ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԸ

ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» օրենքի 11-րդ և 17-րդ հոդվածները՝ որոշում եմ.

1. Արցախի Հանրապետության Նախագահի աշխատակազմի քաղաքացիների ընդունելության և զանգերի բաժինը բաժանման ձևով վերակազմակերպել քաղաքացիների ընդունելության բաժնի և զանգերի բաժնի:

2. Զանգերի բաժինը՝ 6 հաստիքային միավորներով, առանձնացնել Արցախի Հանրապետության Նախագահի աշխատակազմից և միացնել «Արցախի Հանրապետության սոցիալական զարգացման և միգրացիայի նախարարության աշխատակազմ» պետական կառավարչական հիմնարկին:

3. Սահմանել, որ քաղաքացիների ընդունելության բաժինը հանդիսանում է Արցախի Հանրապետության Նախագահի աշխատակազմի քաղաքացիների ընդունելության և զանգերի բաժնի՝ ընդունելության մասով, իսկ զանգերի բաժինը՝ զանգերի մասով իրավահաջորդը:

3.1. Արցախի Հանրապետության կառավարությանը՝ քսանօրյա ժամկետում ընդունել սույն հրամանագրից բխող որոշումներ:

(3.1-ին կետը լրաց. 25.01.23 ՆՀ-44-Ն)

4. Արցախի Հանրապետության Նախագահի աշխատակազմի ղեկավարին և Արցախի Հանրապետության սոցիալական զարգացման և միգրացիայի նախարարին՝ մեկամսյա ժամկետում ընդունել համապատասխանաբար սույն հրամանագրից և Արցախի Հանրապետության կառավարության որոշումներից բխող իրավական ակտեր:

(4-րդ կետը խմբ. 25.01.23 ՆՀ-44-Ն)

5. Արցախի Հանրապետության ֆինանսների և էկոնոմիկայի նախարարին՝ մեկամսյա ժամկետում սահմանված կարգով Արցախի Հանրապետության կառավարություն ներկայացնել առաջարկություն Արցախի Հանրապետության պետական բյուջեում սույն հրամանագրով պայմանավորված անհրաժեշտ վերաբաշխումներ կատարելու վերաբերյալ:

(5-րդ կետը փոփ. 25.01.23 ՆՀ-44-Ն)

6. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից։

Պաշտոնական հրապարակման օրը՝ 17 հունվարի 2023 թվական