ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՊԵՏԱԿԱՆ ԿՈՄԻՏԵ
ՈՐՈՇՈՒՄ
|
,,18,, նոյեմբերի 1992թ. |
h.121 |
ք. Ստեփանակերտ
ԼՂՀ կենսաթոշակային և զբաղվածության ֆոնդի մասին
ԼՂՀ Պաշտպանության պետական կոմիտեն որոշում է`
1. Հաստատել ԼՂՀ կենսաթոշակային և զբաղվածության ֆոնդի կանոնադրությունը /կցվում է/:
2. Պետական սոցիալական ապահովագրության մուծումների ժամանակին և լրիվ գանձումն ապահովելու նպատակով ԼՂՀ կենսաթոշակային և զբաղվածության ֆոնդին իրավունք վերապահել գործարաններից գանձելու`
ա/ ժամանակին չվճարված պետական սոցիալական ապահովագրության մուծումների գումարը.
բ/ ԼՂՀ կենսաթոշակային և զբաղվածության ֆոնդի հաշվին պետական սոցիալական ապահովագրության մուծումները հաշվարկելիս աշխատանքի վարձատրությանն ուղղված միջոցների թաքցրած կամ նվազեցրած գումարը.
գ/ պետական սոցիալական ապահովագրության մուծումների հասանելիք գումարը` ԼՂՀ կենսաթոշակային և զբաղվածության ֆոնդի ապահովադիրի գրանցումից խուսափելու դեպքում.
դ/ ԼՂՀ բանկերից պետական սոցիալական ապահովագրության մուծումները սահմանված ժամկետում ԼՂՀ կենսաթոշակային և զբաղվածության ֆոնդի հաշվին չհաշվեգրելու և չփոխանցելու յուրաքանչյուր ժամկետանց օրվա համար տույժ` այդ մուծումների գումարի 1 տոկոսի չափով:
Նշված գումարները և տույժը գործատուներից և ԼՂՀ բանկերից գանձվում են անվիճելիորեն, իսկ քաղաքացիներից` դատական կարգով և հաշվեգրվում են ԼՂՀ կենսաթոշակային և զբաղվածության ֆոնդի հաշվին:
3. ԼՂՀ բանկերին`
ա/ ապահովել պետական սոցիալական ապահովագրության մուծումների ամենօրյա փոխանցումը ԼՂՀ կենսաթոշակային և զբաղվածության ֆոնդի կենտրոնացված հաշվին.
բ/ ԼՂՀ կենսաթոշակային և զբաղվածության ֆոնդի ներկայացրած անվիճելիորեն գանձման մասին հանձնարարականները կատարել առաջնահերթ կարգով:
4. ԼՂՀ կենսաթոշակային և զբաղվածության ֆոնդին` ԼՂՀ ֆինանսների նախարարության և պետբանկի հետ համատեղ մեկշաբաթյա ժամկետում մշակել ու հաստատել ԼՂՀ բանկերի կողմից պետական սոցիալական ապահովագրության մուծումները ԼՂՀ կենսաթոշակային և զբաղվածության ֆոնդի հաշվին հաշվեգրելու կարգը:
5. Սահմանել, որ հանրապետության տարածքում գործող պետական և ոչ պետական հիմնարկությունները, ձեռնարկությունները, կազմակերպությունները, այդ թվում բանկերը պարտավոր են ԼՂՀ կենսաթոշակային և զբաղվածության ֆոնդի ու նրա տեղական մարմինների պահանջով ներկայացնել ֆոնդի գործունեությանն առնչվող անհրաժեշտ տեղեկություններ և ֆինանսական փաստաթղթեր:
6. ԼՂՀ կենսաթոշակային և զբաղվածության ֆոնդի միջոցների ձևավորման ու ծախսման կարգին վերաբերող օրենսդրական և այլ ակտերի նախագծերը համաձայնեցվում են ֆոնդի հետ:
7. ԼՂՀ կենսաթոշակային և զբաղվածության ֆոնդին` մեկ շաբաթյա ժամկետում մշակել և հաստատել ԼՂՀ-ում պետական սոցիալական ապահովագրության մուծումների գանձման, հաշվառման և այդ միջոցների ծախսման կարգի մասին հրահանգը:
8. Ուժը կորցրած ճանաչել ԼՂՀ նախարարների խորհրդի 1992 թվականի մայիսի 23-ի ,,ԽՍՀՄ կենսաթոշակային ֆոնդի Լեռնային Ղարաբաղի մարզային բաժանմունքը ԼՂՀ կենսաթոշակային ֆոնդի վերակազմավորելու մասին,, թիվ 36 որոշման 1-ին, 3-րդ, 4-րդ և 8-րդ կետերը:
|
ԼՂՀ Պաշտպանության պետական
կոմիտեի նախագահ` |
Ռ. Քոչարյան |
|
ԼՂՀ նախարարների խորհրդի
գործերի կառավարիչ` |
Վ. Թովմասյան |
| |
Հաստատված է
ԼՂՀ Պաշտպանության պետական
կոմիտեի 1992թ. ,,18,, նոյեմբերի
հ. 121 որոշմամբ |
ԿԱՆՈՆԱԴՐՈՒԹՅՈՒՆ
Լեռնային Ղարաբաղի Հանրապետության կենսաթոշակային և զբաղվածության ֆոնդի
1. Ընդհանուր դրույթներ
1. Լեռնային Ղարաբաղի Հանրապետության կենսաթոշակային և զբաղվածության ֆոնդը Լեռնային Ղարաբաղի Հանրապետության տարածքում սոցիալական ապահովագրության և սոցիալական ապահովության ֆինանսների կառավարման, զբաղվածության պետական քաղաքականության ֆինանսավորումն իրականացնող պետական մարմին է:
2. Լեռնային Ղարաբաղի Հանրապետության կենսաթոշակային և զբաղվածության ֆոնդը տնտհաշվարկի սկզբունքով գործող ինքնուրույն ֆինանսական համակարգ է, որի դրամական միջոցները չեն մտնում հանրապետական բյուջե:
3. Լեռնային Ղարաբաղի Հանրապետության կենսաթոշակային զբաղվածության ֆոնդն իր գործունեության ընթացքում ղեկավարվում է Լեռնային Ղարաբաղի Հանրապետության օրենքներով, Լեռնային Ղարաբաղի Հանրապետության Գերագույն խորհրդի որոշումներով, Լեռնային Ղարաբաղի Հանրապետության ու կառավարության որոշումներով և կարգադրություններով, սույն կանոնադրությամբ:
2. Լեռնային Ղարաբաղի Հանրապետության կենսաթոշակային զբաղվածության ֆոնդի նպատակները և խնդիրները
4. Լեռնային Ղարաբաղի Հանրապետության կենսաթոշակային և զբաղվածության ֆոնդի գլխավոր նպատակը հանրապետության քաղաքացիների սոցիալական ապահովագրության և զբաղվածության պետական քաղաքականության իրականացման ֆինանսական ապահովումն է:
5. Լեռնային Ղարաբաղի Հանրապետության կենսաթոշակային և զբաղվածության ֆոնդի խնդիրներն են`
ա/ ապահովել ֆոնդի պետական սոցիալական ապահովագրության սահմանված մուծումների գանձումը, հաշվառումը և կուտակումը.
բ/ ապահովել սոցիալական ապահովագրության և սոցիալական ապահովության, հանրապետության բնակչության զբաղվածության ծրագրերի իրականացման հետ կապված ծախսերի ֆինանսավորումը.
գ/ մասնակցել կենսաթոշակառուներին, հաշմանդամներին, երեխաներին, գործազուրկներին սոցիալական աջակցություն ցույց տալու հանրապետական տարածքային ծրագրերի ֆինանսավորման գործին.
դ/ սոցիալական ապահովության և զբաղվածության հարցերով, իր իրավասության սահմաններում, համագործակցել արտերկրյա համապատասխան մարմինների հետ:
6. Իր նպատակների իրագործման և խնդիրների լուծման համար Լեռնային Ղարաբաղի Հանրապետության կենսաթոշակային և զբաղվածության ֆոնդը`
ա/ կազմակերպում է պետական սոցիալական ապահովագրության մուծումների գանձումը, հաշվառումը, կուտակումը, վերարտադրությունը և այդ միջոցների արդյունավետ ու նպատակային օգտագործումը:
Լեռնային Ղարաբաղի Հանրապետության հարկային պետական տեսչության մարմինների հետ համատեղ իրականացնում է մուծումների ժամանակին և լրիվ մուտքը ֆոնդի հաշվին.
բ/ ֆոնդը մուծումների գանձումը, հաշվառումը, կուտակումը և միջոցների ծախսումը կատարում է ֆոնդի նախագահության կողմից հաստատված հրահանգի համաձայն.
գ/ իրականացնում է վերահսկողություն գործատուների, սոցիալական ապահովության ու զբաղվածության տարածքային մարմինների կողմից ֆոնդի միջոցների ճիշտ և նպատակային ծախսումների նկատմամբ.
դ/ մասնակցում է սոցիալական զարգացման և ժողովրդի բարեկեցության բարձրացմանն ուղղված հանրապետական ծրագրերի նախապատրաստման աշխատանքներին.
ե/ մասնակցում է կենսարժողության դասիչի փոփոխման հետ կապված կենսաթոշակների բարձրացման կարգի և չափի մասին առաջարկությունների նախապատրաստմանը կամ մշակում է այդ առաջարկությունները.
զ/ կազմակերպում և ապահովում է ֆոնդին տրված նվիրատվությունների, հանգանակությունների, այլ դրամական միջոցների հաշվառումը և ֆոնդի նախագահության որոշմամբ սահմանում դրանց օգտագործման ուղղությունները.
է/ տալիս է պետական սոցիալական ապահովագրության մուծումների գանձման, հաշվառման, կուտակման և այդ միջոցների ծախսման կարգի վերաբերյալ հրահանգչական ցուցումներ և պարզաբանումներ.
ը/ ֆոնդի կողմից իրականացվող միջոցառումներին ներգրավում է այն հասարակական կազմակերպությունների ներկայացուցիչներին, որոնց գործունեությունն առնչվում է կենսաթոշակառուների, հաշմանդամների, երեխաների և գործազուրկների շահերի պաշտպանությանը.
թ/ սահմանված կարգով կազմում է ֆինանսահաշվապահական հաշվետվություններ և պատասխանատվություն է կրում դրանց հավաստիության համար.
ժ/ իր իրավասության սահմաններում Լեռնային Ղարաբաղի Հանրապետության տարածքում գտնվող բանկային հիմնարկներից պահանջում է տեղեկություններ, որոնց հիման վրա կազմակերպում է գործատուների կողմից ապահովագրական մուծումների հատկացման, վճարման և նրանց հաշվից կատարված ծախսերի ֆինանսահաշվարկային փաստաթղթերի ստուգումներ:
3. Լեռնային Ղարաբաղի Հանրապետության կենսաթոշակային և զբաղվածության ֆոնդի միջոցները
Լեռնային Ղարաբաղի Հանրապետության կենսաթոշակային և զբաղվածության ֆոնդի միջոցները գոյանում են`
ա/ Լեռնային Ղարաբաղի Հանրապետության տարածքում գործող հիմնարկ-ձեռնարկությունների, կազմակերպությունների, կոոպերատիվների, համատեղ ձեռնարկությունների, հասարակական կազմակերպությունների, գյուղացիական կոլեկտիվ տնտեսությունների, առանձին քաղաքացիների աշխատանքի վարձող անձանց, անկախ սեփականության ձևից և տնտեսավարման եղանակից, անհատական աշխատանքային գործունեությամբ, այդ թվում անհատական /կոլեկտիվ/ վարձակալությամբ կամ գյուղացիական տնտեսություններում զբաղված անձանց սոցիալական ապահովագրության մուծումներից, ինչպես նաև քաղաքացիների պարտադիր ապահովագրական մուծումներից` Լեռնային Ղարաբաղի Հանրապետության կառավարության սահմանած չափերին համապատասխան.
բ/ հանրապետական և տեղական բյուջեներից կատարվող հատկացումերից.
գ/ ռեգրեսիվ հայցերով ստացված միջոցներից.
դ/ գործատուների լրացուցիչ հատկացումներից` ԼՂՀ Պաշտպանության պետական կոմիտեի 1992 թվականի սեպտեմբերի 8-ի թիվ 107 որոշման համապատասխան օրենքի 11 և 19 հոդվածներով նախատեսված դեպքերում.
ե/ հանրապետության և այլ պետությունների գործատուների, հասարակական-քաղաքական կազմակերպությունների և քաղաքացիների կամավոր մուծումներից.
զ/ ինքնուրույն ֆինանսատնտեսական գործունեության շնորհիվ ձեռք բերված գումարներից և այլ մուծումներից:
8. Լեռնային Ղարաբաղի Հանրապետության կենսաթոշակային և զբաղվածության ֆոնդի միջոցները ծախսվում են հետևյալ նպատակներով`
ա/ օրենսդրությամբ սահմանված բոլոր տեսակի կենսաթոշակների վճարման համար.
բ/ երեխայի խնամքի և յուրաքանչյուր երեխայի համար ամենամսյա նպատակների վճարման, մայրության և մանկության պահպանության համար.
գ/ կենսարժողության դասիչի փոփոխության հետ կապված կենսաթոշակի չափի բարձրացման համար.
դ/ գործազրկության նպատակների վճարման, չզբաղված բնակչությանն օգնության ցուցաբերման, աշխատանքի տեղավորման գործում միջնորդության, մասնագիտական կողմնորոշման, գործազուրկների մասնագիտական պատրաստման, նրանց որակավորման բարձրացման և վերամասնագիտացման կազմակերպման համար.
ե/ ֆոնդի ընթացիկ գործունեությունը ու ապարատի և համակարգի կառուցվածքային ստորաբաժանումների պահպանումն ու զարգացումն ապահովելու համար.
զ/ ֆոնդի նյութատեխնիկական բազայի ստեղծման, զարգացման և օրենսդրությամբ սահմանված այլ վճարումների համար.
է/ ֆինանսատնտեսական գործունեության իրականացման համար.
ը/ բնակչության շրջանում ֆոնդի խնդիրների վերաբերյալ բացատրական աշխատանքի և այլ միջոցառումների անցկացման համար.
թ/ բնակչության առավել կարիքավոր խավերին սոցիալական աջակցություն ցույց տալու համար.
4. Լեռնային Ղարաբաղի Հանրապետության կենսաթոշակային և զբաղվածության ֆոնդի կառավարումը.
9. Լեռնային Ղարաբաղի Հանրապետության կենսաթոշակային և զբաղվածության ֆոնդի համակարգն ընդգրկում է ֆոնդի վարչատարածքային մարմինների ամբողջությունը:
10. Ֆոնդի կառավարման մարմինն է ֆոնդի վարչությունը, որի անհատական կազմը հաստատում է Լեռնային Ղարաբաղի Հանրապետության կառավարությունը` ֆոնդի նախագահի ներկայացմամբ:
Ֆոնդի վարչության կազմում ընդգրկվում են Լեռնային Ղարաբաղի Հանրապետության էկոնոմիկայի պետական կոմիտեի, Լեռնային Ղարաբաղի Հանրապետության ֆինանսների նախարարության, հարկային տեսչության, Լեռնային Ղարաբաղի Հանրապետության աշխատանքի և սոցիալական ապահովության վարչության, Լեռնային Ղարաբաղի Հանրապետության առողջապահության նախարարության, Լեռնային Ղարաբաղի Հանրապետության բանկի ղեկավարները կամ նրանց տեղակալները:
Ֆոնդի վարչության կազմում կարող են ընդգրկվել նաև պետական և հասարակական այն կազմակերպությունների ներկայացուցիչները, որոնց գործունեությունը կապված է կենսաթոշակառուների, հաշմանդամների, գործազուրկների և երեխաների շահերի պաշտպանության հետ:
11. Ֆոնդի նախագահին պաշտոնի է նշանակում Լեռնային Ղարաբաղի կառավարությունը:
12. Ֆոնդի վարչությունը`
ա/ ֆոնդի նախագահի ներկայացմամբ պաշտոնի է նշանակում ֆոնդի նախագահի տեղակալներին, կառուցվածքային ստորաբաժանումների ղեկավարներին.
բ/ մշակում և հաստատում է Լեռնային Ղարաբաղի Հանրապետության կենսաթոշակային և զբաղվածության ֆոնդի միջոցների գոյացման կարգը.
գ/ հաստատում է ֆոնդի բյուջեն և ծախսերի նախահաշիվը, ինչպես նաև դրանց կատարման մասին հաշվետվությունը.
դ/ նախապատրաստում է առաջարկություններ սոցիալական ապահովության մուծումների չափի, ֆոնդի միջոցների գոյացման, դրանց գրանցման, հաշվառման ու կուտակման կարգի մասին և ներկայացնում Լեռնային Ղարաբաղի Հանրապետության կառավարություն` հաստատման.
ե/ հաստատում է ֆոնդի կառուցվածքը, հաստիքները և ծախսերի նախահաշիվը, համակարգի աշխատողների աշխատանքի վարձատրության կարգը, համակարգի տեղական մարմինների կանոնադրություններն ու հրահանգները.
զ/ հաստատում է ֆոնդի վերստուգիչ հանձնաժողովի կանոնադրությունը.
է/ ֆոնդը ներկայացնում է պետական և հասարակական կազմակերպությունների, ինչպես նաև` արտասահմանյան և միջազգային կազմակերպությունների հետ հարաբերություններում.
ը/ ընթացիկ հարցերի լուծման համար կազմում է ֆոնդի վարչության 7 անդամներից բաղկացած նախագահություն:
13. Ֆոնդի վերստուգիչ հանձնաժողովը ստուգում է Լեռնային Ղարաբաղի Հանրապետության կենսաթոշակային և զբաղվածության ֆոնդի համակարգի ֆինանսատնտեսական գործունեությունը:
Լեռնային Ղարաբաղի Հանրապետության կենսաթոշակային և զբաղվածության ֆոնդի վերստուգիչ հանձնաժողովի կազմը հաստատում է ֆոնդի նախագահությունը` ֆոնդի նախագահի ներկայացմամբ: Հանձնաժողովի կազմում ընդգրկվում են Լեռնային Ղարաբաղի Հանրապետության աշխատանքի և սոցիալական ապահովության վարչության, կենսաթոշակային և զբաղվածության ֆոնդի, ինչպես նաև այն հասարակական կազմակերպությունների ներկայացուցիչները, որոնց գործունեությունը կապված է կենսաթոշակառուների, հաշմանդամների, գործազուրկների և երեխաների շահերի պաշտպանության հետ:
Հանձնաժողովն անդրանիկ նիստում ընտրում է հանձնաժողովի նախագահ և տեղակալ:
5. Ֆոնդի կարգավիճակը.
14. Լեռնային Ղարաբաղի Հանրապետության կենսաթոշակային և զբաղվածության ֆոնդն իրավաբանական անձ է, ունի Լեռնային Ղարաբաղի Հանրապետության պետական զինանշանի պատկերով և իր անվամբ կնիք:
15. Լեռնային Ղարաբաղի Հանրապետության կենսաթոշակային և զբաղվածության ֆոնդի նախագահության գտնվելու վայրն է Ստեփանակերտ քաղաքը:
16. Լեռնային Ղարաբաղի Հանրապետության կենսաթոշակային և զբաղվածության ֆոնդը լուծարվում կամ վերակազմավորվում է Լեռնային Ղարաբաղի Հանրապետության կառավարության որոշմամբ:
17. Լեռնային Ղարաբաղի Հանրապետության կենսաթոշակային և զբաղվածության ֆոնդը` ներառյալ իր ֆինանսատնտեսական գործունեությունից ստացվող գումարները, օրենքով սահմանված կարգով ազատվում է հարկերի վճարումից: