ք. Ստեփանակերտ

Լեռնային Ղարաբաղի Հանրապետության նախարարների խորհուրդը որոշում է.

1. ԽՍՀՄ կենսաթոշակային ֆոնդի Լեռնային Ղարաբաղի մարզային բաժանմունքը վերակազմավորել Լեռնային Ղարաբաղի Հանրապետության կենսաթոշակային ֆոնդի` որպես Լեռնային Ղարաբաղի Հանրապետության տարածքում սոցիալական ապահովության ֆինանսների կառավարման տնտհաշվարկային, ինքնածախսածածկման և ինքնակառավարման հիմունքներով գործող պետական մարմնի և ԽՍՀՄ կենսաթոշակային ֆոնդի Լեռնային Ղարաբաղի մարզային բաժանմունքի լիիրավ իրավահաջորդի:

2. Վասիլի Արտյուշայի Ավետիսյանին նշանակել Լեռնային Ղարաբաղի Հանրապետության կենսաթոշակային ֆոնդի նախագահ:

*3. Հաստատել Լեռնային Ղարաբաղի Հանրապետության կենսաթոշակային ֆոնդի կանոնադրությունը /կցվումէ/:

4. Սահմանել, որ կենսաթոշակային ֆոնդը ինքնուրույն ֆինանսավարկային համակարգ է, որի դրամական միջոցները չեն մտնում հանրապետության պետական բյուջե:

5. Կենսաթոշակային ֆոնդն ազատել ֆինանսահաշվարկային գործառությունների համար նախատեսված բանկային մարմիններ մուծվող վճարներից, առևտրական և արտադրական գործունեությունից ստացված եկամուտներից, ինչպես նաև պետական և մաքսային տուրքերից պետական բյուջե մուծվող հարկերից:

6. Պետական բյուջեի հետ կենսաթոշակային ֆոնդի փոխհարաբերությունները կարգավորվում են Լեռնային Ղարաբաղի հարկային օրենսդրությամբ:

Ձեռնարկությունների ու կազմակերպությունների կողմից իրենց տրամադրության տակ մնացող շահույթի հաշվին կենսաթոշակային ֆոնդին փոխանցված գումարները դիտվում են որպես ֆոնդի սեփականություն և օգտագործվում են ըստ նպատակի:

7. Սահմանել, որ կենսաթոշակային ֆոնդի կառուցվածքը, կենտրոնական և տեղական մարմինների ապարատների աշխատողների թվաքանակը, ծախսերի նախահաշիվը, աշխատանքի վարձատրության կարգը հաստատվում է ԼՂՀ նախարարների խորհուրդը:

8. Հանձնարարել Լեռնային Ղարաբաղի Հանրապետության կենսաթոշակային ֆոնդի նախագահ Վ. Ավետիսյանին մեկ ամսվա ընթացքում Լեռնային Ղարաբաղի Հանրապետության նախարարների խորհրդի հաստատմանը ներկայացնել Լեռնային Ղարաբաղի Հանրապետության կենսաթոշակային ֆոնդի նախագահության և վերստուգիչ հանձնաժողովի կազմը: