ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2014 ԹՎԱԿԱՆԻ ՓԵՏՐՎԱՐԻ 11-Ի N 57-Ն ՈՐՈՇՄԱՆ ՄԵՋ ԼՐԱՑՈՒՄ

ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1․ Լեռնային Ղարաբաղի Հանրապետության կառավարության 2014 թվականի փետրվարի 11-ի «Բնակչության կողմից սպառվող էլեկտրաէներգիայի ծախսերի որոշ մասի սուբսիդավորման կարգը և Արցախի Հանրապետության չգազաֆիկացված բնակավայրերի ցանկը հաստատելու մասին» N 57-Ն որոշման մեջ կատարել հետևյալ լրացումը և փոփոխությունները.

1) որոշմամբ հաստատված հավելվածի 4-րդ կետի 1-ին ենթակետում «չափով» բառից հետո լրացնել «, իսկ Արցախի Հանրապետության Շահումյանի շրջանի Չարեքտար բնակավայրում՝ 2023 թվականի համար՝ ամբողջությամբ.» բառերը.

2) որոշմամբ հաստատված N 1 հավելվածի ցանկից հանել՝

ա. «2. ԱՀ ԱՍԿԵՐԱՆԻ ՇՐՋԱՆ» բաժնի 8-րդ տողը,

բ. «7. ԱՀ ՔԱՇԱԹԱՂԻ ՇՐՋԱՆ» բաժինը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2023 թվականի հունվարի 1-ից ծագած հարաբերությունների վրա:

Պաշտոնական հրապարակման օրը՝ 20 փետրվարի 2023 թվական