ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2022 ԹՎԱԿԱՆԻ ՀՈՒՆՎԱՐԻ 25-Ի N 41-Ն ՈՐՈՇՄԱՆ ՄԵՋ

ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Արցախի Հանրապետության կառավարության 2022 թվականի հունվարի 25-ի «Արցախի Հանրապետության առողջապահության նախարարության կողմից որոշ հիվանդություններով տառապող և բնակչության առանձին (հատուկ) խմբերում ընդգրկված Արցախի Հանրապետության որոշ քաղաքացիներին դրամական օգնություն տրամադրելու կարգը հաստատելու և Լեռնային Ղարաբաղի Հանրապետության կառավարության 2013 թվականի հունվարի 29-ի N 23-Ն որոշումն ուժը կորցրած ճանաչելու մասին» N 41-Ն որոշմամբ հաստատված հավելվածի 2-րդ կետում կատարել հետևյալ լրացումները և փոփոխությունները.

1) 3-րդ ենթակետում «գումարը» բառից հետո լրացնել «, իսկ բացառիկ դեպքերում՝ 7 500 000 (յոթ միլիոն հինգ հարյուր հազար) ՀՀ դրամ գումարը» բառերը.

2) 4-րդ ենթակետը շարադրել հետևյալ բովանդակությամբ նոր խմբագրությամբ.

«4) ակնաբանական և քիթ-կոկորդ-ականջաբանական բժշկական օգնության և սպասարկման շրջանակներում նորագույն և թանկարժեք տեխնոլոգիաների կիրառմամբ մատուցվող ծառայությունների, ծնկան հոդի սրսկման նպատակով ձեռք բերված դեղորայքի, վիրուսային հեպատիտ Բ-ի և Ց-ի հիվանդությամբ տառապող անձանց հետազոտությունների ու բուժման նպատակով ձեռք բերված հակավիրուսային դեղորայքի անհրաժեշտ գումարի 50 տոկոսը, որը չպետք է գերազանցի 1 000 000 (մեկ միլիոն) ՀՀ դրամ գումարը.».

3) 8-րդ ենթակետում «։» կետադրական նշանը փոխարինել «.» կետադրական նշանով.

4) 8-րդ ենթակետից հետո լրացնել հետևյալ բովանդակությամբ նոր՝ 9-րդ, 10-րդ և 11-րդ ենթակետեր.

«9) վնասվածքաբանական բժշկական օգնության և սպասարկման շրջանակներում նորագույն և թանկարժեք տեխնոլոգիաների կիրառմամբ մատուցվող ծառայությունների համար անհրաժեշտ գումարի 100 տոկոսը, որը չպետք է գերազանցի 1 000 000 (մեկ միլիոն) ՀՀ դրամ գումարը.

10) երիկամի փոխպատվաստման դիմաց՝ 10 000 000 (տասը միլիոն) ՀՀ դրամը չգերազանցող գումարի չափով.

11) ոսկրածուծի և լյարդի փոխպատվաստման դիմաց՝ 15 000 000 (տասնհինգ միլիոն) ՀՀ դրամը չգերազանցող գումարի չափով։»։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Պաշտոնական հրապարակման օրը՝ 17 հոկտեմբերի 2022 թվական