրամադրված հարկ վճարողի հաշվառման համարի ներքո.

3) կանոնադրական կապիտալում բաժնետոմսերի, բաժնեմասերի կամ փայերի սեփականատերը չունի այլ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժին (բաժնետոմս, բաժնեմաս), որը դիմումի ներկայացման պահին իրականացնում է նույնատիպ գործունեություն.

4) Արցախի Հանրապետության տարածքից դուրս գործունեություն չի իրականացնում.

5) մինչև սույն հայտարարության ներկայացումը չի իրականացրել որևէ տեսակի ձեռնարկատիրական գործունեություն.

6) «Առևտրի հարկի մասին» օրենքով սահմանված` առևտրի հարկով հարկվող գործունեությունից իրացման շրջանառությունը հավաստագրի գործողության ժամկետում 30 000 000 ՀՀ դրամը գերազանցելու դեպքում պարտավորվում է տվյալ հաշվետու ժամանակահատվածի համար առևտրի հարկի հաշվարկի ներկայացման վերջնաժամկետից ոչ ուշ սահմանված ձևով տեղեկացնել հաշվառման վայրի հարկային մարմնին.

7) տեղյակ է, որ «Հաստատագրված վճարների մասին» օրենքի 7-րդ հոդվածի «գ.1», «ժգ», «ժդ», «ժդ¹», «ժէ» և (կամ) «ժը» կետերով գործունեության իրականացման մասով «Հարկերի մասին» օրենքի 20.2-րդ հոդվածով սահմանված արտոնությունը չի գործում:

 

________________________________________________________________________________________

տնօրենի կամ անհատ ձեռնարկատիրոջ (ֆիզիկական անձի) անունը, ազգանունը, ստորագրությունը

(ձև 2-ը փոփ., լրաց. 08.11.21 N 252-Ն)

 

Ձև N 3

 

Արցախի Հանրապետության պետական եկամուտների կոմիտե   Հ Ա Վ Ա Ս Տ Ա Գ Ի Ր N _______   (հարկային արտոնություններից օգտվելու իրավունքը հաստատող փաստաթուղթ)   Տրված «_____» __________________20     թ.   Սույն հավաստագիրը տրվում է _________________________________________________________________________________  իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը, ազգանունը _________________________________________________________________________________ պետական գրանցման (հաշվառման) համարը _________________________________________________________________________________ հարկ վճարողի հաշվառման համարը (ՀՎՀՀ) և ամսաթիվը _________________________________________________________________________________ գտնվելու (գործունեության) վայրը   և հավաստում է այն մասին, որ «____» __________________20    թ.-ից մինչև «____»_____________20    թ.-ը ազատվում է (հավաստագրի գործողության ժամկետը)   առևտրի հարկի վճարումից (30 000 000 ՀՀ դրամ իրացման շրջանառությունը չգերազանցող մասով) հետևյալ առևտրական գործունեության տեսակ(ներ)ի մասով` _________________________________________________________________________________ ________________________________________________________________________________ .   հաստատագրված վճարի վճարումից հետևյալ գործունեության տեսակ(ներ)ի մասով` _________________________________________________________________________________ ________________________________________________________________________________.   արտոնագրային վճարի վճարումից հետևյալ գործունեության տեսակ(ներ)ի մասով` _________________________________________________________________________________ ________________________________________________________________________________:   Սույն հավաստագիրը տրված է «Հարկերի մասին» օրենքի 20.2-րդ հոդվածի հիման վրա:   Դիմում` «___» ____________ 20     թ. N ___________   Հաշվառման վայրի հարկային մարմնի ղեկավար                      _______________                  _______________________ Կ.Տ.                                                                     (ստորագրությունը)                                       (անուն, ազգանուն)

(ձև 3-ը փոփ. 08.11.21 N 252-Ն)

 

Ձև N 4

 

Գ Ր Ա Ն Ց Ա Մ Ա Տ Յ Ա Ն

ՏՐԱՄԱԴՐՎԱԾ ՀԱՎԱՍՏԱԳՐԵՐԻ ՎԵՐԱԲԵՐՅԱԼ

 

Հ/Հ	Իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը, ազգանունը	Պետական գրանցման (հաշվառման) համարը	Հարկ վճարողի		Գտնվելու (գործունեու-թյան) վայրը	Հավաստագրի			Տրամադրված արտոնությունները ըստ
			հաշվառ-ման համարը (ՀՎՀՀ)	ամսա-թիվը		հա-մարը	տրման ամսա-թիվը	գործո-ղության ժամկետը	հարկա-տեսակների	գործունեության տեսակների

 

Ձև N 5

 

Դ Ի Մ Ո Ւ Մ

 

ՀԱՎԱՍՏԱԳՐԻ ԳՈՐԾՈՂՈՒԹՅԱՆ ՓՈՓՈԽՈՒԹՅԱՆ ԿԱՄ

 ԴԱԴԱՐԵՑՄԱՆ ՄԱՍԻՆ

 

Տեղեկացնում եմ, որ ______________________________________________________________________

                                   իրավաբանական անձի անվանումը կամ անհատ ձեռնարկատիրոջ (ֆիզիկական անձի) անունը, ազգանունը

 

«___» ____________ 20     թ. տրված N _____ հավաստագրի գործողության ընթացքում առևտրի հարկով հարկվող շրջանառությունը գերազանցել է 30 000 000 ՀՀ դրամը:

 

Հաշվի առնելով վերոնշյալը` խնդրում եմ «____» _______________ 20    թ. փոփոխել կամ դադարեցնել հավաստագրի գործողությունը:

 

____________________________________________________________________________________________

տնօրենի կամ անհատ ձեռնարկատիրոջ (ֆիզիկական անձի) ստորագրությունը, անունը, ազգանունը

 

___ _________________ 20   թ.