ք. Ստեփանակերտ

Ղեկավարվելով «Հրապարակային սակարկությունների մասին» օրենքի 35.1-րդ հոդվածի 6-րդ մասով.

(նախաբանը փոփ. 23.09.22 N136-Ն)

1. Սահմանել հարկադիր էլեկտրոնային աճուրդի հրապարակային ծանուցման և մասնակիցների գրանցման կարգը` համաձայն հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն կարգով սահմանվում է Արցախի Հանրապետության արդարադատության նախարարության հարկադիր կատարման ծառայության (այսուհետ` Ծառայություն) կողմից անցկացվող հարկադիր էլեկտրոնային աճուրդի հրապարակային ծանուցման և մասնակիցների գրանցման կարգը:

(1-ին կետը փոփ. 23.09.22 N136-Ն)

2. Հարկադիր էլեկտրոնային աճուրդի մասին հրապարակային ծանուցումը հրապարակվում է Ծառայության էլեկտրոնային կայքում (այսուհետ` Կայք), որը պետք է պարունակի «Հրապարակային սակարկությունների մասին» օրենքի 8-րդ հոդվածով նախատեսված տեղեկությունները:

(2-րդ կետը փոփ. 23.09.22 N136-Ն)

3. Հարկադիր էլեկտրոնային աճուրդին մասնակցելու համար մասնակիցը լոտի մեկնարկային գնի 5 տոկոսի չափով նախավճար է սառեցնում էլեկտրոնային պլաստիկ քարտի միջոցով, կամ վճարում Ծառայության ստորաբաժանման դրամարկղ, կամ փոխանցում դեպոզիտ հաշվին:

4. Մասնակցի գրանցումը իրականացվում է էլեկտրոնային համակարգի միջոցով` Կայքում նշված կարգով ներմուծելով էլեկտրոնային պլաստիկ քարտի կամ տվյալները (ծածկանունը և ծածկագիրը):

5. Ծառայության դրամական կամ դեպոզիտ հաշվին նախավճար վճարած մասնակցին Ծառայության կողմից տրվում է աճուրդի մասնակցի քարտ, որում նշվում են քարտի տրման օրը, Ծառայության ինտերնետային Կայքի հասցեն, մասնակցի անունը, ազգանունը, անձնագրային տվյալները, աճուրդի մասնակցի քարտի տվյալները (ծածկանունը և ծածկագիրը):

(հավելվածը փոփ. 23.09.22 N136-Ն)